|
GOOD GOVERNANCE Unang Public Bidding sa 2021, Isinagawa
ng BAC Bilang parte ng polisiya ng
transparency ng administrasyong Quiambao-Sabangan, nagsagawa ng public
bidding sa unang quarter ng taong 2021 ang Bids and Awards Committee sa
ilalim ni Municipal Engineer Eddie Melicorio. Sa gitna ng bidding proceedings
ay sumaglit si Mayor Cezar Quiambao kasama si Vice-Mayor Raul Sabangan upang
personal na ipaalam sa mga dumalong bidders na hindi siya kailanman gumagawa
ng solicitation letter para sa mga bidders. Ipinaalala ni Mayor Quiambao na
walang korapsyon sa LGU Bayambang, kaya't bawal ang magsuhol sa mga opisyal
at kawani nito at bawal ding tumanggap ang mga ito ng suhol. ICTO, Inilunsad ang Smart Town
Webinar Noong March 15, inilunsad ng ICT
Office sa ilalim ni G. Ricky Bulalakaw ang isang serye ng webinar, ang
"Digital Transformation: Digital LGU for Smart Town," na
inatendehan online ng mga opisyal at empleyado ng iba't-ibang LGU sa
Pangasinan. Naging resource speakers Christer Cruz, Chief Technology Officer
ng NTT Data; Spencer Chiu, Solutions Architect; at Richard “Bon” Moya,
National Technology Officer ng Microsoft Philippines. Thank You, STRADCOM Corporation sa
P1.2M Donation ng Computer at Video Equipment! Ang Bayambang Poverty Reduction
Action Team, Tourism and Cultural Affairs Office, at Public Information
Office ay nagpapasalamat sa STRADCOM Corporation sa pagdodonate ng computer
equipment at mga video camera na sa kabuuan ay nagkakahalaga ng P1.2M. Ito ay
gagamitin para mas mapaganda at mapaigting ang pagbibigay ng kapaki-pakinabang
na impormasyon sa ating mga kababayan. Maraming salamat po, STRADCOM
Corporation! FINANCIAL ADMINISTRATION &
TAXATION Tax Bill Distribution in Amanperez
and Asin Ongoing pa rin ang tax bill
distribution ng Assessor's Office at Treasury Office upang ipaalam sa lahat
ng residente ang kanilang obligasyong magbayad ng amilyar. Sa nakaraang
linggo ay nagtungo ang team sa Brgy. Amanperez at Brgy. Asin. Distribution of Tax Bills and Letter of Delinquency Parte ng mga regular na gawain ng Municipal Treasury Office
ang mga sumusunod na aktibidad:
Una ay ang distribusyon ng mga tax bill at letter
of delinquency, kasama ang Assessor's Office, upang ipaalala sa ating lahat
ang obligasyon nating magbayad ng amilyar. BPLO Inspection Ikalawa ay ang pag-iinspeksyon ng Business Processing and
Licensing Office (BPLO) ng mga proyekto at contractors at ang issuance nila
ng demand letters sa iba't-ibang business establishments. Sa nakaraang
linggo, ang BPLO ay nagtungo sa labing-apat na barangay kabilang ang Buenlag
1st, Sancagulis, Tamaro, Buayaen, at Amancosiling Sur. Issuance of CTCs to Senior Citizens Ikatlo ay ang pagtulong sa mga senior citizens sa pagkuha ng
kanilang Community Tax Certificate (CTC) o cedula. Sa halip na mahirapan pa
ang mga senior citizens na magpunta sa munisipyo ay ang Treasury Office na
mismo ang lumalapit para mapadali ang kanilang pagkuha. Kamakailan ay
nagtungo ang opisina sa Brgy. Bani at Brgy. Magsaysay. Branding of Cattle Ikaapat ay nagsasagawa rin ng cattle branding ang opisina sa
iba't-ibang barangay upang matulungan ang mga livestock owners sa
pagpaparehistro ng kanilang mga alagang baka. Sa nakaraang linggo, ang
Treasury Office ay nagpunta sa Brgy. Bical Norte, Sancagulis, Bani, Ligue at
Langiran. Discovery and Appraisal of
Undeclared Properties Noong nakaraang linggo ay muling
nakadiskubre ang Assessor's Office ng mga undeclared real properties sa Brgy.
