MONDAY REPORT – FEBRUARY 16, 2026

 

MONDAY REPORT – FEBRUARY 16, 2026

 

[SMILE, VOLUME, ENERGY!]

INTRO:

1: Magandang araw, mga Kabaleyan! Ako po si _____________.

2: At ako naman po si _____________, at kami po ay mula sa _____________.

1: Hatid namin ang mga balita ukol sa mga makabuluhang programa, proyekto, at aktibidad ng lokal na pamahalaan at ang pakikiisa ng ating komunidad.

2: Sama-sama nating tunghayan ang mga kaganapang patunay ng malasakit, disiplina, at pagkakaisa sa bayan ng Bayambang.

1&2: Ito ang... BayambangueNews

 

=====================

 

[MEMORIZE THE HEADLINES]

 

 

1.      BPC, Ipinakilala ang Unang 92 Graduates; P15-M Donasyon, Tinanggap 

 

Ipinakilala ng Bayambang Polytechnic College ang unang 92 graduating students at OJTs nito noong Pebrero 9, kasabay ng pagtanggap ng 15.3 milyong pisong donasyon mula kina Dr. Cezar Quiambao at Mayor Niña para sa tuition mahigit na ng 1,100 na mag-aaral. Ayon kay BPC President, Dr. Rafael Saygo, patunay ito na ang paaralan ay isang instrumento para sa magandang kinabukasan ng kabataang Bayambangueño.

 

 

2.      Mga Wheelchair, Ipinagkaloob sa mga PWD at Senior Citizens

 

Ipinamahagi ng PDAO, gamit ang pondo mula sa PWD Fund, ang mga bagong wheelchair sa ilang PWD at senior citizens noong February 9. Kabilang dito ang isang adult wheelchair na nakadisenyo para sa may cerebral palsy. Ito ay bahagi ng patuloy na programa ng LGU para sa mas maayos na mobilidad at kalidad ng pamumuhay ng mga benepisyaryo.

 

 

3.      PSU Student Journalists, Media Partner sa Town Fiesta 2026

 

Malugod na tinanggap ng mga regional award-winning student-journalist ng The Reflector ng PSU–Bayambang ang imbitasyon ng LGU na magsilbing media partner para sa news coverage ng Pista’y Baley 2026. Sa pulong noong February 10, tinalakay ang mga aktibidad ng pista at ang tamang pag-uulat ng mga ito.

 

 

4.      286 OJT at Work Immersion Students, Tinanggap ng LGU

 

Tinanggap ng LGU ang 286 OJT at work immersion students mula sa PSU, BPC, at Bilad National High School sa isang orientation program na pinangunahan ni Mayor Niña. Nagbigay rin ng gabay ang Municipal Administrator at PESO officials upang ihanda ang mga mag-aaral sa aktuwal na mundo ng trabaho at serbisyong pampubliko.

 

 

5.      Winning Athletes, Binigyan ng Reward ni Mayor Niña

 

Bilang pagkilala sa mga student athletes na nag-overall champion sa SDO1 Athletic Association Meet 2026 at nag-uwi ng 127 na medalya, naghandog si Mayor Niña ng mga insentibo at pa-premyo, kabilang ang treat sa Niñas Cafe, 1,000-peso cash bawat atleta, at free tickets sa Blue Sky Theme Park.

 

 

6.      Mga Mahahalagang Isyu, Tinalakay sa Pulong ng mga Kapitan

 

Noong February 9, pinulong ang lahat ng 77 punong barangay ng Bayambang upang talakayin ang mahahalagang isyu, kabilang ang reporma sa 4Ps, kapakanan ng senior citizens, at paghahanda para sa darating na Barangay at SK Elections sa November 2. Tinalakay rin ang wastong paggamit ng pondo para sa senior citizens, pagpapatupad ng Anti-Epal Ordinance, at mga hakbang sa maayos na waste management.

 

7.      Mga Plano sa Women’s Night, Inilatag

 

Tinalakay ng lokal na pamahalaan ang mga pinal na paghahanda para sa Women’s Night Celebration 2026 sa isang pagpupulong na ginanap noong February 10, bilang bahagi ng Women’s Month Celebration. Pinangunahan ni Dr. Roland Agbuya ang pulong, kung saan inayos ang daloy ng programa, mga tungkulin ng bawat departamento, budget, at iba pang detalye para sa selebrasyong nakatakdang ganapin.

