LGU Accomplishments - October 2024

EDUCATION FOR ALL

- (LSB, Library, DepEd)

Local Teachers, May Libreng Training at Special Treat sa Teachers' Month Celebration

Noong October 3, naghandog si Mayor Niña ng isang In-Service Training for Teaching and Non-Teaching Personnel sa Bayambang bilang parte ng 2024 World Teachers’ Day Celebration. At kasabay nito ay naghandog din siya sa kanila ng mga special treats. Naroon po ang ating special field reporter na si Angel Veloria para sa mga detalye.

Bb. Bayambang, Tumanggap ng P100,000 Mula kay Mayor Niña

Noong October 21, tinanggap ni Bb. Bayambang 2024 Reign Joy Lim ang P100,000 pondo mula kay Mayor Niña. Ang pondo ay kanyang gagamitin para sa kanyang napiling adbokasiya, ang “Strengthening Inclusive Education in Bayambang.” Tiniyak ni Bb. Reign Joy na walang Bayambangueño ang mapag-iiwanan sa larangan ng edukasyon, lalo na ang mga may kapansanan.

Bagong Officers ng Federated PTA, Nanumpa kay Mayor Niña

Nanumpa ang mga bagong halal na opisyal ng Municipal Federated Parents-Teachers' Association kay Mayor Niña Jose-Quiambao, sa induction ceremony na ginanap noong October 28 sa Events Center.

ALS Teachers, Nakatanggap ng School Supplies

Ang LGU ay nagbigay ng school supplies sa mga Alternative Learning System teachers sa Bayambang. Kabilang sa mga ipinamahagi ang 375 yellow pad paper, 375 notebooks, 63 pencils, 32 ball pens, 25 reams ng coupon bond, 375 plastic envelopes, at 375 pencil sharpeners. Ang donasyon ay nagkakahalaga ng ₱73,990, at ang pondo ay mula sa Special Education Fund.

HEALTH FOR ALL

- Health (RHUs)

PDA-Pangasinan, Nagbigay ng Oral Health Seminar sa CDWs

Ang Philippine Dental Association (PDA)-Pangasinan Chapter ay nagbigay ng isang seminar at workshop sa lahat ng 80 Child Development Workers ng Bayambang noong September 27 sa SB Hall. Layunin ng proyektong ito na ihanda ang mga CDW na isama ang oral health sa kanilang kurikulum, upang makatulong maiwasan ang maagang pagkasira ng ngipin sa ating mga Child Development Learners.

30 Bayambangueñas, Nag-avail ng Libreng Family Planning Service

May 30 na mga kababaihan ang nag-avail ng libreng family planning procedure na PSI (progestin subdermal implant) insertion na hatid ng mga RHU at Department of Health noong September 27. Ito ay parte ng pagdiriwang ng Family Planning sa buwan ng Agosto.

Komprehensibong Serbisyo Project, Dumako sa Sapang

Ang buong team ng Komprehensibong Serbisyo sa Bayan ay dumako sa Brgy. Sapang noong October 10 upang pagsilbihan ang mga residente ng Brgy. Sapang, Duera, at Banaban. May kabuuang 1,709 na benepisyaryo sa lugar na nag-avail ng iba’t ibang medical services at iba pang serbisyo mula sa lahat ng departamento.

Bayambang, Nakiisa sa Breast Cancer Awareness Month

Ang bayan ng Bayambang, kabilang ang LGU, Julius K. Quiambao Medical and Wellness Center, St. Vincent Ferrer Prayer Park, at Rotary Club of Bayambang, ay nakiisa sa isang nationwide Pink Lighting Activity ng Philippine College of Surgeons at Inner Wheel Clubs of the Philippines upang paigtingin ang kamalayaan ng lahat ukol sa breast cancer. Sa ika-anim ng gabi, sabay-sabay na sinindihan ng ICT at MTICAO ng pink na ilaw ang JKQ hospital, Prayer Park statue, at Municipal Hall.

