EVENTS COVERED
1. Mga Nasirang Daan, Isinasaayos
2. LGU-Bayambang, Nakiisa sa Search and Rescue Operations
3. Inspeksyon sa Ambayat, Isinagawa upang Maibalik ang Kuryente Roon
4. NAPOLCOM, Nag-courtesy Call
5. Food Packs, Ipinamahagi sa mga Magsasakang Nasalanta
6. 3Q Social Pension para sa mga Indigent Senior Citizen, Ipinamahagi
7. Misa, Ginanap para sa Kaarawan ng Birheng Maria
8. RHU II, May Blood Donation Drive
9. 4Ps Members, Nagsanay sa Rag-Making
10. Komprehensibong Serbisyo sa Bayan Year 9, Nagtungo sa Bongato East
11. AI-Powered DMS ng Bayambang, Sumailalim sa DILG Validation
12. Anim na Panukalang Ordinansa, Isinumite para sa Pampublikong Pagdinig
13. 3Q NSED, Isinagawa
14. Maraming Salamat po sa Iba pang Donors!
15. Mobile Blood Drive, Nakakolekta ng 29 Blood Bags
16. Pagsasanay sa Sustainable Lowland Vegetable Production, Isinagawa
17. LGU, Nakiisa sa Pagdiriwang ng Civil Service Month
18. Kabataan ng Bayambang, Tampok sa LNK Provincial Culmination Program
19. Tatlong Sanggol, Natulungan sa Operasyon para sa Bingot
20. Espesyal na Pulong ukol sa Records Management, Isinagawa
21. Mayor Niña, Agarang Nagbigay ng Wheelchair sa Stroke Patient
22. Grand Buntis Caravan 2026, Naging Matagumpay
23. Buklat Aklat Year 3, Nagpatuloy sa Hermoza
24. KSB Year 9, Nagtungo sa Tococ West
25. Bayambang, Kabilang sa Top 5 Most Business-Friendly Municipalities Level 1 Nationwide
26. Mayor Niña, Sinagot ang Funeral Services ng Dalawang Batang Nasawi
27. Mga Libreng Pataba, Ipinagkaloob sa mga Magsasaka
28. Mayor Niña, Panauhing Pandangal sa Municipal Meet at Rotary Induction & Turnover Ceremony
29. LGU Basketball Team, Pasok sa Finals ng Inter-Agency Basketball League 2026!
30. Panukalang Budget at AIP, Tinalakay ng SB sa Pagdinig
31. Top 10 Best Offices sa OPCR, Pinarangalan
32. Mayor Niña, Namigay ng ₱10,000 Cash Incentive
33. Work Immersion Students, Winelcome sa LGU
34. Seguridad at Kampanya Kontra Droga, Tinutukan sa Pulong
35. Mayor Niña, Tumanggap ng PDEA Commendation; 77 Barangays, Drug-Free Workplace
36. Presidential Assistance, Ipinamahagi sa 702 Farmer at Fisherfolk Beneficiaries
37. LGU, Dumalo sa Pagsasanay ukol sa Copyright at Digitized Government Records
38. Relief Donations at Food Packs, Inihatid sa San Gabriel 2nd
39. Kaalaman ng Kabataan sa Usaping Seksuwalidad, Isinulong sa Seminar
40. Pag-implementa ng GAD Principles sa IEC Materials ng LGU, Tinalakay sa Seminar
41. PDA-Pangasinan, Naki-partner muli para sa Oral Health 42
42. Tourism Month 2026, Napuno ng Aktibidad
43. Issues and Concerns ng RiceBIS TWG, Tinalakay sa Pulong
44. Executive Briefing, Isinagawa ng DILG
45. Panukalang GCash Payment para sa mga JO Personnel, Tinalakay sa Committee Hearing
46. Breast Examination at Family Planning, Isinagawa sa RHU I
47. SRA, Muling Naging Tulay sa mga Naghahanap ng Ikabubuhay at mga Mapagkakatiwalaang Kumpanya
48. 20 Bags ng Dugo, Nagbigay ng Pag-asa sa mga Nangangailangan
49. Electronic Records Management System, Tinalakay sa Pulong
50. Job Fair with One-Stop Shop for Employment Services, Dinumog
51. Sari-Saring Isyu, Agad Hinanapan ng Solusyon sa ExeCom Meeting
52. 150 Monobloc Chairs, Ibinigay sa Sanlibo NHS
53. BPSO CCTV Operators, Nag-refresher Training
54. Bayambang Women's Volleyball Team, Kampeyon sa Central Conference ng Inter-town Volleyball Tournament
55. Congratulations, Dr. Jose V. Camacho Jr.!
56. Mayor Niña, Sumuporta sa Wellness ng mga Kawani; Social Dance Class, Humataw sa Dance Recital
57. LGU Basketball Team, Kampeon sa Inter-Agency Tournament!
58. Rabies Awareness Lecture, Isinagawa
59. Pagdiriwang ng Tourism Month, Matagumpay
60. Healthiest Department Winners, Kinilala
61. Bagong Municipal Trial Court Bldg., Pinasinayaan!
62. Orientation on ARTA Compliance, Isinagawa
63. LYDO, Lumahok sa Monitoring and Coaching Session
64. KSB Year 9, Sunod na Nagpatuloy sa Balaybuaya
65. DHSUD at LGU, Tinututukan ang PNP Housing Site Project
66. GAD Training on Goat-Raising, Isinagawa
67. Social Protection Support para sa 4Ps Members, Patuloy
68. Municipal Treasury at Assessor’s Office, Dumalo sa REGATA Conference
69. S.E.E. Staff, Nag-Intensive Training sa Cold Storage Operation
70. Mga Punong Barangay, Pinulong ukol sa ASF
71. Buklat Aklat, Nagpatuloy sa Malimpec
72. Bayambang, Sumalang sa Final Judging para sa 2026 Most Business-Friendly LGU!
73. Cooperative Month, Ipinagdiwang sa Isang Tiangge Sale
74. Nahuling Unggoy, Itinurn-Over sa CENRO
75. 9,078 Bata, Nakinabang sa School Dental Drive
76. OSCA, Nakilahok sa Elderly Filipino Week
SUMMARY OF LGU ACCOMPLISHMENTS IN S.O.M.A. FORMAT
EDUCATION FOR ALL
Kabataan ng Bayambang, Tampok sa LNK Provincial Culmination Program
Tampok ang piling mga opisyal ng Sangguniang Kabataan Federation ng Bayambang sa Linggo ng Kabataan Provincial Culminating Celebration na isinagawa noong September 15 sa Sison Auditorium, Lingayen.
Kabilang sa mga tampok na aktibidad ang pagkilala kay Rusielyn Mae B. Villanueva, na nagkamit ng Top 7 sa March 2026 Licensure Examination for Professional Teachers.