 

8.      Kalusugan ng Ina at Sanggol, Tinalakay sa Project Buntis Year 2

 

Muling isinagawa ang Project Buntis seminar ngayong taon bilang bahagi ng 2026 Oral Health Month sa pangunguna ng PDA Pangasinan Chapter katuwang ang mga RHU. Ito ay dinaluhan ng mga buntis at first-time moms sa JKQ Medical & Wellness Center. Tinalakay ng mga eksperto ang mahahalagang usapin sa maternal, newborn, at pediatric care, nutrisyon, at oral health, kasabay ng pamamahagi ng libreng baby toothbrush at nutrition goodie bags.

 

9.      Unang Pulong ng GIS-TWG, Isinagawa

 

Isinagawa ang unang pulong ngayong taon ng Geographical Information System–Technical Working Group sa pangunguna ng MPDO, na dinaluhan ng iba’t ibang tanggapan ng munisipyo. Tinalakay dito ang mahalagang papel ng GIS sa land use planning, development decision-making, at pagpapalakas ng digitization, kabilang ang presentasyon sa paggamit ng Quantum GIS para sa locational clearance at development permit applications.

 

10.   MDRRMO Staff, Nagtapos sa First Aid Training

 

Ang mga kawani ng MDRRMO ay muling sumailalim sa Standard First Aid and Basic Life Support Training mula Febuary 2 to 6, upang higit pang mapalakas ang kahandaan ng mga rescuer bilang first responders. Sa pamamagitan ng lectures, hands-on practicum, at simulation exercises, hinasa ang kaalaman at kasanayan ng mga kalahok sa agarang pagtugon sa aksidente at iba’t ibang emergencies.

 

11.  Itinatayong Youth Center, Ininspeksyon

 

Ininspeksyon ng mga kinatawan ng DILG Pangasinan ang itinatayong Youth Center o Teen Hub sa Municipal Plaza bilang paghahanda sa pormal nitong pagbubukas. Ang proyektong pinondohan ng Seal of Good Local Governance Incentive Fund 2024 ng DILG na nagkakahalaga ng mahigit isang milyong piso ay sumailalim sa final inspection upang tiyakin ang pagsunod sa pamantayan at kahandaan ng pasilidad. Inaasahang magsisilbi itong ligtas at makabuluhang espasyo para sa iba’t ibang aktibidad ng mga kabataan.

 

 

12.  SWM Fees at Ordinances, Tinalakay sa mga Barangay Secretary

 

Sa buwanang pulong ng mga Barangay Secretary noong February 11, tinalakay ni MENRO Ma-Lene Torio ang Solid Waste Management (SWM) fees at mahahalagang lokal na ordinansa. Kabilang sa binigyang-diin ang pagpapatupad ng ordinansa laban sa single-use plastics at styrofoam, at ordinansa ukol “Bali-balin Bayambang” at “Tapat Ko, Linis Ko” programs.

 

 

13.  Pag-amyenda sa AIP 2025 at 2026, Tinutukan ng MDC

 

Sa isang pulong, tinutukan ng Municipal Development Council (MDC) ang mga panukalang pag-amyenda sa Annual Investment Program (AIP) 2025 at 2026 upang higit na maiangkop ang mga proyekto sa pangangailangan ng mga barangay, lalo na sa imprastraktura at serbisyong panlipunan. Nagkaroon din ng orientation para sa mga Punong Barangay hinggil sa solid waste management ordinance, at pati na rin ang tungkol sa upgraded Bayambang Community Service Card.

 

14.  Bali-Balin Bayambang Committee, Nagmonitor sa District 2

 

Naglibot ang Bali-Balin Bayambang Committee sa mga barangay ng District 2 noong February 11 bilang bahagi ng pagpapatuloy ng clean-green-and-bloom project ni Mayor Niña. Dalawang monitoring team ang bumisita sa Brgy. Bongato East and West; Manambong Norte, Parte, at Sur; San Gabriel 2^nd; Paragos; Iton; at Pantol, upang iassess ang pakikiisa ng mga opisyal at residente, ang kalinisan at kaayusan ng kapaligiran, at ang compliance ng mga programang pangkalikasan sa bawat lugar.