Bical Sur. Dahil dito, sila ay agad na nagsagawa ng appraisal ng mga naturang
property at iba pang establisimyento para sa taxation purposes. LGU Head and Employees, Dumalo sa
Finance Forum Noong March 24 at 25 ay ginanap sa
Balon Bayambang Events Center ang Finance Forum na may temang “Beyond
Numbers: Understanding Financial Matters in the LGU for Better Public Service.”
Ito ay inorganisa ng opisina ng Internal Audit Unit upang magbigay kaalaman
sa mga kawani ng lokal na pamahalaan ukol sa kahalagahan ng maayos na
pagproseso ng mga pampinansiyal na transaksyon sa munisipyo. Naroon ang buong
pwersa ng Finance Team upang talakayin ang iba’t-ibang paksa, mula sa
planning, budgeting, procurement, disbursement, at iba pa. LEGISLATIVE WORK SP Approves Institutionalization
of LGU-Bayambang's Matalunggaring Awards Sa bisa ng Resolution 269-2021,
inaprubahan ng Sangguniang Panlalawigan ang municipal ordinance na
nag-iinstitutionalize ng Bayambang Matalunggaring Awards bilang pinakamataas
na award na iginagawad ng LGU para sa mga Bayambangueno na nagbigay ng
karangalan sa8. ating bayan sa iba't-ibang paraan. Ordinance on Electronic Payment
and Collection System, Inaprubahan! Inaprubahan din ng Sangguniang
Panlalawigan ang municipal ordinance "Institutionalizing the Use of
Access for Payment of Fees, Charges, Assessments and Other Revenues due to
the Municipality of Bayambang through the Electronic Payment and Collection
System or EPCS." Sa pamamagitan ng paggamit ng EPCS, mas mapapabilis ang
pagbayad ng ating mga taxpayers at iba pang financial transactions ng LGU. Joint Committee Hearing on
Creation of Internal Audit Service Isang Joint Committee Hearing ukol
sa mungkahing "Municipal Ordinance Creating the Office of the Internal
Audit Service (IAS) in the Municipality of Bayambang, Pangasinan" ang
isinagawa ng Sangguniang Bayan (SB) Committee on Rules, Laws and Ordinances
at Committee on Civil Service and Personnel sa pangunguna ng mga Committee
Chairman nito na sina Councilor Amory Junio at Councilor Benjamin Francisco
de Vera,. Ito ay ginanap noong March 10 sa SB Session Hall. SB 11th Regular Session Sa 11th Regular Session ng
Sangguniang Bayan, ipinasa ang resolusyon para sa 2021 Annual Budget at
Annual Investment Program ng iba't-ibang barangay. Inaprubahan din ang
resolusyon na nag-ootorisa sa LGU na makipag-MOA sa Philippine Rice Research
Institute at iba pang stakeholders para maimplementa ng Rice Business
Innovation System ng PhilRice sa Bayambang. Nagsagawa rin ng third and final
reading ng ordinansang magki-create ng Office of the Internal Audit Service
ng LGU. LIVELIHOOD Bayambang, Napili ni Sen. Villar
Bilang Benepisyaryo ng Goat Dairy Project Napili ang Bayambang bilang isa sa
mga benepisyaryo ng Goat Dairy Project na nakatakdang pondohan ng P5.5M ng
opisina ni Senator Cynthia Villar. Dahil dito, nagtungo noonng March 1 ang
Bayambang Poverty Reduction Action Team, kasama ang Municipal Agriculture
Office at Social Welfare and Development Office, sa tanggapan ng Northern
Luzon Department ng National Dairy Authority sa Marilao, Bulacan. Doon ay
tinalakay ni Dr. Charito Gimeno ng NDA Northern Luzon ang mga requirements ng
proyekto, kabilang na ang isang 5 ektaryang lupain para sa planta na
paglalagakan ng 100 kambing at isang kwalipikadong kooperatiba na
mangangalaga nito. BPRAT, Nakipagdayalogo sa Mangayao
Ukol sa Mungkahing Goat Dairy Farm Noong March 10, nagtungo ang
Bayambang Poverty Reduction Action Team sa Brgy. Mangayao, kasama ang
Agriculture Office at Kasama Kita sa Barangay Foundation, upang konsultahin
ang mga piling residente doon ukol sa planong pagpapatayo ng isang limang
ektaryang goat dairy farm na nakatakdang pondohan ni Senator Cynthia Villar
sa oras na ito ay maaprubahan ng kanyang opisina. Naroon si Mangayao Punong
Barangay Romeo Junio upang samahan ang mga kinonsultang magsasaka na
naninirahan sa lupaing balak pagtayuan ng naturang proyekto. Longanisang Tatak Bayambang,
Tikman Na! Walang sawa si Mayor Quiambao sa
pag-iisip ng mga paraan kung paano iahon ang mga kababayan sa kahirapan sa
iba't-ibang larangan. Sa pamamagitan ng kanyang Kasama Kita sa Barangay
Foundation, sa ilalim ni COO Romyl Junio, naisipan niyang gumawa ng
longanisang tatak Bayambang na tatangkilikin ng mga mamimili bilang isa sa
mga produktong gawa ng mga beneficiary-residents ng ANCOP Village, Brgy.
