Monday Report - March 3, 2025

Monday Report - March 3, 2025

[INTRO]

NEWSCASTER 1: Magandang Monday morning, Bayambang! Ako po si _____________.

NEWSCASTER 2: At ako naman po si ______, at kami po ay mula sa _________________.

NEWSCASTER 1: Narito na ang buong puwersa ng LGU-Bayambang...

NEWSCASTER 2: Maghahatid sa inyo ng mga maiinit at napapanahong balita...

SABAY KAYO: Ito ang…. BayambangueNews!

***

[SALITAN NA KAYO RITO]

Sa ulo ng nagbabagang balita:

1. 𝟏,𝟓𝟎𝟎 𝐧𝐚 𝐒𝐨𝐥𝐨 𝐏𝐚𝐫𝐞𝐧𝐭𝐬, 𝐃𝐮𝐦𝐚𝐥𝐨 𝐬𝐚 𝐎𝐫𝐢𝐞𝐧𝐭𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲

Isang orientation activity para sa 1,500 na solo parents ang isinagawa ng MSWDO noong February 21. Ipinaliwanag dito ang batas ukol sa solo parents, mga benepisyo ng naturang batas, at mga kinakailangang dokumento para sa pagpaparehistro sa kanilang tanggapan bilang solo parents. Namahagi rin ng mga Solo Parent ID sa lahat ng nakapasa sa massive validation na isinagawa ng tanggapan noong nakaraang taon.

2. 𝗣𝗥𝗗𝗣, 𝐍𝐚𝐠𝐬𝐚𝐠𝐚𝐰𝐚 𝐧𝐠 3-𝗗𝗮𝘆 𝗖𝗮𝗽𝗮𝗰𝗶𝘁𝘆-𝗕𝘂𝗶𝗹𝗱𝗶𝗻𝗴 𝘀𝗮 𝗣𝗿𝗼𝗰𝘂𝗿𝗲𝗺𝗲𝗻𝘁 𝗚𝘂𝗶𝗱𝗲𝗹𝗶𝗻𝗲𝘀

Ang Philippine Rural Development Project (PRDP) Scale-Up team mula sa Department of Agriculture ay nagdaos ng tatlong-araw na "Capacity-Building on World Bank Harmonized Procurement Guidelines and Financial Processes" mula February 19 hanggang 21, upang palakasin ang kaalaman ng mga opisyal ng lokal na pamahalaan, lalo na ng mga procurement officers nito, sa standardized procurement practices kaugnay ng dalawang mega-projects na ini-award sa bayan ng Bayambang: ang ng 319+-million-peso na Phase 2 Pantol to San Gabriel 2nd Farm-to-Market Road at ang 246+-million-peso Onion Cold Storage.

3. 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐀𝐈𝐏 𝟐𝟎𝟐𝟓, 𝐈𝐩𝐫𝐢𝐧𝐢𝐬𝐞𝐧𝐭𝐚 𝐚𝐭 𝐈𝐧𝐚𝐩𝐫𝐮𝐛𝐚𝐡𝐚𝐧 𝐬𝐚 𝐌𝐃𝐂 𝐌𝐞𝐞𝐭𝐢𝐧𝐠

Sa direktiba ni Mayor Niña at pag-oorganisa ng Municipal Planning and Development Coordinator, ang mga miyembro ng Municipal Development Council ay nagpulong noong Febraury 20 para iprisenta at ipaapruba ang Supplemental Annual Investment Program No. 1 para sa taong 2025. Ang pulong ay dinaluhan ng mga barangay captains, CSOs, at concerned department heads.

4. 𝐋𝐢𝐛𝐫𝐞𝐧𝐠 𝐃𝐞𝐧𝐭𝐚𝐥 𝐒𝐞𝐫𝐯𝐢𝐜𝐞𝐬 𝐩𝐚𝐫𝐚 𝐬𝐚 𝐒𝐭𝐮𝐝𝐞𝐧𝐭𝐬 𝐰𝐢𝐭𝐡 𝐃𝐢𝐬𝐚𝐛𝐢𝐥𝐢𝐭𝐢𝐞𝐬, 𝐈𝐧𝐢𝐡𝐚𝐭𝐢𝐝 𝐬𝐚 "𝐏𝐫𝐨𝐣𝐞𝐜𝐭 𝐇𝐎𝐏𝐄"

Noong February 21, isang seminar at serbisyong pangkalusugan sa ngipin ang isinagawa para sa mga mag-aaral mula sa  Inclusive Education Program ng Bayambang National High School. Ito ay ang "Project HOPE o Healthy Oral Practices for the Empowerment of Students with Disabilities" na parte ng Oral Health Month Celebration 2025. Layunin ng proyekto na ipalaganap ang inklusibong pangangalaga sa oral health upang ang lahat, anuman ang kanilang kakayahan, ay may pantay na access sa tamang edukasyon at serbisyo sa oral at dental health.

