LGU-Bayambang Accomplishments - April 2025

LGU-Bayambang Accomplishments - April 2025

 

EDUCATION FOR ALL

 

- (LSB, Library, DepEd)

 

 Unang Batch ng Events Management Scholars, Nagtapos

 

Noong April 28, tinanggap ng mga iskolar ang kanilang Certificate of Completion matapos nilang matagumpay na makumpleto ang 14-day course sa Events Manangement na hatid ng Gintong Aral at ng HERO Group. Ang nasabing kurso ay naglalayong bigyang-kaalaman at kasanayan ang mga Bayambangueño sa larangan ng maayos at propesyonal na pamamahala ng anumang uri event.

 

 

HEALTH FOR ALL

 

- Health (RHUs)

 

DOH, Bumisita upang Imonitor ang Nutrition Program ni PBBM

 

Noong April 24, dumalaw ang Department of Health - Center for Health Development - Region I sa tanggapan ni Mayor Niña upang imonitor ang implementasyon ng Philippine Multi-sectoral Nutrition Program (PMNP) ng Pangulong Ferdinand 'Bongbong' Marcos Jr. sa Bayambang na may pondong P772,000 noong nakaraang taon. Ipinakita ng Municipal Health Office kasama ang Municipal Nutrition Action Office sa DOH ang mga pinaglaanan ng nasabing pondo kabilang ang Lactation Management Education Training para sa mga health at nutrition worker at training para sa lahat ng miyembro ng Nutrition Support Group.

 

Komprehensibong Serbisyo sa Bayan - Year 8, Sinimulan sa Idong

 

Ang Komprehensibong Serbisyo sa Bayan ay nasa ikawalong taon na, at ang unang bugso ng mga serbisyo ng Munisipyo ay dinala sa Idong-Inanlorenza Elementary School sa Brgy. Idong. Ang KSB ay muling pinamunuan ni RHU III head, Dr. Roland Agbuya, sa taong ito. Daan-daang residente ng Brgy. Idong, Inanlorenza, at Sanlibo ang nag-avail ng iba't ibang serbisyong medikal at non-medical, at sila tinatayang nakatipid ng libu-libong piso.

 

 

- Nutrition (MNAO)

 

 

- Sports and Physical Fitness (MPFSDC)

 

 

 

- Veterinary Services (Mun. Vet.)

 

 

– Slaughterhouse

 

 

 PROTECTION OF WOMEN AND CHILDREN

 

 

- Social Services (MSWDO, MAC)

 

1,699 Pre-K Learners, Nagsipagtapos

 

May 1,699 na pre-kindergarten learners mula sa 78 na Child Development Centers ng Bayambang ang nagsipagtapos sa magkakahiwalay na Moving-Up Ceremony mula April 22 hanggang April 25 sa Pavilion I ng St. Vincent Ferrer Prayer Park. Ang programa ay inorganisa ng MSWDO, Child Development Focal Person, at Bayambang CDW Federation. Kabilang sa mga naging panauhing pandangal at tagapagsalita si SK Federation President Marianne Cheska Dulay.

 

4Ps Sustainability Plan 2024 at 2025, Tinutukan sa MAC Meeting

 

Sa isinagawang pulong ng Municipal Advisory Council (MAC) noong April 29, naging sentro ng usapin ng DSWD Municipal Operations Office ang isinagawang Sustainability Plan para sa 868 benepisyaryong grumaduate o nag-exit mula sa 4Ps noong nakaraang taon. Bukod dito, inilahad din ang panukalang Sustainability Plan 2025 para sa tinatayang 2,803 na graduating at exiting 4Ps household beneficiaries sa darating na Setyembre 2025.

 

Dalawang Benepisyaryo, Binigyan ng Kubo

 

Dalawa na namang benepisyaryo ang nabiyayaan ng munting bahay kubo, salamat sa lahat ng bumili ng mga pre-loved items sa mga nakaraang Ukay for a Cause at sa lahat ng sumali sa nakaraang fun run. Sila ay ang PNP CHeckpoint sa Brgy. Wawa at ang pamilya ni Jackielyn Dumlao Castillo ng Brgy. Caturay, na inirekomenda ng MSWDO at DSWD. Nagpapasalamat ang PNP at ang pamilya Castillo sa lahat ng tumulong at nakiisa sa mga naturang fund-raising activities. Natulung-tulong sa turnover ceremony ang Administrator's Office, MSWDO, DSWD, at Engineering Office.