Sancagulis, sa itinayong meat processing facility ng KKSBFI doon. Matapos ang
mahaba-habang product development at testing phase sa tulong ng 1Food
Corporation, kasama ang BPRAT at MSWDO, pormal na inilunsad ang mga
produktong tinaguriang Bayambang's Best Longanisa at Bayambang's Best
Skinless Longanisa sa Pamilihang Bayan ng Bayambang noong March 16. Ang
Bayambang's Best Longanisa at Skinless Longanisa ay kaagad na pumatok sa mga
mamimili dahil sa mataas na kalidad nito at katakam-takam na lasa na
maikukumpara sa mga matagal nang kinagigiliwang longanisa gaya ng sa Vigan at
Nueva Ecija. KKSBFI,
Nagpa-Training sa Basic Candle-Making sa Brgy. Wawa Noong March 30,
nag-organisa ang Kasama Kita sa Barangay Foundation ng isang Training on
Basic Candle-Making sa Brgy. Wawa Covered Court sa tulong ng mga trainors ng
Department of Science and Technology.
Ito ay sa pakikipagtulungan ng Bayambang Poverty
Reduction Action Team at Brgy. Wawa officials. 16 katao na residente ng barangay ang lumahok sa training. HEALTH RHU II at III, Patuloy sa Pagse-serbisyo Ang RHU II at III ay patuloy ang
pagbibigay ng libreng konsultasyon at eksaminasyon para sa mga batang edad
limang taon pababa at pamimigay sa kanila ng libreng food supplement at
vitamins. Sa ngayon ay may 14 na barangay na ang kanilang naikot, at may 132
na batang na-examine. May libre ding check-up sa ngipin at oral health kit
ang ibinibigay ng kanilang dentista na si Dr. John Paul Santos. Task Force Bakuna, Plinantsa ang
Vaccination Plan Noong March 11 sa RHU Conference
Room, nagpulong ang mga department head upang i-finalize ang gaganaping
pagbabakuna sa bawat barangay na pangungunahan ni POSO Chief, Col. Leonardo
Solomon. Dito ay tinalakay ang mga detalye ng plano upang siguraduhing maayos
ang boluntaryong pagpapabakuna ng mga Bayambangueño kapag dumating na ang
supply ng bakuna. RHU, Nagsagawa ng Aktibidad para
sa World TB Day Ang RHU ay nagsagawa ng mga
aktibidad bilang pakikiisa sa pag-obserba ng World TB Day na may temang
"TB: Hanapin, Gamutin, at Puksain." Sila ay nagdaos ng mga usapin
at kampanya upang lalo pang mapalakas ang paghahanap ng mga may sintomas ng
TB o tuberculosis, kabilang ang ubo ng dalawang linggo o higit pa, lagnat
pagdating ng hapon, pagpapawis sa gabi at pagsakit ng likod, at pagiging
immunocompromised gaya ng pagkakaroon ng diabetes at hypertension. Ang bagong
diagnostic procedure gamit ang GeneXpert ay kasalukuyan nang ginagamit. RHU Blood Drive Yields 166 Bags! Sa kauna-unahang pagkakataon ay umabot sa 166 bags ng dugo ang
nakolekta sa Blood Donation Drive sa Bayambang! Lubos na ikinatutuwa ng RHU
ang matagumpay na blood donation drive na ginanap sa Balon Bayambang Events
Center noong March 22. Hindi inaasahan ng RHU na dadagsa pa rin ang mga
Bayambangueño sa bloodletting drive na ito dahil mayroon pang banta ng
COVID-19 at kinailangang obserbahan ang isang metrong distansya ng mga donor
sa isa't-isa. Maraming salamat sa lahat ng nag-donate! Tunay kayong mga
makabagong bayani! IEC on COVID-19 Vaccination Program,
Ongoing Nag-umpisa na ang Task Force Bakuna ng LGU, sa pamumuno ni
POSO Chief, Ret. Col. Leonardo Solomon, sa paglilibot sa mga barangay upang
magbigay-gabay ukol sa isasagawang pagbabakuna sa mga Bayambangueño
kontra-COVID-19. Kasama ang RHU at
MDRRMO, tinatalakay ang mga posibilidad na maaaring mangyari at magiging
epekto nito sa ating kalusugan at bayan kung ang bawat isa ay magpapabakuna.
