BAYAMBANG,
DAPAT ALAM MO! – July 13, 2026
(Estimated
runtime: 4 minutes and 12 seconds)
(Opening
montage ng rain, flood, mga batang papasok sa paaralan, announcement ng
suspension.)
Bayambang,
dapat alam mo na isa sa mga pinaka-inaabangan tuwing tag-ulan ay hindi lang
forecast ng PAGASA. Kundi ang tanong na…
“May pasok ba
bukas?”
At
ngayong may bagong polisiya ang Department of Education, marami ang nalilito. Kaya
tara! I-explain natin yan!
(Kuya
Ngen intro)
Dapat
alam mo na hindi na iisa ang paraan ng DepEd sa pagsuspende ng klase tuwing may
bagyo o iba pang kalamidad. Hindi na laging ang sagot ay suspended ang klase. Sa
halip, mayroon na silang apat na antas o apat na level depende sa sitwasyon. At
madali lang itong tandaan.
HAYO.
HINAY. HINGA. HINTO.
UNA, HAYO!
Kapag
ligtas ang lahat. Walang baha. Walang malakas na hangin. At maayos ang lagay ng
panahon. Tuloy ang face-to-face classes. Wala ring nakataas na Tropical Cyclone
Wind Signal.
Panahon ito para magtuloy-tuloy
ang pagkatuto. HAYO!
PANGALAWA, HINAY!
Kapag
may kaunting abala tulad ng tuloy-tuloy na ulan o bahagyang epekto ng sama ng
panahon, kailangan nang maging mas maingat.
Halimbawa,
kapag may Tropical Cyclone Wind Signal No. 1, awtomatikong suspendido ang
face-to-face classes sa Kindergarten. Kapag Signal No. 2, suspendido naman ang
face-to-face classes mula Kindergarten hanggang Grade 12, pati ang Alternative
Learning System (ALS).
Hindi ibig sabihin nito na
titigil na agad ang pag-aaral. Maaaring gawing mas flexible ang mga gawain,
bawasan ang activities, at unawain ang sitwasyon ng mga mag-aaral at guro. HINAY!
PANGATLO, HINGA!
Kapag
lumalala na ang sitwasyon at nakataas ang Tropical Cyclone Wind Signal No. 3,
awtomatikong suspendido ang face-to-face classes sa lahat ng antas, kabilang
ang ALS, at suspendido rin ang trabaho sa maraming tanggapan sa publiko,
maliban sa mga nagbibigay ng mahalagang serbisyo.
Sa
panahong ito, mas inuuna ang kaligtasan kaysa sa requirements. Bago magbigay ng
mga gawain, tinitiyak muna ng paaralan na ligtas ang bawat mag-aaral at guro.
Dahil sa panahon ng kalamidad,
mas mahalaga ang buhay at kapakanan kaysa sa anumang takdang-aralin. HINGA!
AT PANGHULI,
HINTO!
Kapag
Tropical Cyclone Wind Signal No. 4 o No. 5 na ang nakataas, nangangahulugan
itong napakataas na ng panganib. Sa ganitong sitwasyon, ihihinto muna ang
academic learning.
Dahil ang pinakamahalagang
aralin sa oras ng sakuna ay ang makauwi, manatiling ligtas, at maalagaan ang
isa't isa. HINTO!
Pero
Bayambang, dapat alam mo na hindi porke’t walang suspension ay obligado nang
pilitin na papasukin ang mga bata kahit delikado.
Kung
sa palagay ninyo bilang magulang ay hindi ligtas ang pagpasok ng inyong anak
dahil sa iba pang panganib, desisyon ninyo kung papapasukin ninyo ang inyong
mga anak.
At
sa ating mga estudyante naman, huwag din nating gawing biro ang suspension. Huwag
agad mag-comment ng…
“Mayor, suspend
niyo na po klase please.” O
kaya “Manifesting walang pasok.”
(Insert
stock video ng mga bata na nasa classroom then sa lgu bayambang)
At
siyempre, tandaan na hindi lang ang DepEd ang nakaantabay sa panahon ng
kalamidad. Nariyan ang ating lokal na pamahalaan, mula sa MDRRMO, RHU, BPSO,
hanggang sa iba pang tanggapan ng munisipyo, na patuloy na naghahanda at
nagbabantay upang matiyak ang kaligtasan ng bawat mamamayan. Makakaasa tayong
sila ay laging handa, alerto, at nakaalalay sa oras ng pangangailangan.
Bayambang,
ang lahat ng ito ay Dapat alam mo!
Muli
ako si Kuya Ngen na nagsasabing: pangit man ako sa inyong paningin, at least
hindi ako sinungaling. Ba-bye!
No comments:
Post a Comment