Monday Report – May 26, 2025

 

Monday Report – May 26, 2025

[INTRO]

NEWSCASTER 1: Magandang Monday morning, Bayambang! Ako po si Councilor Amory Junio.

NEWSCASTER 2: At ako naman po si Councilor Levinson Nessus Uy, at kami po ay mula sa Sangguniang Bayan ng Bayambang.

NEWSCASTER 1: Narito na ang buong puwersa ng LGU-Bayambang...

NEWSCASTER 2: Maghahatid sa inyo ng mga maiinit at napapanahong balita...

SABAY KAYO: Ito ang…. BayambangueNews!

***

[SALITAN NA KAYO RITO]

 

1.       Mayor Niña at SATOM, Pinangunahan ang Pagsusuri sa Progreso at Plano ng Bayan

Pinangunahan nina Mayor Niña at SATOM Cezar Quiambao ang Executive Committee Meeting para talakayin ang progreso at plano ng LGU sa larangan ng imprastraktura, transportasyon, at ekonomiya. Nilinaw nila ang mga hakbang para mapabuti ang serbisyo publiko, tulad ng mabilis na pagproseso ng mga permit at pag-usad ng Central Bus Terminal. Sinuri rin ang pagtupad sa mga target at binigyang-diin ang maayos na koordinasyon ng mga ahensya.

 

2.       Mobile Blood Drive sa Sapang, Nakaipon ng 43 Blood Bags

Isang mobile blood donation drive ang isinagawa ng RHU I sa Brgy. Sapang noong May 20, sa pakikipagtulungan ng Philippine Red Cross – San Carlos City Chapter. May 63 na katao ang nagparehistro upang mag-donate ng dugo, at 43 sa kanila ang naging successful donors. May kabuuang 43 bags ang nakolektang dugo ng RHU mula sa nasabing bloodletting drive.

 

3.       Painting Contest, Ginanap sa International Museum Day 2025

Bilang bahagi ng pagdiriwang ng International Museum Day 2025, nagsagawa ang Museum of Bayambang at MTICAO ng isang painting contest noong May 20 sa ating Municipal Museum. Nilahukan ito ng 15 na mga painters na nagpakita ng kani-kanilang malikhaing interpretasyon ng tema ng taon na, "The Future of Museums in Rapidly Changing Communities.” Layunin ng aktibidad na maipakita ang mahalagang papel ng mga museo sa pagpapalaganap ng kamalayang kultural, inobasyon, at pag-unlad ng lipunan sa gitna ng mabilis na pagbabago ng panahon.

 

4.       Dairy Farm at Agri Co-op, Certified Learning Sites for Agriculture!

Pormal na tinanggap ng Bayambang Dairy Farm at Managos Farmers Agriculture Cooperative ang kani-kanilang sertipikasyon bilang mga Learning Site for Agriculture mula sa Agricultural Training Institute - Regional Training Center 1. Ginanap ang awarding ceremony noong May 21 sa Kasama Kita Sa Barangay Foundation Inc. Dairy Farm na matatagpuan sa Sitio Cayago, Brgy. Mangayao at sa Brgy. Managos. Personal na tinanggap ang karangalan nina G. Romyl Junio, G. Juan Paolo Ellorin, at Dr. Rafael Saygo sa ngalan ni Mayor Niña Jose-Quiambao.

 

[RESHOOT with Coun. Levinson]

5.       Payout para sa Nutrition Support Group Members, Isinagawa; Mga Weighing Scale at Measurement Board, Ipinamahagi

 

A.      Noong May 21, nagsagawa ang Center for Health Development ng DOH Region I, kasama ang mga RHU, Nutrition Office, at Treasury, ng isang payout activity sa Bayambang National High School Gymnasium para ipamahagi ang mobilization allowance ng lahat ng mga miyembro ng Nutrition Support Group. Ito ay parte ng grant ng DOH para sa implementasyon ng Philippine Multi-sectoral Nutrition Program nito. May 539 NSG members mula sa 77 barangays at Technical Working Group members ang nabigyan ng naturang allowance.

 

B.      Sa aktibidad na ito, nag-turn-over din ang DOH ng mga weighing scale sa lahat ng mga barangay at Allen stick o pati na rin mga height measurement board.

 

6.       Seminar ukol sa Anti-Sexual Harassment Act, Isinagawa

Noong May 22, isang seminar ukol sa Anti-Sexual Harassment Act o Republic Act 7877 ang isinagawa ng HRMO para sa mga kawani ng LGU. Naging resource speaker sina Police Chief Master Sergeant Zebedee de Leon at Police Lieutenant Elizabeth Quinio ng PNP Bayambang.  Sa seminar ito, itinaas ang kamalayan ng mga kawani ukol sa kung ano ang sexual harrassment at ang mga nararapat gawin upang ito ay masawata, at upang maisulong ang dignidad ng lahat pati na ang paggalang sa kapwa empleyado.