Ipinapaliwanag din na ang vaccination na magaganap ay para magkaroon ng
tinatawag na herd immunity at maprotektahan ang lahat ng Bayambangueño sa
pandemyang ating kinakaharap. Sa Resbakuna, Bayambang
Handang-handa Na! Isang simulation activity ang
ginanap ng Lokal na Pamahalaan sa Pugo Evacuation Center noong March 25
bilang paghahanda sa pagbabakuna sa mga health workers kontra COVID-19. Dumalo
si Mayor Cezar Quiambao, Vice Mayor Raul Sabangan, at mga Municipal
Councilors na siyang tumayo bilang mga babakunahan upang ipakita sa taumbayan
na ligtas ang bakuna at hikayatin ang mga Bayambangueño na tanggapin ang
COVID-19 vaccine kapag dumating ito. Mga Frontliner,
Bakunado Na! Ang mga frontliner
ng Bayambang, kabilang ang mga empleyado ng RHU, pribadong ospital at
klinika, lay rescuers at security forces, ay naunang binakunahan noong ika-30
ng Marso sa Pugo Evacuation Center kung saan naroon ang vaccination site. Ito
ay upang maipakita sa madla na hindi dapat katakutan ang pagpapabakuna dahil
ito lamang ang paraan upang mawakasan ang pananalasa ng COVID-19 sa ating
bayan. Anti-Rabies Drive Resumes Ang massive anti-rabies
vaccination drive ng Agriculture Office ay nagpatuloy. Sa Brgy. Bical Sur ng
March 19, nagbakuna si Municipal Veterinarian, Dr. Joselito Rosario, kasama ang
mga barangay officials at MAO personnel, ng 99 na aso at limang pusa na
pagmamay-ari ng animnapung na residente ng barangay. Kampanya Kontra Rabies, Patuloy Ang massive anti-rabies
vaccination drive ng Municipal Veterinarian ay dinala sa Brgy. Sapang, kung
saan naitala ang pang-limang pinakamataas ng kaso ng animal bite incidents sa
Bayambang. Ang grupo ay nagbakuna ng higit sa isandaang aso at tatlong pusa,
na pagmamay-ari ng 66 na residente. OTHER SOCIAL SERVICES Barangay Officials, Sumabak sa GAD
Planning Workshop Muling nagsagawa ng tatlong araw
na Gender and Development (GAD) Planning Workshop ang MSWDO sa pangunguna ni
OIC Kimberly Basco, at ito ay ginanap sa Royal Mall noong March 3 hanggang
March 5, at dinaluhan ng 77 Punong Barangay kasama ang kani-kanilang Barangay
Secretary, Barangay Treasurer, o Barangay Health Workers. Layunin ng workshop
na i-orient at i-train ang mga opisyales ng barangay na magkaroon ng epektibo
at matagumpay na pagpaplano ukol sa paggasta ng kani-kanilang GAD budget sa
taong 2021. Phase 2 ng National ID
Registration, Inumpisahan na sa LGU Nag-umpisa na ang phase 2
registration ng Philippine Statistics Authority para sa pagkakaroon ng
national ID, at sa Bayambang ay inuna ang mga LGU officials at employees
upang makumbinsi ang mga kababayang kumuha rin nito. Inaabisuhan ang lahat na
makipagcoordinate sa kanilang barangay officials para sa schedule ng PSA sa
kani-kanilang lugar. LCW Leads International Women's
Month 2021 Celebration Masayang nakibahagi ang mga
kababaihan ng Bayambang sa pandaigdigang selebrasyon ng Buwan ng mga
Kababaihan noong March 8 sa Balon Bayambang Events Center sa pangunguna ni
Local Council of Women President Niña Jose-Quiambao at sa pag-oorganisa ng
MSWDO sa ilalim ni OIC Kimberly Basco. Ang pagdiriwang ay dinaluhan ng mga
Bayambangueña mula sa siyam na distrito ng bayan. Bilang parte ng pagdiriwang
