Monday Report – April 27, 2026

 

Monday Report – April 27, 2026

INTRO:

[VOLUME, ENERGY, SMILE!]

1: Magandang araw, Bayambang! Ako po si ______.

2: Ako naman po si ______. At kami po ay mula sa Municipal Assessor’s Office.

1: Narito na ang mga pinakahuling balita at kaganapan sa ating bayan.

2: Tampok ang iba’t ibang hakbang tungo sa kaunlaran.

1&2: Ito ang... BayambangueNews!

---

[MEMORIZE THE HEADLINES]

 

1. Mga Brigada Eskwela Package, Ipinamahagi
Sa pamamagitan ng Local School Board, namahagi ang LGU ng mga Brigada Eskwela package sa mga pampublikong paaralang elementarya at hayskul upang suportahan ang paghahanda para sa nalalapit na pasukan. Kabilang sa mga ito ang mga gamit para sa paglilinis at pagkukumpuni ng mga pasilidad. Ang programa ay nagkakahalaga ng ₱795,570, at pinondohan mula sa Special Education Fund.

2. School Supplies, Ipinamahagi sa 18,000 na Mag-aaral
Nagbigay din ang LGU ng mga school supply sa humigit-kumulang 18,000 na estudyante mula sa 49 na pampublikong paaralan bilang paghahanda sa bagong school year. Ang donasyong ito ay nagkakahalaga ng higit dalawang milyong piso, at pinondohan naman ng Children’s Welfare Fund.

3. Mga Isyu sa Barangay, Tinalakay sa Pulong

Noong April 20, pinulong ni Mayor Niña ang 77 na punong barangay upang talakayin ang iba’t ibang isyu tulad ng imprastraktura, waste management, at pangkapaligiran. Nilinaw rin ang ilang isyu at hinikayat ang responsableng paggastos sa panahon ng krisis. Binigyang-diin din ang papel ng mga lider sa tamang pamamahala at paglaban sa maling impormasyon.

4. Price Monitoring Team, Muling Nag-inspeksyon
Nagsagawa ang lokal na pamahalaan ng price monitoring sa mga LPG outlet upang matiyak na makatarungan ang presyo sa gitna ng pandaigdigang sigalot na nakaaapekto sa suplay ng langis at gas. Isinagawa ito sa pakikipagtulungan ng iba’t ibang ahensya upang mapanatili ang kaayusan sa merkado at maprotektahan ang interes ng publiko.

5. Rice Coffee Brand, Inilunsad ng RBAC
Sa tulong LGU, DA-PhilRice, at DTI, inilunsad ang isang brand ng rice coffee na gawa ng RiceBIS Bayambang Agriculture Cooperative bilang alternatibo sa tradisyunal na kape gamit ang kanilang inaning pigmented rice. Nagkaroon ng sample tasting at evaluation ng produkto sa naturang event. Namahagi rin ang DA ng mga certificate of Good Agriculture Practice sa mga miyembro ng kooperatiba.

6. LCRO, May Outreach sa Inirangan

Noong April 22, dinala ng Local Civil Registry Office ang information drive at mobile services nito sa Brgy. Inirangan upang mailapit sa mga residente ang iba’t ibang kaalaman at serbisyong may kinalaman sa civil registration. Maraming residente ang nakinabang sa pagproseso at pagwawasto ng dokumento, habang binigyang-diin ang kahalagahan ng legal identity.

7. RHU III at PBSP, May Libreng Chest X-Ray

Ang RHU III ay nagsagawa ng isang Cough Caravan o Free Chest X-Ray noong April 22 sa Brgy. Carungay Covered Court, sa pakikipagtulungan sa Philippine Business for Social Progress, na naglaan ng 200 slots para sa libreng chest X-ray ng mga kliyente sa distrito. Kabilang sa mga naging benepisyaryo ang mga kapamilya o household contacts ng kasalukuyan at dating TB patients, mga pasyenteng may sintomas, at mga kabilang sa vulnerable groups.

8. Iba’t Ibang Proyekto, Tinalakay sa ManCom Meeting

Noong April 23, pinulong nina Mayor Niña at SATOM, Dr. Cezar Quiambao, ang lahat ng department at unit head upang talakayin ang estado ng lahat ng naglalakihang proyekto sa bayan at mga barangay, ayusin ang anumang mga isyu, repasuhin ang lahat ng mga ginawang aksyon, at pagplanuhan ang mga nararapat na solusyon.