School-based Immunization, Inumpisahan ng mga RHU

Noong mga nakaraang linggo, ang ating mga Rural Health Units ay nag-umpisa nang magsagawa ng school-based immunization (SBI) sa lahat ng mga paaralan. Kanilang naging target ang mga Grade 1 at Grade 7 students para sa booster dose ng measles, rubella, tetanus, at diphtheria, at Grade 4 o mga kababaihang edad 9 hanggang 14 para sa human papilloma virus (HPV) vaccine.

Julius K. Quiambao Medical & Wellness Center, Opisyal nang Binuksan

Ang Julius K. Quiambao Medical & Wellness Center ay opisyal nang binuksan noong Oktubre 18 sa Brgy. Ligue, sa pangunguna nina Dr. Cezar Quiambao at Mayor Niña at ng pamilya Quiambao. Naging panauhing pandangal si First Lady Liza Araneta-Marcos bilang kinatawan ni Presidente Ferdinand Marcos Jr. Ang nasabing ospital ay isang 112-bed-capacity tertiary hospital na may pitong palapag. Ito ay imamamage ng The Medical City Group at mayroong mga makabagong equipment gaya ng MRI, CT scan, at iba pa.

Cough Caravan, May 115 Clients Served

Isang Cough Caravan ang muling isinagawa sa harap ng Munipall Hall ng Philippine Business for Social Progress kasama ang District TB Coordinator ng Bayambang District Hospital at RHU Bayambang. May 115 total clients served sa nasabing aktibidad na naglalayong ma-screen ang mga pinaghihinalaang kaso ng TB o tuberculosis.

Blood Drive sa Manambong Sur, May 24 Donors

Isang mobile blood donation ang isinagawa ng RHU II sa Manambong Sur Evacuation Center noong October 21, sa pakikipagtulungan ng Region I Medical Center. Ang aktibidad ay may 24 successful donors.

Local Health Board, Tinalakay ang Iba't Ibang Health Programs

Sa latest meeting ng Local Health Board ng Bayambang, noong October 22, tinalakay ang iba't ibang health concerns gaya ng HIV at Animal Bite Treament Center updates, hazardous waste temporary holding area, ang Oral Health Month celebration para sa taong 2025, health budget para sa taong 2025, at ang E-Konsulta at G-Konsulta ng DOH. 

RHU ng LGU-Rizal, Laguna, Bumisita

Ang Rural Health Unit ng Rizal, Laguna ay nag-Lakbay Aral sa Rural Health Unit I October 23. Ang 30-katao na mga bisita ay pinangunahan ni LGU-Rizal Municipal Health Officer, Dr. Sam Cirillo. Sila ay winelcome ni Municipal Health Officer, Dr. Paz Vallo.

 

RHU Staff, Nag-refresher Course sa Basic Life Support

Ang mga staff ng RHU II at RHU III ay nag-renew ng kanilang training sa Basic Life Support sa Red Cross noong October 23-25, 2024 sa Bayambang Polytechnic College. (RSO; RHU 2)

- Nutrition (MNAO)

Weighing Scales, Muling Ipinamahagi sa Elementary Schools

Ang Municipal Nutrition Committee ay namahagi ng bagong batch ng mga weighing scale sa lahat ng public elementary schools sa bayan noong September 26, sa hangaring masiguro ang tamang nutrisyon at kalusugan ng mga batang Bayambangueño. Magkakaroon din ang naturang kumite ng quarterly monitoring ng mga school nutrition programs simula sa buwan ng Oktubre.

 DOH, Nagbigay ng Orientation para sa Nutrition Support Group ng Bayambang

Ang Department of Health ay nagbigay ng isang Nutrition Support Group Orientation noong October 1 sa pakikipag-ugnayan sa Municipal Nutrition Office. Ang aktibidad ay isang funding grant mula sa Department of Health (DOH) na kailangang gamitin para sa mga meeting, training, o capacity-building, at pati health and nutrition-related commodities para sa Nutrition Support Group ng LGU. Ito ay dinaluhan ng mga kapitan, Barangay Kagawad on health, Barangay Health Workers' (BHW) President, at Barangay Nutrition Scholar (BNS) sa Bayambang.

