LGU Accomplishments - January 2026

 

EVENTS COVERED   1.     Mayor Niña, Namahagi ng Pamaskong Handog sa Iba't Ibang Sektor 2.     Simpleng Composting Method, Ibinahagi ng ESWMO 3.     Switch Cafe, Muling Naghatid ng Tulong sa Indigent Families 4.     Sibol MPC, Nagbigay-Saya sa mga Graduate ng STAC 5.     Kampanya Kontra Ilegal na Paputok, Pinaigting 6.     Mayor Niña, May Raffle Surprise sa Mga Kawani ng Munisipyo 7.     Mga Aktibidad sa Pistay Baley 2026, Inilatag sa Pulong 8.     EEC Officers ng LGU, Muling Pinulong ukol sa Pagtitipid sa Kuryente 9.     Congratulations, Bar Passers! 10.  Mayor Niña, Nanguna sa Unang ManCom Meeting ng Taon 11.  Pamamahagi ng School Emergency Kits, Nagpatuloy 12.  Bagong Generator, Binili para sa Emergency Operations Center 13.  Technical Assistance, Nirequest ng MDRRMO sa OCD 14.  Bagong Work Immersion Students, Winelcome 15.  Oral Health Month 2026, Pinaghahandaan 16.  BFP-Pangasinan, Bumisita 17.  MTICAO, Lumahok sa Health & Wellness Tourism Seminar 18.  Agri Sector, Naghahanda para sa Kapistahan 19.  Public Hearing sa 4 Proposed Ordinances, Isinagawa 20.  LCR, Nagpatuloy ang Info Drive sa Malioer 21.  Flushing Operation sa Paligid ng Public Market, Isinagawa 22.  MNJQ, Nanguna sa Unang MDRRMC Meeting 23.  Mga Classroom sa Ligue, Nilagyan ng Grills 24.  Coordination Meeting para sa Grand Ukay for a Cause, Ginanap 25.  LGU at GCash, Nagpulong ukol sa Pag-upgrade ng Service Card 26.  Feeding Angels, Naghatid ng Surpresa sa STAC 27.  Zone VI BNS, 2024 Most Outstanding BNS ng Pangasinan! 28.  Paanyaya sa Little Mr. and Ms. Bayambang 2026 29.  Mga RHU, Muling Humakot ng Parangal sa Health Summit 30.  Mayor Niña, Naghandog ng Responder Vehicle sa BFP 31.  Mandatory Calibration ng mga Timbangan, Muling Isinagawa 32.  DRRM Orientation at Scientific Meeting, Ginanap 33.  LGU at Rotary Club, Nagbuklod para sa Bali-Balin Bayambang 34.  Women’s Month 2026, Pinaghahandaan 35.  Iba't Ibang Tulong Pang-edukasyon, Tinalakay sa LSB Meeting 36.  356 Indigent Solo Parents, Tumanggap ng Financial Subsidy 37.  LGU Officials, Dumalo sa COA Entrance Conference 38.  LCR, Nag-info Drive sa Caturay at Pangdel 39.  Autism Walk at Program, Isinagawa 40.  MDRRMO at Engineering, Nagteam-up para sa Assessment Activities 41.  S.E.E., Nagsagawa ng Weighing Scale Calibration 42.  MTICAO, National Contender sa 2nd Tourism Challenge! 43.  Medalya ng Kadakilaan, Ipinagkaloob sa Hepe ng PNP-Bayambang 44.  Autism Consciousness Week, Ipinagdiwang 45.  Annual Budget Hearing ng SK, Ikinasa 46.  TFD, Nagpulong ukol sa Trapiko, Permits, at Iba pang Isyu 47.  Mga Kawani ng LGU, Binigyan ng Hard Hats 48.  Bagong Batch ng Work Immersion Students, Winelcome 49.  2 Bayambangueña, Binigyan ng Wheelchair 50.  Solar Lights, Ikinabit sa Bani 51.  Libreng Gulay, Ipinamahagi sa BDH 52.  OPT+ Refresher Training, Isinagawa 53.  38 na Pasyente, Naasistehan sa Buwan ng Enero 54.  70 Couples, Dumalo sa Pre-Marriage Orientation & Counseling 55.  Senior Citizen Presidents, Nagtipon sa General Assembly 56.  Mga Usapang 4Ps, Tinalakay sa MAC Meeting 57.  Monitoring at Evaluation para sa “Bali-Balin Bayambang,” Ikinasa! 58.  Mahahalagang Isyu, Tinalakay sa MPOC-MADAC Meeting 59.  635 Bayambangueños, Nakilahok sa Job Fair 60.  Bayambang MPS, Best Municipal Police Station (Class A) Nationwide! 61.  MDRRMO, MEO, at ESWMO Nagsanib-Puwersa sa Clearing Operation 62.  LCRO, Rumatsada sa Brgy. Tambac at Bacnono; Pagrerehistro ng mga Bayambangueño, Inayos! 63.  