Buklat Aklat Year 3, Nagpatuloy sa Hermoza
Ang Buklat Aklat Project Year 3 ni Mayor Niña ay nagpatuloy sa Brgy. Hermoza, upang maghatid ng mga aklat at reading exercises para sa mga mag-aaral doon. Sa pamamagitan ng programa, nahihikayat ang mga mag-aaral na paigtingin ang kanilang interes sa pagbabasa at palawakin ang kanilang kaalaman. Tuwang-tuwa ang mga mag-aaral sa kanilang mga natutunan sa tulong ng BPRAT, SK Federation, LYDO, at mga literacy project volunteers.
150 Monobloc Chairs, Ibinigay sa Sanlibo NHS
May 150 monobloc chairs ang ibinigay ng LGU sa Sanlibo National High School gamit ang pondo ng Local School Board. Sa kabuuan, ang mga upuang ito ay nagkakahalaga ng P90,000.
Buklat Aklat, Nagpatuloy sa Malimpec
Ang Buklat Aklat Project ni Mayor Niña ay nagpatuloy sa Brgy. Malimpec, upang maghatid ng mga aklat at reading exercises para sa mga mag-aaral doon, sa tulong ng BPRAT, SK Federation, LYDO at mga volunteer. Sa pamamagitan ng nasabing literacy project, nahikayat ang mga mag-aaral na paigtingin ang kanilang interes sa pagbabasa at palawakin ang kanilang kaalaman. Tuwang-tuwa ang mga mag-aaral sa kanilang mga bagong natutunan
Work Immersion Students, Winelcome sa LGU
Malugod na tinanggap ni Mayor Niña ang 46 na mag-aaral ng Tanolong National High School na sasailalim sa sampung araw na work immersion sa LGU-Bayambang simula September 21. Sila ay winelcome sa isang orientation activity tungkol sa mga tungkulin ng iba’t ibang tanggapan at sa kanilang papel sa paglilingkod sa mamamayan. Pinangunahan ng PESO ang pormal na pagtatalaga at paggabay sa mga mag-aaral.
- (LSB, Library, DepEd)
HEALTH FOR ALL
- Health (RHUs)
RHU II, May Blood Donation Drive
Nagsagawa ang Rural Health Unit II ng blood donation drive noong September 8 sa pakikipagtulungan sa Region I Medical Center, kung saan 47 donors ang nakapagbigay ng dugo matapos makapasa sa screening. Muling ipinakita ng mga empleyado ng munisipyo at iba pang kwalipikadong donor ang diwa ng malasakit at bayanihan para sa mga pasyenteng nangangailangan ng blood transfusion, na sinuklian naman ng snacks at grocery package.
Mobile Blood Drive, Nakakolekta ng 29 Blood Bags
Isang mobile blood donation drive ang isinagawa ng RHU I sa Brgy. Alinggan Covered Court noong September 14, sa pakikipagtulungan ng Philippine Red Cross – San Carlos City Chapter at Alinggan Barangay Council. Nakapagkolekta ang RHU ng kabuuang 29 bags ng dugo mula sa naturang bloodletting drive, kung saan 39 katao ang nagparehistro.
Tatlong Sanggol, Tinulungang Mapa-opera ang Bingot
Tatlong sanggol mula sa Brgy. Apalen at San Gabriel 1st ang sumailalim noong September 16 sa operasyon para sa cleft lip and palate, matapos ang ilang buwang check-up, assessment, at medical evaluation sa Dr. Jesus Datu Medical Center sa Bacolor, Pampanga.
Isinagawa ang tulong sa pamamagitan ng PDAO at BPSO, katuwang ang Kapampangan Development Foundation Cleft Center, upang mabigyan ang mga sanggol ng pagkakataong magkaroon ng mas maayos na ngiti at bagong pag-asa.
Grand Buntis Caravan 2026, Naging Matagumpay
Noong September 17, muling isinagawa ang Buntis Congress ng Municipal Health Office, tampok ang paglulunsad ng ikatlong batch ng Project Buntis. Kabilang sa mga aktibidad sa Grand Buntis Caravan 2026 ang mga talakayan tungkol sa oral health, maternal health, at pangangalaga sa mga bata, at iba pang kaugnay na aktibidad upang isulong ang kalusugan ng mga buntis at ng mga sanggol sa kanilang sinapupunan.
20 Bags ng Dugo, Nagbigay ng Pag-asa sa mga Nangangailangan
Isa na namang blood donation drive ang pinangunahan ng Rural Health Unit III, katuwang ang Philippine Red Cross – San Carlos Chapter noong Septembre 24 sa Brgy. Sanlibo Covered Court. Sa kabutihang-loob at pakikiisa ng mga boluntaryong nagbigay ng dugo, matagumpay na nakalikom ng dalawampung bag ng dugo — dalawampung munting ambag na malaking pag-asa sa mga may karamdaman o kaya'y literal na pangdugtong-buhay para sa may matinding pangangailangan.
Breast Examination at Family Planning, Isinagawa sa RHU I
Ang RHU I, sa pakikipagtulungan ng Friendly Care, ay nagsagawa ng breast examination at pamimigay ng family planning services kabilang ang counseling at insertion ng contraceptive implant na Implanon upang mapalawak ang access ng kababaihan sa ligtas at serbisyong pangkalusugan na nakabase sa tamang kaalaman. Kasama ng mga RHU personnel sa naturang aktibidad ang iba't ibang student volunteers.
PDA-Pangasinan, Naki-partner muli para sa Oral Health
Noong September 22, nakipagpulong ang Philippine Dental Association-Pangasinan Chapter sa LGU upang palakasin ang mga programa para sa oral health, kabilang ang Project BUNTIS at iba pang serbisyong pangkalusugan para sa mga buntis, ina, at bata. Nilagdaan din ang Memorandum of Agreement para sa Year 3 ng Project BUNTIS, na naglalayong magbigay ng patuloy na edukasyon, preventive oral health services, at suporta sa mga komunidad, upang gawing mas komprehensibo at sustainable ang oral healthcare sa Bayambang.
9,078 Bata, Nakinabang sa School Dental Drive
Umabot na sa 9,078 elementary pupils mula sa 26 na paaralan sa Bayambang ang nabigyan ng preventive oral health services ngayong taon sa tulong ng DepEd at DOH dentists. Kabilang sa kanilang serbisyo ang oral health education, dental check-up at examination, at fluoride application, habang nagdagdag naman ang Municipal Health Office ng fluoride varnishes at oral health packages. Sa tuluy-tuloy na school-based dental activities, mas inilalapit sa mga batang Bayambangueño ang pangangalaga para sa mas malusog na ngiti.
- Nutrition (MNAO)
Healthiest Department Winners, Kinilala
Kinilala noong September 28 ang mga nagwagi sa Healthiest Department Assessment ng LGU na inilunsad bilang bahagi ng Nutrition Month. Itinanghal na kampeon sa Small Department category ang Nutrition Action Office; nag-tie naman sa Medium category ang Accounting Office at Barangay Accounting Office; at ang Large category ay napanalunan ng Municipal Agriculture Office. Sila ay tumanggap ng ₱5,000, ₱10,000, at ₱15,000 cash incentives.