 

7.       PAG-IBIG on Wheels, Nagtungo sa Bayambang

Ang Lingkod Pag-IBIG on Wheels ay dumating sa bayan ng Bayambang upang ilapit ang mga serbisyo ng Home Development Mutual Fund o Pag-IBIG Fund sa ating mga kababayan. Noong May 22, sila ay nagset-up sa gilid ng plaza katapat ng Events Center upang maghandog na serbisyo kabilang ang membership campaign, registration, pag-update at pagverify ng member's record, provident benefits claim application, short-term loan application, at discussion ng iba pang serbisyo.

 

8.       KSB Year 8, Dinala sa Amancosiling

Ang Komprehensibong Serbisyo sa Bayan Year 8 ay dinala sa Amancosiling Elementary School noong May 22, sa pag-oorganisa ni Dr. Roland Agbuya. Pinuntahan ito ng may 1,107 na residente upang matamasa ang iba’t ibang libreng serbisyo ng Munisipyo, nang di na mamamasahe pa patungong bayan, kabilang ang lahat ng available health services, agricultural services, social services, at iba pang non-health services.

Nagkaroon din ng blood donation drive kung saan nakaipon ang team ng 10 blood bags.

 

9.       Tatlong Committee Hearing, Isinagawa

A. Noong May 22, isinagawa ang isang Committee Hearing kaugnay ng panukalang pag-amyenda sa ilang probisyon ng Municipal Ordinance na nagtatatag sa Bayambang Polytechnic College. Ipinaliwanag dito ang mga mungkahing pagbabago sa ordinansa upang mas mapabuti pa ang mandato, operasyon, at serbisyo ng BPC.

B. Isa pang committee hearing ang tumalakay naman sa panukalang resolusyon ukol sa pag-isyu ng Final Development Permit ng Agricultural Infrastructure and Leasing Corporation para sa proyektong ‘BYB Metro’ sa Brgy. Bani at Bical Norte. Tinalakay sa pagdinig ang mga teknikal na detalye ng proyekto, mga potensyal na epekto nito sa kalikasan, kalusugan, at kaayusan ng komunidad, gayundin ang pagsunod ng proyektong “BYB Metro” sa umiiral na land use at zoning ordinances ng bayan.

C. Kasunod nito ay isa pang committee hearing ukol sa pagbalangkas ng Sangguniang Barangay Annual Budget at Annual Barangay Youth Investment Program  para sa taong 2025, kung saan inilatag ng bawat SK official ang kanya-kanyang budget at mga prayoridad na programa at proyekto para sa kanilang nasasakupan. Sa maingat na pagsusuri sa mga panukalang badyet ng mga SK members, natitiyak na maayos, tapat, at epektibo ang pamamahala ng pondo para sa kapakanan ng kabataang Bayambangueño.

 

10.  Joint IEC ng RHU I at ESWMO, Inilunsad

 

Simula noong May 14, isinagawa ang isang joint information-education campaign (IEC) ng Rural Health Unit (RHU) 1 at Ecological Solid Waste Management Office (ESWMO) sa iba't ibang barangay upang talakayin ang mga napapanahong paksa, kabilang ang Septage Management, Waste Segregation at Collection, at Communicable Disease Prevention. Ang IEC ay isang 14-day campaign na inaasahang magtatapos sa June 2, 2025.

 

11. Mga PWD at Senior Citizen, Tumanggap ng mga Wheelchair

Ang Persons with Disability Office ay muli na namang nagbigay ng libreng assistive devices sa mga may kapansanan at senior citizen. Isang recipient ang nakatanggap ng isang cerebral palsy wheelchair, habang sampu naman ang tumanggap ng tig-iisang adult wheelchair. Ang mga naturang assistive device ay tinanggap ng mga magulang, anak, at guardian ng mga benepisyaryo.

 

12.  Search for Most Outstanding BNS 2024, Ikinasa

Ang Municipal Nutrition Committee ay bumaba sa tatlong barangay upang magsagawa ng isang Search for Most Outstanding Barangay Nutrition Scholar (BNS) 2024 gamit ang monitoring and evaluation tool na tinaguriang MELLPI Pro. Ang mga contender para sa Most Outstanding BNS 2024 ay sina Marites Catalan ng Hermoza, Christien Garcia ng Zone VI, at Emalyn Lacerna ng Manambong Sur.