 3-Day Nutrition in Emergencies Training, Dinaluhan ng MNC at BNS

Isang training ukol sa Nutrition in Emergencies ang isinagawa ng MNAO para sa mga miyembro ng Municipal Nutrition Council (MNC) at Bayambang Nutrition Scholars (BNS), upang mapaigting ang kaalaman ng bawat miyembro sa tamang paraan ng pag-implementa ng nutrition program sa panahon ng anumang emergency. Ang training ay ginanap mula October 2 hanggang 4 sa St. Vincent Ferrer Prayer Park at Ariel & Fe Garden Resort and Restaurant.

NNC, Minonitor ang Tutok Kainan Program

Noong October 3, dumating ang National Nutrition Council (NNC) Region 1 upang imonitor ang implementasyon ng Tutok Kainan Program ng ahensya. Kasama ng Nutrition Office, sila ay nagtungo sa Brgy. Sanlibo Covered Court upang ipakilala at talakayin ang tungkol sa programa na naglalayong tutukan ang nutrisyon ng 44 na mga buntis sa distrito na itinuturing na nasa at-risk group.

Feeding Angels, Namigay ng Food Packs sa Kabataan

Ang grupong Feeding Angels, sa pakikipagtulungan sa Nutrition Office, ay nagsagawa ng panibagong feeding activity para sa 143 na indigent at undernourished children noong October 5. Sila ay nag-ikot sa Ambayat 1st at 2nd, Warding, Managos, Telbang, at Paragos. Namigay din sila sa mga kabataan ng mga damit at laruan galing sa kanilang mga sponsors.

School Children, Sumali sa Larong Pinoy at Nakinig sa Healthy Lifestyle Lecture

Naghatid-saya sa mga mag-aaral sa elementarya ang aktibidad ng Municipal Nutrition Committee na "Larong Pinoy at Healthy Lifestyle Lecture," na ginanap noong October 8 sa Bayambang Central School at October 11 sa Buayaen Central School. Ang mga mag-aaral ay maglaro, nag-ehersisyo, at nalaman na rin ang ukol sa wastong nutrisyon sa pamamagitan ng masusustansiyang pagkain upang makaiwas sa mga sakit dulot ng improper nutrition at sedentary lifestyle.

Lactation Management Education Training, Ginanap

Isang capacity-building training tungkol sa Lactation Management Education ang isinagawa ng Nutrition Office para sa mga Nutrition Support Group at iba pang mga tagapagtaguyod ng nutrisyon as Bayambang. Ito ay ginanap para sa iba't ibang batch simula October 9. Dito ay tinalakay ang mahahalagang kaalaman tungkol sa lactation management at mga intervention na may kinalaman sa nutrisyon upang mapabuti ang kalusugan ng mga sanggol, bata, buntis, at nagpapasusong ina.

ONGOING: Validation ng Nutrition Status ng mga Mag-aaral

Ang Nutrition Office ay nag-umpisa ng isang serye ng validation activity ukol sa nutritional status ng mga lokal na mag-aaral. Ito ay upang masigurong tama ang naitatalang timbang ng mga mag-aaral at walang nakakalusot na mga kaso ng wasting at stunting sa ating mga kabataan. Ang validation team ay nag-umpisang magvalidate noong October 11 sa Bayambang Central School katuwang ang dalawang DepEd Bayambang District Nurses.

Search for Best Barangay Nutrition Committee, Ikinasa

Ang mga miyembro ng Municipal Nutrition Committee ay nagsagawa ng isang Search for Best Barangay Nutrition Committee. Sial ay naglibot upang magmonitor at mag-evaluate ng implementasyon ng mga Barangay Nutrition Committee ng mga nutrition programs ng gobyerno. Kanilang ginamit ang assessment tool ng National Nutrition Council na MELPPI Pro.

- Sports and Physical Fitness (MPFSDC)

- Veterinary Services (Mun. Vet.)