 

 

 

- Civil Registry Services (LCR)          

 

 

 

- Environmental Protection (MENRO, ESWMO)

 

Municipal Team, Muling Nagvalidate para sa Kalinisan sa Bagong Pilipinas Program

 

Noong April 14 21 hanggang 16, nagsagawa ng validation at assessment activity ang Municipal Validation and Assessment Task Team sa iba't ibang barangay para sa first quarter ng taong 2025. Ito ay upang suriin at tiyakin kung maayos na naipatutupad ng mga barangay ang Barangay Road Clearing Operations, Halina't Magtanim ng Prutas at Gulay, at ang Quarterly Assessment for Cleanest Barangays, sa ilalim ng "Kalinisan sa Bagong Pilipinas Program" ng Pangulong Ferdinand Bongbong Marcos.

 

 

 

- Youth Development (LYDO, SK)

 

 

 

 

 

- Peace and Order (BPSO, PNP, DILG)

 

Oplan Semana Santa at Summer Vacation, Matagumpay na Naimplementa

 

Sa direktiba ni Mayor Niña Jose-Quiambao, naging alerto ang buong Municipal Peace and Order Council upang masiguro na tahimik at payapa ang paggunita ng Semana Santa sa apat na simbahang Katolika sa Bayambang. Nagtulung-tulong ang PNP, BFP, POSO,

 

Pagbilad ng mga Ani at Pagpark sa mga Daan at Sidewalk, Mariing Ipagbabawal!

 

Ang Bayambang Public Safety Office at PNP-Bayambang ay nag-inspeksyon sa mga daan sa iba't-ibang barangay sa tulong ng mga barangay official matapos magrequest ang Department of Public Works and Highways sa LGU na mariing ipagbawal ang pagpapaaraw ng kanilang mga ani at pagpark ng mga sasakyan sa mga daan at sidewalk dahil labag ito sa batas at upang maiwasan ang aksidente sa mga motorista. Inaabisuhan ang lahat na mahigpit na sundin ang naturang batas.

 

LGU-Bayambang, Handang-handa na para sa Ligtas at Mapayapang Halalan

 

Bilang bahagi ng pagtiyak sa isang maayos, ligtas, at mapayapang halalan, naging puspusan ang paghahanda ng Lokal na Pamahalaan katuwang ang iba’t ibang ahensya ng gobyerno. Kasama sa mga hakbangin ng LGU ang pagpapatupad ng mahigpit na seguridad sa mga polling precincts, pag-deploy ng karagdagang mga pulis at tanod, at pagbibigay ng impormasyon sa publiko hinggil sa tamang asal sa panahon ng pagboto. Nakahanda rin ang mga emergency response team upang agad na tumugon sa anumang insidente.

 

 

AGRICULTURAL MODERNIZATION - (MAO)

 

Agriculture Office, Nagbigay ng Libreng Soil Fertility Management Training

 

Noong April 15, ang Municipal Agriculture Office ay nagbigay ng libreng Soil Fertility Management Training sa ilalim ng Organic Banner nito sa Brgy. Banaban para sa mga miyembro ng Gabay sa Bagong Pag-asa Cluster. Ang mga resource speaker ay nagmula sa DA Field Office 1 at kanilang tinalakay ang mga paksa ukol sa organikong pag-aalaga ng lupa. Ayon sa MAO, ang malusog na lupa ay numero unong dahilan para umani at kumita ng mas malaki.

 

Provincial at Municipal Veterinarians, Naghandog ng mga Libreng Serbisyo

 

Noong April 29, ang Provincial Veterinary Office ay naghandog ng iba't ibang libreng veterinary services sa Zone VII Covered Court kasama ang veterinary team ng Agriculture Office. Kabilang dito ang libreng konsultasyon, bakuna sa rabies, deworming, vitamins, gamot, at information campaign. May 178 na residente o pet owners ang nag-avail ng mga libreng serbisyo, kabilang ang 305 anti-rabies vaccinations, 321 deworming cases, 90 na treatment, 192 na consultations, at pamamahagi ng 176 vitamin packs.

 

 

JOBS AND LIVELIHOOD FOR ALL

 

- Livelihood and Employment (PESO, BPRAT)

 

PESO, May Special Recruitment Activity Muli

 

Noong Abril 22 at 23, nagsagawa ng dalawang special recruitment activity ang PESO-Bayambang katuwang ang Aquavir International at Sutherland para sa paghahanap ng mga aplikante sa trabaho. Ang aktibidad ay may 69 registered applicants at 22 interviewees.

 

 

- Economic Development (SEE)

 

 

- Cooperative Development (MCDO) 

 

 

- Tourism, Culture, and Arts (MTICAO)

 

Pista’y Baley 2025, Naging Maningning!

