MONDAY REPORT – SEPTEMBER 15, 2025

 MONDAY REPORT – SEPTEMBER 15, 2025

 

 

[INTRO]

 

NEWSCASTER 1: Masantos ya kabwasan, Bayambang! Kami ang inyong mga tagapaghatid ng tama, tapat, at napapanahong balita. Ako po si John Vincent Austria.

 

NEWSCASTER 2: At ako naman po si Belinda Cabansag, at kami ay mula sa General Services Office. ...Mula sa bayang ang malasakit ay hindi salita kundi gawa...

 

NEWSCASTER 1: ...At ang bawat balita ay patunay ng pagkakaisa at pagkilos.

 

NEWSCASTER 2: Ito ang inyong lingguhang pagtanaw sa tunay na serbisyo...

 

SABAY: ...BayambangueNews.

 

***

 

[SALITAN NA KAYO RITO]

 

 

 

 

1. LGU, Nakiisa sa Civil Service Anniversary Celebrations

 

A. Aktibong nakiisa ang LGU-Bayambang sa pagdiriwang ng ika-125th na anibersaryo ng Philippine Civil Service. Noong September 5, ang team na pinangunahan ng HRMO ay sumali sa Zumbasurero, isang masayang Zumba session na sinundan ng coastal cleanup drive.

 

B. Kinabukasan, nakilahok din ang LGU sa isang Fun Run at Zumba-for-a-Cause na ginanap naman sa Dagupan City.

 

 

2. Clearing Operation, Isinagawa sa Magsaysay

 

Isang clearing operation ang isinagawa noong September 6 sa Zamora St., Brgy. Magsaysay, matapos maireport ng mga residente roon ang natumbang puno pagkatapos ng malakas na hangin at ulan. Agarang inalis ang puno na sumandal sa isang katabing school building at nanganib na sirain ito. Salamat sa agarang pagresponde ng MDRRMO, agad na naputol ang naturang puno.

 

 

3. Dressmaking Grads, May Sarili nang Patahian!

 

Ang mga napa-graduate ng PESO-Bayambang noon sa isang dressmaking course sa tulong ng TESDA ay may sarili nang patahian! Ito ay matapos ilapit sila ng PESO sa DSWD upang makapag-avail sa Sustainable Livelihood Program na may start-up capital na P260,000. Kanilang ibinili ang halagang ito ng 8 sewing machines at mga materyales na pangtahi, at ipinambayad sa pagsasaayos sa kanilang shop. Ang 15 na dressmaking course graduates -- na pawang mga OFW returnees at mga pamilya ng OFWs -- ay nag-ooperate na sa kanilang shop sa Bgy. Tatarac na kanilang pinangalanang Atams Fabric.

 

4. Public Hearing ukol sa Curfew for Minors, Isinagawa

 

Ang Sangguniang Bayan ay nagsagawa ng isang pampublikong pagdinig hinggil sa panukalang ordinansa ukol sa curfew para sa mga menor de edad, kasama ang pagpapataw ng parusa sa mga magulang o tagapag-alaga na lalabag dito. Pinangunahan ni SB Committee Chair on Social Welfare, Councilor Jocelyn Espejo, at kasamahang SB members ang pagdinig sa lahat ng argumento laban at sang-ayon sa panukala. Ang proposed curfew ay naglalayong protektahan ang mga kabataan laban sa kapahamakan sa pamamagitan ng pagbabawas ng panganib na maging biktima ng krimen o ma-expose sa droga, prostitusyon, juvenile delinquency, atbp.

 

 

5. LGU at Colgate-Palmolive, Naglunsad ng Dental Health Program

 

Matagumpay na idinaos ang isang dental health program para sa learners ng ating mga Child Development Center, sa pagtutulungan ng LGU at Colgate-Palmolive Philippines. Ang mga bata ay nakatanggap ng libreng fluoride application, dental kits, at oral hygiene lectures sa tulong ng mga RHU dentist. Binigyang-diin ni Dr. Dave Junio ang kahalagahan ng maagang dental care habang nanawagan naman si Dr. Paz Vallo ng suporta mula sa magulang at guro.

 

 

6. MFPTA Officers, Inilahad ang mga Programa sa LGU

 

A. Pormal na ipinakilala kay Mayor Niña ng mga bagong halal na opisyal ng Municipal Federated Parents-Teachers Association ang kanilang mga programa para sa school year 2025–2026. Layunin ng MFPTA na palakasin ang ugnayan ng guro, magulang, at LGU upang mapaunlad ang kalidad ng edukasyon sa Bayambang.

