Monday Report – April 14, 2025

 

Monday Report – April 14, 2025

[INTRO]

NEWSCASTER 1: Magandang Monday morning, Bayambang! Ako po si Zarah Jane Z. Redrino.

NEWSCASTER 2: At ako naman po si Jay-r S. Abalos, at kami po ay mula sa Municipal Planning and Development Office.

NEWSCASTER 1: Narito na ang buong puwersa ng LGU-Bayambang...

NEWSCASTER 2: Maghahatid sa inyo ng mga maiinit at napapanahong balita...

SABAY KAYO: Ito ang…. BayambangueNews!

***

[SALITAN NA KAYO RITO]

Sa ulo ng nagbabagang balita:

1. SK, Nagdaos ng Fire Safety at Prevention Seminar

Noong March 21, nagdaos ang Sangguniang Kabataan ng Bayambang ng isang Fire Safety and Prevention Training-Seminar sa tulong ng mga fire marshal ng Bayambang Fire Station. Ito ay upang pataasin ang kaalaman at pag-ibayuhin ang kasanayan ng mga SK Chairperson sa pagtugon sa mga sunog at pagbibigay ng tulong sa kanilang mga ka-barangay.

2. Bb. Bayambang Candidates, Nakiisa sa Blood Drive

Ang mga Bb. Bayambang 2025 candidate ay nakiisa sa blood donation drive sa Barangay Beleng Covered Court noong March 24. May 107 na rehistradong donor, at 74 sa kanila ang matagumpay na nakapagdonate ng dugo. Ito ay naging posible sa pagtutulungan ng LGU, Municipal Health Office, Philippine Red Cross, Beleng Barangay Council, at Bb. Bayambang Foundation.

3. LCR, Muling Nagbigay ng Libreng Birth Certificates

Nagpatuloy ang Local Civil Registrar sa pagbibigay ng libreng Delayed Registration of Birth sa pakikipag-ugnayan sa Philippine Statistics Authority bilang bahagi ng "Birth Registration Assistance Project" ng ahensya. Noong March 12-13, nagtungo sila sa Barangay Telbang, Buayaen, at Pantol sa at nagbigay ng libreng birth certificate in security paper sa 16 na residente.

‎4. ‘Feeding Angels,’ Muling Namahagi ng Food Packs

Ang Feeding Angels of Bayambang, sa tulong ng Nutrition Office, ay nagdaos ng kanilang ika-apat na feeding activity noong March 22. Sila ay naglibot sa walong barangay upang magpamahagi ng mga food pack, merienda, at laruan sa may 100 indigent at 99 undernourished na kabataan.

 5. IQA Team ng LGU, Nagsagawa ng Internal Quality Audit

Sa utos ni Mayor Niña Jose-Quiambao, isinagawa ng Internal Quality Audit (IQA) team ang kanilang 2nd semester audit upang tiyakin ang pagsunod ng lahat ng departamento ng LGU sa ISO 9001:2015 Quality Management System. Kabilang sa nag-audit ang mga bagong miyembro ng team na dumaan sa training at pagsusulit. Natapos ang audit sa isang closing meeting noong March 25 kung saan isa-isang inilatag ang findings at tinanggap ang feedback mula sa mga opisina.

6. Ukay for a Cause, Muling Nakalikom ng Pondo para sa Pabahay

Isa na namang live selling ang isinagawa noong March 25 bilang bahagi ng pagdiriwang ng National Women's Month. Ang inisyatibong ito ni Mayor Niña Jose-Quiambao ay nagtampok ng mga branded na damit, bags, at luxury items mula sa generous donors, kabilang ang mga sikat na personalidad. Ang nalikom na pondo ay nakatulong sa pagbibigay ng mas ligtas at maayos na tirahan para sa mga nangangailangan.

7. Solid Waste Management Board, Nagpulong

Sa unang quarterly meeting ng Municipal Solid Waste Management Board noong March 27, tinalakay ang mga programa at aktibidad kabilang ang final disposal ng residual wastes, hazardous waste management, recyclable wastes, at soil ameliorant production. Ipinakilala rin ang SWEEP o Solid Waste Education and Enforcement Program ng DENR upang mapahusay ang tamang pamamahala ng basura.

8. Mayor Niña, Naghandog ng Women’s Essentials

Bilang bahagi pa rin ng selebrasyon ng National Women’s Month, naghandog si Mayor Niña Jose-Quiambao ng women’s essentials noong March 26. Sa tulong ng MSWDO, ipinamahagi ang mga hygiene at self-care item sa mga kababaihan ng iba’t ibang tanggapan ng lokal na pamahalaan, sa public market, at sa mga paaralan. Sa inisyatibang ito, naiparamdam ang pagpapahalaga sa mga kababaihan, lalo na sa kanilang pang-araw-araw na pangangailangan sa personal care.

