MALINAC LAY LABI
Malinac lay labi oras lay mareen
Mapalpalnay dagem catecep toy linaew
Samit day cogip co binangonan con tampol
Lapu'd diad linggas mo sican sica'y amamayowen
Lalo la bilay no sicala'y nanengneng
Napunas lan amin so ermen ya acbibiten
No nanunutan co lay samit day ugalim
Ag ta ca nalingwanan
Angga'd cauyos na bilay
Malinac lay labi oras la'y mareen
Mapalpalna'y dagem catecep to'y linaew
Samit day cogip co binangonan con tampol
Lapu'd diad linggas mo sican sica'y amamayowen
Lalo la bilay no sicala'y nanengneng
Napunas lan amin so ermen ya acbibiten
No nanunotan co lay samit day ugalim
Ag ta ca nalingwanan
Angga'd cauyos na bilay
Ag ta ca nalingwanan
Angga'd cauyos na bilay
Ag ta ca nalingwanan
Angga'd cauyos la bilay
(English Translation)
PEACEFUL IS THE NIGHT
Peaceful is the night, the hour of quiet has come.
Gentle is the wind mixed with the fog.
Sweet was my dream, but I awoke at once
Because of your beauty, which I can only caress,
Especially when, oh you, life, I behold
That all the sorrows I am carrying in my heart are wiped away.
When I remember your sweet ways,
I can’t possibly forget you
Not until I die.
Peaceful is the night, the hour of quiet has come.
Gentle is the wind mixed with the fog.
Sweet was my dream, but I awoke at once
Because of your beauty, which I can only caress,
Especially when, oh you, life, I behold
That all the sorrows I am carrying in my heart are wiped away.
When I remember your sweet ways,
I can’t possibly forget you
Not until I die.
(Sources: https://discoverpangasinan.weebly.com/music-of-pangasinan.html; https://youtu.be/c4MFHInQr2E)
LIMON KAN KAKANEN
Ilinggis mo pa tay matam ya kawigi
aleg la tay kawanan ta antak la ran mabli
no ilinggis mo balet agmo isasabi
ta ipatey kon pilit no agmo nababawi.
Bang komon agi
no limon kan kakanen
iyan ta kad nguroy dilak
ya pantolintolinen
agta ka akmonen
agta ka met gatgaten
iyan takad nguroy dilak
ya pantolintolinen.
Anggan wadwan ka agik ed ote-otel day rosas
ya agko narandang? tan
agkon balot nagawat
say gaween kon remidyo
mangala ak na espiho
ta say aninom so agik
so pandaleman koy aro.
Bang komon agi
no limon kan kakanen
iyan ta kad nguroy dilak
ya pantotolintolinen
agta ka akmonen
agta ka met gatgaten
iyan takad nguroy dilak
ya pantolintolinen.
Anggan wadmam ka agik ed pegpegley na dayat
ya ag balot nasabiay mandalinton sulat
say gaween kon remidyo
manbilunsalaksak ak
ya unlad tad diking mon
mandalem ya irap.
Bang komon agi
no limon kan kakanen
iyan ta kad nguroy dilak
ya pantotolintolinen
agta ka akmonen
agta ka met gatgaten
alingasew mo labat
sarag ko lan kapesel.
Anggan wadwan ka agik ed kumapiton palandey
ya ag balot nasabiay mandalimton oley
say gaween kon rimidyo
mankinon-kinompapey
ya unlan tad diking mon
mandalem ya patey.
Bang komon agi
no limon kan kakanen
iyan ta kad nguroy dilak
ya pantotolintolinen
agta ka akmonen
agta ka met gatgaten
alingasew mo labat
sarag ko lan kapesel.
Ilinggis mo pa tay matam ya kawigi
aleg la tay kawanan ta antak la ran mabli
no ilinggis mo balet agmo isasabi
ta ipatey kon pilit no agmo nababawi.
Bang komon agi
no limon kan kakanen
iyan ta kad nguroy dilak
ya pantolintolinen
agta ka akmonen
agta ka met gatgaten
alingasew mo labat
sarag ko lan kapesel
sarag ko lan kapesel.
“Lawas Kan Pinabli” means “You are Ever So Precious (or Beloved),” the sweetest of songs.