 

B. Naging tampok sa pagbisita ang performance ni King Ariestone G. Galsim, na anak ng MFPTA President na si Gilbert Galsim.

 

 

7. Mayor ng Alcala, Bumisita

 

Noong September 9, nakipagpulong ang LGU-Alcala sa LGU-Bayambang upang pagtibayin ang ugnayan at pagtutulungan ng dalawang bayan para sa progreso. Pinangunahan ni Alcala Mayor, Atty. Manuel Collado, ang courtesy call, kasama sina Alcala Vice-Mayor Jojo Callejo at Councilor Janela Love Nartates. Naging sentro ng talakayan ang pagpapatibay ng E-Agro program, ang rekonstruksyon ng Carlos P. Romulo Bridge, at concreting ng San Gabriel II–Pantol Farm-to-Market Road.

 

 

8. Wire Clearing Operations, Nagpatuloy

 

Ipinagpatuloy ng Wire Clearing Technical Working Group ang pagbabaklas ng spaghetti wires sa Poblacion area noong September 8, upang masiguro ang kaligtasan at kaayusan ng mga pangunahing kalsada sa bayan. Katuwang sa operasyon ang BPSO, MDRRMO, Engineering Office, Globe, at Converge.

 

 

9. Marian Exhibit, Tampok sa Museo de San Vicente Ferrer

 

Magmula Setyembre 7, naging tampok sa Museo ng Santuario de San Vicente Ferrer ang iba't ibang imahe ng Birheng Maria, bilang pagpupugay sa araw ng kanyang kapanganakan sa Setember 8. Ang mga masining at iba't ibang istilo na imahe ay ipinahiram pa ng mga deboto mula sa iba't ibang bayan sa Pilipinas. Sa tulong ng Tourism Office, kabilang sa mga tampok na exhibit ang ilang rebulto na pagmamay-ari ni Mayor Niña.

 

 

10. LGU, Nag-Benchmarking sa Mandaluyong Cemetery

 

Noong September 9, ang LGU ay nag-benchmarking activity sa Mandaluyong City Cemetery, na kilala rin bilang Garden of Life, bilang bahagi ng patuloy na pagsisikap na mapaunlad ang serbisyo sa pampublikong himlayang bayan ng Bayambang. Malugod na tinanggap ang delegasyon ni Mandaluyong City Mayor Menchie Abalos. Sa pagbisita, ipinaliwanag ang mga best practices sa Garden of Life Cemetery, kabilang ang maayos na operasyon at sistematikong pangangalaga sa mga kliyente.

 

 

11. Gender-Inclusive Business Management, Tinutukan sa Seminar

 

‎Noong Setyembre 10, nagbigay ang Special Economic Enterprise ng isang Basic Business Management Seminar, kung saan tinalakay ang mga paksang gender-responsive entrepreneurship, business ethics, at gender-inclusive strategies bilang pagpapalawak ng kaalaman sa pagnenegosyo. Naging resource speaker si Dr. Presley de Vera, GAD Coordinator ng PSU-Open University. Tampok sa seminar ang film viewing bilang dagdag inspirasyon sa mga kalahok.

 

 

 

 

12. Update ukol sa Implementasyon ng 10-Year SWM Plan, Iprinesenta  

 

Sa 3rd quarter meeting ng Municipal Ecological Solid Waste Management Board, naging pangunahing paksa ang mga update ukol sa nagawang accomplishment batay sa 10-Year Solid Waste Management (SWM) Plan ng LGU. Bahagi rin ng talakayan ang pagtukoy sa mga hamon at pangangailangan upang higit pang mapalakas ang implementasyon ng plano sa mga susunod na taon, para mapanatili ang kalinisan ang kaayusan sa ating pamayanan.

 

 

13. Resulta ng 2024 Census, Iprinesenta ng PSA

 

Noong September 11, iprinesenta ng Philippine Statistics Authority-Pangasinan ang preliminaryong resulta ng 2024 Census of Population-Community Based Monitoring System. Sa tulong ng MDPO, ipinakita sa mga lokal na opisyal at stakeholders ang mga detalyadong datos na nakalap sa isinagawang census, mga impormasyong magagamit ng lokal na pamahalaan sa pagpaplano at pagbuo ng mga programa nito, gayundin sa pagtukoy ng mga benepisyaryo ng iba't ibang proyekto.