9. 521 na Benepisyaryo, Tumanggap ng Suweldo sa TUPAD

May kabuuang na 521 benepisyaryo mula sa hanay ng mg PWDs at mga magulang ng child laborers ang tumanggap ng bayad mula sa kanilang serbisyo sa ilalim ng programa ng DOLE na TUPAD o Tulong Panghanapbuhay sa Ating Disadvantaged/Displaced Workers, sa payout activity na ginanap noong April 23.

 

***

[Reserve this space for possible voiceovers.]

***

Bayambang, Dapat Alam Mo!

 

Bayambang, dapat alam mo!

1.   Alam mo ba kung ano ang SMV?

 

·       Ang Schedule of Market Values o SMV ay ang opisyal na pamantayang dokumento na inihanda ng mga lokal na assessors (Municipal Assessor  at Provincial Assessor) na inaprubahan ng Bureau of Local Government Finance (BLGF), at sertipikado ng Kagawaran ng Pananalapi. Karaniwan, ginagamit ito upang matukoy ang batayang halaga ng merkado para sa pagbubuwis o pagtatasa ng real property at mga kaugnay na buwis.

 

·       SAAN ng aba GINAGAMIT ANG SMV?

 

Ang SMV ay para sa:

 

1.   Real Property Tax (RPT o "AMILYAR") bilang batayan sa pagtukoy ng RPT na dapat bayaran ng mga local government units (LGUs).

2.   Tax Assessments, bilang batayan para sa pangkalahatang rebisyon ng pagtatasa at pag-uuri ng ari-arian.

3.   Transfer Tax, upang makalkula ang lokal na buwis sa paglilipat, buwis sa capital gains, at buwis sa selyo ng dokumentaryo.

4.   Mga Bayarin sa Gobyerno, para sa pagtatasa ng mga bayarin at singil tulad ng buwis sa buhangin at graba at community tax.

5.   Internal Revenue, upang makalkula ng Komisyoner ng Internal Revenue ang mga pambansang buwis sa mga paglilipat ng real property

 

·       Sa ilalim ng R.A. 12001 o Real Property Valuation and Assessment Reform Act o RPVARA, aalisin ng SMV na ito ang dating nakasanayan nang pagpili ng pinakamataas na halaga sa Zonal Value ng BIR, SMV ng LGU, at itinakdang presyo ng pagbebenta; sa halip ay lumilikha ng isang SMV para sa “valuation.”

 

·       Target ng RPVARA na ang binagong SMV ay magiging epektibo sa 2028. Ang SMV ay susuriin tuwing tatlong taon pagkatapos nito.

·       Sa Pangasinan, ang kasalukuyang SMV pa rin ang 2011 revision.

 

 

 

 

 

 

I.           Ngayon, ano naman ang EPEKTO NG BINAGONG SMV SA RPT O AMELYAR?

 

·       [Magbigay ng formula at sample computation ng RPT (Kath)]

 

·       Habang ang binagong SMV ay maaaring magresulta sa pagtaas ng RPT o Amelyar na dapat bayaran, para sa unang taon ng pagiging epektibo ng naaprubahan o binagong SMV, ang anumang naturang pagtaas ay limitado sa maximum na 6% ng RPT na  sinisingil bago  ang naaprubahan na SMV.

 

·       Posible rin na hindi na muna madagdagan ang RPT sa pagkakataong ito, depende sa tingin ng Sangguniang Panlalawigan (SP).

 

·        Ang pagtaas ng RPT ay kinokontrol ng SP na may kapangyarihang ayusin ang naaangkop na assessment level at / o rate ng buwis sa pagkalkula ng RPT.

 

 

II.         AMNESTIYA

 

·       Samantala, may paalaala naman ang Assessor’s Office sa lahat ng mga may-ari ng lupa, bahay at makinarya na may ‘di nabayarang RPT o Amelyar: Alam niyo ba na mayroong patuloy na amnestiya sa mga penalties, surcharges at interes ng RPT na sumasaklaw mula July 5, 2024 at pababa?

·       Kaya naman, hinihikayat ang mga nagbabayad ng buwis na samantalahin ang amnestiya na tatagal  hanggang July 5, 2026.

 

Ang lahat ng ito, Bayambang, ay dapat alam mo!

 

***

KONKLUSYON:

[VOLUME, ENERGY, SMILE!]

1: Ang mga balitang ito ay sumasalamin sa patuloy na pagpupunyagi ng ating pamahalaan.

2: Sa bawat programa at serbisyo, sama-sama nating itinataguyod ang isang progresibong Bayambang.

1: Muli, ako po si ______.

2: At ako naman po si ______. At kami po ay mula sa Municipal Assessor’s Office.

1&2: At ito ang... BayambangueNews!