– Slaughterhouse

PROTECTION OF WOMEN AND CHILDREN

- Social Services (MSWDO, MAC)

2 Centenarians, Pinarangalan sa Senior Citizen's Week

Sa pagdiriwang ng Senior Citizen's Week noong October 7, kinilala ang dalawang bagong Bayambangueñong centenarian na sina Adriano Herrera ng Brgy. Pangdel at Magdalena Rico ng Brgy. Warding. Sila ay hinandugan ng cash gift mula sa LGU. Bukod pa ito sa mandatory P100,000 cash grant na nakatakda nilang matanggap mula sa national government. Tinalakay din ng mga naimbitahang resource speakers ang mga paksang "Pointers on Settlement and Partitions of Estates," "PhilHealth Konsulta Package Provider," at "Oral Health."

Lumang Central School, Nilinis para sa SLP Congress

Ang lahat ng departmento ng LGU, CSOs, at KALIPI Bayambang ay nakilahok sa isang clean-up drive sa lumang Bayambang Central School, bilang preparasyon sa gaganaping Congress ukol sa Sustainable Livelihood Program ng DSWD. Ang parte ng bakanteng lote ng Central ay pansamantalang patatayuan ng mga booth upang magbenta ng kani-kanilang produkto ang iba't ibang SLP associations mula sa Rehiyon Uno.

600 Katao, Benepisyaryo ng DSWD Assistance

Matapos ang isang profiling activity noong October 9, nagsagawa ang MSWDO ng isang payout activity nang sumunod na araw para sa 600 na benepisyaryo ng Assistance to Individuals in Crisis Situation sa Events Center. Ito ay naging posible dahil sa suporta ni Senator Francis

Mayor Niña, May Additional Cash Grant sa 2 Centenarians

Noong October 14, ang dalawang bagong centenarian mula sa Bayambang ay pinagkalooban ng P100,000 cash gift bawat isa mula sa sariling bulsa ni Mayor Niña. Ang cash gift ay tinanggap ng mga apo nina lolo Adriano Herrera ng Brgy. Pangdel at lola Magdalena Rico ng Brgy. Warding.

Mayor Niña, Namigay ng Grocery Packs sa Seniors

Sa araw ding iyon, naghandog si Mayor Niña ng mga grocery packages para sa lahat ng 77 Senior Citizens Federation presidents ng barangay. Ang dalawang aktibidad na nabanggit ay bahagi pa rin ng pagdiriwang ng Elderly Filipino Week.

MAC, Nagrelease ng Burial at Medical Assistance

Ang Mayor's Action Center (MAC), sa ilalim ng bagong pinuno nito na si Josie Estrada Niverba, ay nagpamahagi ng financial assistance sa 223 residente na nagrequest ng tulong mula sa LGU. Ang MAC, sa tulong ng Treasury, ay nakapagpamahagi ng kabuuang P241,000.00 na financial assistance mula sa kabuuang budget na P500,000 na nakalaan para sa nasabing layunin.

Mayor Niña, Nagpa-raffle ng Flashlight sa mga Kawani

Noong October 28, nagpa-raffle ng flashlight si Mayor Niña Jose-Quiambao para sa mga mapapalad na LGU employees. Ito ang naisipang ipamahagi ng butihing mayor upang magamit ng mga Bayambangueños kapag may mga hindi inaasahang pagkakaroon ng power interruption dulot ng bagyo. Pagkatapos nito ay nagpamigay din siya ng libreng taho at ice cream sa lahat din ng mga empleyado.

Former DILG Sec. Abalos, Namigay ng Relief Goods

Noong October 27, naghatid ng relief goods si former DILG Secretary, Atty. Benhur Abalos, mula sa Mandaluyong City, sa Pangasinan para sa mga nasalanta ng bagyo. Mayroong tig-1,000 grocery packs ang inilaan para sa bayan ng Bayambang, Lingayen, at Calasiao, at lungsod ng Dagupan, at ang mga ayuda ay tinanggap ng mga representante ng mga bayang ito sa Pavilion I ng St. Vincent Ferrer Prayer Park.