- Sports and Physical Fitness (MPFSDC)
LGU Basketball Team, Pasok sa Finals ng Inter-Agency Basketball League 2026!
Congratulations sa men's basketball team ng LGU-Bayambang matapos itong makapasok sa final round ng 2026 Inter-Agency Basketball League 2026 ng EZ Jerzey Pangasinan! Sa suporta ni Mayor Niña at ng LGU, ipinakita ng Team Bayambang ang mahusay na depensa at matatag na samahan upang makaabot sa final round ng nasabing torneo.
LGU Basketball Team, Kampeon sa Inter-Agency Tournament!
Noong Lunes, kinilala ni Mayor Niña at ng buong LGU ang koponan ng LGU-Bayambang sa kanilang pagiging kampeyon sa Coach A Inter-Agency Basketball Tournament 2026 na ginanap sa lungsod ng San Carlos noong September 26. Itinanghal na Most Valuable Player (MVP) si Rex Chico at Best Forward si Christian Sabangan mula sa Office of the Mayor, at Best Center si Eric Esteban ng BPSO.
- Veterinary Services (Mun. Vet.)
Rabies Awareness Lecture, Isinagawa
Ang Agriculture Office at Bayambang Animal Shelter ay nagsagawa ng Rabies Awareness Lecture sa Hermoza Elementary School noong September 28, bilang bahagi ng paggunita sa World Rabies Day. Tinalakay sa mga mag-aaral ang tungkol sa rabies, paraan ng pag-iwas sa kagat at kalmot ng hayop, at mga dapat gawin kapag nakagat o nakalmot, kasabay ng libreng anti-rabies vaccination para sa mga alagang aso at pusa sa barangay.
– Slaughterhouse
PROTECTION OF WOMEN AND CHILDREN
Pag-implementa ng GAD Principles sa IEC Materials ng LGU, Tinalakay sa Seminar
Binigyang-diin sa GAD Seminar on Public Information ng MTICAO ang kahalagahan ng gender-sensitive, inclusive, at respetadong wika sa mga information and communication materials ng LGU. Sa lecture ng mga BPC instructors, tinalakay ang mga nakasanayang gender assumptions at mga gender biases na dulot ng mga ito. Sa huli, natuto ang mga kawani na kung paano gumawa ng mga mensaheng kumikilala at gumagalang sa lahat ng sektor ng komunidad.
Kaalaman ng Kabataan sa Usaping Seksuwalidad, Isinulong sa Seminar
Isinagawa ng SK Federation of Bayambang at Local Youth Development Office ang dalawang araw na seminar na tinaguriang "SHAPE-A: Sexually Healthy and Personally Empowered Adolescent" noong September 16–17. Tinalakay dito ang paglaki at pagbabago ng damdamin, relasyon, healthy lifestyle, at seksuwal na kalusugan sa pamamagitan ng guided discussions, open forum, at group activities. Sa programang ito, napalawak ang kaalaman ng mga kabataan at sila ay nagabayan sa responsableng pagpapasya at personal na pag-unlad.
LYDO, Lumahok sa Monitoring and Coaching Session
Lumahok ang Local Youth Development Officer (LYDO) ng Bayambang sa 2026 Local Monitoring and Coaching Session for LYDOs noong September 29 sa PDRRMO-Lingayen. Isinagawa ito ng National Youth Commission upang talakayin ang mga tungkulin ng LYDO, Local Youth Development Plan, Local Youth Development Council operations, SK Web Portal, compliance monitoring, at iba pang requirements para sa pagpapatupad ng mga programa at polisiya para sa kabataan.
- Social Services (MSWDO, MAC)
3Q Social Pension para sa mga Indigent Senior Citizen, Ipinamahagi
Mula September 8 hanggang 10, nagsagawa ang DSWD at MSWDO ng social pension payout para sa 3,018 na indigent senior citizen beneficiaries para sa 3rd quarter. Isinagawa ito sa iba’t ibang barangay upang mas mapadali ang pagkuha ng pension at maiwasan ang siksikan. Tumulong din ang mga OJT at Treasury Office sa beripikasyon at maayos na pamamahagi.
Misa, Ginanap para sa Kaarawan ng Birheng Maria
Nagtipon ang mga kawani ng LGU-Bayambang para sa isang banal na misa bilang pasasalamat at pagdiriwang sa kapanganakan ng Mahal na Birheng Maria noong September 8, sa pangunguna ni Fr. Anthony Layog, sa inisyatibo ng Office of the Mayor. Naging pagkakataon ito upang humingi ng gabay at pagpapala ang lahat, gayundin ang pasasalamat sa mga biyaya at proteksyon noong panahon ng pagbaha.
Mayor Niña, Agarang Nagbigay ng Wheelchair sa Stroke Patient
Agad na ipinagkaloob ni Mayor Niña noong September 16 ang wheelchair na hiniling ni G. Rolando Lavarias Rosario, 61 taong gulang, ng Brgy. Tambac, matapos siya ay ma-stroke.
Sa agarang tulong na ito, natulungan siya sa kanyang paggalaw at pang-araw-araw na pangangailangan.
KSB Year 9, Nagtungo sa Tococ West
Noong September 17, sumunod namang nagtungo ang team ng Komprehensibong Serbisyo sa Bayan Year 9 upang maghatid ng lahat ng serbisyo ng Munisipyo sa mga residente ng Brgy. Tococ East, Tococ West, at Amanperez.
Ang mga residente ay nag-avail ng iba't ibang libreng medical at dental services, late registration of birth, libreng bakuna sa hayop, libreng buto at punla, employment services, libreng gupit, at legal advice, at marami pang iba.
Mayor Niña, Sinagot ang Funeral Services ng Dalawang Batang Nasawi
Personal na sinagot ni Mayor Niña ang funeral services ng dalawang batang nasawi sa isang insidente ng pagkalunod sa Brgy. Darawey, mula sa lamay hanggang sa kanilang pagpapalibing. Nagpaabot din ang LGU-Bayambang ng cash assistance, pagkain, at iba pang kinakailangang kagamitan sa pamilya Vigo bilang pakikiramay at tulong sa gitna ng kanilang pagdadalamhati.
KSB Year 9, Sunod na Nagpatuloy sa Balaybuaya
Iba’t ibang serbisyo ng pamahalaan ang inilapit sa mga residente ng Brgy. Balaybuaya, Beleng, at Batangcaoa sa isinagawang Komprehensibong Serbisyo sa Bayan (KSB) Year 9 noong September 30 sa Balaybuaya Elementary School. Nanguna rito sina Mayor Niña at Vice Mayor IC at mga konsehal, sa pag-oorganisa ng LCRO. Kabilang sa mga serbisyong inilaan ang libreng medical at dental services, late registration of birth, pagbabakuna sa mga alagang hayop, employment services, pag-renew ng business permit, libreng buto at punla, legal consultation, aplikasyon para sa upgraded GCash Community Service Card, financial assistance, at iba pang freebies.