 

 

14. Bayambang, Tampok na Destinasyon sa DOT-DTI "Creative Tour"

 

Dalawang atraksyon sa Bayambang ang naging tampok sa isang tinaguriang creative tour ng DOT sa pakikipaugnayan sa DTI. Kasama sa nasabing tour -- na tinaguriang RANIAG -- ang humigit-kumulang na treinta (30) na personalidad mula sa iba'tibang sektor bilang mga "creative tourists." Kabilang sa mga aktibidad na handog ng LGU-Bayambang ang isang pambungad na cultural presentation; live demonstration ng mga bagong food researches, booth visitation, at shopping sa PSU-DOST R1 Food Innovation Center, at pagbisita sa St. Vincent's Ferrer Prayer Park.

 

15. LCR, Patuloy ang Pag-award ng Birth Certificate at Free Delayed Registration

 

Kamakailan, muling nagsagawa ang Local Civil Registry (LCR) ng house-to-house awarding ng Birth Certificate in security paper sa Brgy. Wawa, Pugo, Ataynan, at Buenlag 2^nd, kung saan 10 benepisyaryo, karamihan ay senior citizen, ang nakatanggap. Kasabay nito ang pag-aasiste sa mga wala pang birth certificate sa ilalim ng programang Free Delayed Registration of Birth.

 

[VO na lang ito]

 

16. 3Q NSED, Tuloy pa rin sa Gitna na Ulan

Kahit umulan at nawalan pa ng kuryente, natuloy pa rin ang 3rd quarter Nationwide Simultaneous Earthquake Drill 2025 sa bayan ng Bayambang noong September 11. Nagtulung-tulong pa rin ang iba't ibang sektor sa pag-eensayo sa kanilang kahandaan sa sakuna.

Ang aktibidad ay bahagi ng pambansang adhikain na paigtingin ang paghahanda ng komunidad sa mga banta ng lindol at iba pang kalamidad.

 

 

17. LGU, Regional Winner sa Kaunlarang Pantao Award

 

Pormal nang tinanggap ng LGU-Bayambang ang 2025 Rafael M. Salas Kaunlarang Pantao Award mula sa Commission on Population and Development bilang Regional Winner sa Municipal Category. Ito ay isang pagkilala sa mga inisyatibo ng LGU sa pag-localize ng population and development agenda sa pamamagitan ng mga innovative, inclusive, at sustainable na programa, kabilang ang Responsible Parenthood & Family Planning, Adolescent Health and Youth Development, at Population and Development. Ginanap ang seremonya noong September 12 sa Lingayen, Pangasinan.

 

 

17. Blood Drive sa San Gabriel 2nd, May 26 Successful Donors

 

Isang mobile blood donation ang ginanap sa San Gabriel 2nd Covered Court noong September 12, kung saan nagkaroon ng 26 successful donors out of 35 registered potential donors. Ang aktibidad ay naging posible dahil sa pagtutulungan ng Rural Health Unit II at Philippine Red Cross-San Carlos Chapter.

 

 

***

 

Bayambang, Dapat Alam Mo!

 

Ano ang TUPAD?

 

Ang TUPAD o Tulong  Panghanapbuhay sa Ating Disadvantaged o Displaced Workers ay isang cash-for-work program ng DOLE. Layunin nito na bigyan ng short-term na trabaho ang mga nawalan ng hanapbuhay, under-employed, o kabilang sa mahihirap na sektor. Ang sahod ay nakabase sa minimum wage ng rehiyon, at may kasamang insurance at proteksyon sa kaligtasan.

 

Sino ang Puwedeng Benepisyaryo ng TUPAD?

 

Mga 18 taong gulang pataas na kabilang sa:

 

• Nawalan ng trabaho (displaced workers).

• Walang trabaho o kulang sa trabaho (unemployed/underemployed).

• Vulnerable o marginalized workers (mga mahihirap, seasonal workers, informal workers).

 

Dapt alam mo na hindi puwede sa TUPAD ang mga sumusunod:

 

• Mga empleyado ng gobyerno (permanent, contractual, project-based, job order, tumatanggap ng honoraria o allowance).

• Mahigit sa isang miyembro ng pamilya kada taon, maliban na lang kung may kalamidad.

 

Anu-ano naman ang mga benepisyo at proteksyon ng TUPAD?

 

• Sahod: Katumbas ng regional minimum wage (non-agricultural).

• Insurance: Lahat ng benepisyaryo ay may group micro-insurance.