Career Development Support Program ng DOLE, Sinimulan sa mga National High School sa Bayambang             SUMMARY OF LGU ACCOMPLISHMENTS IN S.O.M.A. FORMAT   EDUCATION FOR ALL   - (LSB, Library, DepEd)   Mga Classroom sa Ligue, Nilagyan ng Grills   Ang lahat ng pintuan at bintana ng Don Teofilo C. Mataban Memorial Elementary School sa Brgy. Ligue ay pinalagyan ng mga bakal na grills ni Mayor Niña, sa pamamagitan ng Local School Board, matapos ang insidente ng panloloob at pagnanakaw sa pasilidad. Ang mga iron grills ay nagkakahalaga ng P83,000, at ang pondo ay nagmula sa Special Education Fund.   Iba't Ibang Tulong Pang-edukasyon, Tinalakay sa Pulong   Sa pinakahuling pulong ng Local School Board, tinalakay ang approval ng badyet na mahigit 11.2-million pesos para sa Special Education Fund 2026, ang pagsumite ng Project Procurement Management Plan at Calendar of Activities ngayong taon, Division Meet 2026, rehistrasyon para sa Boy Scout of the Philippines, at iba pang usapin.       HEALTH FOR ALL   - Health (RHUs)   Oral Health Month 2026, Pinaghahandaan   Nagpulong ang mga Rural Health Unit at mga katuwang na ahensya upang plantsahin ang mga aktibidad para sa Oral Health Month 2026 na gaganapin sa darating na Pebrero. Tinalakay ang iskedyul at tungkulin ng bawat tanggapan upang masiguro ang maayos at inklusibong implementasyon ng mga programa.   Libreng Gulay, Ipinamahagi sa BDH Nagpamahagi ng libreng gulay sa Bayambang District Hospital ang Gabs Pharmacy & Coop-venience Store at Gabriel Medical Clinic, katuwang ang Nutrition Office, bilang suporta sa adbokasiya para sa tamang nutrisyon. Nakinabang sa aktibidad ang mga pasyente at kanilang mga bantay, at mga kawani ng ospital. Nagpaabot naman ng pasasalamat ang LGU at BDH sa mga regular isponsor ng programa.         - Nutrition (MNAO)   Switch Cafe, Muling Naghatid ng Tulong sa Indigent Families Muling nagsagawa ng outreach program ang Switch Cafe para sa may 100 na indigent na benepisyaryo noong December 27, katuwang ang MNAO at iba pang sponsors. Saklaw ng programa ang mga pamilya mula sa siyam na barangay na nangangailangan ng tulong sa nutrisyon at kalusugan.   Zone VI BNS, 2024 Most Outstanding BNS ng Pangasinan!   Nakamit Bayambang ang unang gantimpala sa 2024 Search for Most Outstanding Barangay Nutrition Scholar sa lalawigan ng Pangasinan. Pinarangalan si Ms. Christien P. Garcia ng Brgy. Zone VI ng plake at cash award, sa ginanap na 15th Provincial Health Summit noong January 16 sa Calasiao.   OPT+ Refresher Training, Isinagawa Nagsagawa ang Municipal Nutrition Action Office ng Operation Timbang Plus (OPT+) Refresher Training noong January 28. At ito ay dinaluhan ng MNAO staff, Barangay Nutrition Scholars, at Barangay Health Workers. Layunin nitong paigtingin ang kaalaman at kakayahan ng mga kalahok sa tamang proseso ng pagtitimbang at wastong pag-fill out ng OPT+ Data Quality Check forms.     - Sports and Physical Fitness (MPFSDC)       - Veterinary Services (Mun. Vet.)     – Slaughterhouse      PROTECTION OF WOMEN AND CHILDREN     - Social Services (MSWDO, MAC)   Mayor Niña, Namahagi ng Pamaskong Handog sa Iba't Ibang Sektor   Bukod sa pamaskong handog sa bawat sambahayan at pamilya, namahagi rin si Mayor Niña, mula sa sariling bulsa, ng handog na pamasko sa iba't ibang sektor ng bawat barangay gaya ng mga senior citizen, teacher, PTA member, OFW, TODA, at SK at barangay officials, kabilang ang mga tanod.   Sibol MPC, Nagbigay-Saya sa mga Graduate ng STAC Nagsponsor ang Sibol Multi-Purpose Cooperative ng isang outreach activity para sa mga dating estudyante ng STAC-Bayambang noong December 29. Sa tulong ng mga sponsors mula sa LGU-Bayambang Employees' Association, naipahatid ang saya at alaala ng Kapaskuhan sa mga benepisyaryo.   Mayor Niña, May Raffle Surprise sa Mga Kawani ng Munisipyo Noong January 6, si Mayor Niña ay naghatid ng tuwa at saya sa mga empleyado ng Munisipyo sa pamamagitan ng isang raffle matapos ang unang flag-raising ceremony ngayong taon. Ipinamahagi ang iba’t ibang kapaki-pakinabang na gamit sa bahay, kabilang ang mga grand prize na washing machine at smart TV sa halos isang libong kawani. Ang surpresang handog ay nagbigay ng napakasiglang simula ng panibagong taon ng pagbibigay ng serbisyo publiko.   