LGU Accomplishments - May 2026

 

  

As of May 2026

 

Office: PUBLIC INFORMATION/ MEDIA AFFAIRS OFFICE (PIO)

Public Information/Media Affairs Office: The LGU’s Voice, The People’s Voice

The Public Information/Media Affairs Office (PIO) is tasked to report to the people of Bayambang the local government’s plans, projects, and activities and respond to the people’s feedback. As such, it acts as a herald of the ‘good tidings’ of transparency and accountability in local governance as well as the people’s voice.

Since 2016, it has gone out of its way, well beyond its assumed mandate, to explore all forms of media to convey the message: through an official Facebook page, official website, official newsletter, Facebook Live interviews, Monday news videos, informational videos, posters, ads, press conferences and link-ups with media, and other venues – of course, in collaboration with allied departments (ICTO, BPRAT, Tourism).

In 202, the PIO continues with all the abovementioned innovations.                         

           

#	Strategic Objective / Output	Success Indicator	Accomplishment	Remarks
	Strategic Priority
1.	Work on Fiesta 2026 Souvenir Program       Work on State of the Municipality Address 2026, a DILG requirement	100% completion of document submitted and accepted with minimal correction                                                       within prescribed timeline   100% completion of document submitted and accepted with minimal correction                                                       within prescribed timeline	Layout for fiesta book currently being done                SOMA 2026 being drafted
	Core Function
2.	Cover the daily news	100% of reports written and accepted with minimal correction                                                       within prescribed timeline	56 news items covered and reported accurately and on time	See attached summaries of news stories covered
3.	Respond to private messages and comments/feedbacks on official Facebook page and website	100% messages responded to fast and appropriately	Over 100 messages and comments responded to respectfully, promptly, and appropriately
4.	Produce monthly newsletter	Monthly issue produced on time and with minimal errors	1 monthly issue produced on time and with minimal errors
5.	Produce Monday news videos	Quality Monday news videos produced on time	4 quality Monday news videos produced, shown weekly
6.	Produce BayambangueNews Live on Facebook	Quality live news coverage produced on time	At least 4 quality live news coverage produced on time
7.	Respond to media queries	100% of queries answered promptly and accurately	Around 4 queries answered promptly and accurately
8.	Write speeches/statements/messages for the mayor	100% of writeups submitted on time and approved/used	About 30 writeups submitted on time and approved for use
9.	Issue public service announcements	100% of announcements issued with minimal errors and on time	Around 20 announcements issued with minimal errors and on time
10.	Create IEC materials	100% of requested materials produced                                         , accepted with minimal correction                                                     within prescribed timeline	Around 10 requested IEC materials produced and accepted with minimal corrections and posted on time	Creation of IEC materials
	Support Functions
11.	Attend meetings and contribute ideas	100% of meetings attended promptly and productively	7 meetings attended productively
12.	Process procurement and HR papers	100% of pertinent papers submitted to designated offices and accepted with minimal correction                                                       within prescribed timeline	5 papers processed promptly and correctly
13.	Provide writing and editing assistance to various offices	100% of requests attended to	5 requests for writing and editing assistance submitted on time and approved for use

 