ay nagkaroon ng display booths na kung saan ay ibinida ang mga produktong
sariling gawa ng mga malikhaing kababaihan ng Bayambang. DSWD ERPAT Program, Nagpatuloy Muling nagpatuloy ang proyektong
ERPAT ng DSWD o ang Empowerment and Reaffirmation of Paternal Abilities
Training. Ang unang session na inorganisa ng team ng MSWDO at DSWD Municipal
Link sa taong ito ay ginanap noong March 9-11 sa Brgy. Ambayat 2nd. Lomboy, Bagong LGBTQI Assoc.
President Hinalal bilang bagong presidente
ng LGBTQI Association of Bayambang si Samuel 'Sam' Lomboy sa ginanap na
halalan sa Balon Bayambang Events Center noong March 13 sa pag-oorganisa ng
MSWDO. Naroon sina SB Committe Chair on Social Services, Councilor Benjamin
Francisco 'Benjie' de Vera, upang magbigay ng inspirasyunal na mensahe, at si
outgoing President Raymundo 'Ynah' del Prado. Congratulations, Mr. Sam
Lomboy! MAC, Muling Rumisponde sa Hiling
na Prosthesis Noong March 12, muling naging
tulay ang Mayor's Action Center (MAC) upang mabigyan ng pangalawang
prosthetic eye ang siyam na taong gulang na si Levin Pinlac mula sa Brgy.
Tatarac. Ito ay naging posible dahil sa pagsusumikap ng MAC upang makahanap
ng prosthetic eye para sa bata. Lubos naman ang pasasalamat ng ama nito na si
Leonardo Pinlac sa ating butihing alakalde at kay Mayora Niña Quiambao pati
na rin kay Gng. Jocelyn Espejo at buong staff ng MAC. Pre-Marriage Orientation and
Counseling 2021 Nagsagawa ang MSWDO ng isang
Pre-Marriage Orientation and Counseling noong March 19 sa dating Negosyo
Center sa pangunguna ni OIC Kimberly Basco at Population Program Worker Alta
Grace Evangelista para sa mga magkasintahang nakatakdang ikasal sa taong ito.
Ang aktibidad ay isang requirement para sa mga balak magpakasal upang sila ay
maliwanagan sa bagong yugto ng buhay na kanilang tatahakin, ang buhay
mag-asawa. Women’s Groups sa mga Barangay, Inorganisa Bilang parte sa pagdiriwang ng International Women’s Month
ngayong Marso ay pinangunahan ng Municipal Social Welfare and Development
Office ang pagtatatag ng mga Community-Based Women’s Organization sa mga
barangay. Isa sa mga layunin ng programa
ang matukoy ang pangangailangan ng mga kababaihan upang mapaunlad ang
kanilang pamumuhay. Libreng Pampering Services para sa
Kababaihan ng LGU Handog ni Local Council of Women
of Bayambang President, Mayora Ñina Jose-Quiambao, at kanyang asawa na si
Mayor Cezar T. Quiambao, hinandugan ang mga kakabaihan ng lokal na pamahalaan
ng libreng serbisyo tulad ng hair coloring, back massage, manicure, pedicure,
at iba pang pampering services, bilang parte pa rin ng pagdiriwang ng
International Women’s Month 2021. Ito ay inorganisa ng Human Resource
Management Office upang ipakita ang pagpapahalaga ng LGU sa maraming
kababaihang nagbabanat ng buto sa pamahalaang lokal habang sila ay busy rin
bilang anak, asawa at maybahay sa kani-kanilang mga tahanan. PEACE AND ORDER & PUBLIC
SAFETY MCTQ Donates Electric Hoverboard
to POSO Noong March 8, sinubukan sa unang
pagkakataon ang electric hoverboard na ipinagkaloob ng ating butihing mayor,
Dr. Cezar Quiambao, sa Public Order and Safety Office, sa pamumuno ni Col.