Coordination Meeting para Grand Ukay for a Cause, Ginanap   Noong January 15, pinulong ng Municipal Administrator ang iba't ibang departamento at CSOs upang pag-usapan ang paglulunsad ng Grand Ukay for a Cause sa darating na kapistahan, isang free housing program ni Mayor Niña para sa underprivileged Bayambangueños. Kabilang sa mga pinag-usapan ang gagawing fashion show, ukay shop, at pagbenta ng mga stub.   Feeding Angels, Naghatid ng Surpresa sa STAC   May 65 na SPED students ng STAC-Bayambang ay nabiyayaan sa panibagong feeding at gift-giving activity ng Feeding Angels of Bayambang noong January 16 sa Bayambang Central School. Ito ay handog ng batang si Helaena Toledo Quinto ng California, USA, sa pakikipag-ugnayan sa BCS at PDAO.     Women’s Month 2026, Pinaghahandaan   Noong January 20, pinangunahan ng MSWDO ang isang pulong upang planuhin ang mga aktibidad para sa pagdiriwang ng Buwan ng Kababaihan 2026. Dito ay tiniyak ang pagkakaroon ng mga makabuluhang aktibidad upang maisulong ang adbokasiya para sa karapatan at kapakanan ng mga kababaihan. 356 Indigent Solo Parents, Tumanggap ng Financial Subsidy Noong January 22, tumanggap ng financial subsidy mula sa LGU ang may 356 indigent solo parents bilang bahagi ng implementasyon ng Expanded Solo Parents Welfare Act na naglalayong magbigay ng buwanang tulong-pinansyal sa mga kwalipikadong solo parents. Ito ay matapos dumaan sa masusing validation process ng MSWDO ang mga benepisyaryo.   38 na Pasyente, Naasistehan sa Buwan ng Enero May kabuuang 38 indigent na pasyenteng Bayambangueño ang natulungan ng Mayor’s Action Center noong buwan ng Enero sa pamamagitan ng libreng serbisyong medikal at transportasyon para sa follow-up check-ups ng mga ito. Kabilang sa mga serbisyong natanggap ay laboratory tests, specialty consultations, at libreng gamot mula sa iba’t ibang ospital sa loob at labas ng rehiyon.   Autism Walk at Program, Isinagawa Noong January 25, matagumpay na pinangunahan ng Autism Society of Bayambang ang isang Autism Walk at programa bilang bahagi ng pagdiriwang ng 30th National Autism Consciousness Week. Dinaluhan ito ng mga indibidwal na nasa autism spectrum, kanilang pamilya, volunteers, at community advocates, na nagmartsa mula MSWD Office Building patungong Events Center para isulong ang kamalayan at inklusyon para sa mga nasa autism spectrum.   Autism Consciousness Week, Ipinagdiwang Noong January 25, nagtulungan ang LGU at Autism Society of Bayambang (ASB) sa pagdiriwang ng 30th National Autism Consciousness Week 2026 sa pamamagitan isang parada, programa, at sari-saring aktibidad. Binigyang-diin sa okasyong ito ang kamalayan, pagtanggap, at mga serbisyong nakalaan para sa mga indibidwal na nasa autism spectrum, tungo sa isang mas inklusibong pamayanan.   2 Bayambangueña, Binigyan ng Wheelchair Dalawang residente na may kapansanan -- isang taga-Hermoza at taga-Telbang -- ang tumanggap ng wheelchair sa tulong ng LGU sa pamamagitan ng PDAO. Ang wheelchair na galing kina Samuel Lomboy at Morries Camorongan ay bahagi ng patuloy na pagsuporta sa mga PWD upang mapabuti ang kanilang mobility at kalidad ng buhay.   Senior Citizen Presidents, Nagtipon sa General Assembly   Ang 77 Senior Citizen Association Presidents ng Bayambang ay nagtipon sa isang General Assembly upang talakayin ang muling paghalal ng mga opisyal ng mga senior citizens association. Ito ay upang mas mapahusay ang pagpapatupad ng mga programa, benepisyo, at serbisyong para sa mga seniors, at matiyak ang patas at maayos na pamamahala ng mga samahan.   