Social Protection Support para sa 4Ps Members, Patuloy
May kabuuang 3,785 na pamilyang Bayambangueño ang kasalukuyang aktibong benepisyaryo ng Pantawid Pamilyang Pilipino Program (4Ps), na patuloy na nagsisilbing social protection support para sa mga pamilyang nangangailangan. Gamit ang detalyadong datos kaugnay ng bilang na ito, nag-update ang DSWD at lahat ng miyembro ng Municipal Advisory Council ukol sa iba’t ibang aspeto ng nasabing programa sa ginanap na pulong noong September 30. Kabilang sa mga tinalakay ang 3rd quarter accomplishments, compliance turnout, rehistrasyon ng mga bagong beneficiaries, Sustainable Livelihood Program, at iba pang concerns.
OSCA, Nakilahok sa Elderly Filipino Week
Nakilahok ang Office of Senior Citizen Affairs ng Bayambang sa pagbubukas ng Elderly Filipino Week Celebration 2026 sa Stadia, Dagupan City, kasama ang mga lider at kinatawan ng mga senior citizens’ organizations mula sa bayan. Pinangunahan ni OSCA Chairman Benigno de Vera ang delegasyon, kasama ang mga lider ng FSCAB at mga pangulo at kinatawan ng iba’t ibang Barangay Senior Citizens Associations. Tampok sa pagdiriwang ang mga mensahe hinggil sa pagkilala, karapatan, dignidad at kapakanan ng mga nakatatanda.
- Civil Registry Services (LCR)
- Environmental Protection (MENRO, ESWMO)
Nahuling Unggoy, Itinurn-Over sa CENRO
Ligtas na nahuli at na-turn over sa CENRO-Dagupan ang isang Philippine long-tailed macaque na namataan sa isang tirahan sa Brgy. San Gabriel 1st noong September 30. Nahuli ito ni Barangay Kagawad Rustico Villanueva at itinurn-over nina ESWMO Wildlife Enforcement Officer, Dr. Jegie Malicdem, at SEMS Eduardo Angeles para sa nararapat na pangangalaga at disposisyon. Inaabisuhan ang publiko na agad ipagbigay-alam sa mga kinauukulang tanggapan kapag may namataang wildlife upang mapangalagaan kapwa ang mga hayop at mga residente.
- Youth Development (LYDO, SK)
LYDO, Lumahok sa Monitoring and Coaching Session
Lumahok ang Local Youth Development Officer (LYDO) ng Bayambang sa 2026 Local Monitoring and Coaching Session for LYDOs noong September 29 sa PDRRMO-Lingayen. Isinagawa ito ng National Youth Commission upang talakayin ang mga tungkulin ng LYDO, Local Youth Development Plan, Local Youth Development Council operations, SK Web Portal, compliance monitoring, at iba pang requirements para sa pagpapatupad ng mga programa at polisiya para sa kabataan.
- Peace and Order (BPSO, PNP, DILG)
BPSO CCTV Operators, Nag-refresher Training
Isang Refresher Training para sa mga CCTV Operator ng Bayambang Public Safety Office ang isinagawa noong September 26, at ito ay dinaluhan ng tatlumpung. Sa aktibidad na ito, muling nmapalakas at napagbuti ang kakayahan ng mga kawani sa pagbabantay at pagpapanatili ng seguridad at kaayusan sa buong bayan ng Bayambang.
NAPOLCOM, Nag-courtesy Call
Nagsagawa ng courtesy call ang NAPOLCOM Regional Office 1 kay Mayor Niña, sa pamamagitan ni Municipal Administrator, Atty. Rodelynn Rajini Sagarino-Vidad, para sa 2026 Annual Monitoring. Layunin nitong suriin ang compliance ng alkalde bilang NAPOLCOM Deputy at patuloy na tiyakin ang kapayapaan at seguridad sa buong bayan ng Bayambang.
Mayor Niña, Tumanggap ng PDEA Commendation; 77 Barangays, Drug-Free Workplace
Tumanggap si Mayor Niña ng commendation mula sa Philippine Drug Enforcement Agency o PDEA bilang pagkilala sa pagpapatupad ng Drug-Free Workplace at pagsuporta sa kampanya kontra ilegal na droga sa Bayambang. Kasama ring kinilala ang 77 barangay sa pakikiisa sa pagpapanatili ng ligtas at drug-free na mga komunidad. Dumalo sa seremonya ang lahat ng Punong Barangay.
Seguridad at Kampanya Kontra Droga, Tinutukan sa Pulong
Tinalakay sa 3rd Quarter Joint Meeting ng Municipal Anti-Drug Abuse Council at Municipal Peace and Order Council noong September 21 ang kapayapaan at kaayusan, kaligtasan ng publiko, at kampanya kontra ilegal na droga, kabilang ang seguridad sa mga paaralan. Sinuri rin ang mga accomplishment, POPS Plan 2026, resulta ng Local Anti-Drug Plan Action, at posibilidad ng pagtatayo ng Balay Silangan para sa rehabilitasyon at reintegration.
AGRICULTURAL MODERNIZATION - (MAO)
Food Packs, Ipinamahagi sa mga Magsasakang Nasalanta
Sa pangunguna ni Mayor Niña, ipinamahagi noong September 8 ang food packs para sa 2,987 na magsasakang naapektuhan ng Bagyong Luis, Maymay, at Neneng, kasabay ng habagat sa walong distrito ng Bayambang. Naging maayos ang pamamahagi dahil sa pagtutulungan ng mga barangay at ng Agriculture Office.
Pagsasanay sa Sustainable Lowland Vegetable Production, Isinagawa
Isang Training on Sustainable Lowland Vegetable Production noong September 9–11 ang isinagawa ng Agriculture Office para sa Managos Farmers Agricultural Cooperative sa pamamagitan ng Agricultural Training Institute – Regional Training Center I.
Ito ay nilahukan ng mga miyembro ng nasabing kooperatiba sa Brgy. Managos, na napalawak ang kaalaman at kasanayan sa crop establishment, nutrient management, at iba pang teknolohiya para sa mas mataas at mas ligtas na produksyon ng gulay.
Mga Libreng Pataba, Ipinagkaloob sa mga Magsasaka
Ipinamahagi ng Agriculture Office ang 1,350 na pakete ng powder foliar fertilizer, 6,000 na bote ng liquid fertilizer, at 450 na bag ng ammonium chloride fertilizer mula sa DA-RFO I para sa mga kwalipikadong rice farmers at off-season corn farmers. Bahagi ito ng patuloy na suporta ng LGU at DA sa pagpapataas ng produksyon at pagpapabuti ng kabuhayan ng ating mga magsasaka.