• Kaligtasan: Bibigyan ng safety orientation, protective equipment, at tools.

• TUPAD ID: Para sa lahat ng benepisyaryo.

• Post-program support: Puwedeng magkaroon ng skills training mula DOLE/TESDA para sa mas pangmatagalang trabaho.

 

Bayambang, dapat alam mo na bawal ang mga sumusunod:

 

• Kaltasan o bawasan ang sahod ng benepisyaryo.

• Gumamit ng ghost beneficiaries (pekeng pangalan).

• lisa ang tao pero doble ang nakalista.

• Job-sharing o pagpapasa ng trabaho sa iba

 

Paano nga ba pinipili ang mga benepisyaryo ng TUPAD?

 

1. Priority ang mga walang stable na trabaho at kabilang sa mahihirap na komunidad.

2. Kinokonsulta ng DOLE ang mga LGU at barangay para sa listahan ng qualified individuals.

 

Ang mga napili ay bibigyan ng suweldo na P468/day base sa bilang ng araw na nagtrabaho. Ang trabaho sa TUPAD ay karaniwang nakukumpleto sa loob ng sampung araw.

 

Ngayon, Bayambang, ay dapat alam mo!

 

 

[OUTRO]

 

NEWSCASTER 1: Mula sa mga proyekto ng LGU hanggang sa mga tagumpay ng bawat Bayambangueño, salamat sa pagtutok.

 

NEWSCASTER 2: Sama-sama pa rin tayo sa bawat hakbang, bawat kwento, at bawat tagumpay ng ating bayan.

 

NEWSCASTER 1: Ako po si John Vincent Austria, kasama sa pagsulong ng bukas na mas maganda.

 

NEWSCASTER 2: At ako po si Belinda Cabansag, mula sa General Services Office. Kaisa ninyo sa serbisyong tunay at may puso.

 

SABAY: Ito ang... BayambangueNews!

 

 

Bayambang, Dapat Alam Mo! - Ano ang TUPAD?

 Bayambang, Dapat Alam Mo!

Ano ang TUPAD? 

Ang TUPAD o Tulong  Panghanapbuhay sa Ating Disadvantaged o Displaced Workers ay isang cash-for-work program ng DOLE. Layunin nito na bigyan ng maikling trabaho (sa loob ng sampung araw) ang mga nawalan ng hanapbuhay, underemployed, o kabilang sa mahihirap na sektor. Ang sahod ay nakabase sa minimum wage ng rehiyon, at may kasamang insurance at proteksyon sa kaligtasan. 

Sino ang Puwedeng Benepisyaryo ng TUPAD?

Mga 18 taong gulang pataas na kabilang sa: 

• Nawalan ng trabaho (displaced workers). 

• Walang trabaho o kulang sa trabaho (unemployed/underemployed).

• Vulnerable o marginalized workers (mga mahihirap, seasonal workers, informal workers). 

Dapt alam mo na hindi puwede sa TUPAD ang mga sumusunod:

• Mga empleyado ng gobyerno (permanent, contractual, project-based, job order ,tumatanggap ng honoraria o allowance).

• Mahigit sa isang miyembro ng pamilya kada taon, maliban na lang kung may kalamidad. 

Anu-ano naman ang mga benepisyo at proteksyon ng TUPAD?

• Sahod: Katumbas ng regional minimum wage (non-agricultural). 

• Insurance: Lahat ng benepisyaryo ay may group micro-insurance. 

• Kaligtasan: Bibigyan ng safety orientation, protective equipment, at tools. 

• TUPAD ID: Para sa lahat ng benepisyaryo.

• Post-program support: Puwedeng magkaroon ng skills training mula DOLE/TESDA para sa mas pangmatagalang trabaho.

Bayambang, dapat alam mo na bawal ang mga sumusunod: 

• Kaltasan o bawasan ang sahod ng benepisyaryo. 

• Gumamit ng ghost beneficiaries (pekeng pangalan).

• lisa ang tao pero doble ang nakalista. 

• Job-sharing o pagpapasa ng trabaho sa iba

Paano nga ba pinipili ang mga benepisyaryo ng TUPAD? 

1. Priority ang mga walang stable na trabaho at kabilang sa mahihirap na komunidad. 

2. Kinokonsulta ng DOLE ang mga LGU at barangay para sa listahan ng qualified individuals. 

Ang mga napili ay bibigyan ng suweldo na P468/day base sa bilang ng araw na nagtrabaho.