EVENTS COVERED   1.     RHU Birthing Home, Accredited Na! 2.     Bagong MPDC, Itinalaga 3.     Panukalang Ordinansa para sa Barangay OSCA Coordinators, Dininig 4.     MDRRMO, Nagbigay ng Basic Life Support Lecture 5.     BPC, Naglunsad ng Trade Fair 6.     BPC, Nagdaos ng Fun Run 7.     Tatlong Kubo, Inihatid sa mga Panibagong Benepisyaryo 8.     Problema sa Birth Certificate ng mga Taga-Tococ East, Sinagot ng LCRO 9.     Mayor Niña, Todo-Suporta sa Atletang Bayambangueño 10.  Mga Serbisyo ng Municipio, Dinala sa Sanlibo 11.  Mga OJT, Nagsanay sa First Aid 12.  Clearing Operation, Isinagawa sa Malioer 13.  IEC sa Kahandaan sa Sakuna, Isinagawa sa mga Barangay 14.  Adisyunal na Kubo, Tinanggap ng 3 Pamilya 15.  Mang Inasal, Nag-Exploratory Visit sa Bayambang 16.  Bagong Social Annex Building, Pinasinayaan 17.  ‘Ausome Parents,’ Nakatanggap ng Tulong Pinansiyal 18.  4,104 Coconut Seedlings, Ipinamahagi ng PCA sa Managos 19.  Makabagong Sistema ng Document Disposition, Tinalakay 20.  MDRRMC, Agarang Umaksyon para sa Kaligtasan ng Publiko 21.  Mga Senior Citizen, Dumalo sa Seminar ukol sa RA 9994 22.  Mga Usaping IT at AI, Tinalakay sa 2nd Quarter Meeting 23.  Dayalogo para sa Reservist Monitoring at Disaster Volunteer Corps, Isinagawa 24.  Task Force Disiplina, May Bagong Uniporme 25.  Mga Serbisyong Sibil, Dinala sa Langiran 26.  1,629 TODA Members, Tumanggap ng ₱5,000 Fuel Subsidy 27.  Nalsian Sur Talipapa Vendors, Ginabayan sa Legal na Operasyon 28.  Municipal Bonery, Nilinis 29.  Top 15 Barangays sa HAPAG Project, Sumailalim sa Validation 30.  Mga Serbisyong Sibil, Direktang Inihatid sa 3 Barangay 31.  Bayambang, Nag-host ng Distinguished Gentleman’s Ride 2026 32.  Blood Drive, Nakaipon ng 32 Blood Bags 33.  Search for Permanent BPC President, Binuksan! 34.  SPES Students, Idineploy sa LGU 35.  Bagong Pamunuan ng PWD Federation, Nailuklok 36.  Mga Programa, Pondo, at Development Plans ng Bayan, Tinalakay sa MDC Meeting 37.  MDRRMO, Naglakbay-Aral sa San Roque Dam 38.  Year 3 ng Search for Outstanding BNC, Isinagawa! 39.  MDRRMC, Naaalerto para sa Ligtas at Maayos na Summer Vacation 40.  Problema ng School Supply Vendors, Agad Inaksyunan 41.  Social Dance Workshop para sa mga Empleyado ng LGU Bayambang, Nagsimula na 42.  RPVARA Tax Amnesty Program, Bukas Pa sa Taxpayers Hanggang July 5, 2026 43.  LGU, Muling Umani ng Parangal mula sa PhALGA 44.  Mas Modernong HR System, Inilunsad sa LGU sa Pamamagitan ng IHRIS 45.  TODA Officers at Traffic Enforcers, Lumahok sa Road Safety at Safe Spaces Act Seminar 46.  Ballerinang Bayambangueña, Nagpamalas ng World-Class na Performance 47.  Mga Batang Ballerina, Nagpakitang-Gilas sa Dance Recital 48.  Bayanihang Bulilit, Sinimulan sa Child Development Centers 49.  ARTA, Nagsagawa ng Monitoring Inspection sa LGU Bayambang 50.  QMS Orientation at Re-Orientation para sa mga LGU Employees, Isinagawa 51.  2nd Quarter MAC Meeting, Tinalakay ang Updates para sa 4Ps Beneficiaries 52.  COA Exit Conference, Ginanap 53.  BPSO at Task Force Disiplina, Bantay sa Kaayusan at Trapiko 54.  ₱20/Kilo na Repolyo mula Benguet, Dinumog ng mga Mamimili 55.  Job Fair para sa Local at Overseas Employment, Mayroong _ HOTS 56.  KSB Year 9, Inihandog sa Brgy. Tampog             SUMMARY OF LGU ACCOMPLISHMENTS IN S.O.M.A. FORMAT   EDUCATION FOR ALL   - (LSB, Library, DepEd)   BPC, Naglunsad ng Trade Fair   Inilunsad ng BPC ang LUMALAKO 2026, isang trade fair, upang hubugin ang mga estudyante bilang student-enterpreneurs. Tampok ang mga seminar, product showcase, at iba’t ibang kumpetisyon na nagpapakita ng inobasyon at kasanayan, upang palakasin ang entrepreneurial mindset ng kabataan tungo sa pag-unlad ng lokal na ekonomiya at pagsuporta sa mga lokal na magsasaka.   BPC, Nagdaos ng Fun Run Isang Color Fun Run ang isinagawa ng BPC upang magsilbing pangwakas na aktibidad ng Lumalako Trade Fair 2026. Sa pamamagitan ng isang masaya at non-competitive na aktibidad, pinalakas ang samahan at diwa ng paaralan bilang isang organisasyon habang isinusulong ang kalusugan.   Mayor Niña, Todo-Suporta sa Atletang Bayambangueño Noong May 6, tinanggap ng mga atletang Bayambangueño ang halagang ₱170,000 na tulong pinansyal mula sa sariling bulsa ni Mayor Niña, bilang buong-pusong suporta sa kanilang paglahok sa Palarong Pambansa na gaganapin sa Agusan del Sur mula May 24 hanggang 30. Ang nasabing halaga ay inilaan para sa kanilang plane ticket upang matiyak ang maayos na paglalakbay sa kanilang pagsabak sa pambansang kumpetisyon, handa sa hamon habang bitbit ang pangalan ng bayan ng Bayambang.   