Mga Usapang 4Ps, Tinalakay sa MAC Meeting   Sa 1st Quarter Meeting ng Municipal Advisory Council, tinalakay ang mga isyu at update kaugnay ng implementasyon ng iba’t ibang 4Ps activities. Sinuri sa pulong ang natitirang budget, mga nakaraang usapin, at mga plano ng LGU para sa taong 2026.   Mahahalagang Isyu, Tinalakay sa MPOC-MADAC Meeting wwwwNoong January 29, isinagawa ang 1st Quarter Joint Meeting ng Municipal Peace & Order Council at Municipal Anti-Drug Abuse Council bilang bahagi ng pagpapatibay ng kapayapaan at kaayusan sa Bayambang. Tinalakay dito ang mga accomplishment, isyu, at susunod na hakbang sa larangan ng anti-criminality, anti-insurgency, at kampanya laban sa ilegal na droga.     - Civil Registry Services (LCR)             LCR, Nagpatuloy ang Info Drive sa Malioer   Nagpatuloy ang Local Civil Registry ng information-education campaign nito sa Brgy. Malioer hinggil civil registration, upang mas maunawaan ang mga proseso at maiwasan ang pagkakamali sa civil records. Nagbigay din ang LCR ng iba’t ibang serbisyong may kaugnayan sa birth, marriage, at legal identity.   LCR, Nag-info Drive sa Caturay at Pangdel Noong January 22 at 23, nagtungo ang Local Civil Registrar sa Brgy. Caturay at Brgy. Pangdel upang doon naman magsagawa ng information drive upang palawakin ang kaalaman ng mamamayan hinggil sa tamang civil registration at mga bagong PSA memorandum circulars. Kasabay nito ang pagbibigay nila ng iba’t ibang serbisyong may kinalaman sa birth, death, at marriage registration.     70 Couples, Dumalo sa Pre-Marriage Orientation & Counseling Lumahok ang 70 couples na nakatakdang mag-isang-dibdib sa Kasalang Bayan 2026 sa isinagawang Pre-Marriage Orientation and Counseling noong January 28. Tinalakay ng MSWDO at LCRO ang mga usaping may kinalaman sa responsableng pagsasama at pagpapamilya upang ihanda ang mga ikakasal sa matatag at responsableng buhay mag-asawa.     LCRO, Rumatsada sa Tambac at Bacnono   Dinala ng Local Civil Registry Office ang kanilang info drive sa Brgy. Tambac at Brgy. Bacnono noong January 29 at 30, upang ilapit sa residente roon ang kaalaman at serbisyo sa civil registration. Ipinaliwanag dito ang tamang pagrerehistro ng kapanganakan, kasal, at kamatayan, pati ang mga bagong patakaran batay sa PSA Memorandum Circulars. Ang LCRO ay nagbigay din ng iba’t ibang serbisyong tulad ng late registration, Birth Registration Assistance Project, correction of entries, at aplikasyon sa libreng kasalang bayan.       - Environmental Protection (MENRO, ESWMO)   Simpleng Composting Method, Ibinahagi ng ESWMO Ibinahagi ng ESWMO-Bayambang ang isang simple at praktikal na composting method gamit ang kitchen at food waste na sinubukan mismo ng isang staff sa kanyang tahanan. Layunin nitong hikayatin ang mga household, lalo na sa urban barangays, na mag-divert ng biodegradable waste kahit may limitadong espasyo, alinsunod sa RA 9003.     LGU at Rotary Club, Nagbuklod para sa Bali-Balin Bayambang   Pormal na nilagdaan ng LGU-Bayambang at Rotary Club of Bayambang ang isang Memorandum of Understanding upang isulong ang mga programang pangkalikasan sa bayan. Saklaw ng kasunduan ang waste management, tree planting, at iba pang inisyatiba para sa kalinisan at kaayusan ng kapaligiran. Bahagi rin ng MOU ang pagsama ng Rotary Club bilang miyembro ng Bagong Bali-Balin Bayambang Committee.   Solar Lights, Ikinabit sa Bani Noong January 27, nagtulungan ang Engineering Office at MDRRMO sa pag-install ng solar street lights sa kahabaan ng provincial road sa Barangay Bani, upang mapabuti ang seguridad at visibility sa isang accident-prone area roon.   Monitoring at Evaluation para sa “Bali-Balin Bayambang,” Ikinasa!   