MONDAY REPORT – MAY 18, 2026

 

 

MONDAY REPORT – MAY 18, 2026

 

INTRO

Newscaster 1: Magandang araw, Bayambang! Ako po si ____ ng Bayambang Public Safety Office.

Narito na naman tayo upang ihatid ang mga pinakabagong balita at mahahalagang kaganapan sa ating bayan.

Newscaster 2: At ako po naman si _____ ng Bayambang Public Safety Office. Mula sa mga programang pabahay hanggang sa paglapit ng mga oportunidad—patuloy na gumagalaw ang LGU-Bayambang tungo sa mas maunlad na kinabukasan.

Both: Ito ang… BayambangueNews!

HEADLINES

1. Adisyunal na Kubo, Tinanggap ng 3 Pamilya

Muling naghatid ng pag-asa ang LGU, kasama ang Rotary Club of Bayambang, sa pamamagitan ng pamamahagi ng ika-anim, -pito, at -walong bahay kubo mula sa “Grand Ukay for a Cause” project ni Mayor Niña. Naging benepisyaryo ang pamilya ni Gng. Annalyn E. Bato ng Brgy. Dusoc, Jovelyn A. Repiroga ng Inirangan, at Jorelyn N. Valdez ng Carungay. Ang kubo ay may kasamang solar panels, solar lights, at solar fan. Naging posible ang proyekto sa tulong ng personal na donasyon ni Mayor Niña at Rotary Club, at ang kinita mula sa Grand Ukay for a Cause.

 

2.      Mang Inasal, Nag-exploratory Visit

Bumisita ang mga kinatawan ng Mang Inasal noong May 11 upang makipagpulong kay Mayor Niña kaugnay ng posibilidad ng pagbubukas ng franchise sa BYB Metro o iba pang posibleng lokasyon sa bayan ng Bayambang. Sinamahan ang mga bisita ni SEE head, Atty. Justine Alvarez, sa tanggapan ng alkalde.

 

3.      Bagong Social Annex Building, Pinasinayaan

Pinasinayaan ni Mayor Niña ang bagong Social Annex Building A o Bougainvillea Building sa Brgy. Magsaysay sa ilalim ng pangangasiwa ng MSWDO. Layunin nitong palawakin at pagandahin ang paghahatid ng social services ng Office of the Senior Citizens Affairs at Local Youth Development Office, at magsilbing dance studio naman ang ikatlong palapag para sa mga kabataan.

 

4.      'Ausome Parents,' Nakatanggap ng Tulong Pinansiyal

Ang unang batch ng mga magulang na may anak na may autism spectrum condition ay nakatanggap ng financial assistance na P1,000 kada isa para ipandagdag sa naganap na psychiatric assessment ng kanilang mga anak. Ang tulong pinansiyal ay inihatid ng MAC at PDAO sa tulong ni Mayor Niña.

 

5.      4,104 Coconut Seedlings, Ipinamahagi ng PCA sa Managos

Sa tulong ng M.C.D.O., namahagi ang Philippine Coconut Authority (PCA) ng 4,104 na piraso ng coconut seedlings sa mga miyembro ng Managos Farmers Agriculture Cooperative. Tinuruan din ng PCA ang mga miyembro ng kooperatiba ng tamang pagtatanim at wastong pangangalaga sa mga ito upang tumubo ng maayos at mamunga ng sagana.

 

6.      Makabagong Sistema ng Document Disposition, Tinalakay

Nagtipun-tipon noong Mayo 12, 2026 ang mga department head, Document Control Custodian, at Internal Quality Auditor sa isang pulong na inorganisa ng ICT Office upang talakayin ang Modernized Document Management System ng LGU. Tinalakay rin ang bagong Records Disposition Schedule bilang gabay sa wastong pag-archive at pag-dispose ng mga dokumento alinsunod sa batas, bilang bahagi ng layunin na mas mapabilis ang pagproseso ng mga papeles at dokumento ng Munisipyo.

7.      MDRRMC, Agarang Umksyon para sa Kaligtasan ng Publiko

A. Agad na rumesponde ang MDRRMC Bayambang sa iba’t ibang operasyon para sa kaligtasan ng mamamayan noong May 12 to 13. Kabilang dito ang pag-aalis ng mga tuyot na punong posibleng panganib sa luamng campus ng Bayambang Central School.

B. Sumunod dito ay ang pagpapalit ng sirang streetlight upang mapanatili ang kaligtasan sa mga pampublikong lugar sa Brgy. Bani.

C. At sa request ng Tourism Office, nagbigay rin sila ng standby medical at security assistance para sa Tour of Luzon 2026 bilang suporta sa malakihang event.