Search for Permanent BPC President, Binuksan! Sa ginanap na 1st Board of Trustees Meeting ng Bayambang Polytechnic College, inanunsyo nina Dr. Cezar Quiambao at Mayor Niña ang pagbubukas ng search for a permanent president ng Bayambang Polytechnic College. Inanunsyo rin nila na bukod sa libreng tuition para sa mga estudyanteng taga-Bayambang, inilibre na rin ang kanilang graduation fees.       HEALTH FOR ALL   - Health (RHUs)   RHU Birthing Home, Accredited Na! Natanggap ng RHU Bayambang Municipal Birthing Home ang PhilHealth accreditation para sa taong 2026. Patunay ito na pasado ang pasilidad sa pamantayan para sa ligtas at abot-kayang serbisyong pangkalusugan, lalo na sa mga ina at sanggol. Saklaw din nito ang Gamot Package na makapagpapagaan ng gastusin ng mga pasyente.   Isang Buwang IEC sa mga Barangay, Isinagawa ng RHU I Matagumpay na naisagawa ng RHU 1 ang isang buwang health IEC campaign sa 42 barangay na umabot sa 2,669 na residente ang  nakinabang. Tinutukan nito ang rabies prevention, non-communicable diseases tulad ng hypertension at diabetes, at pagpapalakas ng health communication systems sa barangay level. Kasabay nito ang PhilHealth enrollment upang masigurong mas malawak ang access ng mga mamamayan sa serbisyong pangkalusugan.   RHU, Tagumpay sa Annual Surveillance ng DOH! Lumabas na ganap na compliant ang RHU 1 sa isinagawang taunang surveillance inspection ng Regulatory, Licensing and Enforcement Division ng DOH upang tiyakin ang pagsunod ng Birthing Facility at Clinical Laboratory ng RHU I sa mga pamantayan sa kalusugan. Sinuri ang birthing facility at laboratoryo kabilang ang safety, hygiene, records management, at infection control systems. Ang finding ng compliance ay patunay ng mataas na kalidad ng serbisyong medikal ng RHU I.   Blood Drive, Nakaipon ng 32 Blood Bags Naging matagumpay ang mobile blood donation drive ng RHU I na ginanap sa Brgy. Tamaro Covered Court sa pakikipagtulungan ng Philippine Red Cross – San Carlos City Chapter. Sa kabuuang 46 na registrants, 32 ang naging successful donors, kaya nakapagkolekta rin ng 32 blood bags ang bloodletting activity. Dagdag-suporta ito sa pagpapanatili ng sapat na suplay ng dugo para sa mga nangangailangan sa komunidad.     - Nutrition (MNAO)   Top 15 Barangays sa HAPAG Project, Sumailalim sa Validation Isang on-site validation ng HAPAG Project ang isinagawa noong May 13 at 14 sa mga pinaka-natatanging barangay upang matukoy ang pinakamahusay na implementer ng programa. Sinuri ng validation team ang mga community garden, nutrition initiatives, at sustainable gardening practices batay sa iba’t ibang criteria tulad ng paggamit ng recyclable at organic materials, at ornamental vegetation. Bibigyang pagkilala ang mga nanalong barangay sa darating na Nutrition Month Culmination Day.   Year 3 ng Search for Outstanding BNC, Isinagawa!   Isinagawa noong May 19–20 ang validation para sa ikatlong taon ng Search for Most Outstanding Barangay Nutrition Committee sa Bayambang gamit ang evaluation tool ng National Nutrition Council na MELLPI PRO. Masusing sinuri ng Municipal Nutrition Committee ang mga barangay na nakabilang sa top 5 batay sa kanilang vision at mission, mga naipatupad na polisiya at programa, pamamahala ng Local Nutrition Committee, nutrition services, at pagbuti ng nutritional status indicators sa kanilang komunidad.     - Sports and Physical Fitness (MPFSDC)       - Veterinary Services (Mun. Vet.)     – Slaughterhouse      PROTECTION OF WOMEN AND CHILDREN     - Social Services (MSWDO, MAC)   Tatlong Kubo, Inihatid sa mga Panibagong Benepisyaryo   Muling naghatid ang LGU, sa tulong ng Rotary Club of Bayambang, ng mga bagong bahay kubo para sa tatlong nailistang benepisyaryo. Sila ay sina Gng. Rhealyn Diaz ng Brgy. Buayaen, Gng. Elizabeth Dignos ng Ligue, at Gng. Lea Honrado ng Duera. Laking tuwa at pasasalamat ng mga nabiyayaang pamilya, dahil sila ay nabigyan ng panibagong pag-asa sa pagkakaroon ng mas maayos na sariling tirahan.   Adisyunal na Kubo, Tinanggap ng 3 Pamilya Muling naghatid ng pag-asa ang LGU, kasama ang Rotary Club of Bayambang, sa pamamagitan ng pamamahagi ng ika-anim, -pito, at -walong bahay kubo mula sa “Grand Ukay for a Cause” project ni Mayor Niña. Naging benepisyaryo ang pamilya ni Gng. Annalyn E. Bato ng Brgy. Dusoc, Jovelyn A. Repiroga ng Inirangan, at Jorelyn N. Valdez ng Carungay. Ang kubo ay may kasamang solar panels, solar lights, at solar fan. Naging posible ang proyekto sa tulong ng personal na donasyon ni Mayor Niña at Rotary Club, at ang kinita mula sa Grand Ukay for a Cause.   