Leonardo Solomon, upang maging karagdagang gamit ng mga traffic enforcer sa
pagpapaigting ng implementasyon ng batas trapiko sa munisipalidad ng
Bayambang, lalo na sa Poblacion area. Katapatan Muling Ipinamalas ng
POSO Traffic Enforcers Sa pamumuno ni POSO Chief, Col.
Leonardo Solomon, muling ipinamalas ng mga traffic enforcers ang kanilang
katapatan sa paglilingkod-bayan. Sa magkakahiwalay na insidente ay nagsauli
ang mga staff ng mga wallet at nagsauli ng mga napulot na pera na nagkakahalaga
ng libu-libong piso. Laking pasasalamat ng mga may-ari dahil naibalik ang
kanilang mga wallet at mga lamang mahahalagang dokumento. Barangay Drug Clearing Workshop,
Inorganisa ng MADAC Ang Municipal Anti-Drug Abuse
Council, sa pangunguna ng Public Order and Safety Office, sa ilalim ng hepe
na nito na si Col. Leonardo Solomon, ay nag-organisa ng Barangay Drug
Clearing Workshop sa Events Center para sa mga barangay officials noong March
19, kasama ang PNP Bayambang sa ilalim ni OIC Chief PLtCol Andres Calaowa
Jr., DILG at DOH. Naging resource speaker ang mga taga-Public Drug
Enforcement Agency (PDEA) sa pamumuno ni PDEA Provincial Officer Dexter
Asayco. Ang workshop at symposium ay inatendehan ng mga Punong Barangay at
Barangay Secretary sa umaga at mga drug reformists sa hapon. Sa workshop ay
dumalo si Vice-Mayor Raul Sabangan bilang kinatawan ni Mayor Cezar Quiambao. AGRICULTURAL MODERNIZATION Update on LGU's Application for
DA-PRDP Grant Nagkaroon ng pagpupulong noong
March 10 sa Niña's Cafe ang Municipal Project Management and Implementing
Unit ng LGU-Bayambang ukol sa aplikasyon nito na magkaroon ng grant mula sa
Philippine Rural Development Project (PRDP) ng Department of Agriculture.
Dito ay napag-usapan ang latest development ukol sa proyektong 'Improvement
of San Gabriel II Farm-to-Market Road with Bridge,' at napag-alamang nasa
national evaluation phase na ang proyektong nakatakdang pondohan ng PRDP.
Matapos ang pulong ay nagsagawa ng site visit ang team sa San Gabriel 2nd
bilang parte ng compliance sa mga bagong requirements ng proyekto mula sa
national government. Rice Planter Mula DA-RFO1,
Ipinamigay sa MSGMC Isang ride-in mechanical rice
planter ang ipinamigay ng Department of Agriculture-Regional Office I sa
Mangabul Seed Growers Marketing Cooperative, Inc. Muli, maraming salamat,
DA-RFO1! At congratulations sa Mangabul Seed Growers Marketing Cooperative! Soil Collection, Isinagawa para sa
FASS Project ng MAO at MDRRMO Nagsagawa ng soil collection
activity ang Municipal Agriculture Office at Department of Agriculture-Region
I kasama ang MDRRMO para sa nakatakdang soil analysis, bilang parte ng
pinagsanib nilang programa na 'Fight Armyworm and Save the Soil' (FASS).