LAWAS KAN PINABLI
Lawas kan pinabli
Inaron saksakey
Ligliwa kay kaermenan
Ta labi man o agew
Labi man o agew
Pinonot ta kan naynay
Ta siak imay inarom
Siak imay inarom
Ya singam la alingwanan
Ya tambayoy pusom no
Ligliway matam no
Wala kad kaermenan
No maingongot bilang
No maingongot bilang
So pusom tan say pagew
Ed bayag lan tua inaro
Bayag lan tua inaroy
Ag tan dua impanengneng
No parad say siak balet
No parad say siak balet
Ay anggan pigay taon
Say aron inpoder mo
Aron inpoder mo
Mas balin ondenden
No maingongot bilang
No maingongot bilang
So pusom tan say pagew
Ed bayag lan tua inaro
Bayag lan tua inaroy
Ag tan dua impanengneng
No parad say siak balet
No parad say siak balet
Ay anggan pigay taon
Say aron inpoder mo
Aron inpoder mo
Mas balin ondenden
Say aron inpoder mo
Aron inpoder mo
Mas balin ondenden
Say aron inpoder mo
Aron inpoder mo
Mas balin ondenden
Say aron inpoder mo
Aron inpoder mo
Mas balin ondenden
(Source: https://pinoycollection.com/folk-songs/#Pangasinan-Folk-Songs)
LAWAS KAN PINABLI
(YOU ARE EVER SO PRECIOUS)
English version
You are my beloved
My one and only, the joy of my sadness
Every night and day
You are always on my mind
That I am the one whom you love
You seem to have forgotten
The yearning of your heart
The apple of your eyes
If you are in the state of sadness
If you are restless and lonely
In your heart and in your feeling
That longing for my love
The time that we have not seen each other
If I am to be asked
Even for a longer time
The love that you have entrusted
The love that you entrusted
Forever it will be strong
BURAKAN
Limgis mo ak pa, Rosing
Ambegyan wala ak nid bilay
Ta no siak lay ompatey
Ay andi ka lam milamay
Say lingis tay matam
So masarag ko lan kabilay
Ay, ay Rosing ko ay
Mantawag, man ay, ay.
Rosing ya bilay ko
Kapigan tan tiempo
So itunday bunlayoy
Burakan diad pagew ko
Et no andi sibeg
Ed mayumis kon puso
Ay, ay Rosing ko ay
Patey lay datngen ko.
(English Translation)
SEA FOAM
Throw me a glance, Rosing
While i am still alive
For when I die
You will not be there to keep vigil
The glances from your eyes
Suffice to keep me alive
‘’Oh, oh Rosing my dear
I cry, I sigh’’
Rosing my life
When will be the time
That the wave will stop
I fell like sea foam
But without the will
Of my pure heart
Oh, oh Rosing my dear
Death will be mine
ROSING YA TABAYOY ERMEN
Rosing ya tambayoy ermen
Gala ta lukasan moy pagew
Pian say pusok maninawa
O Rosing ya kaligliwa
Rosing ay angan ibantak mo ak
Diman ed pegley na dayat
Siempren agwaten ak
Ta siak imay inarom ya gendat
(Uliten II)
Siempren agwaten mo ak
Ta siak imay inarom ya gendat
Rosing you are the love of my life
Come and open my heart
So that my heart will be peace
Oh, Rosing the joy of my life.
Rosing even you have to throw me out
In the middle of ocean
I know you will have to save me
For I am the one you love most.
PUSON ASUGATAN/PUSOK SO
MANANGNANGIS
Balo yan linmesa,
Gonigoy pagew ko,
Deralen toy isip,
Kalakal koy aburido.
Siplog ka pan dagem,
Ta walay ipawit ko,
Iliw kod Inarok.
Ganaganay gawam,
Pusok makapanangnangis.
Nansulat ka ed siak, Pigpigaran karasig.
Tinupim na melag,
Insan mod siak impawit.
Kakausdong ko ed sobre
Et matak lay mannangis.
Say pusok so manangnangis
Lalup ginawam,
Inkaindan mo ak
Ya agko amtay nansengengan,
No bilbilang inaro ta ag mo ak la nanunutan
Say pusok so manangnangis lupad ginawam
(English Translation)
MY BLEEDING HEART
I just felt this
My heart aches
My mind’s disturbed
I feel, worried
Oh, wind please blow
I’ll let you take this
Which bears my love for he,
The love of my life,
Everything you did
Makes my heart cry
You sent me a short note
You folded it so small
And sent it to me
As I read it
My tears fall.
My heart cries out
With what you did to me
You totally forgot me
I don’t know why
If you really have forgotten me
My heart cries out with what you did.
LABIN MAREEN
(SILENT NIGHT)
Diad yepyep na labin mareen
Ya sasalogey talabsik na linaew
So paniolopay sayan liliknaen
Aon moy puson naskey na irap
Ed pampirawat.