Bagong Social Annex Building, Pinasinayaan   Pinasinayaan ni Mayor Niña ang bagong Social Annex Building A o Bougainvillea Building sa Brgy. Magsaysay sa ilalim ng pangangasiwa ng MSWDO. Layunin nitong palawakin at pagandahin ang paghahatid ng social services ng Office of the Senior Citizens Affairs at Local Youth Development Office, at magsilbing dance studio naman ang ikatlong palapag para sa mga kabataan.   'Ausome Parents,' Nakatanggap ng Tulong Pinansiyal Ang unang batch ng mga magulang na may anak na may autism spectrum condition ay nakatanggap ng financial assistance na P1,000 kada isa para ipandagdag sa naganap na psychiatric assessment ng kanilang mga anak. Ang tulong pinansiyal ay inihatid ng MAC at PDAO sa tulong ni Mayor Niña.   Mga Senior Citizen, Dumalo sa Seminar ukol sa RA 9994 Isang seminar ang dinaluhan ng mga senior citizen kung saan tinalakay ang mga karapatan, benepisyo, at legal na proteksyon ng mga senior citizen alinsunod sa R.A. 9994. Pinangunahan ang seminar na ito ng mga legal experts mula sa PHINMA University of Pangasinan at Integrated Bar of the Philippines. Sa naturang aktibidad, mas napalawak ang kaalaman ng mga nakatatanda upang mas maprotektahan ang kanilang karapatan at maiwasan ang diskriminasyon.     1,629 TODA Members, Tumanggap ng P5,000 Fuel Subsidy May 1,629 lehitimong miyembro ng Tricycle Operators and Drivers’ Association ang tumanggap ng tig-₱5,000 fuel subsidy sa isang payout activity na ginanap noong May 14. Ang nasabing subsidy ay ipinagkaloob ng lokal na pamahalaan sa tulong ng DSWD bilang agarang tulong sa mga tricycle driver na naaapektuhan ng patuloy na pagtaas ng presyo ng produktong petrolyo dulot ng digmaan sa Middle East.     Bagong Pamunuan ng PWD Federation, Nailuklok Pormal na nailuklok noong May 14 ang bagong hanay ng mga opisyal ng Bayambang Persons with Disabilities (PWD) Federation sa pangunguna ni Efren Estabaya bilang pangulo. Nahalal din ang iba pang federation officers at district leaders mula sa iba’t ibang barangay upang magsilbing kinatawan ng sektor ng PWD sa buong bayan. Layunin ng bagong pamunuan na higit pang mapalakas ang pagkakaisa at pagsusulong sa kapakanan ng mga PWD sa Bayambang.     2nd Quarter MAC Meeting, Tinalakay ang Updates para sa 4Ps Beneficiaries   Ginanap noong May 26, ang 2nd Quarter Municipal Advisory Council (MAC) Meeting sa pangunguna ni Municipal Administrator Atty. Rodelynn Rajini Sagarino-Vidad, kung saan tinalakay ang mga updates at accomplishments ng Pantawid Pamilyang Pilipino Program (4Ps) sa nagdaang unang quarter, kabilang ang compliance turnout, validation ng beneficiaries, at monitoring ng Sustainable Livelihood Program (SLP) para sa patuloy na pagpapalakas ng mga serbisyo para sa mga benepisyaryo sa bayan.     Bayanihang Bulilit, Sinimulan sa Child Development Centers   Opisyal nang inilunsad noong May 25, 2026 ang “Bayanihang Bulilit” sa lahat ng Child Development Centers bilang paghahanda sa pagbubukas ng klase ng Pre-K at ITED learners. Katuwang ang mga magulang, barangay officials, at komunidad, isinasagawa ang clean-up activities upang matiyak ang maayos at ligtas na mga pasilidad. Tumatanggap din ang ECCD ng mga donasyong cleaning materials para sa patuloy na pagpapanatili ng kalinisan sa mga daycare centers.   - Civil Registry Services (LCR)             Problema sa Birth Certificate ng mga Taga-Tococ East, Sinagot ng LCRO   Dinagsa ng mga residente ng Brgy. Tococ East ang isinagawang programa ng Local Civil Registry Office, na direktang naghatid sa mga malalayong barangay ng iba’t ibang civil registry services, mula late registration ng birth, marriage, at death hanggang sa legitimation at supplemental report. Ipinakita nito ang matinding interes ng komunidad sa mga serbisyong sibil at legal na direktang nakatutulong sa kanilang pang-araw-araw na buhay   Mga Serbisyong Sibil, Direktang Inihatid sa 3 Barangay Noong May 14, 20, at 21, sumunod namang nagtungo ang Local Civil Registrar sa Brgy. Tococ West, Inanlorenza, at Malimpec, upang mailapit doon ang mga serbisyong pangsibil. Nagbigay ng mahahalagang impormasyon ang LCRO hinggil sa late registration, correction of entries, paggamit ng apelyido ng ama, legitimation, at iba pang serbisyong direktang nakatulong sa mga residente. Nagsagawa rin dito ng data capturing para sa upgraded Community Service Card.       - Environmental Protection (MENRO, ESWMO)       - Youth Development (LYDO, SK)   Mga Batang Ballerina, Nagpakitang-Gilas sa Dance Recital   Matagumpay na nagtapos ang unang batch ng Summer Dance Class sa pamamagitan ng isang dance recital na ginanap sa Balon Bayambang Events Center noong Mayo 26. Ipinamalas ng mga batang ballet dancer ang kanilang talento at mga natutuhang kasanayan sa sayaw matapos ang ilang linggong pagsasanay. Matapos ang pagtatanghal, ginawaran sila ng Certificate of Completion bilang pagkilala sa kanilang dedikasyon at matagumpay na pagtatapos ng programa. Si Coach Perry Sevidal naman ay tumanggap ng sertipiko bilang pagkilala sa kanyang mahalagang ambag sa paghubog ng mga batang mananayaw   Ballerinang Bayambangueña, Nagpamalas ng World-Class na Performance   Nagpamalas ng world-class ballet performance si Cassandra Venice Santos, isang Bayambangueñang ballet dancer mula sa Barangay Inirangan, ngayong Mayo 25. Sa murang edad, kinatawan na niya ang Pilipinas sa mga prestihiyosong dance festival sa Malaysia at South Korea at nagwagi sa ilang international dance competitions. Nagsanay din siya sa Vaganova Ballet Academy at Bolshoi Ballet Academy sa Russia at kasalukuyang apprentice ng Quezon City Ballet at Halili-Cruz Dance Company.   - Peace and Order (BPSO, PNP, DILG)   Dayalogo para sa Pagtataguyod ng Reservist Monitoring at Disaster Volunteer Corps Isinagawa sa Bayambang ang isang dayalogo sa pamumuno ng Philippine Army 104th Community Defense Center upang palakasin ang koordinasyon sa reservist monitoring at disaster response initiatives. Tinalakay dito ang papel ng focal persons sa pagmo-monitor ng aktibong reservists at pagpapadali ng recruitment para sa Basic Citizen Military Training (BCMT). Pinag-usapan din ang pakikipag-ugnayan sa LGUs para sa pagbuo ng Army Disaster Volunteer Corps (ADVC) bilang suporta sa disaster preparedness at mobilisasyon.   Task Force Disiplina, May Bagong Uniporme   Naipamahagi ang bagong uniporme ng mga opisyales at miyembro ng Task Force Disiplina, bilang bahagi ng pagpapalakas ng kanilang organisasyon. Lubos namang ikinatuwa ng mga miyembro ang pagtanggap ng bagong kasuotan na magsisilbing pagkakakilanlan nila habang nagsasagawa ng mga operasyon at programa para sa kapakanan ng publiko.   TODA Officers at Traffic Enforcers, Lumahok sa Road Safety at Safe Spaces Act Seminar   Pinangunahan ng Bayambang Public Safety Office ang isang seminar tungkol sa Road Safety at Safe Spaces Act para sa mga TODA officer, BPSO traffic enforcer, at mga empleyado ng Munisipyo noong Mayo 22. Tinalakay ni PMSG. Crisalyn de Villa ang Safe Spaces Act o “Bawal Bastos Law,” habang ibinahagi naman ni Mr. Benson Resuello ng LTO-Bayambang ang mahahalagang kaalaman sa road safety at traffic laws. Binigyang-diin nina Atty. Rodelynn Rajini Sagarino Vidad, Municipal Administrator at BPSO OIC, at 1Lt. Amory Junio, TFD Deputy at BPSO Chief Operation, ang kahalagahan ng patuloy na pagsasanay upang mapanatili ang kaayusan at kaligtasan sa mga kalsada at pampublikong lugar sa bayan.     BPSO at Task Force Disiplina, Todo-Bantay sa Kaayusan at Trapiko   Patuloy na pinaigting ng Bayambang Public Safety Office (BPSO) Traffic Enforcers katuwang ang Task Force Disiplina ang pagpapatupad ng mga batas trapiko at lokal na ordinansa upang mapanatili ang kaayusan at kaligtasan sa bayan ng Bayambang. Kabilang sa mahigpit na ipinatutupad ang tamang paradahan, pagsusuot ng helmet, pagbabawal sa obstruction sa kalsada, at pagsunod sa traffic signs at signal, kasabay ng pagbibigay ng traffic at security assistance sa iba’t ibang pampubliko at pribadong establisimyento sa bayan.     AGRICULTURAL MODERNIZATION - (MAO)   ₱20/Kilo na Repolyo mula Benguet, Dinumog ng mga Mamimili   Noong Mayo 28, 2026, matagumpay na isinagawa ng Munisipyo ang bentahan ng murang repolyo mula sa mga magsasaka ng Benguet sa harap ng Municipal Hall (Legislative Building), kung saan ibinenta ito sa halagang ₱20.00 kada kilo. Ang inisyatibo ay bahagi ng pagtugon sa epekto ng krisis sa gasolina at El Niño, na naglalayong makatulong sa mga magsasaka at magbigay sa mamamayan ng abot-kayang gulay, kasabay ng pagpapakita ng diwa ng bayanihan sa komunidad.      JOBS AND LIVELIHOOD FOR ALL   - Livelihood and Employment (PESO, BPRAT) SPES Students, Idineploy sa LGU Labintatlong kabataan ang naging unang batch ng mga bagong benepisyaryo ng Special Program for Employment of Students program ng DOLE, at pormal silang ipinakilala sa tanggapan ni Mayor Niña. Ayon sa PESO, nakadeploy na ang unang batch sa iba’t ibang tanggapan habang inihahanda pa ang mga dokumento ng susunod na labindalawang benepisyaryo.   Job Fair para sa Local at Overseas Employment, Mayroong 39 HOTS   Noong May 28, nagkaroon ng Job Fair para sa Local and Overseas Employment ang PESO Bayambang, katuwang ang iba’t ibang kumpanya at partner agencies, na nagbukas ng iba’t ibang oportunidad sa trabaho para sa mga Bayambangueño. Kabilang sa mga lumahok na kumpanya ang SM Hypermarket Rosales, Sutherland Global Services, Alfamart, Wheeltek, AILC, Blue Sky Theme Park and Events Center, at Julius K. Quiambao Medical and Wellness Center Inc. (JKQMWCI), habang mayroong 39 hired on the spot (HOTS) ang nasabing aktibidad.   - Economic Development (SEE) Mang Inasal, Nag-exploratory Visit   Bumisita ang mga kinatawan ng Mang Inasal noong May 11 upang makipagpulong kay Mayor Niña kaugnay ng posibilidad ng pagbubukas ng franchise sa BYB Metro o iba pang posibleng lokasyon sa bayan ng Bayambang. Sinamahan ang mga bisita ni SEE head, Atty. Justine Alvarez, sa tanggapan ng alkalde   Nalsian Sur Talipapa Vendors, Ginabayan sa Requirements upang Maging Legal ang Operasyon Noong May 14, pinulong ng LGU ang mga vendor ng talipapa sa Nalsian Sur upang pag-usapan ang tungkol sa business permit at mga kinakailangang dokumento gaya ng Affidavit of Undertaking para maging legal o compliant sa batas ang operasyon ng kani-kanilang negosyo. Dumalo sa pagpupulong ang mga concerned department head sa pangunguna ng BPLO kasama si Punong Barangay Martin Delfin sa Nalsian Sur Barangay Hall.   Municipal Bonery, Nilinis Matagumpay na natapos ng SEE staff ang paglilinis at clearing operations sa Bonery area ng Public Cemetery. Patuloy namang pinananatili ang kaayusan at kalinisan ng nasabing pasilidad.   Problema ng School Supply Vendors, Agad Inaksyunan   Noong May 20, pinulong ng Public Market ang mga school supply vendors upang agarang matugunan ang kanilang mga hinaing kaugnay ng patuloy na pag-ulan na nagdudulot ng suliranin sa kanilang hanapbuhay. Dahil sa problema sa tubig-ulan, nababasa ang kanilang mga panindang supply kaya’t nahihirapan silang magbenta. Kaya naman sa pagpupulong, bumuo ng plano para sa agarang solusyon.     - Cooperative Development (MCDO)    4,104 Coconut Seedlings, Ipinamahagi ng PCA sa Managos Sa tulong ng M.C.D.O., namahagi ang Philippine Coconut Authority (PCA) ng 4,104 na piraso ng coconut seedlings sa mga miyembro ng Managos Farmers Agriculture Cooperative. Tinuruan din ng PCA ang mga miyembro ng kooperatiba ng tamang pagtatanim at wastong pangangalaga sa mga ito upang tumubo ng maayos at mamunga ng sagana.     - Tourism, Culture, and Arts (MTICAO)   Bayambang, Nag-host ng Distinguished Gentleman’s Ride 2026 Matagumpay na naging host ang bayan ng Bayambang sa culmination at solidarity meeting ng “Distinguished Gentleman’s Ride 2026” noong May 17, sa St. Vincent Ferrer Prayer Park sa pangunguna ng MTICAO. Naging panauhing pandangal si Mayor Niña, na nirepresenta ni Councilor Jocelyn Espejo. Dinaluhan ang aktibidad ng daan-daang riders mula sa iba’t ibang motorcycle groups sa Pangasinan at Tarlac bilang bahagi ng pandaigdigang ride para sa adbokasiya ng men’s health at mental health awareness. - Infrastructure Development (Engineering: Infra, Housing, Transport, Utilities, etc.)   DISASTER RESILIENCE - (MDRRMO)           MDRRMO, Nagbigay ng Basic Life Support Lecture   Nagdaos ang MDRRMO ng Basic Life Support lecture para sa ROTC cadets ng PSU-Bayambang. Layunin nitong palakasin ang kakayahan ng mga estudyante sa pagresponde sa emerhensiya sa pamamagitan ng lectures at hands-on training tulad ng CPR.     Mga OJT, Nagsanay sa First Aid   Nagsagawa ang MDRRMO ng lecture at demonstration sa first aid para sa mga OJT noong May 5 sa Wawa Evacuation Center. Sa pagbahagi ng mahahalagang kaalaman sa pangunang lunas, pinapalakas nito ang kakayahan ng kabataan sa agarang pagresponde sa emerhensiya at maging katulong sa komunidad. Clearing Operation, Isinagawa sa Malioer Sa abiso ng Bureau of Fire Protection, agad na nagsagawa ng clearing operation ang MDRRMO sa Brgy. Malioer noong May 6 matapos tamaan ng kidlat ang dalawang puno ng niyog doon. Gamit ang chainsaw, tinanggal ang mga napinsalang puno upang maiwasan ang panganib sa mga residente.   IEC sa Kahandaan sa Sakuna, Isinagawa sa mga Barangay Pinalawak ng MDRRMO ang information-education campaign nito sa kahandaan sa sakuna sa Brgy. Manambong Sur noong May 5 at Amancosiling Sur noong May 6. Tinalakay ang go-bag, family emergency plan, at mga hakbang bago, habang, at pagkatapos ng sakuna, upang patibayin ang kamalayan at kahandaan ng bawat mamamayan sa lebel ng barangay.   MDRRMC, Agarang Umksyon para sa Kaligtasan ng Publiko A. Agad na rumesponde ang MDRRMC Bayambang sa iba’t ibang operasyon para sa kaligtasan ng mamamayan noong May 12 to 13. Kabilang dito ang pag-aalis ng mga tuyot na punong posibleng panganib sa luamng campus ng Bayambang Central School. B. Sumunod dito ay ang pagpapalit ng sirang streetlight upang mapanatili ang kaligtasan sa mga pampublikong lugar sa Brgy. Bani. C. At sa request ng Tourism Office, nagbigay rin sila ng standby medical at security assistance para sa Tour of Luzon 2026 bilang suporta sa malakihang event.     