Ngayon, Bayambang, ay dapat alam mo!

Bayambang, Dapat Alam Mo! - Iba Pang Serbisyo ng GSO

Bayambang, Dapat Alam Mo!

Alam ba ninyo na, bukod sa mga trabaho nito, ang General Services Office o GSO ay nakakatanggap din ng request mula sa pribadong sektor upang makahiram ng mga lamesa at upuan.

Noong nakaraang buwan, iba't ibang request ang kabilang sa pinaunlakan ng GSO.

Ang mga ito ay ang sumusunod:

1. apat na kasalan: 130 upuan at 20 lamesa

2. limang binyagan:  160 upuan at 31 lamesa

3. 5 school programs: 525  upuan at 65 lamesa

4. 1 barangay fiesta: 150 upuan at 15 lamesa

5. 3 church activities: 180 upuan at 14 lamesa

6. at higit sa lahat: 12 birthday parties: 550 upuan at 15 lamesa

Ngayon, Bayambang, ay dapat alam mo!

Lacuesta, the Writer and Linguistic Aficionado

 DID YOU KNOW?

Atty. Geruncio Lacuesta is not just the father of Philippine cycling, he was also a highly regarded writer and a pioneer in a modern Filipino linguistic movement.

"A lucid and brilliant writer," in the words of fellow Pangasinense mediaman Jun Velasco, 'Gerry' Lacuesta had works published in Manila’s dailies, and was the publisher and editor of "Katas" news-magazine, a Philippine version of the "Reader's Digest" in the Filipino language.

On February 15, 1970, Atty. Lacuesta published a community paper called the “Bayambang-Bautista Post,” which later became "Bayambang Post."

But there was another facet of Lacuesta's legacy. During the 1960s-1970s, he was among those who pioneered the Modernizing the Language Approach Movement (MOLAM), together with former Pangasinan governor Aguedo Agbayani, who was also a former congressman. Lacuesta was the national chairman of a group called the National Language Anti-Purism Movement.

His contribution in this regard is worth studying further.

Review: "True Version of the Philippine Revolution (1899)" by Emilio Aguinaldo

 "True Version of the Philippine Revolution (1899)" by Emilio Aguinaldo

I am glad to discover this book. It serves as a proof that Aguinaldo, the founder of the Philippine republic, wrote his own version of the story of the founding of the Philippine nation, perhaps knowing how other narratives would have a different version in various degrees long after he was gone. We should thank him for his foresight. I need to quote the historian Xiao Chua about what happened: "Niloko si Aguinaldo ng mga Espanyol, at pagkatapos nun, niloko siya ng mga Amerikano." Spot on: Aguinaldo was duped, twice. How sad. But this could mean our former colonizers wanted us so badly that they had to rely on subterfuge like some obsessed lovers just to hold on to or claim their prize.

MONDAY REPORT – SEPTEMBER 8, 2025

 MONDAY REPORT – SEPTEMBER 8, 2025

 

[INTRO]

NEWSCASTER 1: Good vibes Monday, Bayambang! Ako po si ___.

NEWSCASTER 2: At ako naman po si _, at kami ay mula sa Ecological Solid Waste Management Office. ….Narito upang ihatid ang mga ulat ng pagkilos at pagbabago.

NEWSCASTER 1: Mga hakbang tungo sa mas masigla at mas progresibong bayan.

NEWSCASTER 2: Kaya’t samahan ninyo kami sa lingguhang kwentuhan, impormasyon at serbisyong totoo. Dito sa...

SABAY: ...BayambangueNews!

 

***

[SALITAN NA KAYO RITO]

 

1. Libreng Chest X-ray, Inihandog sa mga Pasyente

Ang RHU II at RHU III ay naghandog ng libreng chest X-ray para sa 102 clients na nakitaan ng sintomas, close contact ng mga nakitaan ng sintomas, at mga gustong magpa-check. Ang free X-ray ay inisponsor ng Philippine Business for Social Progress noong August 28 sa Brgy. Telbang Covered Court.

 

2. Rerouting sa Paligid ng Central Terminal, Ipatutupad

Simula September 1, ipinatupad ng Task Force Disiplina ang one-way na ruta sa paligid ng Bayambang Central Terminal at bagong Bagsakan Market. Kabilang sa mga apektadong daan ang Burgos St. sa Zone III na ginawang one way papasok; Bonifacio St. sa Zone II na one way palabas; at Public Cemetery sa Zone VI na two-way para lamang sa mga light vehicles.

