Monday Report – April 21, 2025

 

 

Monday Report – April 21, 2025

 

[INTRO]

 

NEWSCASTER 1: Magandang Monday morning, Bayambang! Ako po si Sheina Mae Ursua Gravidez mula sa Municipal Tourism, Information, and Cultural Affairs Office.

 

Narito na ang buong puwersa ng LGU-Bayambang...

 

Maghahatid sa inyo ng mga maiinit at napapanahong balita...

 

Ito ang…. BayambangueNews!

 

***

 

Sa ulo ng nagbabagang balita:

 

1. 2nd Quarter Execom Meeting, Pinangunahan ni Mayor Niña

 

Noong April 10, pinangunahan ni Mayor Niña Jose-Quiambao ang isang Executive Committee Meeting para sa second quarter ng taon sa Mayor's Conference Room. Kasama ang mga concerned department head, kanyang kinumusta ang lahat ng naglalakihang proyekto sa bayan kabilang ang apat na gusali ng LGU sa Magsaysay, National Irrigation Authority pumping station, Nalsian Cold Storage, Swine Project, Central Terminal, Septage and Sewerage Project, at marami pang iba.

 

 

2. Gov. Guico, Nagdonate ng 100 Micromatic Umbrellas; BM Baniqued, Nagdonate ng 100 Monobloc Chairs

 

Si Governor Ramon Guico III ay nagdonate ng isang daang micromatic umbrella sa mga public market vendors, at si 3rd District Board Member, Dra. Shiela Baniqued, ay nagdonate naman ng isang daang monobloc chair para sa mga magsasaka. Ang mga donasyon ay tinanggap ng Municipal Administrator at Municipal Agriculture Office. Ang mga public market vendor at magsasaka ng Bayambang ay nagpapasalamat kina Gov. Monmon at BM Baniqued.

 

 

3. Municipal Team, Muling Nagvalidate para sa Kalinisan sa Bagong Pilipinas

 

Noong April 14 hanggang 16, nagsagawa ng validation at assessment activity ang Municipal Validation and Assessment Task Team sa iba't ibang barangay para sa unang quarter ng taon. Ito ay upang suriin at tiyakin kung maayos na naipatutupad ng mga barangay ang Road Clearing Operations, HAPAG o Halina't Magtanim ng Prutas at Gulay, at ang Quarterly Assessment for Cleanest Barangays, sa ilalim ng "Kalinisan sa Bagong Pilipinas Program" ng Pangulong Ferdinand Bongbong Marcos.

 

 

4. Mayor Niña, Pinulong ang MDRRM Council

 

Noong April 10, pinangunahan ni Mayor Niña Jose-Quiambao ang second quarter meeting ng Municipal Disaster Risk Reduction and Management Council (MDRRMC) ng Bayambang sa tulong ng MDRRMO. Kabilang sa mga tinalakay ang rebisyon ng Local DRRM Fund para sa taong 2025, gayundin ang pag-apruba ng resolusyon sa paggamit ng Trust Fund na inaasahang magpapabilis sa implementasyon ng mga proyekto para sa disaster preparedness.

 

 

5. Liga ng mga Barangay, Nagpulong

 

Noong April 15, ang mga Punong Barangay at Barangay Kagawad ay pinulong sa SB Session Hall. Sila ay pinaalalahanan ng bagong COMELEC Officer na si Reina Corazon Ferrer ng mga dapat tandaan sa panahon ng kampanya at eleksyon. Nagpaalala naman si MLGOO Editha Soriano ukol sa mga requirements gaya ng implementasyon ng Kalinisan sa Bagong Pilipinas Program, ARTA, Citizen's Charter, at Tax Ordinance.

