Monday Report - March 2, 2026

 

Monday Report - March 2, 2026

 

[INTRO]

 

[ENERGY, VOLUME, SMILE]

 

NEWSCASTER 1: Masantos ya kabwasan, Bayambang! Ako po si Bhernardine Calaus.

 

NEWSCASTER 2: Ako naman po si Danny Ventura, at kami po ay mula sa Municipal Social Welfare and Development Office.

 

NEWSCASTER 1: Kami ang inyong mga tagapaghatid ng tama, tapat, at napapanahong balita.

 

NEWSCASTER 2: Mula sa bayang ang malasakit ay hindi salita kundi gawa...

 

SABAY: Ito ang...BayambangueNews.

 

***

 

[ENERGY, VOLUME, SMILE]

 

[MEMORIZE THE HEADLINES ONLY]

 

1.      GSO ng Calasiao, Nagbenchmarking sa GSO-Bayambang

 

Bumisita ang GSO ng Calasiao sa GSO-Bayambang para sa isang benchmarking activity na naglalayong matutunan ang mga polisiya, sistema, at best practices sa procurement, property management, at asset inventory. Sa pangunguna ng kanilang mga opisyal, nagkaroon ng makabuluhang talakayan hinggil sa  mga polisiya, workflow procedures, at digital innovations upang higit pang mapahusay ang serbisyong pangkalahatan ng kanilang tanggapan.

 

 

2.      Orally Fit Children, Pinarangalan

 

Kinilala ang mga batang may pinaka-malulusog na ngipin, sa ginanap na awarding ceremony para sa Orally-Fit Child 2026 bilang culminating activity ng Oral Health Month noong February 25. Ito ay upang itaguyod ang tamang pangangalaga sa oral health. Ang aktibidad ay pinangunahan ng RHU sa pakikipagtulungan ng Philippine Dental Association – Pangasinan Chapter, kasama ang suporta ng mga guro, magulang, at health workers.

 

 

3.      Joint LCPC, LCAT-VAWC, at MAC Meeting, Ginanap

 

Sa pinagsanib na 4th quarter meeting ng LCPC, LCAT-VAWC, at MAC, mas pinaigting ang koordinasyon ng iba’t ibang ahensya at sektor sa pamamagitan ng pagtalakay sa pagpapahusay ng case management system, paghahanda para sa CFLGA at LCPC Functionality Assessment, at pagrerepaso ng accomplishment reports. Tinalakay din ang mga update sa implementasyon ng 4Ps at Sustainable Livelihood Program, at iba pang programa, proyekto, at aktibidad upang matiyak ang mas maayos at epektibong serbisyo para sa mga kabataan, kababaihan, at pamilyang 4Ps sa Bayambang.

 

4.      SK Budget Hearing, Nagpatuloy

 

Nagpatuloy ang Sangguniang Bayan sa pagdinig para sa Annual Budget Hearing ng mga Sangguniang Kabataan mula sa iba’t ibang barangay. Inilahad ng mga SK leader ang kanilang mga panukalang programa at proyekto para sa 2026, na nakatuon sa kapakanan ng kabataan at komunidad, habang binigyang-diin ang maayos na pagpaplano, transparency, at responsableng paggamit ng pondo.

 

5.      Mobile Info Drive ng LCR, Nagpatuloy sa Beleng

 

Idinaos sa Brgy. Beleng noong February 24 ang programang “Your Name, Your Right” ng LCRO, na naghatid ng kaalaman at agarang serbisyong may kinalaman sa civil registry at legal na pagkakakilanlan sa mga residente. At sa pamamagitan ng mobile services kabilang ang data capture para sa upgraded Community Service Card, mas napabilis ang pagproseso ng dokumento at pati na magiging pag-access sa mga benepisyo ng pamahalaan.

 

 

6.      Info Drive Kontra Teenage Pregnancy at Suicide, Inilunsad ng RHU II

 

Isang information drive kontra teenage pregnancy at suicide ang muling inilunsad ng RHU II noong February 24 at 25 sa A.P. Guevarra Integrated School at Ambayat Integrated School. Ito ay dinaluhan ng 630 na mag-aaral mula Grades 7to 12. Layunin ng programa na mapigilan ang pagtaas ng kaso ng teenage pregnancy at suicide sa bayan, matapos maitala ang 27 cases ng maagang pagbubuntis at 5 na kaso ng suicide noong nakaraang Enero.

 

7.      UPLB, Muling Naghatid ng Biotech Program sa Bayambang

 

Muling dinala ng UPLB-BIOTECH ang BEACONS Program nito sa Bayambang upang palakasin ang sustainable agriculture sa pamamagitan ng paggamit ng biotechnology-based products. Kabilang dito ang biofertilizers, plant growth regulators, at biostimulants na nagpapabuti at nagpapataas ng ani at nagpapababa ng gastos sa pagsasaka. Sila ay nagsagawa ng mga site visit, technical consultation, at lecture-demonstration para sa mga magsasaka at farmer organizations.