 

15.  Annual Budget Hearing ng SK, Ipinagpatuloy

 

Sa parehong araw, February 11, itinuloy ng Sangguniang Bayan ang pagdinig para sa Annual Budget ng mga Sangguniang Kabataan mula sa 77 barangay. Iniharap ng mga nakasalang na SK leaders ang kanilang mga nakaplanong programa at proyekto para sa kasalukuyang taon, na nakatuon sa kapakanan ng kabataan at komunidad. Binigyang-diin din sa pagdinig ang kahalagahan ng maayos na pagpaplano, transparency, at wastong pamamahala ng pondo.

 

16.  71 Couples, Nag-isang-dibdib sa Kasalang Bayan 2026

 

Matagumpay na ikinasal ni Mayor Nina ang 71 na magkasintahan sa isang engrandeng Kasalang Bayan na muling inihatid ng LGU sa pag-oorganisa ng Local Civil Registry Office noong February 12. Bilang parte ng pagdiriwang ng Buwan ng mga Puso at Civil Registration Month, ang seremonya na ginanap sa Events Center at pinangunahan din ni Municipal Trial Court Presiding Judge Romeo O. Caboteja, Jr., at iba pang Municipal Officials. Gaya noong mga nakaraan taon, ang 71 couples ay nabiyayaan ng mga iba't ibang regalo mula sa mga opisyal ng LGU.

 

 

17.  Dental Sealant Application, Isinagawa

 

Bilang parte pa rin ng pagdiriwang ng Oral Health Month, nagsagawa ng isang dental sealant application sa mga mag-aaral ng Hermoza at Sanlibo Elementary School noong February 12, sa tinaguriang "Project Molar." Ito ay naging posible sa pagtutulungan ng mga RHU, Philippine Dental Association-Pangasinan Chapter, DOH CHD Region 1 -- na nagpadala ng dental bus, at mga dentista ng DepEd. May kabuuang 246 na estudyante ang nabiyayan ng libreng dental sealant sa aktibidad na naglalayong iiwas ang ating mga kabataan sa tooth decay.

 

 

18.  LGU-Bayambang, Muling Kinilala ng ATI-RTC I

 

Muling ginawaran ang LGU-Bayambang ng isang Plaque of Recognition mula sa DA-Agricultural Training Institute–Region I noong February 11, bilang pagkilala sa aktibong pakikilahok at suporta nito sa mga programa at pagsasanay para sa mga magsasaka at Agricultural Extension Workers sa Rehiyon Uno. Tinanggap ng Municipal Agriculture Office ang parangal bilang patunay ng patuloy na dedikasyon ng lokal na pamahalaan sa pagpapalakas ng makabago at sustenableng agrikultura sa bayan.

 

19.  PLEB, Nireconvene

 

Sa bisa ng Executive Order No. 12, series of 2026, pormal na ipinakilala noong February 12 ang bagong Chairperson at mga miyembro ng People’s Law Enforcement Board (PLEB) ng Bayambang. Pamumunuan ni Dr. Nicolas Miguel ang lupon kasama ang anim na kasaping mula sa iba’t ibang sektor, kabilang sina Dr. Leticia Ursua, OIC Liga President Rodelito Bautista, Mr. Danilo R. Gozum, Mr. Rolando M. Gloria ng LSB, at Hermoza Barangay Captain Frankie de Vera Catalan. Sila ang naatasang magpapatupad ng disiplina at pananagutan sa hanay ng kapulisan, alinsunod sa RA 6975.

 

 

20.  Phil Assist at PESO, May Special Recruitment Activity

 

Nagsagawa noong February 12 ang Phil Assist Life Manpower Corp. ng Special Recruitment Activity kasama ang PESO-Bayambang. Sila ay nakapagbigay ng trabahong pang-ibang bansa sa mga Bayambangueñong manggagawa, kabilang ang mga propesyonal at may kasanayan.

 

21.  Birth Certificates in SECPA, Hatid-Bahay ng LCR!

 

Noong February 10, ngiti at pasasalamat ang hatid sa 20 na residente nang personal na ihatid ng LCRO sa kanilang tahanan ang kanilang Birth Certificates in Security Paper (SECPA). Libre at walang anumang gastos ang serbisyong ito na late registration of birth para sa mga residente ng walong barangay. Hindi na pumila, hindi na bumiyahe—serbisyo na mismo ang lumapit sa kanila!