5. 𝐈𝐧𝐬𝐢𝐝𝐞𝐧𝐭𝐞 𝐧𝐠 𝐊𝐫𝐢𝐦𝐞𝐧 𝐀𝐭𝐛𝐩., 𝐓𝐢𝐧𝐚𝐥𝐚𝐤𝐚𝐲 𝐬𝐚 Pulong

Sa first quarter meeting ng Municipal Peace and Order Council (MPOC) at Municipal Anti-Drug Abuse Council (MADAC) noong February 21, tinalakay ang mga issues and concerns patungkol sa anti-criminality, anti-insurgency, at anti-illegal drugs. Ipinaliwanag ng PNP na isang isolated case ang naiulat na kaso ng pagpatay sa isang dalagita kamakailan, at sa katotohanan ay bumaba ang crime rate sa Bayambang ng malaking porsiyento sa taong ito. Kanya ring pinabulaanan ang nagpapakalat ng fake news ukol sa kidnapping. Nanawagan naman si Mayor Niña sa lahat na palakasin ang pag-uugnayan sa pamilya at maging mapagmatyag sa paligid.

6. 𝐈𝐧𝐟𝐨 𝐃𝐫𝐢𝐯𝐞 𝐧𝐠 𝐋𝐂𝐑, 𝐃𝐮𝐦𝐚𝐤𝐨 𝐬𝐚 𝐀𝐦𝐚𝐧𝐜𝐨𝐬𝐢𝐥𝐢𝐧𝐠

Noong February 21, nagpunta ang Local Civil Registry Office sa Amancosiling Elementary School upang magsagawa ng information campaign ukol sa tamang pagrerehistro at mga update sa Memorandum Circulars ng Philippine Statistics Office. Sa aktibidad, mas napalawak pa ang kaalaman ng mga residente sa civil registration upang maiwasan ang anumang pagkakamali sa mga civil registry records.

7. 𝐁𝐚𝐠𝐨𝐧𝐠 𝐁𝐚𝐭𝐜𝐡 𝐧𝐠 𝐉𝐎 𝐄𝐦𝐩𝐥𝐨𝐲𝐞𝐞𝐬, 𝐒𝐮𝐦𝐚𝐢𝐥𝐚𝐥𝐢𝐦 𝐬𝐚 𝐎𝐫𝐲𝐞𝐧𝐭𝐚𝐬𝐲𝐨𝐧

Noong February 20, muling nagsagawa ang HRMO ng isang orientation activity para sa lahat ng bagong Job Order (JO) employees ng LGU. Nagsilbing resource speaker si SEE head, Atty. Justine Alvarez. Sa aktibidad na ito, mas lubos na nakilala ng mga bagong kawani ang LGU-Bayambang bilang isang organisason at naliwanagan ukol sa mga expectation mula sa kanilang pagbibigay serbisyo sa publiko.

8. 22 Contenders ng 𝗟𝗶𝘁𝘁𝗹𝗲 𝗠𝗿. & 𝗠𝘀. 𝗕𝗮𝘆𝗮𝗺𝗯𝗮𝗻𝗴, 𝗜𝗽𝗶𝗻𝗮𝗸𝗶𝗹𝗮𝗹𝗮

Matapos ang masusing screening, opisyal nang ipinakilala ang 22 contenders sa Little Mr. and Ms. Bayambang 2025 noong February 25. Inaasahan na magiging mahigpit ang kumpetisyon dahil bukod sa kanilang charm at confidence, ipinakita rin ng mga bata ang kanilang galing sa pagpo-project sa entablado.

9. 𝗣𝗵𝗮𝘀𝗲 2 𝗻𝗴 𝗕𝘂𝗸𝗹𝗮𝘁 𝗔𝗸𝗹𝗮𝘁 𝗧𝘂𝘁𝗼𝗿𝗶𝗮𝗹 𝗣𝗿𝗼𝗴𝗿𝗮𝗺, 𝗡𝗮𝗴-𝘂𝗺𝗽𝗶𝘀𝗮 𝗡𝗮

Ang Phase 2 ng Buklat Aklat tutorial program ni Mayor Niña Jose-Quiambao ay inumpisahan noong February 22, sa pangunguna ng Sangguniang Kabataan at Local Youth Development Office. Nagsilbing volunteers ang mga SK members at ilang teachers, at sila ay nagtungo sa Alinggan-Banaban, Tococ East-West, at San Gabriel-Iton Elementary School. Ang inisyatibong ito na naglalayong tulungan ang ilang target readers at learners ay magtatapos sa loob ng sampung linggo.

