History of Barangay Apalen, Bayambang, Pangasinan

HISTORY OF APALEN

Ayon sa mga nakakatanda dito sa amin, ang pangalan ng aming barangay ay nagmula sa puno ng “apaling.” Ang aming lugar daw noon ay napapaligiran ng punong ito. Halos lahat ng sulok ay may nakatayong puno nito.

Noong panahong iyon, halos mabibilang mo daw sa iyong kamay ang bilang ng tao sa aming barangay.

Tinatawag na Tenìente del Barrio ang unang namuno  sa aming barangay, at ang eleksyon nila noon ay isinasagawa sa pamamagitan ng pagtaas ng kamay at kung sino ang may pinakamaraming boto ay siya ang pinuno. At dahil sa halos wala kang ibang makikita sa aming barangay kundi ang puno ng apaling, ipinangalan ang aming barangay sa punong ito.

Sa paglipas ng maraming taon, ang Apaling ay naging Apalen, at hanggang ngayon ito pa rin ang ginagamit naming pangalan ng aming barangay.

Salamat sa puno ng apaling, nagkaroon ng magandang pangalan ang aming barangay.