Issues and Concerns ng RiceBIS TWG, Tinalakay sa Pulong
Tinalakay sa ikalawang Pangasinan Site Working Group Meeting ang mga isyu at rekomendasyon para sa RiceBIS 2.0, kabilang ang pagpapalakas ng suporta sa mga rice farmer at pagbuo ng mas maayos na ugnayan sa pagitan ng mga ahensya at organisasyon. Kabilang sa mga napag-usapan ang access sa merkado, pagsasanay, pag-angkop sa pagbabago ng klima, at iba pang serbisyong makatutulong sa kabuhayan ng mga magsasaka. Layunin ng mga hakbang na mapalakas ang agricultural communities sa Pangasinan.
Presidential Assistance, Ipinamahagi sa 702 Farmer at Fisherfolk Beneficiaries
Ipinagpatuloy ng Department of Agriculture, katuwang ang Municipal Agriculture Office, ang pamamahagi ng Presidential Assistance to Farmers and Fisherfolks Program noong September 21. Umabot sa 702 na kuwalipikadong magsasaka na hindi nakapag-claim sa unang distribution ang nakatanggap ng tulong. Ito ay alinsunod sa Memorandum Circular No. 11, Series of 2026.
GAD Training on Goat-Raising, Isinagawa
Isang Gender and Development training sa goat production ang isinagawa ng Agriculture Office noong September 29-30 sa Brgy. Amanperez at Malimpec, na dinaluhan ng 25 na kababaihan at 12 na kalalakihan. Dito ay itinuro ni Municipal Veterinarian at Livestock Coordinator and Inspector, Dr. Joselito Rosario, ang tamang feeding management, goat pen construction, husbandry practices, at ang potensyal ng goat-raising o goat production bilang isang industriya.
Mga Punong Barangay, Pinulong ukol sa ASF
Noong October 1, ang lahat ng 77 na Punong Barangay ay dumalo sa isang pulong upang talakayin ang mahalagang isyung kinakaharap ng mga kabarangay kaugnay ng African swine fever (ASF) at mga naiulat na ilang kaso ng ASF na nakumpirma kamakailan. Pinag-usapan dito ang kasalukuyang sitwasyon, mga kinakailangang hakbang, at mga paraan upang makatulong at maprotektahan ang ating mga kabarangay at kanilang kabuhayan.
JOBS AND LIVELIHOOD FOR ALL
- Livelihood and Employment (PESO, BPRAT)
4Ps Members, Nagsanay sa Rag-Making
Ang Public Employment Service Office ay nagsagawa ng isang Skills Training on Rag-Making para sa tatlumpung miyembro ng 4Ps sa Pinoy Workers Center. Sa pamamagitan ng pagsasanay na pinangunahan ni Ms. Jocelyn S. Sison ng Pangasinan School of Arts and Trades (PSAT), nabigyan ang mga kalahok ng dagdag na kasanayan at oportunidad upang makalikha ng karagdagang kita.
Job Fair with One-Stop Shop for Employment Services, Dinumog
Isa na namang level-up na job fair ang matagumpay na isinagawa ng PESO-Bayambang noong September 2. Dinaluhan ito ng 9 na lokal na ahensya at 2 ahensyang pang-internasyonal. Naitala ang 145 rehistradong aplikante, kung saan 24 ang agad natanggap sa trabaho o hired on the spot. May one-stop-shop din para sa mga pre-employment requirements mula sa SSS, Pag-IBIG, NBI, at PhilHealth, at may libre pang printing at photocopy. Naroon din ang OWWA at DMW.
SRA, Muling Naging Tulay sa mga Naghahanap ng Ikabubuhay at mga Mapagkakatiwalaang Kumpanya
Patuloy ang PESO-Bayambang sa pagtutulay sa mga naghahanapbuhay at mga mapagkakatiwalaang kumpanya upang masiguro ang ligtas na paglalakbay at lehitimong pagtatrabaho. Noong September 22 at 23, muling naisagawa ng isang Special Recruitment Activity kung saan ang Automatechs Manpower Solutions, Inc. ay nagbukas ng pagkakataong makapagtrabaho ang mga kwalipikadong mamamayan bilang household service workers sa iba’t ibang bansa sa Middle East.
- Economic Development (SEE)
S.E.E. Staff, Nag-intensive Training sa Cold Storage Operation
Noong September 28–29, ang mga kawani ng Special Economic Enterprise Office ay sumailalim sa isang Intensive Training on the Operation and Maintenance of Cold Storage Facility sa E-Agro Training Hall, Brgy. Amancosoling Sur. Sa pagsasanay, napalawak ang kaalaman at kasanayan ng mga kalahok sa wastong operation, maintenance, monitoring, at management ng isang cold storage facility upang makatulong sa maayos at episyenteng pagpapatakbo nito.
- Cooperative Development (MCDO)
Cooperative Month, Ipinagdiwang sa Isang Tiangge Sale
Itinayo sa LGU grounds noong October 1 ang isang Agricultural Cooperatives Tiangge bilang bahagi ng Cooperative Month Celebration 2026, na nagtatampok sa ambag ng mga kooperatiba sa kabuhayan at kaunlaran ng Bayambang. Tampok sa tiangge ang mga produktong gawa ng mga kooperatiba at farmers’ associations gaya ng pigmented rice, rice coffee, itlog, fish cracker, lettuce chips, at bagong pitas na gulay, na tinangkilik naman ng mga empleyado ng lokal na pamahalaan bilang suporta sa kanilang mga produkto at pagsisikap.
- Tourism, Culture, and Arts (MTICAO)
Tourism Month 2026, Napuno ng Aktibidad
Muling napuno ng sari-saring aktibidad ang pagdiriwang ng National Tourism Month ng LGU-Bayambang sa pangunguna ng MTICAO.
A. Noong Lunes, September 21, isang poetry contest ang muling isinagawa, kung saan 24 na indibidwal ang nagpaligsahan sa pagsulat ng mga anlong o tula sa wikang Pangasinan.
B. Noong September 22, dalawampung paaralan ang nagtapatan sa isang quiz bee na naglalayong palawakin ang kaalaman ng mga mag-aaral tungkol sa kultura, kasaysayan, tradisyon, at turismo ng Bayambang. Binigyang-diin ng MTICAO ang kahalagahan ng pagkilala sa sariling kultura at pagmamalaki sa pagiging Bayambangueño at Filipino.
C. Pagdating naman ng Huwebes, isang patimpalak sa pagpinta ang inorganisa sa Events Center, kung saan naging tema ang tema ng taon nationwide para tourism month, ang “Digital Agenda and Artificial Intelligence to Redesign Tourism.”
Pagdiriwang ng Tourism Month, Matagumpay
A. Bilang tampok na bahagi ng culminating activity ng Tourism Month 2026 noong September 28, opisyal na inilunsad ang coffee table book na “Million Reasons Why Bayambang Is the Place Where the Best Things Happen,” kung saan tampok ang mga kuwento, tanawin, kultura, tradisyon, pagkain, personalidad, at mga natatanging tagumpay na bumubuo sa pagkakakilanlan ng Bayambang.
B. Kasabay nito, tinanggap ng MTICAO ang Certificate of Compliance mula sa National Commission for Culture and the Arts (NCCA) para sa compliant at acceptable Local Cultural Inventory ng Bayambang para sa taong 2025.