 

===============================

 

FOR VO

 

8.      Unang Araw ng GAD Training Workshop, Ginanap

 

Noong February 23, ginanap ang unang araw ng 3-day Training-Workshop ukol sa Integrated Planning, Budgeting, and Implementation ng Gender and Development, para sa mas inklusibo at gender-responsive na pamamahala. Tinalakay ni OIC MPDC Ricky Bulalakaw ang ukol sa Integrated Planning, at ni MSWD Officer Kimberly Basco ang Mainstreaming Gender in LGU Plan and Budget.

 

9.      BPSO, Patuloy ang Agarang Pagresponde sa Road Incidents

Patuloy ang masigasig na pagtugon ng Bayambang Public Safety Office (BPSO) sa iba’t ibang insidente ng aksidente sa daan at dagliang pangangailangan ng mga Bayambangueño. Nitong mga nakaraang linggo, ang BPSO ay agarang rumisponde sa ilang naaksidenteng motorista at pasahero. Patuloy din itong nagbibigay ng suporta sa mga pasyenteng may energency cases sa pamamagitan ng dagliang paghatid sa pagamutan upang masiguro ang kanilang kaligtasan at matiyak ang maayos na kalagayan.

 

10.  LCR, Nagpatuloy ng Info Drive at Mobile Services sa Tamaro

 

Noong February 26, nagpatuloy ang LCR sa Brgy. Tamaro upang tiyakin ang paghatid ng mga impormasyon ukol sa civil registration at legal na pagkakakilanlan, kasabay ng mobile services ng tanggapan. Tampok din ang data capture ng 41 na residente para sa upgraded Community Service Card.

 

11.  Slaughterhouse, Pinulong ang Meat Vendors at Butchers

 

Pinulong ng Municipal Slaughterhouse ang mga lokal na meat vendors at butchers noong February 26 upang palakasin ang kanilang kaalaman sa food safety, wastong paghawak ng karne, at pagsunod sa mga umiiral na pamantayan ng meat inspection sa tulong ng NMIS RTOC 1. Sa pamamagitan ng information-education campaign, higit na napaigting ang koordinasyon at kamalayan ng mga meat handlers para matiyak ang ligtas at dekalidad na karne para sa mga Bayambangueño.

 

 

12.  MDRRMC, Nagconduct ng Rescue Operations para sa Insidente ng Pagkalunod

 

Noong February 26 at 27, ang MDRRM Council, sa pangunguna ng MDRRMO, ay agad na nag-activate ng WASAR Team at para sa mabilis na search and retrieval operations kaugnay ng insidente ng pagkalunod sa Brgy. Caturay. Bukod sa agarang pagresponde at pagdadala sa survivor sa ospital, patuloy ring silang nagbibigay ng psychological first aid at iba pang kinakailangang tulong sa mga survivor at naulilang pamilya habang ipinagpapatuloy ang paghahanap sa huling nawawala.

 

 

===============================

 

 

13.  Bayambang, 4th Runner-up sa DSWD Video Contest

 

Nagwagi bilang 4th Runner-up ang entry ng LGU-Bayambang out of 41 entries ng lalawigan sa “Juana Malakas: Stories of Women Empowerment Advocacy Video” ng DSWD, bilang bahagi ng National Women’s Month celebration. Ang entry ay base sa inspiring na kwentong buhay ni Christien P. Garcia, isang winning Barangay Nutrition Scholar at graduating 4Ps member mula sa Brgy. Zone 6.

 

14.   PESO, Umani ng 3 Parangal!

 

Pinarangalan ang PESO-Bayambang ng tatlong pagkilala sa 2026 Regional PESO Congress, kabilang ang

Regional Winner – Job Fair Excellence Award at dalawang Special Citation para sa digitalization ng serbisyo at maayos na pagsusumite ng ulat para sa CY 2025. Patunay ito ng epektibong pagpapatupad ng mga programang pang-empleyo ng Pamahalaang Bayan sa ilalim ni SLEO Gernalyn Santos at sa pamumuno ni Mayor Niña Jose-Quiambao.

 

 

***

 

[ENERGY, VOLUME, SMILE]

 

Presenter: Shinley Roldan

 

Bayambang, Dapat Alam Mo!

 

 

Bayambang, dapat alam mo na ang ating bayan ay isang woman-friendly town o bayan na kung saan namamayagpag ang mga kababaihang lider!

 

Alam ba ninyo na 50% ng mga permanent at casual employees ng LGU-Bayambang ay binubuo ng kababaihan?