 

3. 2 Centenarians, Tumanggap ng Cash Gift

‎Dalawang centenarian mula sa bayan ng Bayambang ang pinagkalooban ng cash gift na P100,000 each sa ilalim ng Expanded Centenarians Act of 2024 noong August 28. Sila ay sina Eduardo Caerlang ng Brgy. Pangdel at Paula Ramos ng Brgy. Tanolong. Inaward door-to-door ang cash gift ng National Commission of Senior Citizens sa tulong ng MSWDO at OSCA.

 

4. LGU, Ginawaran ng Red Cross-Pangasinan

Ang LGU ay ginawaran ng Pinabli Award ng Philippine Red Cross-Pangasinan Chapter, matapos ito ay magkapagbigay ng 485 blood bags noong nakaraang taon. May dalawang staff naman mula sa RHU II at RHU III ang naging Blood Galloner awardees, mga donor na nakapag-donate ng higit sa sampung bag ng dugo: sina Ignacia Asuncion at Christian Dave Aquino.

 

5.  Project BUNTIS Year 2, Ikinasa!  

Para mas mapalakas pa ang programang pangkalusugan para sa mga first-time moms, ang Rural Health Unit I ay muling nakipag-ugnayan sa Philippine Dental Association-Pangasinan Chapter sa pamamagitan ng isang MOA signing para sa pagpapatuloy ng Project BUNTIS o First 1,000 Days Oral Health Program for First-Time Moms Year 2. Ito ay may adhikaing tutukan ang oral health ng mga ina at sanggol upang matiyak ang mas malusog na ngiti at mas maliwanag na kinabukasan.

 

6. BPC Students, Umattend sa Iskolar ni Juan Assessment

Isinagawa ang isang orientation at assessment activity para sa Iskolar ni Juan program ng Gokongwei Brothers Foundation sa pamamagitan ng Zoom video sa Bayambang Polytechnic College noong August 29. Ito ay dinaluhan ng mga aplikante ng naturang scholarship program mula sa Bayambang at mga karatig-bayan, kung saan ipinaliwanag ang mga benepisyo at proseso ng programa at ginabayan ang mga kabataang nais magpatuloy at magtagumpay sa pag-aaral.

 

7. Dating MPDO OIC, Kinumpirma bilang MENRO Chief

Noong September 1, kinumpirma ng Sangguniang Bayan si dating Municipal Planning and Development Office OIC, Ma-Lene Torio bilang Department Head ng Municipal Environment and Natural Resources Office. Matapos ang masusing pagsusuri, siya ay nakitang kwalipikado ayon sa batas. Inisponsoran ni SB Committee Chair on Civil Service and Personnel, Councilor Jose Ramos, ang nominasyon kay Ms. Torio bilang MENRO Chief.

 

8. MAC, Nagkaloob ng Higit P500,000 na Tulong

Sa pamamagitan ng Mayor’s Action Center, umabot sa kabuuang 542,000 pesos  ang ipinagkaloob na tulong pinansyal para sa mga Bayambangueño mula Hunyo hanggang Hulyo 2025. Sa buwan ng Hunyo 2025, naitala ang kabuuang halaga na 337,000 pesos bilang medical assistance at burial assistance. Umabot sa 234 na benepisyaryo ang nakatanggap ng tulong.

 

9. Mga Sagabal na Puno sa Daan, Tatanggalin Na!

‎Noong August 27, nakipag-ugnayan ang MDRRMO sa DPWH at DENR para sa pagtanggal ng mga punong naiwang nakahambalang sa mga road shoulder, matapos ang mga road widening project sa tatlong national roads sa Bayambang. Ito ay upang masiguro ang kaligtasan ng mga motorista at maging maayos ang daloy ng transportasyon.

 

10. Congresswoman Arenas, Tutulong sa Agarang Pag-ayos ng Nasirang Dike

‎Nakipagpulong ang MDRRMO kay Congresswoman Rachel “Baby” Arenas noong August 29, upang talakayin ang pagkasira ng dike sa Brgy. Managos na nagsisilbing depensa laban sa ilog Sawat mula sa Camiling, Tarlac. Ang nasabing isyu ay naiparating na sa OCD-Region 1, at inaasahang mas mapapabilis ang aksyon sa pagkukumpuni sa tulong ng sabayang pakikipag-ugnayan ng LGU sa OCD at sa Kongreso.

 

11. ‎DRRM Course for Barangay Officials, Nagpatuloy!