 

 

6. Agriculture Office, Nagbigay ng Libreng Soil Fertility Management Training

 

Noong April 15, ang Municipal Agriculture Office ay nagbigay ng libreng Soil Fertility Management Training sa ilalim ng Organic Banner nito sa Brgy. Banaban para sa mga miyembro ng Gabay sa Bagong Pag-asa Cluster. Ang mga resource speaker ay nagmula sa DA Field Office 1, at kanilang tinalakay ang mga paksa ukol sa organikong pag-aalaga ng lupa. Ayon sa MAO, ang malusog na lupa ay numero unong dahilan para umani at kumita ng mas malaki.

 

 

7. COA Exit Conference, Ginanap

 

Noong April 16, ang Commission on Audit ay nagsagawa ng isang exit conference bilang parte ng preparasyon sa Annual Audit Report ng ahensya para sa lahat ng transaksyon ng LGU sa Calendar Year 2024, kabilang ang Philippine Rural Development Project. Tinalakay sa exit conference ang kanilang audit observations at recommendations at ang implementasyon ng audit recommendations sa nakaraang taon.

 

 

8. Oplan Semana Santa, Matagumpay na Naimplementa

 

Sa direktiba ni Mayor Niña, naging alerto ang buong Municipal Peace and Order Council upang masiguro na tahimik at payapa ang paggunita ng Semana Santa sa apat na simbahang Katolika sa Bayambang. Nagtulung-tulong ang PNP, BFP, BPSO, MDRRMO, RHU, force multipliers mula sa pribadong sektor, at mga barangay official upang mapanatiling maayos ang takbo ng mga tradisyunal na aktibidad sa Mahal na Araw, at maigabay ng maayos ang mga turista at umuwing bakasyunista.

 

 

9. Pabatid sa Publiko: Mag-Ingat sa mga Pekeng Account ni Mayor Niña!

 

Samantala, mahigpit na pinapayuhan ang publiko na maging maingat at mapanuri sa mga Facebook account na nagpapanggap na pagmamay-ari ni Mayor Niña Jose Quiambao. Nag-iisa lamang po ang kanyang opisyal na Facebook page, kaya't tiyakin muna na mayroong blue badge ang page at magsagawa ng background check upang mapatunayan ang pagiging lehitimo ng isang account o page. Ang ilang pekeng account ay ginagamit sa panloloko at maaaring malagay sa panganib ang inyong personal na impormasyon.

 

Maraming salamat po.

 

***

 

It's Trivia Time!

 

Alam ba ninyo kung ano ang SLP?

 

Ang SLP ay ang Sustainable Livelihood Program, isang inisyatiba ng gobyerno ng Pilipinas na idinisenyo upang bigyang kapangyarihan ang mga mahihirap na pamilya sa pamamagitan ng pagpapabuti ng kanilang sosyo-ekonomikong kondisyon.

 

Nakatuon ito sa pagbuo ng mga kakayahan sa kabuhayan sa pamamagitan ng iba't ibang interbensyon tulad ng pagsasanay upang magkaroon ng angkop na skills set, suporta sa micro-enterprise, at pagpapadali sa trabaho.

 

Ang programa ay naglalayon na tulungan ang mga benepisyaryo na bumuo ng mga micro-enterprise na nagbibigay ng kita o magkaroon ng access sa mga oportunidad sa trabaho.

 

At alam mo ba? Mula taong 2023 hanggang 2024, mayroong 50 SLP Associations na nabuo ang DSWD, at 490 indibidwal ang nabigyan ng karagdagan at panimulang puhunan para sa kanilang mga napiling negosyo.

 

[DELETE MUNA DUE TO DELAYED INFO: na may kabuuaang halaga na ____________________.]

 

Sila ay sumailalim sa social preparation process upang ma-assess ang kanilang kakayahan sa pagnenegosyo at patuloy na minomonitor sa loob ng limang taon.

 

***

 

[OUTRO]

 

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

 

NEWSCASTER 2: Mga balitang may tatak Total Quality Service.

 

NEWSCASTER 1: Muli, ako po ang inyong lingkod, Sheina Mae Ursua Gravidez mula sa Municipal Tourism, Information, and Cultural Affairs Office.

 

[SABAYANG BIGKAS]: At ito ang... Bayambangueñews!