 

8.      Mga Senior Citizen, Dumalo sa Seminar ukol sa RA 9994

Isang seminar ang dinaluhan ng mga senior citizen kung saan tinalakay ang mga karapatan, benepisyo, at legal na proteksyon ng mga senior citizen alinsunod sa R.A. 9994. Pinangunahan ang seminar na ito ng mga legal experts mula sa PHINMA University of Pangasinan at Integrated Bar of the Philippines. Sa naturang aktibidad, mas napalawak ang kaalaman ng mga nakatatanda upang mas maprotektahan ang kanilang karapatan at maiwasan ang diskriminasyon.

 

9.      Mga Usaping IT at AI, Tinalakay

Noong May 13, sa 2nd Quarter meeting ng IT Technical Working Group, tinalakay ang pagpapalakas ng mga ICT service at digital coordination sa lokal na pamahalaan. Kabilang sa mga naging paksa ang basic internet troubleshooting at basic AI prompting bilang bahagi ng layunin ng LGU na mapahusay ang kaalaman ng mga kawani at maisulong ang modernisasyon para sa mas episyenteng serbisyo publiko.

 

10.  Dayalogo para sa Pagtataguyod ng Reservist Monitoring at Disaster Volunteer Corps

Isinagawa sa Bayambang ang isang dayalogo sa pamumuno ng Philippine Army 104th Community Defense Center upang palakasin ang koordinasyon sa reservist monitoring at disaster response initiatives. Tinalakay dito ang papel ng focal persons sa pagmo-monitor ng aktibong reservists at pagpapadali ng recruitment para sa Basic Citizen Military Training (BCMT). Pinag-usapan din ang pakikipag-ugnayan sa LGUs para sa pagbuo ng Army Disaster Volunteer Corps (ADVC) bilang suporta sa disaster preparedness at mobilisasyon.

 

11.  Task Force Disiplina, May Bagong Uniporme

Naipamahagi ang bagong uniporme ng mga opisyales at miyembro ng Task Force Disiplina, bilang bahagi ng pagpapalakas ng kanilang organisasyon. Lubos namang ikinatuwa ng mga miyembro ang pagtanggap ng bagong kasuotan na magsisilbing pagkakakilanlan nila habang nagsasagawa ng mga operasyon at programa para sa kapakanan ng publiko.

 

12.  Mga Serbisyong Sibil, Dinala sa Langiran

Isinagawa sa Barangay Langiran ang “Your Name, Your Right” na naglalayong dalhin sa malalayong barangay ang iba’t ibang civil registration services at palakasin ang kamalayan ng mamamayan sa kanilang legal na pagkakakilanlan. Tinalakay ang kahalagahan ng maayos na dokumento para sa edukasyon, seguridad, at oportunidad, habang isinagawa rin ang mobile registration services.

 

13.  1,629 TODA Members, Tumanggap ng P5,000 Fuel Subsidy

May 1,629 lehitimong miyembro ng Tricycle Operators and Drivers’ Association ang tumanggap ng tig-₱5,000 fuel subsidy sa isang payout activity na ginanap noong May 14. Ang nasabing subsidy ay ipinagkaloob ng lokal na pamahalaan sa tulong ng DSWD bilang agarang tulong sa mga tricycle driver na naaapektuhan ng patuloy na pagtaas ng presyo ng produktong petrolyo dulot ng digmaan sa Middle East.

 

14.  Nalsian Sur Talipapa Vendors, Ginabayan sa Requirements upang Maging Legal ang Operasyon

Noong May 14, pinulong ng LGU ang mga vendor ng talipapa sa Nalsian Sur upang pag-usapan ang tungkol sa business permit at mga kinakailangang dokumento gaya ng Affidavit of Undertaking para maging legal o compliant sa batas ang operasyon ng kani-kanilang negosyo. Dumalo sa pagpupulong ang mga concerned department head sa pangunguna ng BPLO kasama si Punong Barangay Martin Delfin sa Nalsian Sur Barangay Hall.

15.   Isang Buwang IEC sa mga Barangay, Isinagawa ng RHU I

Matagumpay na naisagawa ng RHU 1 ang isang buwang health IEC campaign sa 42 barangay na umabot sa 2,669 na residente ang nakinabang. Tinutukan nito ang rabies prevention, non-communicable diseases tulad ng hypertension at diabetes, at pagpapalakas ng health communication systems sa barangay level. Kasabay nito ang PhilHealth enrollment upang masigurong mas malawak ang access ng mga mamamayan sa serbisyong pangkalusugan.

16.   RHU, Tagumpay sa Annual Surveillance ng DOH!

Lumabas na ganap na compliant ang RHU 1 sa isinagawang taunang surveillance inspection ng Regulatory, Licensing and Enforcement Division ng DOH upang tiyakin ang pagsunod ng Birthing Facility at Clinical Laboratory ng RHU I sa mga pamantayan sa kalusugan. Sinuri ang birthing facility at laboratoryo kabilang ang safety, hygiene, records management, at infection control systems. Ang finding ng compliance ay patunay ng mataas na kalidad ng serbisyong medikal ng RHU I.