‎Noong Setyembre 1–3, nagpatuloy ang MDRRMO sa pagsasagawa ng 3-Day Disaster Risk Reduction and Management Course for Public Sector sa Events Center. Naging resource speakers ang mga kinatawan mula sa OCD, DENR, DOST-PAGASA, PRC, BFP, at PNP, na siyang nagbahagi ng kaalaman sa early warning systems, evacuation procedures, fire safety, climate change adaptation, atbp.

 

12. Bagong Work Immersion Students, Na-deploy sa LGU

Noong September 1, ang mga estudyante mula sa Tanolong National High School ay nagsimula sa kanilang internship sa LGU bilang mga work immersion student. Sila ay winelcome ni BPC President, Dr. Rafael Saygo, at SLEO Gernalyn Santos matapos i-orient ng mga staff ng PESO.

 

13. Huling Batch ng SPES Beneficiaries, Tumanggap ng Sahod

Noong September 3, tumanggap ng sahod ang huling batch ng mga benepisyaryo ng Special Program for Employment of Students (SPES) ng DOLE na na-deploy at nagtrabaho sa LGU ng 20 araw. Ang pay-out activity ay isinagawa sa presensiya ng PESO-Bayambang at DOLE staff.

 

14. Orientation ukol sa Batas Kasambahay at Child Labor, Ginanap

Isang orientation activity ang isinagawa ng PESO, ukol sa Batas Kasambahay, Child Labor Prevention and Elimination Program, Anti-Illegal Recruitment and Trafficking in Person, at ang papel ng mga BESO o Barangay Employment Service Officers. Ito ay dinaluhan ng mga barangay official at OFW Association President.

 

15. LCRO, Nagpatuloy sa Info Drive

Nagdaos ang Local Civil Registry Office ng information drive sa Catalino Castañeda Elementary School upang talakayin ang tamang pagrerehistro at updates sa PSA memorandum circulars. Dumalo ang mga guro, magulang, at opisyal ng barangay kung saan sinagot ni MCR Ismael Malicdem Jr. ang kanilang mga katanungan. Kasabay nito, tumulong din ang Community Service Card team sa pagbibigay ng kaalaman at data capturing para sa iba pang proseso ng civil registry.

 

16. Segundo Cluster Associations at Brgy. Langiran, Nakatanggap ng P1M Composting Facility!

 Tumanggap ang Segundo Cluster Associations at Barangay Langiran ng Composting Facility for Biodegradable Waste (CFBW) mula sa Bureau of Solid Waste Management, sa tulong ng LGU. Bawat unit ay nagkakahalaga ng ₱1,000,000, at kayang makagawa ng isang toneladang organikong pataba kada buwan, na makatutulong sa pagsusulong ng organikong agrikultura. May kasamang biomass shredder at rotary composter ang naturang pasilidad.

 

17. 34 CDCs, Sumalang sa External Assessment

Sumailalim ang may 34 Child Development Centers sa isang external assessment noong September 3-4, na isinagawa ng mga assessor mula sa PSWDO Pangasinan. Ang pagsusuri ay bahagi ng paghahanda para sa Child-Friendly Local Governance Audit (CFLGA). Nakatakdang isagawa ang exit conference sa September 12.

 

18. SB Members, Nagtapos sa NEO Refresher Course

Dumalo ang mga miyembro ng Sangguniang Bayan sa isang refresher course na pinamagatang, “Transformative Leadership for Elevated Governance,” para sa mga re-elected officials noong September 2 at 3 sa San Carlos City. Pinangunahan ito ni Vice Mayor Ian Camille Sabangan, at ito may layong palakasin ang kakayahan ng mga lingkod-bayan. Ang pagdalo rito ay requirement mula sa DILG para sa lahat ng nahalal na opisyal.

 

19. SB, Pinulong ang mga CSO at NGO ukol sa Akreditasyon

Pinulong ng Sangguniang Bayan ang mga CSO at NGO para sa proseso ng akreditasyon at pagpapalakas ng kanilang partisipasyon sa pag-unlad ng bayan. Sa pangunguna ni SB Committe Chair on People's Participation, Councilor John Roy Jalac, tinalakay ang mga aplikasyong nais mapasama sa unang batch ng accredited organizations. Ayon sa SB, mahalaga ang papel ng mga CSO at NGO upang maging mas inklusibo at matibay ang mga programang pangkaunlaran ng pamahalaan.

