Monday Report - June 15, 2026
[INTRO]
[VOLUME, ENERGY, SMILE!]
1: Masantos ya kabwasan, Bayambang! Narito na naman kami
upang ihatid ang mga balitang sumasalamin sa patuloy na pag-unlad ng ating
bayan. Ako po si ___, mula sa ___________(office).
2: At ako naman po si ___, ng ___________ (office), handang
magbahagi ng mga kwentong nagbibigay-inspirasyon at nagpapakita ng tunay na
diwa ng paglilingkod.
1: Mula sa paghahanda sa sakuna at pagbubukas ng klase...
2: Hanggang sa mga tagumpay ng ating kabataan at mga
programang pangkalusugan...
1: Narito ang mga balitang dapat ninyong malaman.
SABAY: Ito ang—BayambangueNews!
1.
BPSO, TFD, at PNP, Nakaantabay sa Unang
Araw ng Klase
Nagsagawa ng pinaigting na pagbabantay ang BPSO, Task Force
Disiplina, at PNP sa iba't ibang paaralan kasabay ng pagbubukas ng School Year
2026–2027. Nakatuon ang kanilang operasyon sa traffic management, pagpapanatili
ng kaayusan, at pagtitiyak sa kaligtasan ng mga mag-aaral, guro, at magulang.
2.
School Supplies para sa 18,000 na Mag-aaral,
Ipinamahagi
Nakatanggap ng mga bagong school supplies ang mahigit 18,000
na mag-aaral mula Kinder hanggang Grade 6 sa Bayambang bilang paghahanda sa
pagbubukas ng klase. Bahagi ito ng patuloy na suporta ng LGU sa edukasyon upang
matiyak na may sapat na gamit ang bawat batang Bayambangueño sa kanilang
pag-aaral.
3.
Brigada Eskwela 2026, Sinuportahan ng LGU
at NGOs
Nakiisa ang LGU-Bayambang, Rotary Club of Bayambang, at TODA
members sa Brigada Eskwela 2026 sa iba't ibang pampublikong paaralan sa bayan.
Kabilang sa kanilang mga ibinigay na tulong ang clean-up drive, pruning
operations, at pamamahagi ng mga cleaning supplies bilang paghahanda sa
pagbubukas ng klase.
4.
Libreng Operasyon, Naipagkaloob sa 12 na Pasyente
Labindalawang indigent na pasyente ang matagumpay na
naoperahan sa tulong ng Mayor’s Action Center sa ilalim ng programa ni Mayor
Niña. Kabilang dito ang mga pasyenteng sumailalim sa heart surgery, cancer
surgery, eye surgery, at iba pang mahahalagang medical procedures sa iba't
ibang ospital sa loob at labas ng Bayambang.
5.
Bagong Uniporme, Natanggap ng BPSO
Rescuers
Kamakailan ay nakatanggap ng mga bagong uniporme ang mga lay
rescuer at ambulance driver ng Bayambang Public Safety Office. Ayon sa BPSO,
makatutulong ito sa pagpapataas ng propesyonalismo, pagkakakilanlan, at
kahandaan ng kanilang mga personnel sa pagtugon sa mga emergency at rescue
operations.
6.
Barangay Officials, Nagtapos sa DRRM
Course
Sinimulan noong Hunyo 8 sa Balon Bayambang Events Center ang
tatlong araw na Disaster Risk Reduction and Management Course for Public Sector
para sa mga opisyal ng barangay sa iba’t ibang distrito. Dito ay pinalakas ang
kaalaman at kakayahan ng mga barangay leaders sa disaster preparedness, risk
reduction, at emergency response upang higit na maprotektahan ang kanilang mga
komunidad. Ito y naging possible sa
tulong ng OCD, DOST-PAGASA, DENR, BFP, PNP, at Philippine Red Cross.
7.
Tulong Pinansyal, Ipapamahagi sa 7,676 na
Magsasaka at Mangingisda
Noong June 9 hanggang 10, nagpamahagi ang pamahalaan ng
tulong pinansyal sa ilalim ng Presidential Assistance for Farmers and
Fisherfolk Program (PAFFP) para sa may 7,676 na kwalipikadong magsasaka at
mangingisda sa Bayambang. Ito ay bilang tugon sa mga hamong pangkabuhayan na
kinakaharap ng mga magsasaka at mangingisda dahil sa patuloy na pagtaas ng
gastusin at presyo ng mga pangunahing bilihin. Bawat benepisyaryo ay
nakatatanggap ng ₱2,325 cash.