 

22.  Serbisyong Rehistro, Ramdam ng mga Residente!

 

Noong February 11 at 13, naman, dinagsa ng mga magulang at senior citizen ang programang “Your Name, Your Right” sa Brgy. Batangcaoa at Maigpa. Bukod sa libreng kaalaman, tugmang-tugma rin sa pangangailangan ng publiko ang mga serbisyong inihatid, kabilang ang late registration ng birth, marriage, at death; correction of clerical errors; at iba pa. May 16 na residente rin ang tumanggap ng kanilang Birth Certificate in SECPA, kasabay ng isinagawang data capturing para sa bagong Community Service Card sa tulong ng ICTO.

 

23.  TFD, Nagpakalat ng Pagmamahal sa Valentine's Day!

 

Sa halip na pangamba, ngiti at pasasalamat ang natanggap ng mga motorista mula sa Task Force Disiplina ng LGU-Bayambang nitong Araw ng mga Puso. Sa halip na manita, namahagi sila ng simpleng regalo at token bilang simbolo ng pagmamahal at malasakit sa komunidad. Ipinakita ng inisyatiba na ang disiplina sa kalsada ay maaari ring samahan ng puso at positibong ugnayan.

 

***

 

[SMILE, VOLUME, ENERGY!]

 

Bayambang, Dapat Alam Mo - Pangasinan Words and Expressions for Love

 

Bayambang, dapat alam mo na ang salitang love sa Pangasinan na aro ay dalawa ang pakahulugan, tulad ng salitang ibig sa Tagalog: love at friend.

 

Kaaro means friend, at inaro means love interest.

 

Bayambang, alam mo ba na marami tayong idiomatic expressions sa salitang Pangasinan pagdating sa aro, love, o pag-ibig?

 

Dumako muna tayo sa friendship:

 

Bali-bali'y aroan da (they have beautiful loving relationship) - they have a good relationship

 

Malmalet ya kaaro (sturdy friend, matibay na kaibigan) - die-hard, trusted, or close friend

 

Singa nansuldungay pait da. (looks like their intestines are connected) - malapit na magkaibigan; bosom friend

 

Pagdating naman sa love:

 

Abangles ya panangaro (spoiled love) - pagmamahal na di naipagtapat

 

Aroa’y pato (duck love) - away-bati; love-hate relationship

 

Aro'y bakes (monkey love) - salawahang puso

 

Agto nabitla'y agat (can’t pronounce 'ginger') - sobrang torpe

 

Singa no aso'y San Roque (like St. Roch's dog) - palaging naghahabol

 

Singa no ra nagigilata. (Para silang nilalanggam.) - Ang sweet-sweet nila.

 

Mayroon naman tayong at least apat na nakakatuwang idioms para sa malapit nang ikasal:

 

Makak-ka-bawang la. (The aroma of garlic is in the air.)

Asingger tilan makailop na digo. (Malapit na tayong makahigop ng sabaw.)

Natabaan lamet so bibil. (Mamamantikaan na naman ang labi.)

Wala'y andukey ya lamisaan. (May mahabang hapag-kainan.)

 

Kayo, ano pa ba ang idioms na alam niyo patungkol sa love?

 

***

 

Samantala, ayon sa manunulang Pangasinense na si Santiago Villafania, mayroong pitong matalinghaga na salitang Pangasinan na ginagamit noon pagdating sa pag-ibig:

 

1. aro (love, admiration, attraction; also used to mean "friend")

2. pabli (dear; pinabli, beloved; pablien, give due respect)

3. piaet (ambition, wish, desire, hope)

4. gunaet (dream, illusion, vision)

5. tindek (aspiration)

6. pilalek (ambition, wish, desire)

7. tamitam (desire, urge, hope)

 

Ang mga ito ay sumasalamin lamang sa kung gaano kayaman ng ating sariling wikang Pangasinan, at kung gaano kalalim at kalawak umibig at magmahal ang mga Pangasinense.

 

[ANDREW: play a clip from the song “Lawas Kan Pinabli.”]

 

Ang lahat ng ito, Bayambang, ay dapat alam mo!

 

OUTRO:

 

[SMILE, VOLUME, ENERGY!]

 

1: At iyan po ang mga balitang nagbibigay-inspirasyon at pag-asa sa ating bayan. Muli, ako po si _____________ ng ______________________.

2: At ako naman po si ____________ ng ________________________.

1: Sa patuloy na pagtutulungan ng pamahalaan at mamamayan,

2: ...Mas nagiging maliwanag ang kinabukasan ng Bayambang.

1: Hanggang sa muli...

1&2: Ito ang... BayambangueNews!