***

***

Bayambang, Dapat Alam Mo!

Bayambang, dapat alam mo na ang Bayambang Public Safety Office o BPSO, kasama ng Task Force Disiplina, ay katuwang ng PNP bilang force multiplier, upang siguraduhin ang kaayusan at seguridad ng mga empleyado, bisita, at kagamitan sa lahat ng major facilities ng LGU. Kasama na rin dito ang mga major events ng LGU at mga NGO.

Sinisiguro rin ng BPSO na maayos na nasusunod ang mga batas trapiko upang maayos ang daloy ng lahat ng pangunahing daan sa ating bayan. Noong 2025, ang BPSO ay nagkaron ng 11,268 na bilang ng apprehended violators:

---------------------------------------

[FLASH ONSCREEN]

SUMMARY OF APPREHENDED VIOLATORS FOR 2025:

Riding a motorcycle without protective helmet - 6,052

Driving without license - 4,375

Failure to obey police order - 959

Disregarding traffic lights/signs - 641

Illegal parking - 634

No side mirror - 379

No OR/CR - 266

Obstruction - 191

Driving with an expired license - 137

Truck ban - 122

Unregistered motorcycle - 106

No franchise - 85

Reckless driving - 56

No plate number - 35

Modified muffler - 35

Expired OR/CR - 26

 

Total number of apprehended violators: 11,268

---------------------------------------

Sakop na rin ng BPSO ang pangangasiwa sa mga ambulansya at PTV o patient transport vehicle ng LGU. Sa taong 2025, mayroon po tayong 1,516 na pasyente na dinala sa mga major hospital tulad ng Philippine Heart Center, Philippine General Hospital, Baguio General Hospital, Ilocos Training and Regional Medical Center, Jose Reyes Memorial Medical Center, at iba pa, upang mabigyan ng kaukulang lunas medikal. Mayroon namang 79 na pasyente ang dinala sa hospital at ibang health facilities dito sa Pangasinan.

---------------------------------------

[FLASH ONSCREEN]

SUMMARY OF AMBULANCE SERVICES FOR 2025

Vehicular Accident - 445

Residence to Hospital - 627

Transfer hospital to hospital - 444

Patient transported outside Pangasinan - 79

Total: 1,595 clients

----------------------------------------

At mayroon namang 1,956 na pasyente ang inihatid ng ating PTV o Patient Transport Vehicle para sa mga non-emergency cases.

[FLASH ONSCREEN]

PATIENT TRANSPORT VEHICLE o PTV SERVICES (Non-emergency Cases) FOR 2025:

Within Pangasinan: 339

Outside Pangasinan: 22

Total: 361 clients

Grand Total: 1,956

------------------------------------------

Sa kabuuan, mayroon tayong 1,956 na pasyente na natulungan sa buong 2025.

***

Pingangasiwaan din ng BPSO personnel 24/7 ang Command Center, kung saan matatagpuan ang #4357 na katulad ng 911 sa Amerika. Dito rin nakalagay ang mga CCTV monitoring system na nakakapagpabilis sa paglutas ng kaso na hawak ng ating kapulisan tulad ng pagnanakaw, pananakit, o pambubully, missing items or person, at vehicular accident. Sa kasalukuyan, mayroong 192 na aktibong CCTV ang minomonitor ng BPSO.

Sa taong 2025, may kabuuang 225 na playback requests for CCTV footage kaugnay ng mga vehicular traffic incident, shooting incident, carnapping, missing person, pang-iiscam, atbp. ang ating natugunan. May daan-daang emergency calls naman ang nabigyan ng mabilisang aksyon ng ating #4357.

Mahigpit ding binabantayan ng BPSO ang lahat ng building at pasilidad ng Munisipyo upang maprotektahan ang mga ito laban sa sunog, panloloob, pagnanakaw, at paninira.

Ito ang mga iba’t ibang gawain ng ating mga tauhan sa Bayambang Public Safety Office (BPSO).

Ang lahat ng ito, Bayambang, ay dapat alam mo!

***

OUTRO

Newscaster 1: Sa bawat proyektong naipapatupad at bawat Bayambangueñong kinikilala, patuloy na pinatutunayan na ang tunay na serbisyo ay ramdam ng mamamayan.

Newscaster 2: Asahan ninyo ang patuloy naming paghahatid ng mga balitang makabuluhan, napapanahon, at may malasakit para sa bawat Bayambangueño.

Newscaster 1: Muli ako po si _____.

Newscaster 2: At ako naman po si ______, mula sa Bayambang Public Safety Office.

Both: Ito ang… BayambangueNews!