Kinakailangang malaman ang lagay ng ating mga lupang sakahan para malaman
kung anong remedyo ang nararapat upang makaiwas sa pagkasira nito at sa
pananalasa ng mga peste dulot ng masamang kondisyon ng lupa. Young Entrepreneurs mula Maynila,
Tutulong sa mga Vegetable Farmers Noong March 12 ay inilibot ni Kasama
Kita sa Barangay Foundation COO Romyl Junio ang mga anak ng mga businessmen
sa Maynila na sina Cezar Quiambao II, Justin Yu, at Joshua Lim, upang makita
nila nang personal ang mga bukirin at aktibidad ng mga lokal na magsasaka at
matulungan ang mga ito sa marketing aspect kung saan sila ay nakatakdang
maging direct supplier. Kasama sina Municipal Agriculture Officer-in-Charge
Zyra Orpiano, Agriculture Modernization Consultant Maricel San Pedro, at
Bayambang Poverty Reduction Action Team Focal Person on Livelihood Valentine
dela Cruz, namili ang mga bisita ng mga iba't-ibang gulay na dadalhin sa
isang bagsakan sa Maynila para sa ma-testing ang mga produkto at upang
makatulong sa mga magsasaka na mabenta ang kanilang produkto sa mas mataas na
presyo. Food Security Ambassadress ng DA,
Bumisita Noong March 12, bumisita sa
Bayambang si Bb. Cherrie Atilano, ang Food Security Ambassador ng Department
of Agriculture, upang magbigay ng impormasyon ukol sa agrikultura. Si Bb.
Atilano ay isang internationally multi-awarded lady millennial farmer, at
siya ang founder at CEO ng Agrea, isang matagumpay na local agribusiness
company. Siya ay nakipagpulong kina Mayor Cezar Quiambao at kanyang maybahay
na si Niña kasama ang mga piling opisyal ng LGU sa opisina ng Agricultural
Infrastructure and Leasing Corporation as St. Vincent Village. Parte ng
dahilan ng pagbisita ni Bb. Atilano, kasama ang sikat na inang interior
designer na si Ivy Almario, ay upang boluntaryong tumulong sa aplikasyon ng
LGU-Bayambang sa Mayors’ Challenge ng Bloomberg Philanthropies, isang
pandaigdigang patimpalak ukol sa inobasyon sa pagresolba ng mga kinakaharap
na problema ng mga siyudad sa mundo. Monument-Setting at Proposed Agri
Warehouses Noong March 18, naglagay ng muhon
ang geodetic engineer ng Assessor's Office kasama ang staff at ang
Engineering Office para sa proposed district warehouse na itatayo ng
Agriculture Office sa Brgy. Mangayao at Brgy. Langiran. KKSBFI, Patuloy sa Pag-market ng
mga Produkto ng Vegetable Farmers Sa tulong ng Kasama Kita sa
Barangay Foundation, Inc., at ni Agriculture Modernization Consultant Maricel
San Pedro, ay muling nakahanap ng direct buyer ang mga lokal na magsasaka
para sa kanilang produktong gulay. Kamakailan ay dinala rito ang mga
taga-Dizon Farms, isang sikat at malaking kumpanya, upang i-test sa kanilang
merkado ang mga lokal na produktong gulay. Sila naman ay bumili ng
kilu-kilong gulay tulad ng siling haba, siling labuyo, talong, at kamatis
mula sa mga vegetable farms sa Ambayat 1st, Managos, at Warding. ECONOMIC DEVELOPMENT NMIS Inspects Slaughterhouse Nagsagawa ng surprise inspection
ang National Meat Inspection Service-Regional Technical Operation Center 1 sa
pangunguna ni Dr. Domingo Gonzaga and Dr. Rudio Abulencia sa Municipal Slaughterhouse
upang iassess ang mga pasilidad at equipment na nangangailangan ng repair at
restoration. Ito ay isinagawa bilang parte ng inspection ng NMIS para sa
ating application para sa permit to operate bilang isang double “AA”
slaughterhouse. INFRASTRUCTURE DEVELOPMENT Narito naman ang mga latest update
sa infrastructure projects ng LGU: Construction of Office of the Bids
and Awards Committee Renovation of Comelec Office Installation of Wall Partition at
Municipal Library Renovation of Mayor's Office Fabrication and Installation of