No narengel mo’y
Aniweng day kwerdas
Ya katekep toy
Bosis ya mantawag
Liing kan tampol
Say silew yo pay iwandag
Aon moy puson
Naskep na irap
Ed pampirawat
NO SIAK SO MIASAWA
(WHEN I GET MARRIED)
No siak so miasawa
Pilien koy mataraki
Matoor ed sipanan
Tan maong ya ugali
Ontan ed panagbilay
Ay anggano pobpobre
Dapot no manliket ak
Ed agew man o labi
Ay anggano mayaman
No medyo matakkem la
Mansasbi lay pagak ta
Ompano nabalo ak la
Ta wala man so kuanda
na totoon inmona
No abalo ka la kono
Ambetel lay laman mon kapaldua
Mayaman man bilang
No agak met la manliket
Mnas gabay ko lay pobre
No say pusok manpayarek
Naalmoan itay kuarta
No sikamin duay manseet
Sikatotan labay ko
Ay agko anta ed sikayo balet
(English Translation)
WHEN I GET MARRIED
When I get married
I will choose a handsome man
Faithful to his promise
And good nature
As regards his status in life
I wouldn’t mind if he is poor
Provided I will be happy
At day time and night time.
So what if he is rich
If he is quite old
Fear overcomes near
That I might be widowed
For there is that saying
Among elder folks
That once you are widowed
Half of your body is cold.
He may be wealthy
But I won’t be happy
I would rather have someone poor
Who can make my heart flutter
Money can be earned
If we are earnest enough
That is my desire
I don’t know what’s yours.
KOGEP ED INARO
Nen sakey a labin katlekay kogip ko
Kinogkogip ta ka
Kunwari agui ya
Wala kad abay ko
Sikay kasalsalita
Maruksa yan kogip nen siak so aliing
Tampol anapen ka
Pagew koy maninget
Ermen koy mansasbi
Nisengeg ed sika
Ensan ak ya onlasor
Ya sika lay anapen
Piloglereyan ko
Mapalnan siplog na dagem
Ay! Inaro kuan ko ya itagtagleey
Dago mo ak pa la
Patey lay…. Narateng.
(Uliten II) (Repeat 2x)
Dago mo ak pa ta
Patey lay…narateng.
SI BERTING TAN SI ROSING
Siopamay walad tagey na tore
Si Rosing ya amputiputi
Siopamay labay ton mansirbi
Si Berting ya maong a laki
Say lakin labaylabay da
Parakolen dad abay da
Padanganen dad nan burda
Panolesan day kapanplansa.
Say lakin agda labalabay
Parakolen da ed paway
Padanganen dad potoy wasay
Panolesan day agiray-agiray.
Ay Rosing apipiger mo
Ta mankasal ka no sabado
Olopen kay musiko
Musikon manlapud Baguio.
NO SIAK SO MANGARO
I
No siak so mangaro
Ed satan ya limgas mo
Ag ta ka paakseben
No mayemyem so tiempo
Say gatinan mon datal
Apisay panyolito
Say yorongan mo silya
Mantilisay aro
II
No komon agi ta
Limon kan kakanen
Iyan ta kad ngoroy dilak
Ya pantolin-tolinen
Ag ta ka gatgaten
Ag ta ka akmonen
Iyan kad ngoroy dilak
Ta amamayoen
(Uliten II) (Repeat)
IMUNAN
(JEALOUSY)
No daledalepdepey
Panbaliksay litra
Na sayan manangaron
Ag lanti akikabat
Kulang so pinsilis
Plumanmangibaga
No ag say aritmetikay
Mangiusausa’d sika.
Idunget mi aro mi iyawat min dua’d sika
No oa;ay inarom et ipasakbay mo pa
Ta agmi panermenan o pamusol mi’d sika
Ams bali ingen a aroen mi kayon dua.
No alibi ka la bilang
Ed karakpan day ereng toPansulsulatan da ka
Na saray manangaro
Apipiger mmon maong
Ekal moy atap moNo mankulang la’d aro
Et sikay ibaan ko.
ANDI BALI ROSING
Nen sakey ya labi ya mareen
Say boses mo so arengel
Inyesaes mo so matamoy mon aro, ay!
Aliingak ya tampol ed samit day kogip
Na sakey ya inaro.