C. Kinilala naman ang mga nagwagi sa iba’t ibang paligsahan bilang bahagi ng nasabing pagdiriwang, kabilang ang Pangasinan Poetry Contest, Quiz Bee Contest, at Painting Contest.
- Infrastructure Development (Engineering: Infra, Housing, Transport, Utilities, etc.)
Mga Nasirang Daan, Isinasaayos
Upang maiwasan ang aksidente, agad nakipag-coordinate ang LGU-Bayambang sa DPWH para sa pansamantalang pagsasaayos ng bahagi ng national road dahil sa sunud-sunod na pag-ulan. At para naman sa permanenteng solusyon, magsisimula na ang pag-aaspalto ng DPWH sa mga susunod na linggo.
Bagong Municipal Trial Court Bldg., Pinasinayaan!
Pormal na pinasinayaan noong September 28 ang bagong Municipal Trial Court (MTC) Building sa Bayambang sa pangunguna ni Mayor Niña. Naging posible ang proyekto sa pamamagitan ng pakikipag-ugnayan niya DPWH at tanggapan ni Senator Joel Villanueva. Bukod pa rito, nagsagawa ang LGU ng improvement works sa gusali, upang higit na maging maayos ang paglalapit ng mga serbisyong legal sa mga Bayambangueño.
DHSUD at LGU, Tinututukan ang PNP Housing Site Project
Noong September 30, pinangunahan ng MPDO ang isang pulong upang talakayin ang pagpapatuloy ng PNP Housing Site Project sa Zone VI. Tinalakay sa pulong ang mga concerns at issues kaugnay ng mga lote para sa nasabing proyekto, kabilang ang mga kinakailangang proseso, dokumentasyon, at iba pang usaping kailangang matugunan, pati na rin ang mga susunod na hakbang. Isinasagawa ang proyekto alinsunod sa Presidential Proclamation No. 262, series of 2011, para sa mga kwalipikadong benepisyaryo.
DISASTER RESILIENCE - (MDRRMO)
LGU-Bayambang, Nakiisa sa Search and Rescue Operations
Nagpatuloy ang search, rescue, and retrieval operations noong Setyembre 7 para sa isa sa apat na nawawalang sakay ng SUV na nahulog sa Agana Bridge sa Tarlac. Sa ikatlong araw ng operasyon, mas pinalakas pa ang search and rescue efforts sa pamamagitan ng pagtutulungan ng sa Philippine Air Force, Philippine Coast Guard, Philippine Army, PNP Tarlac, K9 Units, PDRRMO Tarlac, at MDRRMO Camiling upang palawakin ang paghahanap sa nawawalang indibidwal.
Inspeksyon sa Ambayat, Isinagawa upang Maibalik ang Kuryente Roon
Isang joint ocular inspection ang isinagawa MDRRMO kasama ang CENPELCO at kinauukulang barangay officials sa Brgy. Cabayaoasan, Mangatarem, upang matukoy ang ligtas at angkop na proseso sa muling pagtatawid ng naputol na electric cable na tumatawid sa Agno River na nagdulot ng apat na araw na power interruption sa Brgy. Ambayat 1st at Ambayat 2nd, at sa naturang karatig-barangay. Dahil dito, nagawan sa huli ng ibang remedyo ang problema sa pamamagitan ng isang alternative power line habang hindi pa ligtas ang pagbagtas sa ilog.
3Q NSED, Isinagawa
Ang 3rd Quarter Nationwide Simultaneous Earthquake Drill (NSED) ay matagumpay na naidaos noong September 10, bilang bahagi ng pagsasanay sa kahandaan ng bayan sa posibleng pagyanig. Isinagawa ang earthquake drill sa mga tanggapan ng pamahalaan, paaralan, at iba pa, sa pangunguna ng MDRRMO-Bayambang, kasama ang mga kawani ng pamahalaan, barangay officials, guro, at mga mag-aaral. Sa ganitong paraan, mas magiging handa ang bawat isa at mababawasan ang posibleng pinsala sa anumang di inaasahang pagyanig at sakunang maaaring idulot nito.
Maraming Salamat po sa Iba pang Donors!
A. Muling nagpapaabot ang LGU-Bayambang sa iba pang mga donor sa mga pamilyang naapektuhan ng pagbaha, kabilang sina Ms. Ina at Ida Laroco, Wingscape family, Child Development Workers (CDWs) Association of Bayambang, Rotary Club of Bayambang, Arangkada Nobenta (BNHS Batch 1990), Mother Butlers Guild, at Alpha Kappa Rho, Oning's Rice Store at Ms. Leonora P. Sagun, Switch Cafe at TESDA Scholars, Bayambang National High School organizations, Child Development Workers Federation of Bayambang, Aboitiz Foundation, at tatlong anonymous donors, at iba pang maaari naming hindi nabanggit o nakaligtaan. Maraming, maraming salamat po sa malasakit, inisyatibo, at agarang pagtugon sa oras ng mantinding pangangailangan ng ating mga kababayang nasalanta.
Relief Donations at Food Packs, Inihatid sa San Gabriel 2nd
Namahagi ang FPJ Panday Bayanihan Partylist at Philip Morris Fortune Tobacco Corp. ng relief donations at food packs sa mga residente ng Brgy. San Gabriel 2nd noong September 21, sa pakikipag-ugnayan sa LGU. Kinatawan ni Municipal Administrator, Atty. Rodelynn Rajini S. Vidad si Mayor Niña sa programa, na dinaluhan ni Cong. Brian Poe at ng PMFTC representative Sheila Mae Zapanta, at Punong Barangay Gildo Madronio. Inihatid ang tulong sa mga residenteng kamakailan ay binaha ang mga kabahayan.
HONEST & EFFICIENT PUBLIC SERVANTS
Sari-Saring Isyu, Agad Hinanapan ng Solusyon sa ExeCom Meeting
Pinangunahan ni Mayor Niña at Dr. Cezar Quiambao ang isa na namang Executive Committee (ExeCom) Meeting noong Setyembre 24, kung saan nagbigay ng mahahalagang update ang mga piling department head ukol sa ibat ibang administrative concerns. Naging pangunahing paksa ang pinahuling estado ng mga procurement items, collection, fund utilization, short-term investments ng LGU, 2027 Annual Investment Program (AIP) at kaakibat na budget, New Market Code, New Revenue Code, at loan status.
Panukalang GCash Payment para sa mga JO Personnel, Tinalakay sa Committee Hearing
Tinalakay ng Sangguniang Bayan Committee on Civil Service and Personnel noong September 23 ang panukalang resolusyon na naglalayong gawing opisyal na payment channel ang GCash para sa sahod at iba pang kompensasyon ng mga job order (JO) personnel ng LGU. Bahagi ito ng patuloy na digitalization ng mga serbisyo at transaksyon ng lokal na pamahalaan, at nakatakdang muling dumaan ang naturang panukala sa isang pampumblikong pagdinig.
