MONDAY REPORT – SEPTEMBER 23, 2024

 

MONDAY REPORT – SEPTEMBER 23, 2024

 

 

[INTRO]

 

NEWSCASTER 1: Magandang Monday morning, Bayambang! Ako po si Mary Grace C. Agas ng Business Permit and Licensing Office.

 

NEWSCASTER 2: At ako naman po si John Morell C. Claveria mula sa Municipal Treasury Office.

 

NEWSCASTER 1: Narito na ang buong puwersa ng LGU-Bayambang...

 

NEWSCASTER 2: Maghahatid sa inyo ng mga maiinit at napapanahong balita...

 

SABAY KAYO: Ito ang….BayambangueNews!

 

***

 

[SALITAN NA KAYO RITO]

 

NEWSCASTER 1: Sa ulo ng nagbabagang mga balita!

 

1.    PNP-Bayambang, May Bagong Service Vehicle

 

Noong September 16, tinanggap ng PNP-Bayambang ang isang brand new vehicle bilang pinakabagong mobility asset nito. Sa ginanap na ceremonial turnover, dumalo si PMGen. Romeo Caramat Jr., Director ng Area Police Command, Northern Luzon, bilang panauhin.

 

 

2.    MDRRMC, Naghanda kaugnay ng Bagyong 'Gener'

 

A. Ang MDRRM Council ng Bayambangay ay nagsagawa ng Pre-Disaster Risk Assessment bunsod ng pagdating ng bagyong "Gener." Bagamat ang bagyo ay may kahinaan, ang lahat ay inabisuhan pa rin na maghanda.

 

B. Agad namang nagsagawa ang MDRRMO ng river water monitoring, prepositioning ng rescue equipment, at preparasyon ng mga rescue vehicle.

 

 

3.    Training on Dressmaking, Sinimulan!

 

Noong September 16, sinimulan ang 15-day Community-Based Training on Dressmaking leading to NC II certification sa St. Vincent Ferrer Prayer Park. Ito ay may tatlumpong participants mula sa OFW sector mula sa iba't ibang barangay. Ang aktibidad ay inorganisa ng PESO-Bayambang at TESDA, kung saan naging trainors ang mga taga-TESDA Pangasinan School of Arts and Trade, Lingayen.

 

 

4.    GIP Interns, Inorient at Dineploy ng PESO

 

Inorient ng PESO-Bayambang ang may 44 na Government Intership Program (GIP) recipients noong September 14 sa Municipal Museum bago sila ideploy sa iba't-ibang departamento. Kabilang sa nag-orient ay ang mga kawani ng DOLE. Ang mga GIPs ay mainit na winelcome ni Municipal Administrator, Atty. Rodelynn Rajini Vidad. Ang nasabing programa ay pinondohan ng Abono Party List at tanggapan ni Congresswoman Rachel Arenas, at ito ay tatagal ng tatlong buwan.

 

 

5.    Panibagong Grupo ng Benepisyaryo ng TUPAD, Na-profile

 

Nagsagawa ng profiling activity ang Public Employment Service Office para sa 100 estudyante ng Bayambang Polytechnic College na magiging benepisyaryo ng TUPAD noong Setember 18 sa Events Center. Ang bagong batch ng ayuda ay nagmula sa pondo ng Office of the Vice President.

 

 

6.    IT TWG, Nagsanay sa Excel, Word, at PowerPoint

 

Ang mga miyembro ng IT Technical Working Group ng LGU ay nagtraining sa Basic Microsoft Excel, Word, and PowerPoint. Sa computer software training na ito, nagbigay ang ICT Office ng mga bagong kaalaman sa lahat ng miyembro ng TWG upang mas maging bihasa sa paggamit ng mga naturang applications na karaniwang ginagamit sa pang-araw-araw na transaksyon.

 

 

7.    Mga Karapatang Pambata, Muing Tinutukan sa Meeting

 

Noong September 17, nagpulong ang Local Council for the Protection of Children (LCPC) at Local Committee on Anti-Trafficking and Violence Against Women and their Children (LCAT-VAWC) para sa 3rd Quarter, sa pangunguna ni Councilor Benjie de Vera at MSWDO. Dito ay sinuri ang mga naunang programa at proyekto na nailunsad na para sa proteksyon at pag-unlad ng mga bata sa komunidad, at binuo ang mga bagong estratehiya at plano para sa susunod na kuwarter, sa apat na larangan ng survival, protection, development, at participation.

 

 

8.    Market Stallholders, Kinonsulta ukol sa Iba’t Ibang Isyu

 

Noong September 18, kinonsulta ng LGU, sa pangunguna ng Special Economic Enterprise, ang mga stallholders kaugnay ng mga rekomendasyon ng Commission on Audit upang maging compliant ang LGU sa auditing process ng gobyerno. Kanilang pinag-usapan ang mga penalties para sa mga late payments ng stall rentals, ang mga kontrata ng stallholders, at iba pang concerns sa public market.

 

 

9.     Isang Libong Estudyante, Tumanggap ng Financial Assistance

 

Noong September 19, may isang libong college students mula PSU-Bayambang ang tumanggap ng may kabuuang isang milyong piso na financial grant, sa ginanap na payout activity sa Events Center. Ito ay inorganisa ng Local School Board sa tulong ng Treasury Office.