8.
CDW Week, Ipinagdiwang
Nakiisa ang pamahalaang bayan sa pagdiriwang ng Child
Development Workers' (CDW) and Child Development Teachers' Week bilang
pagkilala sa mahalagang papel ng mga tagapag-alaga at guro sa maagang paghubog
ng mga kabataan. Sa kanilang aktibidad, personal na binati at pinasalamatan ng
mga opisyal ang mga Child Development Workers para sa kanilang walang sawang
pag-aaruga, pagmamahal, at dedikasyon sa mga batang kanilang ginagabayan
araw-araw.
9.
BPRP Recalibration, Muling Isinagawa
Noong June 10-11, muling nagsagawa ang Bayambang Poverty
Reduction Action Team ng recalibration ng Bayambang Poverty Reduction Plan
2018-2028 sa tulong ng National Anti-Poverty Commission. Ang aktibidad ay
nilahukan ng mga representante ng 14 basic social sectors, municipal officials,
department heads, at NAPC facilitators. Kanilang nirepaso ang mga naging
accomplishments ng Rebolusyon Laban sa Kahirapan, binalangkas ang mga nararapat
pang gawin, at planuhin ang mga istratehiya upang mapanatili at mapg-ibayo pa
ang mga tagumpay na natamasa sa ilalim ng Rebolusyon.
10. 128th
Independence Day, Ipinagdiwang
Noong June 12, muling nagtipon-tipon ang iba’t ibang sektor
upang gunitain ang ika-128 na Araw ng Kalayaan ng ating bansa. Naging simple
ngunit makabuluhan ang naging paggunita, na pinangunahan ng mga opisyal ng
lokal na pamahalaan. Sa kanilang mga mensahe, binigyang-diin ng mga opisyal ang
kahalagahan ng kalayaan, bilang patuloy na hamon sa bawat mamamayan na
pangalagaan ang demokrasya, itaguyod ang pagkakaisa, at ipagpatuloy ang
pag-unlad ng bayan.
11. Grupong
BTS, May Bagong Outreach Activities
Ang grupong BTS o Born to Serve ay nagsagawa ng dalawang
outreach activities, sa pakikipag-ugnayan sa MSWDO, MNAO, at GSO. Una ay ang
Balik Eskwela program kung saan sila ay namigay ng libreng mga kagamitan sa
eskwelahan sa 66 na estudyante ng Cason Elementary School at Amancosiling
Elementary School. Sila ay nagsagawa ng isang feeding activity para sa mga
children with disability (CWD) at undernourished children, kung saan sila ay
may benepisyaryong 30 CWD at 5 undernourished children.
12. "Salang
Arrangement" sa mga Terminal ng Transport Groups, Tinalakay sa SB Hearing
Sa pagdinig ng Committee on Transportation and Communication
ng Sangguniang Bayan, tinalakay ang kahilingan ng transport groups hinggil sa
ipinatutupad na “salang arrangement” sa mga terminal ng apat na grupo sa bayan.
Pinangunahan ni Councilor Zerex Terrado ang pagdinig kasama ang BPSO at
Bayambang Police Station, at kanilang pinag-usapan ang mga isyung may kinalaman
sa sistema ng pagsasalang ng mga pampasaherong sasakyan sa mga terminal ng
Bamacada, Baymaldag, New Bayambang ETC, at Baymacada.
***
[OUTRO]
[VOLUME, ENERGY, SMILE!]
1: Mula sa edukasyon at kalusugan hanggang sa kaligtasan,
patuloy nating nasasaksihan ang bunga ng sama-samang pagkilos para sa isang mas
maunlad na bayan.
2: Maraming salamat sa inyong pagtutok. Asahan ninyong
patuloy naming ihahatid ang mga balitang may saysay, may puso, at may malasakit
para sa bawat Bayambangueño.
1: Ako po si ___, laging handang maglingkod at maghatid ng
tama at napapanahong impormasyon.
2: At ako naman po si ___, kasama ninyo sa pagsusulong ng
isang ligtas, progresibo, at nagkakaisang pamayanan.
SABAY: Ito ang... BayambangueNews!
No comments:
Post a Comment