Mga Chikiting, Muling Nagtagisan sa Halloween Costume Contest

Muling nagpatalbugan ang mga anak at apo ng LGU employees sa Halloween Costume Contest 2024, na ginanap noong October 29. Ang mga tsikiting ay rumampa sa entablado ng Events Center suot ang kani-kanilang Halloween costume contest. Itinanghal na grand winner si RJ Maeve Mathelma Orpilla, 1st runner up si Kendyleigh Valera, 2nd runner up is Iven Zephyr Romero, at 3rd runner up at Eziquel Josh Fama. Ang mga nagwagi ay nakatanggap ng iba't ibang papremyo mula kay Mayor Niña. Matapos ang contest, sila ay lumibot sa iba't ibang opisina para makipag-trick or treat.

- Civil Registry Services (LCR)

- Environmental Protection (MENRO, ESWMO)

ESWMO, Lumahok sa Bureau of Soils Seminar

Ang ESWMO ay lumahok sa seminar ng Bureau of Soils and Water Management na pinamagatang "Enhancing Capabilities of Composting Facilities for Biodegradable Wastes Beneficiaries" noong October 15-17 sa Calasiao. Layunin ng training na mapabuti ang pagproseso ng ating mga biodegradable waste sa pamamagitan ng composting facility na isang grant ng ahensya sa LGU mga anim na taon na ang nakalilipas. Ang departamento ay nag-uwi ng mga soil test kits na bigay ng ahensya.

- Youth Development (LYDO, SK)

SK Federation, Nag-team Building

Ang lahat ng miyembro ng Sangguniang Kabataan Federation ng Bayambang at Local Youth Development Office ay nakilahok sa isang Youth Leadership Camp sa Pueblo del Amore Mountain Resort, Lipa City, Batangas mula September 25 hanggang 28. Sila ay nakisali sa team-building activities ng group facilitator na Hero Strategies. Dito ay natuto ang mga SK members kung paano maging epektibong leader sa kanilang mga kapwa kabataan sa kani-kanilang barangay.

SK, Nag-clean-up Drive sa BNHS

Noong October 11, pinangunahan ng Sangguniang Kabataan Federation ang isang clean-up drive sa Bayambang National High School, katuwang ang tatlong youth organizations na Yes-O Camp, BKD o Barkada Kontra Droga, at BNHS Supreme Secondary Learner Government. Sa sama-samang pagkilos, hindi lamang napaganda  ang paaralan, kundi napalakas din ang kamalayan ng mga estudyante sa kanilang tungkulin sa komunidad at pangangalaga sa kalikasan.

- Peace and Order (BPSO, PNP, DILG)

Bagong PNP Provincial Director, Nag-courtesy Call

Pormal na ipinakilala ni PNP-Bayambang Chief kina Mayor Niña at Dr. Cezar Quiambao ang bagong Pangasinan Provincial Director ng pulisya na si Police Colonel Rollyfer J. Capoquian noong October 10. Ang pagbisita ay nagbukas ng daan sa ibayong pagpapatibay ng ugnayan sa pagitan ng bagong itinalagang Provincial Director at ng pamunuan ng bayan ng Bayambang.

Mga Paghahanda sa UNDAS, Pinagpulungan

Noong October 16, pinagpulungan ng lahat ng departamento at ahensya ang mga gagawing paghahanda sa darating na Undas o All Saints’ Day celebrations na siguradong uuwian ng mga Bayambangueño mula sa iba’t ibang dako. Ito ay upang matiyak ang kaayusan at seguridad ng lahat sa nasabing okasyon.

PNP-Bayambang, May Bagong OIC Chief

Noong Oktubre 21, nagkaroon ng simpleng turnover ceremony ang PNP Bayambang Municipal Station kung saan ipinakilala ni outgoing PNP-Bayambang Chief PLtCol. Rommel Bagsic ang bagong magsisilbing hepe ng pulisya na si PLtCol. Lawrence Keith Calub na tubong Baguio City. Isang mainit na pagtanggap ang sumalubong sa kaniya mula sa buong LGU. Nagpasalamat naman ang LGU kay Col. Bagsic sa kanyang mahusay na serbisyo.