Nag-umpisa na ang Bali-Balin Bayambang Committee sa pagmomonitor sa mga barangay para sa Bali-Balin Bayambang clean-and-green project ni Mayor Niña noong January 28. Dalawang monitoring team ang nag-ikot sa mga barangay ng District 5. Kanilang sinuri ang aktibong partisipasyon ng mga opisyales at residente, ang kaayusan at kalinisan ng kapaligiran, at ang pagpapatupad ng mga programang pangkalikasan.   - Youth Development (LYDO, SK)       - Peace and Order (BPSO, PNP, DILG)   Kampanya Kontra Ilegal na Paputok, Pinaigting Sa bisperas ng bagong taon, as pinahigpit ng PNP-Bayambang ang kanilang operasyon laban sa ilegal na paputok. Sila ay mahigpit na nag-inspeksyon sa itinalagang firecracker zone at mahigpit na nagbantay laban sa ilegal na paputok aat ipinagbabawal at improvised firecrackers.   BFP-Pangasinan, Bumisita   Nagcourtesy call ang BFP Pangasinan kay Mayor Niña bilang bahagi ng kanilang taunang New Year’s Call sa mga punongbayan sa lalawigan. Pinangunahan ito ni Provincial Fire Marshal Marvin Carbonel kasama si Acting Municipal Fire Marshal Joy Carol Palchan. Tinalakay sa pulong ang mga programang magpapalakas sa fire safety readiness at emergency response ng munisipalidad.   Flushing Operation sa Paligid ng Public Market, Isinagawa   Nagtulung-tulong ang Task Force Disiplina, ESWMO, BFP, at SEE upang magsaagawa ng clean-up at flushing operations noong January 14 sa may TODA Terminal, gilid ng Public Plaza, at harapan ng Public Market upang panatiling malinis ang sentro ng bayan. Personal na pinangunahan at inasistehan ang aktibidad ng MENRO at TFD Deputy. Mayor Niña, Naghandog ng Responder Vehicle sa BFP Isang bagong responder vehicle na pinondohan ng MDRRMO ang opisyal na ipinagkaloob ni Mayor Niña Jose-Quiambao sa Bureau of Fire Protection. Isinagawa ang turnover ng susi noong January 19. Ayon sa alkalde, ang bagong sasakyan ay isa na namang instrumento ng mabilis na aksyon upang mas maraming buhay ang maililigtas sa oras ng sakuna.   TFD, Nagpulong ukol sa Trapiko, Permits, at Iba pang Isyu Ang Task Force Disiplina (TFD) ay nagpulong noong January 26, upang talakayin ang mga usapin hinggil sa traffic management, kabilang ang resulta ng volume traffic count survey at ang pangangailangan ng karagdagang traffic enforcers. Tinalakay rin ang mga hakbang kaugnay sa reklamong mabahong amoy sa Quezon Blvd. at ang compliance ng mga vendor sa Nalsian Sur.       AGRICULTURAL MODERNIZATION - (MAO)   Agri Sector, Naghahanda para sa Kapistahan   Pinulong ng Agriculture Office ang mga pangulo ng lahat ng Farmers’ Association upang ilatag ang kanilang mga sasalihang aktibidad para sa Pista’y Baley 2026. Kabilang sa tinalakay ang Agri-Trade Fair, Farmers’ Day, launching ng Animal Shelter and Impounding Facility, at paglunsad ng KADIWA outlet para sa direktang bentahan ng ani.      JOBS AND LIVELIHOOD FOR ALL   - Livelihood and Employment (PESO, BPRAT)   Bagong Work Immersion Students, Winelcome   Mainit na tinanggap ni Mayor Niña ang 104 na estudyanteng lumahok sa 10-day Work Immersion Program sa pangangasiwa ng PESO-Bayambang. Ipinakilala ng alkalde ang mandato at mga gawain ng lokal na pamahalaan at pinayuhan niya ang mga estudyante ukol sa mga responsibilidad ng isang government employee.   Bagong Batch ng Work Immersion Students, Winelcome Mainit na tinanggap ng LGU ang mga mag-aaral na sumailalim sa 10-day work immersion program bilang bahagi ng kanilang pagsasanay. Layunin ng programa na mabigyan ang kabataan ng aktwal na karanasan at kaalaman sa trabaho sa iba’t ibang tanggapan kung saan sila naka-deploy.     635 Applicants, Nakilahok sa Job Fair, Kung Saan May 89 HOTS   Noong January 29, dumagsa ang 635 job applicants sa isinagawang job fair na nag-alok ng daan-daang oportunidad sa trabaho, kabilang ang overseas employment. May 89 na aplikante ang hired-on-the-spot,  at 32 sa mga ito ay overseas job placements: 30 mula sa Prime Search Manpower Agency at dalawa mula sa Hopewell Overseas Manpower Network.     