10. 18 𝗕𝗶𝗻𝗶𝗕𝗲𝗸𝗶𝗻𝗴 𝗕𝗮𝘆𝗮𝗺𝗯𝗮𝗻𝗴 Candidates, 𝗜𝗽𝗶𝗻𝗮𝗸𝗶𝗹𝗮𝗹𝗮

Noong February 4 din, opisyal na ipinakilala ang 18 candidates ng kauna-unahang BiniBeking Bayambang competition, isang patimpalak na naglalayong ipakita ang talento at ganda ng LGBTQIA+ community.

Isang sashing ceremony ang ginanap bilang pagsisimula ng mga kandidata sa kanilang paglalakbay tungo sa BiniBeking Bayambang 2025 crown sa Grand Coronation Night na gaganapin sa March 31.

11. St. Vincent Student-Journalists, Media Partner ng LGU sa Town Fiesta

Ngayong taon, ang mga student-journalist naman ng Saint Vincent's Catholic School ang sumunod na naimbitahang media partner ng LGU-Bayambang para sa news coverage sa darating na selebrasyon ng Town Fiesta 2025. Sa pulong na ginanap sa Tourism & Information Office, tinalakay ang iba’t-ibang aktibidad na magaganap sa darating na Pista’y Baley 2025 at kung paano ang mga ito dapat maiulat nang maayos.

12. 𝗚𝗔𝗗 𝗔𝗴𝗲𝗻𝗱𝗮, 𝗠𝗮𝘀 𝗣𝗶𝗻𝗮𝗹𝗮𝗸𝗮𝘀 𝘀𝗮 𝗧𝗿𝗮𝗶𝗻𝗶𝗻𝗴-𝗪𝗼𝗿𝗸𝘀𝗵𝗼𝗽

Bilang bahagi ng patuloy na pagsusumikap ng LGU Bayambang sa pagsusulong ng Gender and Development (GAD), matagumpay na isinagawa ang “Training-Workshop on the Formulation of GAD Agenda” noong Pebrero 26-27. Sa pangunguna ng MSWDO at GAD Focal Point System members, layunin ng pagsasanay na patuloy na palakasin ang adbokasiya ng Bayambang para sa gender equality at women empowerment, sa pamamagitan ng pagformulate ng 3-Year Municipal GAD Plan and Budget. Ito ay upang masiguro ang mas inklusibo at progresibong serbisyo sa komunidad.

13. 𝐋𝐨𝐜𝐚𝐥 𝐒𝐜𝐡𝐨𝐨𝐥𝐬, 𝐏𝐢𝐧𝐮𝐥𝐨𝐧𝐠 𝐮𝐤𝐨𝐥 𝐬𝐚 Fiesta 𝐏𝐢𝐬𝐭𝐚'𝐲 𝐁𝐚𝐥𝐞𝐲 𝟐𝟎𝟐𝟓 𝐆𝐫𝐚𝐧𝐝 𝐏𝐚𝐫𝐚𝐝𝐞

Noong February 26, pinulong ng MTICAO ang mga principal at representante ng iba't-ibang pampubliko at pribadong paaralan sa Bayambang, bilang paghahanda para sa grand parade sa pagbubukas ng Pista'y Baley 2025. Nagbigay ang bawat isa ng kanilang opinyon ukol sa mga kailangang gawin upang masiguro na masaya at nagniningning ang naturang grand opening activity.

14. OCD1 Regional Director, Bumisita

Noong February 27, ang Office of Civil Defense (OCD) Region 1 Director na si Laurence E. Mina ay bumisita sa isang Disaster Risk Reduction and Management (DRRM) Training na isinagawa ng MDRRMO para sa public sectors sa Pugo Evacuation Center. Magtapos niyang magcourtesy call kay Mayor Nina Jose-Quiambao sa tanggapan nito, si Director Mina ay winelcome ng MDRRMO at iniikot na rin sa MDRRMO Satellite Office sa Brgy. Wawa.

15. Bayambanguena, Wagi sa Provincial Level ng Juana Malakas

Isang 4Ps member na si Analiza Natividad ng Brgy. Sancagulis ang nagwagi sa provincial level ng kumpetisyon ng DSWD na tinaguriang “Juana Malakas: Stories of Women Empowerment,” dahil sa kanyang natatanging achievements bilang 4Ps beneficiary. Matatandaang si Gng. Natividad ay isa ring Barangay Nutrition Scholar na naging Most Outstanding Barangay Nutrition Scholar (BNS) in the province of Pangasinan and one of the best performing BNSs in the region.

