History of Barangay Buayaen, Bayambang, Pangasinan

ALAMAT NG BARANGAY BUAYAEN

May isang masayang pamilya ang naninirahan sa may gilid ng ilog. Ang pamilyang ito ay mahirap lamang ngunit sila’y masagana sa kaligayahang natatamo. Ang pamilyang ito ay may kaisa-isang anak na lalaki, ang pangalan ay “Yaeng.” Simula nang matutong maglakad si Yaeng, naging malikot  ito, palaging gumagala para makipaglaro. Tumagal ang panahon nang ang bata ay sampung taong gulang na. Ito’y palaging umaakyat sa puno upang manguha ng makakain, at isang araw umakyat si Yaeng sa isang puno ng kamatsili na nasa gilid ng ilog. Habang kumukuha ng bunga si Yaeng, naputol ang inapakan niyang sanga na kanyang ikinahulog sa ilog, at nangyari ang di inaasahan. Sa hinulugan ng  bata ay may isang malaking buwaya, at kinain ng buwaya si Yaeng. At doon nagmula ang salitang Buayaen. Pinagdugtong ang nasabing “buwaya” at ang pangalan ng bata na si “Yaeng,” kaya ito’y naging “Buayaen.”