No nognonotey koy
Liob na aro agak makaogip
PUSOK SO SINUGATAN MO
Pusok so sinugatan mo
Samal ed impangulam ed siak
O inaro
Maermen ak
Ed saray palikdom
Agko natepelan
No kumon agmoak la nilingo
Ed matam iran maoy-oyamo
Agko kasalanan so isian ko
No bilbilang ditad
Mabli ya diking mo
No labay mo ya nakabatan
Panangarok ya angga ed ponponan
Nia'y pusok ya mantalaran
Sugat mo inaro
Peram lay linawam
(Source: https://www.youtube.com/watch?v=0I5lg2jrPjg)
SIKA SO BILAY KO
Agaylay liket na
Liknaan ta ya dwa
Atuor lamlamang
Sipan tad aroan
Sinimpitan tan dwa
Aron abayabayag
Binayubway arok
Malet ag nabuyak
Sika so bilay ko
Agaylay liket na
Liknaan ta ya dwa
Atuor lamlamang
Sipan tad aroan
Sinimpitan tan dwa
Aron abayabayag
Binayubway arok
Malet ag nabuyak
Sika so bilay ko
Manliket ka sirin
Ag ta lilingwanan
Agew ya mapalpalar
Unkoykoy ed laman
Pusot kamarerwak
Ya angga ed punponan
Mikasi ta ed Dios
Ama ya amalsa
Pian ag da ta paulian
Ta maglayon kumon
Samit na aroan
Ya anggad kapigan
Iyawat ko ed sika
Pusot kamarerwak
Mantalek ka tan manalwar
Sika so bilay ko
Inaro tan segpet
Telek no yan aroan
Mantulungan tan dwa
Inawa may irap
Anusan ta labat la
Manaksakey tan dwa
Liket tan imanes so
So pansumpalan ta
(Repeat)
(Source: https://www.youtube.com/watch?v=eC4SxY_RXfo)
NANLIKETAN KO LAWARI
Composer: Rosie Evangelista
Nanliketan ko lawari
Inter mon aro
Tan inyawat koy
Arok ed sika
Indangan kod ulpom
Diad ilalabas na agew
tan pangkukurang na panaon
Asukayan ko inaron
Nan-anyaniy pusom
Agak lawari manisia
ya makilas ka
Tan inyesel koy arok ed sika
Makpel kan nansamba
Diad ilalabas na agew
Ya ompaway la so tilam
Nansalita ka tan nankugip
Banbantayan taka
Dimmiking kay diaset
ya medyo akaimis ka ni
diad peles na kugip na
pusom ya nan-anyani
Nen ompaway lay tilam
sakit na pusok so simmabi
Ta binitlam so ngaray
Pabpablien mo ya bii
Dimmiking kay daiset
ya medyo akaimis ka ni
Diad samit na kugip na
pusom ya nan-anyani
Nambalikas so bibil mo
sakit na pusok so simmabi
Ta binitlam so ngaray
Pinablim ya bii.
Nambalikas so bibil mo
sakit na pusok so simmabi
Ed impanbitlam na ngaray
Balo ya pinabli
(Source: https://www.youtube.com/watch?v=AH5y5czIsXM)
PANTERTER NA LUAK
Composer: Rosie Evangelista
Panterter na luak mansalmay
No arok lay nanonotan
Pansibsibek na pusok so
Ngalngalin kaputkanan
Et no magnayon ed linawam
Bilay agmo ak lilingwanan
Isalaysay mo nid siak
No anto ray nansengegan
Panterter na luak mansalmay
No arok lay nanonotan
Pansibsibek na pusok so
Ngalngalin kaputkanan
Et no magnayon ed linawam
Bilay agmo ak lilingwanan
Isalaysay mo nid siak
No anto ray nansengegan
No onyak lan onya
Mabetbet kon inumen so luak
Tan pagew ngalngalin onbetag
Ed ermen ya mansasbi ed siak
Masamit ko lan kanen
Samal ya mangekal na bilay
Nen say manbilay ak
Ed sankabalgan ya irap
(Source: https://www.youtube.com/watch?v=8kOBQGsqT5U)
BINMARONG KA ED SIAK (SIYAK IMAY INAROM)
Composer: Rosie Evangelista
Binmarong ka ed siak
inaron bilay ko
Ta agmoak nitepel ed saray lurey ko
Abayag lan agew so pankukuyong ko
Agmo ra dengelen
baleg so tagleey ko.
No dederyaen moak
Nakda met lay pusom
Ta abayag lan agew piga-piga met lan taon.
Limgis mo ak inaro
ta siak imay inarom
Inararo ta ka
agka pa umbabarong.