16. 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐁𝐮𝐝𝐠𝐞𝐭 𝐧𝐠 𝟕𝟕 𝐁𝐚𝐫𝐚𝐧𝐠𝐚𝐲𝐬, 𝐁𝐢𝐧𝐮𝐬𝐢𝐬𝐢 𝐬𝐚 𝐂𝐨𝐦𝐦𝐢𝐭𝐭𝐞𝐞 𝐇𝐞𝐚𝐫𝐢𝐧𝐠

Ang Sangguniang Bayan Committee on Finance, Budget and Appropriations, Rules, Laws and Ordinances and Barangay Affairs ay nag-umpisang magsagawa ng isang serye ng mga committee hearing noong February 26. Binusisi nina Coun. Jose Ramos at Coun. Amory Junio ang mga merito ng mga panukalang Supplemental Budget ng 77 barangays para sa Calendar Year 2025. Dinaluhan ang pagdinig ng mga Sangguniang members mula sa iba’t ibang barangay.

17. 𝐁𝐫𝐠𝐲. 𝐃𝐮𝐬𝐨𝐜, 𝐈𝐧𝐞𝐧𝐝𝐨𝐫𝐬𝐨 𝐚𝐧𝐠 𝐎𝐫𝐝𝐢𝐧𝐚𝐧𝐜𝐞 𝐨𝐧 𝐋𝐚𝐧𝐝 𝐑𝐞𝐜𝐥𝐚𝐬𝐬𝐢𝐟𝐢𝐜𝐚𝐭𝐢𝐨𝐧 𝐩𝐚𝐫𝐚 𝐬𝐚 𝐁𝐫𝐨𝐢𝐥𝐞𝐫 𝐅𝐚𝐫𝐦

Ang Sangguniang Bayan, sa pakikipagtulungan ng mga opisyal ng Brgy. Dusoc, ay nagsagawa ng isang pampublikong pagdinig ukol sa mungkahing municipal ordinance na naglalayong ireklasipika ang isang parcel ng lupa na pag-aari ng Agri-tech Estate Development Corp. na matatagpuan sa Dusoc mula sa agrikultural patungong agri-industrial purposes para sa operasyon ng isang broiler breeder farm. Ang Agri-tech, sa pakikipagtulungan ng kumpanyang Charoen Pokphand, ay magtatatag ng isang makabago at pinaka-advanced na teknolohiya sa proyekto na inaasahang magbibigay ng maraming trabaho sa nasabing ating bayan.

18.  𝐖𝐢𝐧𝐧𝐢𝐧𝐠 𝐒𝐦𝐢𝐥𝐞𝐬 𝐧𝐠 𝐂𝐃𝐂 𝐋𝐞𝐚𝐫𝐧𝐞𝐫𝐬, 𝐓𝐚𝐦𝐩𝐨𝐤 𝐬𝐚 𝐎𝐫𝐚𝐥𝐥𝐲-𝐅𝐢𝐭 𝐂𝐡𝐢𝐥𝐝 𝟐𝟎𝟐𝟓 𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲

Isang awarding ceremony para sa Orally-Fit Child 2025 ang idinaos bilang culminating activity ng Oral Health Month sa Balon Bayambang Events Center noong February 28. Ito ay inorganisa ng mga Rural Health Units at Philippine Dental Association - Pangasinan Chapter, upang itaguyod ang tamang pangangalaga sa ngipin, at itampok ang mga natatanging kabataang may malulusog na ngipin sa bayan ng Bayambang. May 270 learners ang pinarangalan bilang orally fit children. Ang Child Development Centers naman ng Buayaen, M.H. Del Pilar, at LGU ang nagtamo ng special awards bilang Most Outstanding CDCs on Oral Health.

***

Trivia Time

Bakit sa buwan ng MARSO ipinagdiriwang ang INTERNATIONAL Women’s DAY?

Kung ang nakalipas na Pebrero ay tinatawag na "love month" o Buwan ng Pag-ibig, ang ikatlong buwan naman sa kalendaryo ay tinatawag na "Buwan ng Kababaihan."

Hindi lamang sa Pilipinas binibigyang-pagkilala, parangal at pagpapahalaga ang kababaihan, kundi sa buong daigdig. At kapag sumapit na ang ika-walo ng Marso, masaya, makulay at makahulugang ipinagdiriwang ang "International Women's Day" o Pandaigdigang Araw ng Kababaihan. Ang Pilipinas ay isa sa mga hindi nakalilimot na makiisa sa pagdiriwang.