Executive Briefing, Isinagawa ng DILG
Isang executive briefing ang isinagawa ng DILG para sa LGU-Bayambang noong September 23 bilang bahagi ng Supervised Field Work ng kanilang Apprenticeship Program for Local Government Operations Officers II & III. Tinalakay rito ang mga obserbasyon, natuklasan, konklusyon, at rekomendasyon mula sa field work upang mapahusay ang mga programa, proseso, at serbisyo ng lokal na pamahalaan. Nakibahagi sa talakayan ang mga kinatawan ng iba’t ibang tanggapan ng LGU upang magbahagi ng mga pananaw at mungkahi para sa higit na episyente at epektibong paghahatid ng serbisyo sa mga mamamayan.
LGU, Dumalo sa Pagsasanay ukol sa Copyright at Digitized Government Records
Dumalo ang mga kinatawan ng LGU-Bayambang sa training na “Copyright and Legal Basics for Digitizing Government Records,” na inorganisa ng grupong GROAP o Government Records Officers’ Association of the Philippines noong September 16–18 sa Baguio City. Pinangunahan ang delegasyon ng Municipal Legal Office at Office of Special Economic Enterprise. Tinalakay ang copyright, digitization, data privacy, data sharing, government records, at ligtas na paggamit ng AI, habang kinilala si Christian Mark Junio bilang Top 5 Most Improved Participant.
Orientation on ARTA Compliance, Isinagawa
Isinagawa noong September 29 ang Mandatory Online General Orientation sa pamamagitan ng Zoom video, upang higit na mapalakas ang pagsunod ng LGU sa mga pamantayan ng Anti-Red Tape Authority o ARTA. Tinalakay dito ang Republic Act No. 11032 o Ease of Doing Business and Efficient Government Service Delivery Act of 2018, kabilang ang Citizen’s Charter, Client Satisfaction Measurement, tungkulin ng Committee on Anti-Red Tape, Three Signatories Rule, Zero Backlog Program, Annual Regulatory Plan, at Electronic Business One-Stop Shop.
- Planning and Development (MPDO)
Bayambang, Sumalang sa Final Judging para sa 2026 Most Business-Friendly LGU!
Sumalang ang LGU-Bayambang sa panel interview at final judging para sa 2026 Most Business-Friendly Local Government Unit - Municipality Level 1 category ng Philippine Chamber of Commerce and Industry sa Fort Bonifacio, Taguig City, noong September 30, sa pangunguna ni Mayor Niña. Siya ay nirepresenta ni Municipal Administrator, Atty. Rodelynn Rajini S. Vidad, kasama si MPD Coordinator Ryan Dizon, at Statistician Sylvester Calderon ng MPDO. Matatandaang napabilang sa Top 5 ang Bayambang sa naturang kategorya ng kumpetisyon sa ikalawang pagkakataon.
- Finance (Accounting, Treasury, Assessor, BPLO)
Municipal Treasury at Assessor’s Office, Dumalo sa REGATA Conference
Dumalo ang Acting Municipal Treasurer, OIC Municipal Assessor, at piling kawani sa 3rd Quarter Regional Conference of Provincial, City, and Municipal Treasurers and Assessors of Region I na ginanap noong Setyembre 29 hanggang Oktubre 2 sa Subic Bay Freeport Zone. Ang kumperensya ay isinagawa ng Department of Finance - Bureau of Local Government Finance Regional Office I (DOF-BLGF RO I) sa pakikipagtulungan ng Regional Association of Treasurers and Assessors of Region I (REGATA) upang mapalawak ang kaalaman at kakayahan ng mga local treasurers at assessors sa pananalapi, pamamahala ng ari-arian, at pangongolekta ng lokal na kita, alinsunod sa temang “Strengthening Transparency and Accountability in Local Treasury and Assessment Operations.”
- Legal Services (MLO)
- ICT Services (ICTO)
AI-Powered DMS ng Bayambang, Sumailalim sa DILG Validation
Sumailalim sa opisyal na validation ng DILG noong Setyembre 9 ang AI-powered Document Management System (DMS) ng LGU-Bayambang bilang entry sa Bahaginan Project, na naglalayong kilalanin at maibahagi ang mga makabagong inobasyon ng mga LGU. Sinuri ng validation team ang buong implementasyon ng sistema, kabilang ang digital routing at AI-powered content indexing na nagpapabilis sa paghahanap at pagsubaybay ng mga dokumento. Inaasahang magsisilbing modelo ang inobasyon sa paperless governance, information retrieval, at mas episyenteng pamamahala ng dokumento sa iba pang LGU.
Espesyal na Pulong ukol sa Records Management, Isinagawa
Tinalakay sa isang special meeting ng LGU, sa pangunguna ng ICT Office, ang pagpapahusay sa records management system sa pamamagitan ng digitization, maayos na pangangalaga, at tamang pamamahala ng mga dokumento, bilang estratehiya upang magkaroon ng ligtas na backup copies at upang mas lalo pang mapabilis ang transksyon ng publiko sa Munisipyo. Kabilang din ang paghahanda para sa compliance sa Republic Act No. 9470 o National Archives of the Philippines Act of 2007, gayundin ang mga panukalang polisiya para sa records governance at digitization.
Electronic Records Management System, Tinalakay sa Pulong
Tinalakay ng ICT Office ang Electronic Records Management System (ERMS) bilang bahagi ng patuloy na pagpapahusay sa pamamahala ng mga dokumento at records ng bawat tanggapan, sa isinagawang 3rd Quarter Document Control Custodians (DCC) Meeting noong September 24. Ipinakilala ang ERMS bilang isang sistema na naglalayong suportahan ang mas organisado, episyente, at sistematikong pag-iingat at pamamahala ng electronic records ng LGU.
- Human Resource Management (HRMO)
LGU, Nakiisa sa Pagdiriwang ng Civil Service Month
Sari-saring aktibidad ang isinagawa ng HRMO bilang pakikiisa ng LGU-Bayambang sa pagdiriwang ng 126th Civil Service Anniversary.
A. Noong September 8–9, nakiisa ang HRMO sa opening activities ng CSC sa Bolinao, kabilang ang isang thanksgiving mass, outreach activity, at Family Day at fellowship.
B. Noong September 13, ilang empleyado ang aktibong nakilahok sa Lingkod Bayani Fun Run 2026 sa Capitol Grounds at sa Baywalk, Lingayen.
C. Noong September 15, binigyang-pugay ng LGU ang walong kawani nito na nagtapos na sa kanilang serbisyo at nakatakdang magtapos ngayong taon matapos ang mahigit ilang dekada ng tapat, masipag, at makabuluhang paglilingkod-bayan.
D. At noong September 16, ang HRMO ay sumunod namang naghandog ng libreng pampering services sa mga kawani gaya ng gupit, back massage, manicure, at pedicure.
E. At noong September 18 naman, nakiisang muli ang LGU sa isang Zumba session na inorganisa ng CSC upang muling isulong ang aktibong lifestyle at malusog na pangangatawan na napakahalaga sa pagiging isang lingkod-bayan.