Career Development Support Program, Isinagawa   Sinimulan noong January 29 ang dalawang-araw na Career Development Support Program ng DOLE sa mga national high school sa Bayambang, sa pagtutulunga ng Pangasinan at Bayambang PESO. Layunin ng programa na gabayan ang mga Senior High School students sa tamang pagpili ng kurso at paghahanda sa trabaho bilang bahagi ng inisyatiba ng DOLE na palakasin ang employability ng kabataan.     - Economic Development (SEE) Mandatory Calibration ng mga Timbangan, Muling Isinagawa Muling nagsagawa ang Office of Special Economic Enterprises ng mandatory calibration ng mga timbangan na ginagamit ng mga nagtitinda sa Pamilihang Bayan upang matiyak ang tamang timbang ng mga paninda. Saklaw nito ang mga nagtitinda ng isda, gulay, karne, sari-sari, at iba pang produkto. Isinulong sa aktibidad ang patas na kalakalan at maprotektahan ang karapatan ng mga mamimili.   S.E.E., Nagsagawa ng Weighing Scale Calibration Ang S.E.E. ay nagsagawa ng weighing scale calibration para sa mga Barangay Nutrition Scholar at Rural Health Unit ng bayan ng Umingan, Pangasinan upang matiyak ang tama at maaasahang pagsukat sa kanilang mga serbisyong pangkalusugan. Layunin nitong masigurong eksakto ang datos sa pagsusuri ng nutritional status ng mga bata at buntis sa kanilang komunidad.       Mandatory Calibration ng mga Timbangan, Muling Isinagawa   Muling nagsagawa ang Office of Special Economic Enterprises ng mandatory calibration ng mga timbangan na ginagamit ng mga nagtitinda sa Pamilihang Bayan upang matiyak ang tamang timbang ng mga paninda. Saklaw nito ang mga fish, vegetable, at meat vendors, sari-sari stores, at mga nagtitinda ng iba pang produkto. Isinulong sa aktibidad ang patas na kalakalan at proteksyon sa karapatan ng mga mamimili.       - Cooperative Development (MCDO)      - Tourism, Culture, and Arts (MTICAO) Mga Aktibidad sa Pistay Baley 2026, Inilatag sa Pulong   Sa isang pulong, pinangunahan ni Mayor Niña ang mga paghahanda para sa gaganaping Pista’y Baley 2026, kung saan binalangkas ang mga aktibidad na bubuo sa selebrasyon na nakatakdang ganapin sa March 28 hanggang April 1, at sa April 5. Isasagawa ang pista sa napagkasunduang tema na, “Bayambang: Ang Bayang Pinapangarap.”   MTICAO, Lumahok sa Health & Wellness Tourism Seminar Noong January 12, lumahok ang MTICAO sa isang Regional Orientation on Health and Wellness Tourism sa San Juan, La Union. Nakibahagi ang MTICAO sa mga talakayan hinggil sa pagpapaunlad ng health and wellness tourism sa Region I, at nagpahayag ng interes na palakasin ang health and wellness tourism sa Bayambang.   MTICAO, National Contender sa 2nd Tourism Challenge!   Pasok ang Bayambang bilang isa sa apat na regional entries sa 2nd Tourism Champions Challenge ng Department of Tourism Region I, kaya't kakatawan ito sa rehiyon sa national level. Ito ay matapos matagumpay na idepensa ng MTICAO ang kanilang infrastructure tourism project na “Bayambang Expo Cultural Greenhouse,” na siyang tanging entry ng rehiyon mula sa probinsya ng Pangasinan.   - Infrastructure Development (Engineering: Infra, Housing, Transport, Utilities, etc.)   EEC Officers ng LGU, Muling Pinulong ukol sa Pagtitipid sa Kuryente Muling pinulong ng Munisipyo ang mga Energy Efficiency and Conservation Officers nito upang talakayin ang energy conservation measures at recalibration strategies bilang bahagi ng pagtitipid sa konsumo ng kuryente sa mga tanggapan. Dito ay sinuri ang mga nakagawian at mga praktikal na hakbang para mas mapababa pa ang paggamit ng enerhiya.     