Agaylay awet na pusom
ya pimmatarem
Biskeg na linawam
Aki't ag onkulaney
No ginagalam ya
Agmo ak la abagyen (pablien)
Agak la manbilay
mas maong lay umpatey.
Agaylay awet na pusom
ya pimmatarem
Biskeg na linawam
Aki't ag onkulaney
No ginagalam ya
agmoak la abagyen
Agak la manbilay
mas maong lay umpatey.
No ginagalam ya agmo ak la abagyen
Agak la manbilay
mas maong lay umpatey.
(Source: https://www.youtube.com/watch?v=vIMCxDxgo0U)
AGAK LA MANISYA
Composer: Rosie Evangelista
Agak la manisyan
Napanpiyaan ta ka
Dakel na inaro'y
Akasalian ko'd sika
Mikakasi kan naynay
No manpormisa ka
Anggapo'y takot mo
Nayarian mo'y mansamba
Diya'd saman ya oras
Ya impansambam
Kunkunwarin
Makalkalakal ka
Nen onsabi lamet
Senyal mo tan dalam
Naunor la'y gustom
Tan antoey
Lawas mo la
Agko la naanosan
Inaro'y sakit
Na pagew ko
Ed pannognonot ko'y
Kagagawam ya traidor
Ta manariba ka no
Agta ka ibulos
Sinaol mo la ma'y
Atarian ya manok
Say labay mo la ingen
Siak so dominaen mo
Balet agko'd sika
Inaro itulok
Nileglemew mo ak
Agko la ninonot
Kabokbokoran mo'y
Mantalka'y pusok
Agaylayan kapalaran
Ngalngalin
Agko nasunggoan
Nilamang mo'y arok
Agko anta'y
Nasengegan
Nankalasanan ka
Tan onta met ed siak
Ta anto sirin ey
Sika so nanbangat
Wala'y maong laingen
Manpolangan
Ta lan dua
Anggapo'y maomli
Ta agak mila'd sika
Nia la ma'y arom
Anda la ta'y arok
Bulos ka la'd labay mo
Pian agak nalanlanor.
Agaylayan kapalaran
Ngalngalin
Agko nasunggoan
Nilamang mo'y arok
Agko anta'y
Nasengegan
Nankalasanan ka
Tan onta met ed siak
Agko ya agawa
No ag sika
So nambangat
Wala'y maong laingen
Manpolangan
Ta lan dua
Anggapo'y maomli
Ta agak mila'd sika
Nia la ma'y arom
Anda la ta'y arok
Bulos ka'd labay mo
Pian agak nalanlanor.
Nia la ma'y arom
Anda la ta'y arok
Bulos ka'd labay mo
Pian agak nalanlanor.
(Source: https://www.youtube.com/watch?v=K7NPB5nssag)
SAY ARO YA INKAINDAN MO
Say matuwak ya aro
Inkaindanan mo
Masulit nen dila?
So liliknaen ko
No antotay ginawak
Et inpolisay mo
Ta anggapon balot
So sengeg tan gapo
Bilay, bilay ya ligligaway puso
Maong ka manayan mamalikdo
Say dusak aabayaen ko
Singa paderen? toy bilay ko
Nognonot mo inaro
So kakulangan mo
Ta ibagam ed siak
No antoy labay mo
No akalmo ka la
Balon kaamoan mo
Itepel tan dua
No inkabitewen mo
Bilay, bilay ya ligligaway puso
Maong ka manayan mamalikdo
Say dusak aabayaen ko
Singa paderen? toy bilay ko.
PAWIL KA LARI
(BUMALIK KA NA SANA/PLEASE COME BACK TO ME)
Duet (Male and Female):
Pawil ka la kari
Inaron pinabli
Nen sikay naandi
Ermen koy mansasbi
Pawil ka la kari
Suldong na bilay ko
Imanom pa kumoy
Tagleey ko
Diad labin mareen
Sikay katuyaw ko
Kugkugipen ta ka
Masyadoy liket ko
Ta ag ni angoman
So sayan liknaan
Ta sika lambengat
So panliketan
Male:
Ilingwan ta ka kumon
Et agko nayarian
Say inter mon liket
Agko nitalirak
Female:
Ta anggapoy arom
Ya napiregan ko
No ag sika labat
Sayakop moak
Duet:
Pawil ka la kari
Ekal moy ingungot
No agtaka nalinggis
Sakiten toy pusok
Sikay makasengeg
Duknal na aro
(Source: https://www.youtube.com/watch?v=zjCPlHcXcbk)
TAYNAN TAKA
Asabi la so oras ya itaynan ko
Say kerewen ko ed sika diad iyalis ko
Aleg so nangis ya balon ko
Imis so ipabalon mo
Unlaak la taynan ta ka
Punas mo lay luam
Diad ed Katawan tin Dios kerew kan naynay
Kasil tan aliguas na laman ko
Ed lugar ya kasakdan? ko
Say bilin kod sika agmoak ilingwan
Ya anggan ipapatey so kiratnan?