Mayor Niña, Sumuporta sa Wellness ng mga Kawani; Social Dance Class, Humataw sa Dance Recital
Nagpakitang-gilas ang mga kawani ng LGU-Bayambang na miyembro ng Social Dance Class 2026 sa kanilang dance recital noong September 21, bilang bahagi ng National Civil Service Month at wellness program ng pamahalaang bayan. Sa suporta ni Mayor Niña sa overall wellbeing ng mga kawani, isinusulong ng Nutrition Office, Administrator’s Office, at HRMO ang aktibong pamumuhay, physical fitness, at work-life balance ng mga empleyado. Binigyang-parangal din ang kanilang coach na si Jhencie Kyle Bollester.
Top 10 Best Offices sa OPCR, Pinarangalan
Pinarangalan ng Municipal Planning and Development Office ang Top 10 LGU offices na nakakuha ng pinakamataas na marka sa Office Performance Commitment and Review o OPCR noong September 21. Kabilang sa mga kinilalang tanggapan ang HR, Legal, RHU I, Internal Audit, Treasury, BPSO, Administrator's Office, RHU III, Accounting, at Planning and Development. Bawat awardee ay tumanggap ng certificate of recognition mula sa Performance Management Team.
Mayor Niña, Namigay ng ₱10,000 Cash Incentive
Nagbigay si Mayor Niña Jose-Quiambao ng ₱10,000 cash incentive sa mga naturang sampung nangungunang departamento ng LGU bilang pagkilala sa kanilang mahusay na performance at commitment sa serbisyo publiko. Sa pagkilala at insentibong ito, lalong nahikayat ang mga kawani na ipagpatuloy ang mahusay, mabilis, at maaasahang serbisyo para sa mga Bayambangueño.
Komprehensibong Serbisyo sa Bayan Year 9, Nagtungo sa Bongato East
Ang Komprehensibong Serbisyo sa Bayan Year 9 ay sumunod namang nagtungo sa Brgy. Bongato East noong Setyembre 10 para pagsilbihan ang mga residente ng Brgy. Bongato East at Bongato West. Kabilang sa mga serbisyong handog ang libreng medical at dental services, late registration of birth, libreng bakuna sa hayop, employment services, renewal ng business permit, legal advice, libreng buto at punla, libreng gupit, at marami pang iba.
- Sports Development
Mayor Niña, Panauhing Pandangal sa Municipal Meet at Rotary Induction & Turnover Ceremony
A. Noong September 19, inimbitahan si Mayor Niña bilang Guest of Honor and Speaker sa Municipal Meet 2026 na ginanap sa Bayambang National High School grounds. Sa kanyang mensahe na inihayag ni Councilor Zerex Terrado, kanyang isinulong ang kahalagahan ng sportsmanship, teamwork, disiplina, at camaraderie sa sporting competitions tulad nito.
B. Kinahapunan naman, siya ay naimbitahan upang magbigay ng inspirasyunal na mensahe sa 24th Induction and Turnover Ceremony ng Rotary Club of Bayambang. Siya ay nirepresenta ni Municipal Administrator, Atty. Rodelynn Rajini S. Vidad, kung saan kanyang pinuri ang naisin ng Rotarians ng pagkakaroon ng lasting impact o legasiya sa ating komunidad bilang isang organisasyon.
- Property Custodial Services (GSO, Motorpool)
AWARDS AND RECOGNITIONS
Bayambang, Isa sa Top 5 Most Business-Friendly Municipalities Level 1 Nationwide!
Ang bayan ng Bayambang ay itinanghal na isa sa Top 5 sa Most Business-Friendly Municipalities Level 1 sa buong bansa ng Philippine Chamber of Commerce and Industry, sa ginanap na 52nd Philippine Business Commerce and Expo. Ito ay nangangahulugan ng tunay na kahandaan ng Bayambang sa pagtanggap ng mga mamumuhunan sa iba't ibang enterprise na siguradong magdadagdag ng oportunidad sa ating mga kababayan at magpapayabong ng ekonomiya.
Bayambang Women's Volleyball Team, Kampeyon sa Central Conference ng Inter-town Volleyball Tournament!
Ang Bayambang Women's Volleyball Team ay tinanghal na kampeyon sa Central Conference ng Inter-town Volleyball Tournament 2026. 3rd place naman ang nasungkit ng Men's Volleyball Team sa parehong conference at kasalukuyang nakikipagtunggali sa top 4 teams ng Western and Eastern Conference para sa nag-iisang titulo na Overall Champion. Congratulations, Team Bayambang!
Congratulations, Dr. Jose V. Camacho Jr.!
Ang buong bayan ng Bayambang ay malugod na bumabati kay Dr. Jose 'Dong' V. Camacho Jr. sa kanyang pagkakahalal bilang University of the Philippines Los Baños Chancellor sa ikatlong pagkakataon! Ayon sa UPLB, makakasaysayan ang muling pagkakatalaga kay Camacho dahil siya ang kauna-unahang UPLB Chancellor na magsisilbi sa loob ng tatlong termino.
LEGISLATIVE ENACTMENTS - (SB)
Anim na Panukalang Ordinansa, Isinumite para sa Pampublikong Pagdinig
Anim na mga proposed ordinance ang inilatag ng Sangguniang Bayan sa isang public hearing noong Septembber 10. Kabilang sa mga ito ang mga panukala na naglalayong gawing sistematiko ang municipal clearance system para sa lahat ng relief operations at donation activities sa bayan; magtatag ng mga hakbang sa paghahanda at pagtugon sa epekto ng El Niño, kabilang ang paglikha ng Municipal El Niño Task Force; pagtibayin ang Local Public Transport Route Plan 2025–2029 at magtakda ng mga patakaran para sa pagpapatupad nito; isakatuparan sa lokal na antas ang Expanded Solo Parents Welfare Act; i-update ang Comprehensive Children’s Welfare Code ng Bayambang; at ayusin ang pagtatatag, franchising, paglilisensya, at operasyon ng mga sabungan at pagsasabong ng manok. Sa nasabing serye pagdinig, nabigyan ng pagkakataon ang iba’t ibang sektor na maglahad ng kanilang mga komento, mungkahi, at saloobin bago isulong ang mga panukala para sa kaukulang pagtalakay at aksiyon ng Sangguniang Bayan.
Panukalang Budget at AIP, Tinalakay ng SB sa Pagdinig
Tinalakay ng Sangguniang Bayan, sa pamamagitan ng Committees on Finance, Budget, and Appropriations at Ways and Means, ang mga panukalang General Fund at Special Economic Enterprise Annual Budgets, gayundin ang Annual Investment Program (AIP) para sa 2027, sa isang budget hearing noong September 21. Dumalo rito sina Mayor Niña kasama ang mga department head upang maidepensa ang inihandang mga budget allocations. Matapos ang mga deliberasyon ng SB, sa huli ay naipasa ang Executive Budget para sa 2027.