9. Pre-bidding Conference, Isinagawa para sa 2 Mega-Projects

Noong March 26, nagsagawa ng isang pre-bidding conference ang Special Bids and Awards Committee (SBAC) para sa dalawang naglalakihang infrastructure projects sa Bayambang sa ilalim ng Department of Agriculture-Philippine Rural Development Project Scale-up: ang Road Opening at Concreting ng San Gabriel II-Pantol Farm-to-Market Road at ang konstruksyon ng Bayambang Onion Cold Storage sa Nalsian Norte. Dito ay ipinaliwanag ang mga teknikal na alituntunin, kinakailangang dokumento, at mga pamantayan ng bidding, upang tiyakin na ang proseso ng bidding ay alinsunod sa Procurement Act at upang mapanatili ang patas at transparent na pagpili ng contractor.

10. Social Pension ng Seniors, Ipinamahagi

Ang MSWDO ay nagpamahagi ng social pension sa mga senior citizen para sa first quarter ng taon sa loob ng tatlong araw noong March 26 hanggang March 28 sa magkakahiwalay na venue. Dahil sa simultaneous distribution sa iba’t ibang distrito, mas napadali ang distribusyon ng nasabing social pension.

11. Free Events Management Classes, Nag-umpisa Na

Noong March 27, nagsimula ang unang klase ng unang batch ng mga scholar sa libreng Events Management Course NC-III. Ito ay hatid ng Gintong Aral Skills Development Academy at HERO Strategies Consulting sa Zone VII Covered Court.

12. Senior Citizens at PWDs, Natuto sa Fire Prevention

Noong March 27, ang Municipal Fire Station ay nagsagawa ng information drive para sa mga senior citizen at persons with disability, upang itaas ang kanilang kamalayan sa fire safety. Sa culminating activity na ito para sa Fire Prevention Month, tiniyak ng BFP na walang maiiwang sektor pagdating sa kamalayan sa kaligtasan sa sunog. Namigay rin ang BFP ng fire safety brochures sa mga kalahok.

13. RHU I, Pasok sa Most PhilHealth-Compliant sa Pangasinan

Noong March 20, ang Rural Health Unit I ng Bayambang ay kinilala ng PhilHealth bilang isa sa 12 na pinaka-compliant RHUs sa Central Pangasinan pagdating sa pagsunod sa Electronic Member Registration and Records Amendment Process (EMRRA) Policies and Guidelines ng PhilHealth. Sa pangunguna ni Jan Michael J. Garcia, matagumpay nila itong nakamit upang mas maraming Bayambangueño na wala pang PhilHealth account ang maaaring ma-enroll nang libre, alinsunod sa Universal Health Care policy ng gobyerno.

14. LGU Offices, Nagpresenta ng Management Report

Noong April 8, isang review meeting ang ginanap para sa management report ng bawat opisina ng LGU kaugnay ng compliance sa ISO standards. Ito ay dinaluhan ni Mayor Niña upang ma-address ang ibat ibang isyu. Sinuri naman ng Internal Quality Audit team ang mga nagawang inisyatibo, at tinukoy kung paano pa mas lalong mapapabuti ang serbisyo ng bawat departamento.

15. Mga Inirereklamong Daan, Inayos Na

Ilan sa mga nakitang bitak-bitak at baku-bakung daan ay inayos na, matapos makipagcoordinate ang LGU sa Pangasinan Engineering Office. Noong April 8 hanggang April 10, ang naturang tanggapan ay nagsagawa ng asphalt overlaying sa Quezon Blvd., Burgos St., Bonifacio St., at Juan Luna St.    

***

It’s Trivia Time!

 

Alam niyo ba na may mga mandated plans na dapat i-comply ang LGU, at ang Opisina ng MPDC ang lead office na gumagawa ng karamihan sa mga ito?

 

[NOTE TO MIKE: FLASH ONSCREEN: Section 106 ng Republic Act No. 7160]

 

Ang Section 106 ng Republic Act No. 7160 o Local Government Code of 1991 ay naglalayon sa lahat ng lokal na pamahalaan na magkaroon ng multi-sektor na plano sa pag unlad.

 

Ang Comprehensive Land Use Plan - (CLUP) ay siyam na taong plano na nagtatakda ng mga alituntunin para sa paggamit at pamamahala ng lupa. Layunin nito na masiguro ang wastong paggamit ng mga lupain alinsunod sa mga pangangailangan at layunin ng komunidad, kasama na ang pag-unlad ng mga lugar at mga patakarang pangkapaligiran.