TODA Officers, Naglakbay Aral sa San Fernando City

Ang mga federation officers ng TODA o Tricycle Operators and Drivers Association ng Bayambang ay nagbenchmarking sa San Fernando City, La Union, noong October 22. Sa kanilang Lakbay Aral, kanilang natutunan ang mga best practices na patakaran at alituntunin ng TODA ng San Fernando City bilang modelo sa buong Pilipinas. Ang kanilang mga natutunan ay nakatakdang ipatupad sa ating bayan upang magkaroon din ng mas maayos, kanais-nais, at matiwasay na TODA operation.

AGRICULTURAL MODERNIZATION - (MAO)

District 7 Corn Farmers, Tumanggap ng Combine Harvester mula DA

Ang Bayambang District 7 Corn Cluster Organization, Inc.  ay tumanggap ng isang combine harvester mula sa Department of Agriculture Region I sa ilalim ng Corn Banner Program ng ahensya noong September 25, 2024.

Agriculture Office at Iba Pa, Naglakbay-Aral sa UP Los Baños

Ang Agriculture Office, selected farmers' presidents, at mga faculty at estudyante ng Bayambang Polytechnic College ay nagbenchmarking sa Los Baños, Laguna noong October 3 hanggang 5, upang aralin kung paano mas mapapalakas pa ang ating sektor ng agrikultura gamit ang scientific research at makabagong mga pamamaraan. Sila ay nakipagpulong kay UP Los Baños Chancellor Jose V. Camacho at bumisita sa iba’t ibang pasilidad at institusyon, kabilang ang International Rice Research Institute, Dairy Farm, Makiling Botanical Garden, at iba pa.

Farmers' Presidents, Pinulong ukol sa NFA Palay Procurement Program

Noong October 16, pinulong ng National Food Authority ang mga farmers' association presidents ng Bayambang upang iparating sa kanila ang tungkol sa Palay Procurement Program ng ahensya. Kabilang sa mga tinalakay ang palay procurement procedures ng NFA, palay quality specifications, payment schemes/procedures, at mode of delivery.

JOBS AND LIVELIHOOD FOR ALL

- Livelihood and Employment (PESO, BPRAT)

1-Day Training sa Bread and Pastry-Making, Handog ng TESDA at PSAT

Isang libreng 1-day training sa bread at pastry-making ang inihandog ng TESDA at Pangasinan School of Arts and Trade sa pakikipagtulungan sa PESO-Bayambang mga local na OFWs noong October 10 sa St. Vincent Ferrer Prayer Park. Ito ay isa na namang dagdag-kaalaman at kakayahan para sa mga napiling benepisaryo upang makapag-umpisa sa isang bagong pagkakakitaan.

100 BPC Students, Bagong Batch ng TUPAD Beneficiaries

Noong October 4, nagmonitor ang DOLE, katuwang ang PESO-Bayambang, sa 100 TUPAD beneficiaries na mga estudyante ng Bayambang Polytechnic College. Ang nasabing batch ay pinondohan ng Office of the Vice-President. Sa ilalim ng programa, ang mga estudyante ay naglinis ng sampung araw at tumanggap ng P4,350 bawat isa kapag nakumpleto ang kanilang trabaho.

30 Grads ng Dressmaking NC II, Inirampa ang Sariling Tahing Kasuotan!

Nagsipagtapos noong October 8 ang 30 trainees sa "Basic Skills Training on Dressmaking NC II" na handog ng TESDA at PESO. Game na game na inirampa ng mga course completers ang mga sariling tahing kasuotan katulad ng blusa at Filipiniana sa kanilang graduation ceremony na ginanap sa Pavilion I ng St. Vincent Ferrer Prayer Park.