MDRRMO, Naglakbay-Aral sa San Roque Dam Nagsagawa ng technical visit ang MDRRMO sa San Roque Multipurpose Project sa bayan ng San Nicolas at San Manuel, Pangasinan, upang mapalawak ang kanilang kaalaman hinggil sa flood control, disaster risk reduction, at power generation ng pasilidad. Tinalakay sa pagbisita ang mahahalagang operasyon kabilang ang irrigation system, flood control, power generation, water quality management, at safety features ng San Roque Dam. Ipinakita rin ang iba’t ibang technical features ng dam tulad ng hydrology system, reservoir, spillway, generators, atbp.     MDRRMC, Nag-alerto para sa Ligtas at Maayos na Summer Vacation   Mula noong Abril 1 hanggang sa kasalukuyan, patuloy ang pagsasagawa ng roving at monitoring ng MDRRMC sa 5 resorts at 36 barangays na dinadaanan ng Agno River sa bayan ng Bayambang bilang bahagi ng aktibidad para sa Ligtas na Summer Vacation 2026. Sa utos ni Mayor Niña katuwang ang MDRRMO at buong barangay DRRM frontliners, nagsasagawa ng dalawang beses na roving at monitoring sa ating kailugan, kalsada, at kapaligiran araw-araw upang matiyak ang kaligtasan at kaayusan sa mga lugar na dinarayo ngayong tag-init.       HONEST & EFFICIENT PUBLIC SERVANTS    Mga Serbisyo ng Municipio, Dinala sa Sanlibo Ang Komprehensibong Serbisyo sa Bayan Year 9 ay sumunod na nagtungo naman sa Catalino Castañeda Elementary School upang paglingkuran at hatiran ng serbisyo ang mga residente ng Brgy. Sanlibo, Idong,  at Inanlorenza. Gaya ng dati, hindi mga residente ang lumapit sa gobyerno; sa halip ay ang gobyerno ang bumaba sa kanilang barangay, kung saan ___ na residente ang nakinabang. Dahil sa diwa ng KSB, ang tunay na serbisyo ay inklusibo, nakikita, at higit sa lahat—nadarama.   Mga Serbisyong Sibil, Dinala sa Langiran Isinagawa sa Barangay Langiran ang “Your Name, Your Right” na naglalayong dalhin sa malalayong barangay ang iba’t ibang civil registration services at palakasin ang kamalayan ng mamamayan sa kanilang legal na pagkakakilanlan. Tinalakay ang kahalagahan ng maayos na dokumento para sa edukasyon, seguridad, at oportunidad, habang isinagawa rin ang mobile registration services.   RPVARA Tax Amnesty Program, Bukas Pa sa Taxpayers Hanggang July 5, 2026 Pinaaalalahanan ng Municipal Treasury Office ang lahat ng taxpayers na maaari pang makapag-avail ng RPVARA Tax Amnesty Program hanggang July 5, 2026. Sa ilalim ng programa, maaaring maalis ang penalties, surcharges, at interes sa hindi nabayarang Real Property Tax para sa mga obligasyong naipon bago ang July 5, 2024. Para sa iba pang detalye, maaaring bumisita sa Municipal Treasury Office tuwing Lunes hanggang Huwebes, mula 7:00 A.M. hanggang 6:00 P.M o tumawag sa (075) 633-1000.   COA Exit Conference, Ginanap   Nagsagawa ang Commission on Audit (COA) ng exit conference noong Mayo 26, 2026 sa Mayor’s Conference Room bilang bahagi ng preparasyon para sa Annual Audit Report kaugnay ng mga transaksyon ng LGU Bayambang para sa Calendar Year 2025. Tinalakay sa pagpupulong ang iba’t ibang audit observations, recommendations, at status ng implementasyon ng mga naunang rekomendasyon ng COA, kasama ang pagdalo ng mga concerned department heads ng munisipyo upang tugunan ang mga usapin sa financial management at operasyon ng LGU.     KSB Year 9, Inihandog sa Brgy. Tampog   Muling inilapit ng lokal na pamahalaan ang mga pangunahing serbisyo sa pamamagitan ng Komprehensibong Serbisyo sa Bayan (KSB) Year 9 na isinagawa sa Tampog Elementary School para sa mga residente ng Brgy. Tampog, San Vicente, at Warding noong Mayo 26, 2026. Sa naturang programa, naipagkaloob ang iba’t ibang serbisyong medikal, legal, at social assistance para sa mga residente, na umabot sa kabuuang ₱123,284 na halaga ng serbisyong naihandog sa mga benepisyaryo.   - Planning and Development (MPDO) Bagong MPDC, Itinalaga Itinalaga si Environmental Planner Ryan James Nicholai Dizon bilang bagong Municipal Planning and Development Coordinator ng Bayambang. May malawak siyang karanasan sa urban planning at inaasahang mangunguna sa mga programang pangkaunlaran ng bayan.   Mga Programa, Pondo, at Development Plans ng Bayan, Tinalakay sa MDC Meeting Sa ginanap na Municipal Development Council Meeting, tinalakay ang implementasyon ng mga programa at paggamit ng pondo ng bayan, kabilang ang 2026 Annual Investment Program, 20% Development Fund, budget utilization at fund performance, at pag-apruba sa Supplemental Investment Program No. 3 para sa taong 2026, na inaasahang magsisilbing dagdag na hakbang upang masuportahan ang mga prayoridad na proyekto at pangangailangan ng iba’t ibang sektor sa bayan.   