 

 

===========================================

 

[ANDREW: FLASH ONSCREEN]

 

LGU-Bayambang Employees as of February 2026               

	Male	Female
Permanent – 335	167	168
Casual – 118	59	59
Job Order – 505	342	163
Consultant – 13	9	4

                   

===========================================

 

At alam ba ninyo na mahigit 50% sa mga kasalukuyang LGU unit at department heads at iba't ibang agency heads sa Bayambang ay babae?

 

Sinu-sino ang mga ito?

 

Bukod sa tayo ay pinamumunuan ngayon ng pinakaunang babaeng mayor, vice-mayor, at municipal administrator na ating kasaysayan, halos lahat ng departamento at ahensya ay napamunuan na o pinamumunuan ng isang babae. Kabilang dito ang lahat ng mabibigat na responsibilidad na dati-rati ay inaasa lamang sa mga kalalakihan.

 

===========================================

[ROLL/SCROLL UP THE LIST ONSCREEN]

 

Hon. Niña Jose-Quiambao - Municipal Mayor      

Hon. Ian Camille Sabangan - Municipal Vice Mayor           

Hon. Jocelyn Espejo - Municipal Councilor            

Maria Concepcion Carmela A. Santillan - Executive Assistant         

Atty. Rodelynn Rajini S. Vidad - Municipal Administrator

Atty. Rodelynn Rajini S. Vidad - BPRAT Chairperson

Atty. Rodelynn Rajini S. Vidad - Agriculture            

Atty. Rodelynn Rajini S. Vidad - Bayambang Public Safety Office

Editha Soriano - MLGOO              

SInsp. Carol Joy Palchan - BFP                    

Reina Corazon S. Ferrer  - COMELEC         

Thelma Ramos - PhilPost              

Ma. Dolores Soliven - OIC Chief, Land Transportation Office

DepEd Bayambang II - Dr. Candra Penoliar

Engr. Bernadette Mangande - Municipal Engineer              

Charmaine C. Bulalakaw - OIC Municipal Treasurer            

Dr. Paz F. Vallo - RHU I    

Dr. Adrienne A. Estrada - RHU II 

Genevieve N. Uy - MDRRMO       

Christine Bautista - Budget Officer           

Chinita S. de Vera - GSO

Ma-Lene S. Torio - ESWMO          

Kimberly P. Basco - MSWDO        

Veronica Gellido - Internal Auditor            

Gernalyn J. Santos - PESO            

Atty. Melinda Rose Fernandez - HRMO

Atty. Melinda Rose Fernandez - MCDO

Atty. Melinda Rose Fernandez - Library

Stephany J. Caragan - BAC Secretariat     

Josie Niverba - MAC       

Venus M. Bueno - Nutrition         

Atty. Mary Grace Agas - BPLO     

Luz B. Cayabyab - Slaughterhouse             

Dr. Leticia B. Ursua - Media Affairs            

Erlinda S. Alvarez - Action Desk Officer for SEE    

Resie M. Castillo - Agriculture and Fishery Concerns         

Mary Rose R. Aquino - OIC Accountant for Barangay Financial Affairs

Kimberly Martinez - DTI

 

 

***

 

Samantala, ayon sa datos ng LCR, as of 2020, 49.35% ng ating populasyon ay kababaihan, kaya't di nalalayo sa bilang ng mga kalalakihan.

 

 

===========================================

 

[ANDREW: FLASH ONSCREEN]

 

Official Male-Female Distribution (Latest Census with Sex Data as of 2020)

 

Males: 65,327

Females: 63,664

 

Total (2020 census): 129,011

 

===========================================

 

Bayambang, dapat alam mo na malinaw na ang ating bayan ay hindi lamang woman-friendly — ito ay woman-empowered.

 

Ang kababaihan ay hindi lang katuwang sa pag-unlad — sila ay nasa unahan ng pamumuno, paglilingkod, at pagbabago.

 

Samakatwid, ang lakas ng kababaihan ay lakas ng ating bayan.

 

Ang lahat ng ito Bayambang ay...dapat alam mo!

 

[***

 

[OUTRO]

 

[ENERGY, VOLUME, SMILE]

 

NEWSCASTER 1: At iyan po ang mga balitang nagbibigay-inspirasyon at pag-asa sa ating bayan. Muli, ako po si Bhernardine Calaus.

NEWSCASTER 2: At ako po si Danny Ventura, at kami ay mula sa Municipal Social Welfare and Development Office.

NEWSCASTER 1: Kaisa ninyo sa serbisyong tunay at may puso.

NEWSCASTER 2: Kasama ninyo sa pagsulong ng magandang kinabukasan ng bayan.

 

SABAY: Ito ang... BayambangueNews!