 

13. Mga Magsasaka, Muling Hinasa sa Paglikha ng Novelty Items Gamit ang Corn Husk           

Isang enhancement training sa paggamit ng corn husk, isang by-product ng corn farming, upang lumikha ng iba't ibang novelty items ang isinagawa ng Agriculture Office sa Ligue Barangay Hall sa pakikipag-ugnayan sa Heart and Soil Farm School Inc. Mula Mayo 20 hanggang 22, nag-ensayo ang mga magsasaka sa paglikha ng mga novelty items gaya ng mga bag, vase, at bulaklak gamit ang corn husk, upang may matutunang alternative livelihood.

 

***

It’s Trivia Time

Alam nyo ba ang powers and duties ng Sangguniang Bayan Members ayon sa Local Government Code?

Ang mga ito ay ang mga sumusunod:

[SHOW DILG'S INFOGRAPHIC]

1. Aprubahan ang mga ordinansa at magpasa ng mga resolusyon para sa episyente at epektibong pamahalaang lokal

2. Maglaan ng pondo para sa mga programa, proyekto, serbisyo, at mga gawain ng lungsod o bayan

3. Gumawa ng mga ordinansa na nagpapataw ng buwis, bayarin at singil, at nagbibigay ng mga eksempsyon sa buwis, insentibo o tulong

4. Magpatupad ng mga hakbang upang mapanatili ang kapayapaan at kaayusan

5. Magtakda ng parusa para sa paglabag sa mga ordinansa

6. Magpatibay ng mga hakbang upang protektahan ang mga mamamayan at magbigay ng tulong sa mga biktima ng sakuna o kalamidad

7. Tukuyin ang mga sahod at benepisyo ng mga opisyal at kawani ng pamahalaang lokal

8. Pahintulutan ang alkalde na umutang o pumasok sa ibang uri ng pagkakautang

9. Maglaan ng legal na tulong sa mga opisyal ng barangay

10. I-regulate ang operasyon ng mga traysikel at magbigay ng prangkisa para sa kanilang operasyon

11. Magpatupad ng episyenteng koleksyon at pagtatapon ng basura, at ipagbawal ang pagtatapon ng basura sa di-tamang lugar

12. Gumawa ng mga ordinansa upang pigilan, sugpuin, at parusahan ang madalas na paglalasing sa pampublikong lugar, pamamalimos, prostitusyon, ilegal na sugal, ilegal na droga, at iba pang gawain na nakasasama sa kapakanan at moralidad ng mamamayan

13. Pangalagaan ang kalikasan at magtakda ng parusa para sa mga gawaing nakapipinsala sa kapaligiran tulad ng paggamit ng dinamita sa pangingisda, ilegal na pagtotroso, pagpupuslit ng mga nanganganib na uri ng hayop, at mga aktibidad na nagdudulot ng polusyon

14. Magtatag ng mga pamilihan, katayan ng hayop o kulungan at pahintulutan ang operasyon ng mga ito, at i-regulate ang pagtatayo at operasyon ng mga pribadong pamilihan, talipapa o katulad na mga estruktura

15. I-regulate ang paggamit ng mga kalsada, lansangan, eskinita, bangketa, tulay, parke at iba pang pampublikong lugar

16. Magpatibay ng mga hakbang upang masiguro ang kaligtasan ng publiko laban sa mga bukas na kanal, manhole, live wire at iba pang panganib sa buhay at ari-arian

17. Maglaan ng mga pasilidad at sentro para sa mga matatanda, mahihirap at mga taong nasa ilalim ng kahirapan

18. Suriin ang lahat ng ordinansang inaprubahan ng Sangguniang Barangay at mga kautusang ipinahayag ng Punong Barangay

19. Gampanan ang iba pang kapangyarihan at tungkulin ayon sa itinatadhana ng batas o ordinansa

**

Alam ba ninyo na si Councilor Mylvin ‘Boying’ Junio ang longest-serving at undefeated na pulitiko sa Bayambang at marahil sa buong bansa dahil sa 28 uninterrupted years of service nito?

Mula 1998 hanggang 2007, siya ay naging Municipal Councilor. Mula 2007 hanggang 2016, siya ang nagsilbi bilang Vice-Mayor. Mula naman 2016 hanggang sa kasalukuyang taon, 2025, siya ay muling umupo bilang Municipal Councilor.

Kung iisipin, mayroong pinagmanahan si Councilor Boying, dahil siya ay anak ng longest-serving mayor ng Bayambang at marahil sa buong bansa, na si Atty. Jaime P. Junio, matapos itong magsilbi ng 24 years, mula taong 1963 hanggang 1986.

 

***

[OUTRO]

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

NEWSCASTER 2: Mga balitang may tatak Total Quality Service.

NEWSCASTER 1: Muli, ako po ang inyong lingkod, ________.

NEWSCASTER 2: At ako naman po si Councilor Levinson Nessus Uy, mula sa Sangguniang Bayan ng Bayambang.

[SABAYANG BIGKAS]: At ito ang... Bayambangueñews!