Ang Buwan ng Kababaihan ay magandang pagkakataon upang mabigyan ng pagkilala ang mga Pinay sapagkat malayo na ang kanilang narating, nagawa, naiambag at naitulong sa pag-aangat ng kanilang kalagayan sa ating lipunan. Sa halos lahat ng sektor ng ating lipunan ay may mga babae na ang talino, kakayahan at mga potensiyal ay naging mahalagang ambag, bahagi at sangkap sa kaunlaran, paglilingkod sa bayan, sa mga kababayan at maging sa pamayanan o komunidad.

Sa kasaysayan, ang "International Women's Day" ay sinimulang ipagdiwang noong Marso 8, 1910, bilang pagkilala sa pakikipaglaban ng mga karapatan ng kababaihan. Hiniling ito ng isang German labor leader na si Clara Zetkin sa mga kinatawan ng pandaigdigang kilusan ng mga manggagawa. Pagsapit ng 1977, isang resolution ang pinagtibay ng General Assembly ng United Nations, na nag-aatas sa mga bansang kasapi na ipagdiwang ang Pandaigdigang Araw ng Kababaihan tuwing Marso 8 ng bawat taon. Simula noon, lumaganap sa daigdig ang pagdiriwang. Nagsimula naman sa Pilipinas ang pagdiriwang noong Marso 8, 1981, kasabay ng pagkontra ng mga kilusan ng kababaihan laban sa kahirapan.

At alam ba ninyo na matapos ang isang linggo ng unang International Women's Day, ang sunog sa Triangle Shirtwaist Factory sa New York City ay pumatay ng 146, at halos lahat sa kanila ay mga kabataang babaeng imigrante. Ang aksidente ay naging daan sa maraming pagbabago sa kalagayan sa trabaho at mga industriya, at ang alaala ng mga taong nagbuwis ng buhay ay malaki ang bahagi sa mga pagdiriwang ng International Women's Day mula noon.

***

Bakit MARCH ang Fire PREVENTION Month?

Sa bisa ng Proclamation No. 115-A, na nilagdaan ni dating Pangulong Ferdinand E. Marcos, at Proclamation No. 360 noong 1986, ang buwan ng Marso ay idineklara bilang "Fire Prevention Month" o "Burn Prevention Month."

Ayon sa datos ng Philippine Statistics Authority (PSA), kada buwan ng Marso nagaganap ang pinakamaraming sunog na naitatala taun-taon.

At ayon naman sa Philippine Atmospheric, Geophysical and Astronomical Services Administration (PAGASA), sa Marso rin nagsisimula na tumaas ang temperatura sa bansa. Ibig sabihin, nagsisimula na ang summer at painit na nang painit.

Kahalagahan ng Pagdiriwang ng Fire Prevention Month

Narito ang ilang dahilan kung bakit mahalaga ang pagdiriwang ng Fire Prevention Month:

• Pagtaas ng Kamalayan sa Fire Safety - Ang mga kampanya at aktibidad tulad ng fire drills, information drives, at seminar ay naglalayong turuan ang publiko tungkol sa tamang pag-iingat laban sa sunog.

• Pag-iwas sa Peligro at Sakuna - Ang pagtuturo tungkol sa mga sanhi ng sunog at mga tamang hakbang upang maiwasan ito ay nakakatulong na mabawasan ang bilang ng mga insidente ng sunog, lalo na sa panahon ng tag-init.

• Pagpapalakas ng Kaalaman Tungkol sa Emergency Response - Sa pamamagitan ng mga pagsasanay, natututo ang mga tao kung ano ang tamang gawin sa oras ng sunog, kabilang ang wastong paggamit ng fire extinguisher, mabilis na paglikas, at tamang pagtawag ng tulong.

• Pagpapanatili ng Kaligtasan ng Komunidad - Sa koordinasyon sa pagitan ng Bureau of Fire Protection (BFP) at iba't ibang sektor, napapalakas ang kahandaan ng komunidad laban sa panganib na dulot ng sunog.

• Pagsulong ng Responsableng Paggamit ng mga Resources - Pinapaalala nito sa publiko ang kahalagahan ng maingat na paggamit ng kuryente, gas, at iba pang maaaring pagmulan ng sunog sa pang-araw-araw na buhay.

 ***

[OUTRO]

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

NEWSCASTER 2: Mga balitang may tatak Total Quality Service.

NEWSCASTER 1: Muli, ako po ang inyong lingkod, _______________.

NEWSCASTER 2: At ako naman po si ___________, at kami ay mula sa _____________.

[SABAYANG BIGKAS]: At ito ang... Bayambangueñews!