ARTA, Nagsagawa ng Monitoring Inspection sa LGU Bayambang   Noong May 25, nagsagawa ang Anti-Red Tape Authority (ARTA) Northern Luzon Regional Field Office ng monitoring inspection sa mga opisina at departamento ng LGU Bayambang upang suriin ang pagsunod nito sa mga probisyon ng Ease of Doing Business and Efficient Government Service Delivery Act of 2018.   Kabilang sa mga sinuri ang pagpapatupad ng Electronic Business One-Stop Shop (eBOSS), Citizens' Charter, Public Assistance and Complaints Desk (PACD), at iba pang programang naglalayong mapabilis at mapabuti ang paghahatid ng serbisyo publiko sa mga mamamayan.     - Legal Services (MLO)       - ICT Services (ICTO)   Makabagong Sistema ng Document Disposition, Tinalakay Nagtipun-tipon noong Mayo 12, 2026 ang mga department head, Document Control Custodian, at Internal Quality Auditor sa isang pulong na inorganisa ng ICT Office upang talakayin ang Modernized Document Management System ng LGU. Tinalakay rin ang bagong Records Disposition Schedule bilang gabay sa wastong pag-archive at pag-dispose ng mga dokumento alinsunod sa batas, bilang bahagi ng layunin na mas mapabilis ang pagproseso ng mga papeles at dokumento ng Munisipyo.     Mga Usaping IT at AI, Tinalakay Noong May 13, sa 2nd Quarter meeting ng IT Technical Working Group, tinalakay ang pagpapalakas ng mga ICT service at digital coordination sa lokal na pamahalaan. Kabilang sa mga naging paksa ang basic internet troubleshooting at basic AI prompting bilang bahagi ng layunin ng LGU na mapahusay ang kaalaman ng mga kawani at maisulong ang modernisasyon para sa mas episyenteng serbisyo publiko.   Mas Modernong HR System, Inilunsad sa LGU sa Pamamagitan ng IHRIS   Nagsagawa ang ICT Office, noong ika-25 ng Mayo 2026 ng isang orientation para sa Modernized Document Management System (MDMS) at Integrated Human Resource Information System (IHRIS) upang maging pamilyar ang mga empleyado sa mga features at tamang paggamit ng mga makabagong sistema, na makasisiguro sa mas mabilis at epektibong operasyon sa loob ng LGU. Kasalukuyan na ring nire-rehistro ng ICT Office ang lahat ng empleyado sa IHRIS bilang bahagi ng digitalization program ng LGU. Layunin nitong mapabilis at ma-automate ang mga proseso sa human resource management gamit ang database-driven decision making at integrated PRIME-HRM processes. QMS Orientation at Re-Orientation para sa mga LGU Employees, Isinagawa   Bilang paghahanda sa nalalapit na ISO 9001:2015 Recertification Audit sa Hulyo 2026, nagsagawa ang LGU Bayambang ng QMS Orientation para sa mga bagong empleyado noong Mayo 26 sa Balon Bayambang Events Center. Pinangunahan ni Mr. Ricky V. Bulalakaw, Overall Document Control Custodian, ang pagpupulong kung saan tinalakay ang kahalagahan ng Quality Management System (QMS), risk management, at iba pang preparasyon upang mapanatili ang mataas na kalidad ng serbisyo publiko sa lokal na pamahalaan.     - Human Resource Management (HRMO)   Social Dance Workshop para sa mga Empleyado ng LGU, Nagsimula Na   Pormal nang nagsimula ang Social Dance Workshop para sa mga empleyado ng munisipyo noong May 21, sa Dance Studio ng Social Annex Building A – Bougainvillea Building, kung saan tampok ang cha-cha, ballroom, boogie, rumba, at salsa. Ang workshop ay isasagawa tuwing Huwebes mula alas-5:00 hanggang alas-6:00 ng hapon at bukas sa lahat ng empleyado.   - Transparency/Public Information (PIO)     - Property Custodial Services (GSO, Motorpool)       AWARDS AND RECOGNITIONS   LGU, Muling Umani ng Parangal mula sa PhALGA Muling binigyan ng Excellence Award ang LGU-Bayambang, sa pamamagitan ng Accounting Office, sa ginanap na na 21st Annual National Conference of the Philippine Association of Local Government Accountants o PhALGA sa Dapitan City, Zamboanga del Norte. Nirepresenta si Mayor Niña sa nasabing parangal ni Municipal Accountant Flexner de Vera, isang pagkilala sa mahusay at maayos na pamamahala sa lahat ng transaksyon kaugnay ng pananalapi ng bayan.       LEGISLATIVE ENACTMENTS - (SB) Panukalang Ordinansa para sa Barangay OSCA Coordinators, Dininig   Tinalakay ng Sangguniang Bayan ang ordinansang magtatatag ng OSCA coordinators sa bawat barangay upang mapalakas ang serbisyo para sa mga senior citizen. Suportado ito ng alkalde at inaasahang magpapabilis ng koordinasyon at benepisyo alinsunod sa Expanded Senior Citizens Act. Inaasahang magdudulot ito ng mas organisado at epektibong paghahatid ng tulong sa mga nakatatanda.

 

 

Prepared by	Certified by
RESTY S. ODON PUBLIC INFORMATION OFFICER	DR. RAFAEL L. SAYGO MTICAO, HEAD