 

Gaya ng nakasaad sa tema ngayong taon, tunay na naging mangkirlap at nagniningning ang Bayambang Pista'y Baley 2025!

•           Nagsimula ang kapistahan noong Marso 31 sa isang groundbreaking ceremony para sa rehabilitasyon ng Carlos P. Romulo Bridge sa Brgy. Wawa.

 

•           Kasabay nito ay ang Farmers' Day Celebration na kinatampukan ng isang trade fair, singing contest, booth-making contest, at “Pinaka-” contest sa Events Center.

 

•           Kasunod nito ay nagkaroon ng isang thanksgiving mass sa naturan ding venue.

 

•           Ito ay agad na sinundan ng isang grand street parade na may street dancing exhibition sa paligid ng población.

 

•           Ito ay nagtapos sa isang grand opening program sa municipal plaza.

 

•           Kinagabihan ay ginanap ang kauna-unahang Binibeking Bayambang 2025, kung saan nagpatalbugan ang mga miyembro ng LGBTQI community, at itinanghal na grand winner si Bb. Rhianna Cerezo Poquiz mula sa Brgy. San Gabriel 2nd.

 

•           Sa April 1 ng umaga, nagpakitang gilas ang mga musmos na kabataan sa Little Mr. & Ms. Bayambang 2025, kung saan nasungkit ni Marcus Jacob Lasquite mg Barangay Buayaen ang titulong Little Mr. Bayambang 2025, at ni Rhed Izumi Castañares ng Barangay Zone VI ang Little Ms. Bayambang 2025.

 

•           Kinagabihan, nagtipon-tipon naman ang mga barangay officials sa Barangay Night sa public plaza upang iselebra ang kanilang mga accomplishment sa panunungkulan. Pinarangalan ang Brgy. Sancagulis at Brgy. Hermoza dahil sa kanilang pagkakapasa sa pinkahuling audit para sa Barangay Seal of Good Local Governance g DILG.

 

•           Kinilala ang anim na natatanging indibidwal sa Matalunggaring Awards 2025 noong Abril 2, sa Pavilion 2 ng St. Vincent Ferrer Prayer Park. Sila ay sina Oracle Philippines  Country Managing Director Maria Mina Mataban Lim; doctor to the barrios, Dr. Amado M. Layog; banker at philanthropist Agnes Brillante-Santos; medical pioneer, Dr. Ernesto Trinidad Mataban; retired priest, Rev. Msgr. Orlando Sabangan PC; at escrima master Leovigildo Miguel Giron.

 

•           Kinagabihan naman ay ginanap ang LGU Employees' Night kung saan hinarana ang lahat ng mga kawani ng lokal na pamahaaan ng singer na si Bugoy Drilon.

 

•           Noong April 3, nagbukas ang maraming oportunidad sa mga naghahanap ng trabaho, sa ginanap na Job Fair: Trabaho Para sa Lahat, kung saan mayroong 21 na kumpanya ang nakilahok. May 149 na aplikante naman ang dumating, kung saan 80 sa kanila ang qualified at 30 naman ang hired on the spot.

 

•           Kinagabihan ay ginanap ang koronasyon ng Binibining Bayambang 2025, kung saan itinanghal na winner si Faten Muhammad Sharan ng Brgy. Malimpec. Naging maringal at maningning ang gabi dahil sa pagdating ng beauty queen na si Nicole Cordoves at ang Bayambangueño actor na si Wendell Ramos bilang mga hurado at ang teenage heartthrob na si Kyle Echarri na siyang nagharana sa mga binibini.

 

•           Nagtipon ang mga negosyante at tsuper sa Business & Transport Group Day noong April 4 sa Prayer Park upang magkaroon din ng sariling pagdiriwang, na kinabilangan ng talent competition, raffle draw, atbp.

 

•           Kinagabihan nito, ginanap ang tradisyunal na Balikbayan Night 2025, kung saan tampok ang pagtatanghal ni Mr. Ariel Rivera.

 

•           Sa huling araw ng pagdiriwang, noong Abril 5, itinaas ang St. Vincent Ferrer Church bilang isang Archdiocesan Shrine sa pangunguna ni Archbishop Socrates Villegas. Ito ay isang taimtim na seremonya na kinabilangan ng isang prusisyon, misa, at pagbabasbas ng official shrine marker.