 

 

10. Training on Root Cause Analysis and Risk-Based Thinking, Isinagawa

 

Noong September 19, isang training ukol sa root cause analysis at risk-based thinking ang isinagawa ng ICT Office para sa lahat ng LGU department at unit heads noong September 19 sa pamamagitan ng Zoom video. Layunin ng root cause analysis na matukoy ang pinag-uugatan ng anumang isyu upang matugunan ang mga ito nang maayos at epektibo. Ang risk-based analysis naman ay nakatutulong sa mga proseso sa pagpaplano upang isaalang-alang ang mga inaasahan at hindi inaasahang pangyayari at maging handa para sa mga ito.

 

 

11. DA, Tinalakay ang Onion Cold Storage Project

 

Ang Department of Agriculture Regional Field Office I ay bumisita sa Munisipyo noong September 19 para magconduct ng Project Lay-out and Pre-Construction Conference ukol sa nakatakdang konstruksyon ng Onion Cold Storage sa Brgy. Nalsian Norte. Ito ay para mailatag ang requirements at detalye ng proyekto bago umpisahan ang nasabing konstruksyon sa lugar.

 

 

12. Seminar sa Road Safety at Safe Spaces Act, Ginanap

 

Isang seminar ukol sa Road Safety at Safe Spaces Act o RA 11313 ang isinagawa sa pangunguna ng Bayambang Public Safety Office noong September 20 sa Events Center.  Nagbahagi rito ang LTO, Highway Patrol Group, at PNP ng kanilang kaalaman sa mga usaping pangkaligtasan sa daan at pampublikong lugar, upang malaman ng mga LGU employees ang kahalagahan ng pagsunod sa road safety protocols at ang mga hakbangin upang makaiwas sa mga aksidente.

 

 

13. SK, Matagumpay ang Naging Color Run for a Cause

 

Isang Color Fun Run for a Cause ang matagumpay na isinagawa sa pag-oorganisa ng Sangguniang Kabataan Federation, kasama ng Local Youth Development Office at iba pang departamento at ahensya. Ang fun run ay may layuning makapagbigay ng suporta sa mga programang nakatuon sa mental health, kabilang na ang suicide awareness.

 

 

14. Bayambang, GeoRiskPH Best Practice Awardee

 

Ang LGU-Bayambang ay pinarangalan ng Best Practice in Adopting the GeoRiskPH Platform mula sa DOST-Phivolcs, sa ginanap na 1st GeoRisk Convention Training Workshop sa PICC, Pasay City noong September 16. Ito ay bilang pagkilala sa maagap na pag-adopt ng LGU-Bayambang sa nasabing platform sa local Disaster Risk Reduction Climate Change at development planning initiatives nito. Ang Bayambang ang nagwagi out of 110 LGUs na nominado sa nasabing parangal.

 

 

***

 

It’s Trivia Time!

 

Alam ba ninyo na ang simbolo ng maraming Treasury Offices sa buong mundo ay kadalasang may kasamang susi?

Ang susi ang sumisimbolo sa pagbabantay ng pampublikong pondo at ekonomiya.  …Nagpapatunay lamang na malaki ang gampanin at responsibilidad na kaakibat ng isang ingat-yaman.

Hindi maikakaila na ang Treasury Office ay isa sa mga pinakapundasyon ng operasyon ng LGU. Ang Municipal Treasurer ay regular na maghahain ng financial reports sa mga ahensya ng gobyerno tulad ng COA o Commission on Audit, DOF-BLGF o Department of Finance-Bureau of Local Government Finance, at DILG, upang masiguro na maayos ang paggamit ng pondo ng ating bayan.

Kailangang magampanan ang mga gawaing ito gamit ang teknolohiya, mga batas, at mga sistemang napapaloob sa pagsunod sa mga alituntunin ng pamahalaan.

Samantala mayroon namang 3 section ang Treasury Office. Ito ay ang mga:

1.     Collection Section

1.1  Business tax

1.2  Real property tax

1.3  Regulatory fees such as large cattle, tricycle permit fees, and others

2.     Disbursement Section

3.     Records Section

Sa administrasyon ng ating butihing mayora, tayo ay nagkaroon ng:

	2022	2023	As of August 2024
Real Property Tax	₱32,481,308.79	₱38,086,238.32	₱22,358,715.92
Business Tax	₱95,360,116.67	₱107,705,648.23	₱58,254,841.68
Other Taxes	₱1,573,639.66	₱1,651,974.81	₱11,434,153.48
Fees & User Charges	₱11,882,375.64	₱17,562,034.71	₱1,373,603.26
Total	₱141,297,440.76	₱165,005,896.07	₱93,421,314.34

 

Ang mga buwis na kinokolekta ng lokal na pamahalaan ay may malaking kahalagahan dahil ginagamit natin ang mga ito para sa mga pangunahing serbisyong publiko, imprastruktura, kaligtasan at kaayusan, edukasyon, kalusugan, pagpapabuti ng ekonomiya, at pagpapatakbo ng pamahalaan.

Sabi nga ng ating mahal na mayora, tayo ay makiisa sa pagbabayad ng ating mga buwis, dahil tayo rin ang nakadarama ng mga benepisyo nito. Ang buwis ng mga Bayambangueño ang liwanag ng daan tungo sa progreso!   

Bawat sentimo na ambag mo ay malaking tulong para sa kinabukasan ng  bawat Bayambangueño!
                                                      

 

 

***

 

[OUTRO]

 

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

 

NEWSCASTER 2: Mga balitang may tatak Total Quality Service.

 

NEWSCASTER 1: Muli, ako po ang inyong lingkod, Mary Grace C. Agas ng Business Permit and Licensing Office.

 

NEWSCASTER 2: At John Morell C. Claveria mula sa Municipal Treasury Office.

 

[SABAYANG BIGKAS]: At ito ang... Bayambangueñews!

 

 

 

Samantala, it’s 93 days na lang before Christmas!