 

20. SB, Tinalakay ang Paggamit ng Natitirang MDRRM Funds

Tinalakay ng SB Committee on Finance ang paggamit ng natitirang pondo mula sa MDRRM Fund para sa mga proyektong may kaugnayan sa kahandaan at kaligtasan ng mamamayan. Pinangunahan ni Konsehal Jose S. Ramos ang pagdinig kasama ang mga kinatawan mula sa iba't ibang opisina ng LGU bilang mga resource person. Binigyang-diin nito ang tamang paglalaan ng pondo para sa mas ligtas at matatag na komunidad.

 

21. Switch Cafe, MNAO, Naglunsad ng Feeding Program

Naglunsad ang Switch Café at Municipal Nutrition Action Office ng isang feeding activity para sa 42 na batang kulang sa timbang mula sa tatlong child development centers. Ginawa ito sa Brgy. Macayocayo, Langiran, at Alinggan noong September 4. Plano ng dalawang grupo na palawakin pa ang programa at magsagawa ng regular na monitoring upang tumulong mabawasan ang malnutrisyon.

 

22. Pulong, Isinagawa ukol sa ZOD Program

Nagsagawa ng pagpupulong ang Municipal Health Office, barangay officials, at ZOD Technical Working Group para sa pagpapatupad ng ZOD o Zero Open Defecation Program. Pinangunahan ito ni Municipal Health Officer, Dr. Paz Vallo. Nilinaw sa pulong ang monitoring results at criteria ng ZOD upang makamit ang mas malinis at ligtas na kapaligiran.

 

23. Pangangalap ng Datos kaugnay ng RPVARA, Nagpatuloy

Ipinagpatuloy ng Municipal Assessor’s Office ang pangangalap ng datos mula sa mga may-ari ng lupa kaugnay ng Real Property Valuation and Assessment Reform Act o RPVARA. Bahagi ito ng paghahanda para sa General Revision of Property Assessment and Classification. Isinagawa ang aktibidad noong September 1 to 4 sa walong barangay ng Bayambang.

 

***

BAYAMBANG, DAPAT ALAM MO!

Bayambang, dapat alam mo na hindi LGU o ang Municipio ang pumipili ng mga magiging benepisyaryo ng 4Ps o Pantawid Pamilyang Pilipino Program.

Hindi rin ang Municipio ang nagdidikta kung sinu-sino ang maaari nang mag-graduate o mag-exit sa programa.

Anu-ano nga ba ang mga maaaring dahilan upang ang isang benepisyaryo ay mag-exit o grumaduate na mula sa 4Ps?

Dapat alam mo na, alinsunod sa Republic Act No. 11310, maaari nang grumaduate o maalis ang benepisyaryo sa programa base sa alinman sa mga sumusunod:

1) Ang household-beneficiary ay wala nang eligible child na kailangang i-monitor o subaybayan, o ang mino-monitor na bata ay umabot na sa edad 19.

[Please be mindful of how these words are pronounced: beneficiary, eligible]

2) Ang huling monitored child ay nakapagtapos na ng Senior High School.

3) Ang sambahayan ay umabot na ng pitong taon sa programa.

4) Ang household-beneficiary ay nag-waive o boluntaryong nag-exit sa programa.

5) Ang pamilyang beneficiary ay nakamit na ang Level 3 o Self-Sufficiency Level.

6) Ang household na benepisyaryo ay in-assess ng Listahanan bilang non-poor o hindi mahirap.

7) Maling pag-uugali o misdemeanor ng household-beneficiary.

Ngayon, Bayambang, ang lahat ng ito ay... dapat alam mo!

[Please indicate as reference runner in the video: SOURCE: DSWD: https://www.facebook.com/dswdserves/posts/pfbid0dUhKbEAkWwRut1rF1uCGqo2oDrS94LA1ibCwqmqzb8F5GQEUFkaFsNgtiMe2CP7Tl]

***

[OUTRO]

NEWSCASTER 1: Sa bawat proyekto’t inisyatibo ng LGU, kabalikat ang bawat Bayambangueño.

NEWSCASTER 2: At sa bawat ulat, nariyan ang puso ng serbisyo.

NEWSCASTER 1: Ako po si ___, kasama niyo sa bawat kwento ng pagbabago.

NEWSCASTER 2: At ako si ___, mula sa Ecological Solid Waste and Management Office, hatid ang balita para sa bawat isa. Hanggang sa muli,

SABAY: Ito ang… BayambangueNews!