 

•           Nagtapos ang pagdiriwang ng 411th town fiesta ng Bayambang sa tradisyunal na Kalutan Concert sa PSU-Bayambang grounds, kung saan pinasiklab ang venue ng bandang Parokya ni Edgar at nig Asia’s songbird, Ms. Regine Velasquez.

 

Bb. Bayambang Alumna, Contender sa Bb. Pilipinas 2025!

 

Noong April 14, isang sashing ceremony ang isinagawa ng LGU bilang pagkilala kay Bb. Jenesse Victoria Mejia bilang opisyal na kandidata sa prestihiyosong Binibining Pilipinas 2025 beauty pageant. Si Mejia ay isang Bb. Bayambang 2018 alumna at aktibong miyembro ng Binibining Bayambang Foundation, at may adbokasiya para sa edukasyon at iba pang gawaing pangkomunidad

 

- Infrastructure Development (Engineering: Infra, Housing, Transport, Utilities, etc.)

 

Mga Kalsada sa Poblacion, Isinaayos

 

Ilang pangunahing kalsada sa Poblacion area ang inaspalto sa tulong ng Provincial Engineering Office mula April 8 hanggang 10, sa pakikipag-ugnayan ng LGU-Bayambang sa provincial government. Kabilang sa inaspalto ang Quezon Blvd., Burgos Street, Bonifacio Street, at Juan Luna Street.

 

BPRAT, Nag-update ukol sa Economic and Infrastructure Development Projects

 

Isang quarterly meeting ukol sa mga kasalukuyan at nakahanay na proyekto at aktibidad sa economic at infrastructure sector ang isinagawa ng Bayambang Poverty Reduction Action Team noong April 21. Nagbigay ng update ang BPRAT  ukol sa progreso ng mga target objectives ng sektor at tinalakay ang mga nararapat na aksyon upang lubos na maisakatuparan ang pagyabong ng ekonomiya at imprastraktura sa bayan ng Bayambang.

 

Dry Run para sa Temporary Bus Station sa Central School, Isinagawa

 

Noong April 29, isang briefing ang isinagawa para sa mga driver ng bus, UV Express, at jeepney kaugnay ng dry run ng operasyon sa pansamantalang bus station na matatagpuan sa lumang Central School malapit sa Bonifacio Street. Pinangunahan ito ni BPSO Chief Leonardo Solomon upang ipaliwanag ang mga patakaran ng terminal, loading at unloading ng pasahero, at pagpapanatili ng kaayusan at kaligtasan, upang maging maayos ang daloy ng trapiko sa sentro ng bayan.

 

 

 

DISASTER RESILIENCE - (MDRRMO)        

 

Mayor Niña, Pinulong ang MDRRM Council para sa 2Q (NOTE: read as "Second Quarter")

 

Noong April 10, pinangunahan ni Mayor Niña Jose-Quiambao ang second quarter meeting ng Municipal Disaster Risk Reduction and Management Council (MDRRMC) ng Bayambang sa koordinasyon ni MDRRMC Secretariat sa ilalim ni Local DRRM Officer Genevieve Uy. Kabilang sa mga tinalakay ang rebisyon ng Local DRRM Fund para sa taong 2025, gayundin ang pag-apruba ng resolusyon sa paggamit ng Trust Fund na inaasahang magpapabilis sa implementasyon ng mga proyekto para sa disaster preparedness.

 

MDRRMC, Pinaigting ang Oplan SumVac

 

Ang MDRRM Council ng Bayambang ay naging alerto para sa Operation SumVac o Summer Vacation 2025. Sa tulong ng MDRRMO, PNP, BFP, mga RHU, BPSO, at mga Barangay DRRM Council, nagsagawa ng mga hakbang upang matiyak ang kaligtasan at kaayusan ng mga mamamayan at mga bisita sa panahon ng tag-init. Kabilang dito ang pagsubaybay sa mga aktibidad sa Ilog Agno, mga resort at iba pang mga pasyalan; pagpapanatili ng maayos na daloy ng trapiko; pagtugon sa pangangailangan ng mga pasahero sa mga terminal; pagpapaigting ng sistema sa pag-uulat ng mga Barangay DRRM Council; at pagpapataas ng police visibility.

 

HONEST & EFFICIENT PUBLIC SERVANTS 

 

ARTA Requirements ng mga Barangay, Tinalakay sa Pulong

 

Noong April 30, pinulong ng LGU at DILG ang mga barangay upang ipaalam sa lahat ang ukol sa implementasyon ng Anti-Red Tape Authority (ARTA) Advisory No. 2025-009. Ayon sa advisory, ang lahat ng mga Barangay LGU ay kinakailangang magsumite ng sumusunod na mga dokumento hanggang May 31, 2025 sa pamamagitan ng Local Committee on Anti-Red Tape: Barangay Citizens’ Charter at Certificate of Compliance, Barangay Client Satisfaction Measurement Report, at Barangay Initial Reengineering Plan.