Bilboard Frame at Parking Area beside Balon Bayambang Events Center Construction of POSO Chief Office Construction of Scalding Bath in
Municipal Slaughterhouse Completed: Construction of
Conference Room at the old Negosyo Center/One-Stop Shop Completed
Core Local Access Road in Inirangan Completed Drainage System
in Zone IV Construction of Tanolong-Maigpa
Roadline funded under DILG AM-2020 Installation
of Solar Street Lights Ongoing:
Concreting of Bureau of Fire Protection’s Parking Area Ongoing:
Finishing of Municipal Accounting Extension Office Mayor Quiambao, Pinarenovate ang
Post Office Nagpapasalamat kay Mayor Quiambao
ang PhilPost Bayambang sa ilalim ni Thelma Ramos dahil sa unang pagkakataon
ay naisaayos at narenovate ang opisina ng Bayambang Post Office. ENVIRONMENTAL PROTECTION Ecological Solid Waste Management
Office (ESWMO) in Action Sa patuloy na pagsusulong ng ESWMO
sa adbokasiya nito para sa isang malinis at makakalikasang Bayambang, nagkaroon
muli ng isang clean-up activity ang opisina sa kahabaan ng Bical Norte-Bani
Road sa pangunguna ng OIC nito na si G. Eduardo Angeles, Jr.. Ang clean-up ng
ESWMO ay isang regular na aktibidad na ginagawa ng opisina sa iba't-ibang
barangay kasama ang mga kapitan at mga kagawad. Patuloy din ang panghuhuli ng mga
ESWM Enforcers sa mga lumalabag sa Municipal Ordinance #19 na nagreregula sa
paggamit ng plastic cellophane at sando bags at nagbabawal sa styrofoam. DISASTER RESILIENCY MDRRMO Staff, Sumabak sa Standard
Training Muling sumailalim ang MDRRMO staff
sa Standard First Aid, Basic Life Support at Ambulance Conduction Training. Ang
training na ito ay pinangunahan ni Gng Felicitacion Macapinlac, Emergency
Medical Technician ng Red Cross at isang Emergency Medical Services, Disaster
Management, at Psychosicoal Support Trainer. Layunin ng training na ito na
madagdagan ang kaalaman ng MDRRM staff para sa mas epektibo at mas mabilis na
pagresponde sa ating mga kababayan kapag may di inaasahang pangyayari. Improvement Works sa San Gabriel I
Isolation Facility, Patuloy Patuloy ang improvement works sa
San Gabriel Ist Isolation Facility. Kasalukuyang tinatapos ang Nursing
Quarters at Nursing Station ng pasilidad, at ginagawa naman ang mga septic tanks
para sa mga individual comfort rooms ng sampung isolation rooms doon. Typhoon Ulysses Survivor, Binigyan
ng Libreng Construction Materials Naging abala ang MDRRMO sa
paghahakot ng mga contruction materials para sa nasirang bahay sa Brgy.
Paragos na hinagupit ng Bagyong Ulysses. Kabilang sa mga materyales na
donasyon ni Mayora Niña Jose-Quiambao ang 50 piraso ng yero para sa bubong,
41 piraso ng lumber, 4 na piraso ng ridge roll, at isang mini-dump truck ng
bato. MDRRMC Staff, Nakiisa sa 1Q ONSED Noong March 11, ginanap sa alas
dos ng hapon ang 1st Quarter Online Nationwide Simultaneous Earthquake Drill
o ONSED, at gaya ng dati ay nanguna sa pakiisa sa aktibidad na ito ang
MDRRMC. Sila rin ay nagmonitor sa lahat ng mga estudyante at guro sa bawat
eskwelahan na nakibahagi sa nationwide na aktibidad na nagsusulong na gawing
regular ang earthquake at fire drills para sa kahandaan ng lahat pagdating ng
mga di inaasahang sakuna. MDRRMO
Disaster-Related Transportation Assistance Parte
ng ginagawa ng MDRRMO ang magbigay ng transportation assistance para sa mga
mahahalagang request. Noong March 22, ang MDRRMO ay nag-asiste sa RHU 3 staff
at Barangay Health Workers para sa blood donation activity. Sa sumunod na
araw naman, ay sila ay nagbigay ng transportation assistance sa District
Federated Parents-Teachers' Association (FPTA) kasama ang Agriculture Office
at RHU sa iba't-ibang paraalan upang mainspeksiyon ang lahat ng Gulayan sa
Paaralan projects ng DepEd. |
No comments:
Post a Comment