EDITORIAL for December 2018

EDITORIAL

Malayo na rin ang Ating Narating

Isang karangalan ang bisitahin ang Bayambang ng gobyernong lokal ng Pinamalayan, Mindoro Oriental noong ika-28 ng Disyembre dahil hudyat ito na nagiging modelo na ang ating bayan ng iba pang bayan.

Sa kanyang talumpati ukol sa Best Practices ng LGU Bayambang sa harap ng mga panauhin, nabanggit ni Mayor Cezar T. Quiambao ang mga sumusunod bilang pinaka-highlight ng kanyang mga accomplishments as a first-termer local chief executive: 

·        - Pagsugpo sa korapsyon sa gobyernong lokal through LGU-wide computerization program at policy of transparency

·        - Ang pagtaas sa local revenue sa pamamagitan ng pag-amyenda sa Tax Code, na nagresulta sa P256M local revenue versus P250M na pondo galing IRA (or internal revenue allotment), surpassing the 1:1 ratio

·        - Ang pagpasok sa mga P4 (public-private-people partnership) projects tulad ng Mini-Amusement Park at Rides sa plaza to spur development 

·        - Joint planning and budgeting sessions na nagbigay sa mga department heads sa unang pagkakataon ng tsansang magsumite ng sarili nilang budget

·        - Paggamit ng husto sa 20% development fund na hindi nagamit ng husto sa loob ng 20 taon (dahil ipinambayad ng utang, atbp.) para sa mga infrastructure projects sa 77 barangay, na nagbigay daan sa malalaking infra projects (access roads, barangay hall, covered court, atbp.) sa lahat ng barangay

·        - Pagbigay ng salary increase sa mga LGU employees ng naaayon sa batas (P283 minimum wage), at pagreregular sa mga matagal nang kwalipikadong empleyado

·        - Pagrequest ng halos P1B funds sa Department of Budget and Management under the Local Government Support Fund para sa marami pang nakahanay na massive infrastructure development projects

·        - Paglikha ng mga bagong departamento tulad ng Public Order and Safety Office (POSO) para sa 24/7 service including emergency service, General Services Office, Public Information Office, Information and Communication Technology Office, atbp.

·        - Pagdeklara ng Rebolusyon Laban sa Kahirapan (at pagbalangkas ng Bayambang Poverty Reduction Plan) upang sugpuin ang kahirapan sa loob ng 10 taon

Ilan lamang ito sa mga malawakang pagbabagong naganap sa unang pagkakataon sa loob lamang ng napakaikling panahon, at iyan ay dahil sa transformational at visionary style of leadership ng ama ng ating bayan sampu ng Konseho nito.  At ang kakaibang istilong ito ay nagmumula sa tunay na pagmamahal at malasakit sa mamamayan ng pamunuang Quiambao-Sabangan.