 

- Planning and Development (MPDO)

 

 

 

- Legal Services (MLO)

 

 

 

- ICT Services (ICTO)

 

LGU Offices, Nagpresenta ng Management Report

 

Noong April 8, isang review meeting ang ginanap para sa management report ng bawat opisina ng LGU kaugnay ng compliance sa ISO standards. Ito ay dinaluhan ni Mayor Niña upang ma-address ang ibat ibang isyu. Sinuri naman ng Internal Quality Audit team ang mga nagawang inisyatibo, at tinukoy kung paano pa mas lalong mapapabuti ang serbisyo ng bawat departamento.

 

Information Security Policy ng LGU, Tinalakay sa TWG Meeting

 

Noong April 24, pinulong ng ICT Office ang lahat ng miyembro ng IT Technical Working Group upang talakayin ang 'Information Security Policy' ng LGU. Layunin ng pulong na paigtingin ang kakayahan ng mga opisina sa pagharap sa mga hamon ng makabagong teknolohiya, lalo na pagdating sa seguridad ng datos na nakakalap ng LGU o mga impormasyong nagmumula rito.

 

 

 IQA Team Post-Audit Meeting, Ginanap

 

Noong April 22, nagsagawa ang Internal Quality Audit Team ng LGU ng isang post-audit meeting upang pagtuunan ng pansin kung paano lalong mapapaigting ang mga proseso sa trabaho, hindi lamang upang masunod ang pamantayan, kundi upang patuloy na maitaas ang antas ng serbisyo publiko sa Bayambang. Kasama rin sa mga deliberasyon ang mga estratehiya para sa mga susunod na internal quality audit at ang mga kinakailangang training upang lalo pang hasain ang kakayahan ng IQA Team.

 

 

 

 

 

- Human Resource Management (HRMO)

 

 

 

- Transparency/Public Information (PIO)

 

Member ng Philpost BOD na taga-Bayambang, Bumisita

 

Noong April 10, nagcourtesy call kay Mayor Nina ang isang bagong talagang miyembro ng Board of Directors ng Philpost o Philippine Post Office na taga-Bayambang na si Director Noel V. Dacasin, dating Postmaster ng Manila Central Post Office. Sa kanilang pag-uusap ni Municipal Administrator, Atty. Rodelynn Rajini Sagarino-Vidad, kasama si Philpost Bayambang head Thelma O. Ramos, kanyang nabanggit ang posibleng partnership ng ahensya sa LGU para sa future projects.

 

2nd Quarter Execom Meeting, Pinangunahan ni Mayor Niña

 

Noong April 10, pinangunahan ni Mayor Niña Jose-Quiambao ang isang Executive Committee Meeting para sa second quarter ng taon sa Mayor's Conference Room. Kasama sa pulong sina SATOM, Dr. Cezar Quiambao, at Municipal Administrator at mga concerned department head. Kanilang kinumusta ang lahat ng naglalakihang proyekto sa bayan kabilang ang apat na gusali ng LGU sa Magsaysay, National Irrigation

 

COA Exit Conference, Ginanap

 

Noong April 16, ang Commission on Audit ay nagsagawa ng isang exit conference bilang parte ng preparasyon sa Annual Audit Report ng ahensya para sa lahat ng transaksyon ng LGU sa Calendar Year 2024, kabilang ang Management Letter on the Philippine Rural Development Project. Tinalakay sa exit conference ang kanilang audit observations and recommendations at ang implementasyon ng audit recommendations sa nakaraang taon. s

 

- Property Custodial Services (GSO, Motorpool)

 

 

 

AWARDS AND RECOGNITIONS

 

 

LEGISLATIVE ENACTMENTS - (SB)

 

Liga ng mga Barangay, Nagpulong

 

Noong April 15, ang mga Punong Barangay at Barangay Kagawad ay pinulong sa SB Session Hall. Sila ay pinaalalahanan ng bagong COMELEC Officer na si Reina Corazon Ferrer ng mga dapat tandaan sa panahon ng kampanya at eleksyon. Nagpaalala naman si Municipal Local Government Operations Officer Editha Soriano ukol sa mga requirements gaya ng implementasyon ng Kalinisan sa Bagong Pilipinas Program, ARTA, Citizen's Charter, at Tax Ordinance.