DISASTER RESILIENCE - (MDRRMO)           Pamamahagi ng School Emergency Kits, Nagpatuloy   Ipinagpatuloy ng LGU ang pagpapatibay ng disaster preparedness sa pamamahagi ng libu-libong emergency kits sa lahat ng elementary schools sa DepEd Bayambang II, sa pangunguna ni Mayor Niña at sa tulong ng MDRRMO, DepEd, at Local School Board.      Bagong Generator, Binili para sa Emergency Operations Center   Upang matiyak ang tuluy-tuloy na operasyon sa oras ng sakuna, bumili rin ang lokal na pamahalaan ng 15 kVA generator set na may automatic transfer switch bilang back-up power ng Emergency Operations Center ng MDRRMO.     Technical Assistance, Nirequest ng MDRRMO sa OCD   Samantala, nag-courtesy call ang MDRRMO sa Office of the Civil Defense Region I upang magsumite ng mga kahilingan para sa training at technical assistance sa 2026, at upang patatagin ang koordinasyon sa disaster risk reduction at recovery efforts ng munisipyo.   MNJQ, Nanguna sa Unang MDRRMC Meeting   Pinangunahan ni Mayor Niña ang 2026 First Quarter MDRRM Council Meeting na tumalakay sa mga nagawa ng MDRRMC noong taong 2025 at mga plano para sa kasalukuyang taon. Binigyang-diin ang pagpapalakas ng koordinasyon ng mga ahensya, kapasidad ng mga barangay, at maagap na pagtugon sa sakuna.   Mayor Niña, Naghandog ng Responder sa BFP   Isang bagong responder vehicle na pinondohan ng MDRRMO ang opisyal na ipinagkaloob ni Mayor Niña sa Bureau of Fire Protection. Ang bagong sasakyan ay isa na namang instrumento ng mabilis na aksyon upang mas maraming buhay ang maililigtas sa oras ng sakuna.   DRRM Orientation at Scientific Meeting, Ginanap   Noong January 19, nagsagawa ang MDRRMO ng DRRM Orientation at Scientific Meeting upang higit na maihanda ang mga barangay at lokal na opisyal sa anumang sakuna. Tinalakay sa aktibidad ang Philippine Risk Reduction Management Act, hydro-meteorological hazards, at ang SOP ng operasyon ng San Roque Dam. Nagpamahagi rin ng rescue equipment at disaster preparedness kits sa mga barangay.   MDRRMO at Engineering, Nagteam-up para sa Assessment Activities Noong January 23, nagteam-up ang MDRRMO at Engineering Office para sa assessment at clearing activities sa tatlong barangay sa Bayambang. Kabilang dito ang inspeksyon sa Brgy. Tampog kaugnay ng relokasyon ng poste ng PLDT, pag-aayos at paglilinis ng mga kable sa Wawa Evacuation Center Access Road, at assessment sa lumang Bayambang Central School hinggil sa isang natumbang puno na nanganganib sumira sa isang classroom. Nakatakda ang team na muling magtulungan para sa mga susunod na hakbang.   Mga Kawani ng LGU, Binigyan ng Hard Hats Namahagi si Mayor Nina, sa tulong ng MDRRMO, ng kabuuang 965 hard hats na may kasamang mini-flashlight, whistle, at ballpen sa mga kawani ng munisipyo. Ang mga ito ay magsisilbing personal emergency kits na maaaring magamit sa oras ng mga di inaasahang sakuna, at magpapalakas sa kahandaan at kaligtasan ng mga empleyado ng pamahalaang bayan.   Clearing Operation, Isinagawa sa Central School Noong January 30, nagsagawa ng isang clearing operation sa lumang Bayambang Central School ang MDRRMO, Engineering Office, at ESWMO, bunsod ng natumbang puno na nagdulot ng panganib sa isang classroom doon. Kasabay nito ang pagtanggal ng lumang poste ng street lights upang bigyang-daan ang paglalagay ng solar street lights sa lugar.     HONEST & EFFICIENT PUBLIC SERVANTS    Mayor Niña, Nanguna sa Unang ManCom Meeting ng Taon   Pinangunahan ni Mayor Niña Jose-Quiambao ang kauna-unahang Management Committee Meeting ng LGU-Bayambang noong January 13. Tinalakay sa pulong ang mga accomplishments ng taong 2025 at mga plano at estratehiya ng bawat tanggapan para sa taong 2026. Binigyang-diin niya na ang paninilbihan ay nakatuon sa kapakanan ng bayan at hindi sa personal na posisyon.   - Planning and Development (MPDO)     - Legal Services (MLO)       - ICT Services (ICTO) LGU at GCash, Nagpulong ukol sa Pag-upgrade ng Service Card Noong January 15, pinag-usapan ng LGU at ng GCash ang mga hakbang para sa implementasyon ng pag-upgrade ng ating Community Service Card upang ito ay magamit sa mas mabilis na pagbibigay ng financial services. Uunahing irehistro ang mga empleyado ng LGU at mga sektor na tumatanggap ng buwanang tulong mula sa LGU, bago sundan ang iba pang benepisyaryo.   - Human Resource Management (HRMO)   - Transparency/Public Information (PIO) LGU Officials, Dumalo sa COA Entrance Conference   Noong January 23, nagsagawa ang Commission on Audit (COA) ng entrance conference upang pormal na simulan ang audit process para sa Fiscal Year 2026. Tinalakay nila sa mga opisyal ang magiging audit timeline, mga kinakailangang dokumento, at mga responsibilidad ng auditor at auditee, habang binigyang-diin ang kahalagahan ng transparency at accountability sa pamamahala sa kabang yaman ng bayan.   - Property Custodial Services (GSO, Motorpool)     AWARDS AND RECOGNITIONS   Congratulations, Bar Passers! Ang LGU-Bayambang ay mainit na bumabati sa lahat ng mga Bayambangueño na pumasa sa pinakahuling Bar Exam, partikular na ang dating opisyal at dalawang kawani nito!     Mga RHU, Muling Humakot ng Parangal sa Health Summit   Muling nagbigay karangalan sa bayan ang RHU matapos nilang mag-uwi ng iba’t ibang parangal sa 15th Provincial Health Summit at LGU Scorecard Awarding na ginanap noong January 16 sa Calasiao, Pangasinan. Kinilala ang Bayambang bilang Champion sa Epidemiological Surveillance Unit, Annual Operational Plan, at Mental Health Program, habang Runner-Up naman sa Health Promotions at Maternal Health Programs. Medalya ng Kadakilaan, Ipinagkaloob sa Hepe ng PNP-Bayambang  Pinarangalan ng Medalya ng Kadakilaan (o PNP Heroism Medal) si PLtCol Rommel Bagsic, Acting Chief of Police ng Bayambang Municipal Police Station, at si PSSg Albert Junio bilang pagkilala sa kanilang husay, dedikasyon, at matagumpay na resolusyon ng isang kaso ng pagpatay noong taong 2025. Iginawad ang parangal sa Lungsod ng San Fernando, La Union. Ang pagkilalang ito ay patunay ng kanilang matibay na paninindigan sa katarungan, paghahari ng batas, at tapat na paglilingkod sa mamamayan ng Bayambang.   Bayambang MPS, Best Municipal Police Station (Class A) Nationwide! Itinanghal ang Bayambang Municipal Police Station sa ilalim ni PLtCol. Romel Bagsic bilang Best Municipal Police Station (Class A category) nationwide, sa ginanap na PNP Day Celebration 2026 sa Camp Crame, Quezon City! Ito matapos makapagtala ng 89.80% performance rating ang PNP-Bayambang. …Patunay ng mataas na antas ng propesyonalismo, mahusay na pamumuno, at epektibong pagpapatupad ng mga programa sa kapayapaan at kaayusan ng bayan sa ilalim ni Mayor Niña Jose-Quiambao.   LEGISLATIVE ENACTMENTS - (SB)   Public Hearing sa 4 Proposed Ordinances, Isinagawa   Nagsagawa ang Sangguniang Bayan ng pampublikong pagdinig noong January 14, kaugnay ng apat na panukalang ordinansa. Tinalakay dito ang: -           Public Service Achievement Award para sa three-term barangay officials, -           Task Force Disiplina sa lahat ng barangay, -           Animal Shelter and Impounding Facility, at -           Responsible Animal Ownership. Ang mga mungkahi ng mga dumalo ay isasa-alang-alang sa pag-finalize ng mga ordinansa bago ang susunod na hakbang ng lehislatura.   Annual Budget Hearing ng SK, Ikinasa   Noong January 22, inumpisahan ang panibagong round ng Annual Budget Hearing ng Sangguniang Kabataan kung saan inilahad ng mga SK leader ang kanilang mga panukalang programa at proyekto para sa taon. Tinalakay sa pagdinig ang mga planong nakatuon sa pangangailangan ng kabataan at komunidad, kasabay ng pagbibigay-diin sa maayos na pagpaplano, transparency, at responsableng paggamit ng pondo.