 

Ito ay iba pa sa CDP o ang Comprehensive Development Plan – (CDP). Ang CDP ay anim na taong plano na naglalaman ng mga estratehiya, layunin, at patakaran para sa pangkalahatang pag-unlad ng isang lungsod o munisipalidad. Nakatuon ito sa mga aspeto tulad ng ekonomiya, imprastruktura, at serbisyong panlipunan sa loob ng isang tiyak na panahon.

 

Ang Executive-Legislative Agenda (ELA) naman ay tatlong taong plano na nag-uugnay sa mga layunin ng ehekutibo at lehislatibo sa isang lokal na gobyerno. Binubuo ito ng mga lokal na halal na opisyal at naglalayong isulong ang mga proyekto at programa na sumusuporta sa mga layunin ng pamahalaan. Pinapadali nito ang koordinasyon sa pagitan ng dalawang sangay ng LGU.

 

Ang Local Development Investment Plan (LDIP) ay ang pangunahing dokumento para sa pagpapatupad ng CDP at ELA. Isinasalin nito ang mga layunin ng CDP at ELA sa mga konkretong proyekto at aktibidad na may kasamang badyet. Nakatuon ito sa mga prayoridad na proyekto na dapat pondohan ng LGU.

 

Ang Annual Investment Program (AIP) ay isang bahagi ng plano na naglalarawan ng mga taunang kinakailangan sa yaman para sa lahat ng proyekto at programa ng lokal na pamahalaan. Naglalaman ito ng mga alokasyon para sa mga gastusin at pagpapatupad ng mga proyekto sa loob ng isang taon.

 

Nalito na ba kayo? Ganito na lang:

 

Ang CDP ay mas malawak at nakatuon sa pangkalahatang pag-unlad, habang ang CLUP ay nakatutok sa paggamit ng lupa.

 

Ang ELA ay nakatuon sa pagkakaisa ng mga layunin ng ehekutibo at lehislatibo, samantalang

ang LDIP ay tumututok sa mga kongkretong proyekto para sa pagpapatupad ng CDP at ELA.

 

Ang AIP ay isang taunang plano na naglalaman ng mga pondo para sa mga proyekto na nakapaloob sa LDIP.

Sa bayan ng Bayambang, ang mga planong ito ay dapat ding naka-angkla sa 10-year Bayambang Poverty Reduction Action Plan na binalangkas ng LGU noong bilang bibliya ng ating ongoing na Rebolusyon Laban sa Kahirapan.

Tulad din ng nakasaad sa parehong batas, ang mga nabanggit na plano at mga programang pamumuhunan ay dapat na nakahanay sa mga plano at mga programang pamumuhunan ng mas mataas na antas ng LGUs, probinsiya, rehiyon, pati na rin ng pambansang gobyerno at ng Sustainable Development Goals ng United Nations, upang mapabuti ang paggamit ng mga yaman at maiwasan ang pag-uulit sa paggamit ng mga piskal at pisikal na yaman.

Bilang karagdagan dito, narito ang listahan ng iba pang mga plano sa pag-unlad at ang mga responsableng opisina sa paggawa ng mga ito.

[NOTE TO MIKE: SCROLL DOWN NA LANG instead of reading it.]

OTHER MANDATED PLANS AND SECTORAL/THEMATIC PLANS	LEAD OFFICE/S
1. Action Plan for the Protection of Children	MSWDO
2. Agri-Fishery Mechanization Plan	MAO
3. Annual Culture and the Arts Plan	MTICAO
4. Anti-Poverty Reduction Plan	BPRAT
5. Local Disaster Risk Reduction and Management Plan	MDRRMO
6. Gender and Development Plan	MSWDO
7. Local Tourism Development Plan	MTICAO
8. Solid Waste Management Plan	ESWMO
9. Plan for PWDs	MSWDO
10.Local Climate Change Action Plan	MDRRMO
11. Peace and Order Public Safety Plan	DILG
12. Devolution Transition Plan	MPDO
13. Local Roads Network Development Plan	MEO
14.Public Service Continuity Plan	MDRRMO/ICT
15. Municipal Water Supply and Sanitation Master Plan	MPDO
16. Nutrition Action Plan	MNAO
17. ICT Plan	ICT
18. Local Shelter Plan	MPDO
19. Plan for the Elderly	MSWDO
20. Plan for Health and Family Planning	RHU
21. Capacity Development Agenda/HRMD Plan	HRMO
22. Local Public Transportation Route Plan	MPDO
23. Tricycle Route Plan	MPDO
24. Workforce Development Plan	PESO

 

[OUTRO]

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

NEWSCASTER 2: Mga balitang may tatak Total Quality Service.

NEWSCASTER 1: Muli, ako po ang inyong lingkod, Zarah Jane Z. Redrino.

NEWSCASTER 2: At ako naman po si Jay-r S. Abalos, mula sa Municipal Planning and Development Office.

[SABAYANG BIGKAS]: At ito ang... Bayambangueñews!