Diad arawin pasen ya narateng? ko
Sikay makasengeg lapod panangaro
Itilak ko ed sikay pusot? bilay ko
Ya tekep na bendisyoy Dios ya maaro
Ta kumon makmaksil so laman mo
Diad saya ya itaynan ko
Ta kumon makmaksil so laman mo
Diad sayan itaynan ko.
(Source: https://www.youtube.com/watch?v=o3qEbjtkIYQ)
BITUEN TAN DUA
Agaylay liket ko no nanonotan koy aroan tan dua
Liket odino ermen so asagma ko ta angapoy wala
Diad imbales na dagem so likma ken sakit
Ed unyan arapen ta
Lagin bituen dan tua
Ta agko nanilaloan yan gulis na palar ko
Say malet tan aroan
Lay napakso
Agmo sirin ilingwan
So saray sipan ko ra ed sika
Ya anggan arawi ak ditad abay mo
Mananos ak la
Masamit ko lay patey ya irap na bilay ko
Bilay tan kamarerwak (Taynan ta ka inaro)
Taynan ta ka (Itilak ko yay pusok)
Masamit ko lay patey ya irap na bilay ko
Bilay tan kamarerwak (Nen say aroen )
Taynan ta ka (natan so asalma ko)
Masamit ko lay patey ya irap na bilay ko
Bilay moak
Taynan ta ka
Masamit ko lay patey ya irap na bilay ko
Bilay tan kamarerwak
Taynan ta ka
Taynan ta ka
(Source: https://www.youtube.com/watch?v=-gPQHIA5zuY)
MANISIA KA ED SIAK
(MANIWALA KA SA AKIN/BELIEVE IN ME)
Manisia ka ed siak
Ed saray sipan ko
Ya sika lambengat
So manamayoy arok
Aliwan loglorey
So imbalikas ko
Saksakey yan laman
No kawananen mo.
Ta nen awaten ko
Yan aroan tan dua
Tinasi tay tawen
Tan say Dios ya amalsa
Malet iran sipan
Tinmalimukor tan dua
Bansag ya inmagos
So pansalmay day lua.
Manisia ka bilay
Ed sipan kod sika
Subok ya narateng
Mantulungan tan dua
Tan pian anagnapuyat
So malet tan iran aroan ta
Manisia ka bilay ko
Bukor moy aroen ko.
Ta nen awaten ko
Yan aroan tan dua
Tinasi tay tawen
Tan say Dios ay amalsa
Malet iran sipan
Tinmalimukor tan dua
Bansag ya inmagos
So pansalmay day lua.
Manisia ka bilay
Ed sipan kod sika
Subok ya narateng
Mantulungan tan dua
Tan pian anagnapuyat
So malet tan iran aroan ta
Manisia ka bilay ko
Bukor moy aroen ko.
Manisia ka bilay ko
Bukor moy aroen ko.
PAWILEN TA KA
(BABALIKAN KITA/I WILL COME BACK TO YOU)
Taynan taka, taynan taka
inaron bilay ko
Pikasik ed Dios maksil ya naynay
Kumoy laman mo
Siak pay nognonoten mo
Ya anggan andi ak la
ed diking mo
No andi ak, no andi ak
la ed san duan matam.
Ta arawin pasen, arawin pasen
lay kawalaam
Agmoak pa lilingwanan
Ta ompawilak ed diking mo
met lamlamang.
No bilang ta wala ak la ed arawin pasen
Siansia nin sika, siansia nin sika
So nonognonoten.
Agka kumon manermen
Sikan-sika lamlamang so pawilen.
No andi ak, no andi ak
la ed san duan matam
Ta arawin pasen, arawin pasen
lay kawalaan
Agmoak pa lilingwanan
Ta ompawilak ed diking mo
met lamlamang.
No bilang ta wala ak la ed arawin pasen
Sian-sia nin sika sian-sia nin sika
So nonognonoten.
Agka kumon manermen
Sikan-sika lamlamang so pawilen.
No comments:
Post a Comment