Job Fair, May 157 Applicants

Isa sa namang job fair ang isinagawa ng PESO sa St. Vincent Ferrer Prayer Park noong October 15. Sila ay napag-attract ng 157 job applicants, kung saan 7 sa mga ito ang hired on the spot.  Mayroon namang sampung dumating na job recruiters, kabilang ang SM Hypermarket, One Document Corporation, at ulius K. Quiambao Medical and Wellness Center.

Team-Building para sa OFW Children, Isinagawa ng OWWA

Ang Overseas Workers Welfare Administration ay nagsagawa ng isang team-building activity para sa mga anak ng OFW sa Bayambang. Dito ay matapang na hinarap ng mga kabataan ang mga hamon ng kanilang pagkawalay sa mga magulang na piniling makipagsapalaran sa ibang bansa. Ang mga aktibidad ay nakatulong sa mga kabataan sa pagharap sa iba't-ibang pagsubok habang malayo sa piling ng kanilang magulang.

192 PWDs, Ini-screen para sa TUPAD Program

Ang PESO-Bayambang, kasama ng Department of Labor and Employment (DOLE), ay nagsagawa ng isa na namang profiling activity para sa may 192 na PWDs na bagong batch na target beneficiaries ng TUPAD o Tulong Panghanapbuhay para sa Ating Distressed/Disadvantaged Workers ng DOLE. Ang profiling activity ay ginanap noong October 22 sa Events Center.

Lumang Central School, Muling Nilinis para sa SLP Congress

Ang lahat ng departmento ng LGU at iba pang volunteers ay muling nakilahok sa isang clean-up drive sa lumang Bayambang Central School, bilang preparasyon sa gaganaping SLP Congress ng DSWD. Ang parte ng bakanteng lote ng Central ay pansamantalang patatayuan ng mga booth upang ang iba't ibang SLP associations mula sa Region I ay makagbenta ng kani-kanilang produkto.

- Economic Development (SEE)

- Cooperative Development (MCDO) 

M.C.D.O., Nakiisa sa Tree-Planting Activity

Ang Municipal Cooperative Development Office ay sumali sa isinagawang tree-planting activity sa Brgy. Managos ng Managos Farmers Agriculture Cooperative kasama ang Managos Elementary School Parents-Teachers Association at mga mag-aaral ng Managos ES. Ito ay bilang parte ng pagdiriwang ng Cooperative Month. Kabilang sa mga itinanim na punla ay mga puno ng lawaan, narra, at wild cherry.

- Tourism, Culture, and Arts (MTICAO)

Winners sa Tourism Poem at Song Writing Contests, Kinilala

Ang pagdiriwang ng Buwan ng Turismo ay nagtapos sa isang awarding ceremony sa nakabibighaning talento sa pagsulat ng iba’t-ibang klase ng tula at awit, sa Anlong o Poem Writing contest at Cancionan o Song Writing contest na inorganisa ng MTICAO noong October 7. Sa Cancionan, nagwagi bilang grand winner ang energetic na pop song na "Gala Dya" ng grupong JL. Sa Anlong naman ay tatlo ang nagwagi sa English, Filipino, at Pangasinan category. Ang dalawang patimpalak ay nakatulong sa pagsulong ng sining at kultura ng Bayambang at nagpatunay sa walang kupas na talento ng mga Bayambangueño.

Monkeypox Seminar, Isinagawa ng MTICAO at RHU

Isang seminar ukol sa sakit na monkeypox ang inorganisa ng MTICAO sa tulong ng RHU I sa RHU Conferenece Room noong October 7, bilang parte ng culminating activity para sa Tourism Month 2024. May pitong establisimyento ang naging kalahok, kabilang ang Pook ni Urduja at El Siesta Hotel. Sa seminar, natuto ang mga lokal na tourism establishments kung paano maiiwasan, matutuklasan, at malalabanan ang sakit na monkeypox.

- Infrastructure Development (Engineering: Infra, Housing, Transport, Utilities, etc.)

DISASTER RESILIENCE - (MDRRMO)

Bauang MDRRM Council, Bumisita

Ang MDRRM Council ng Bauang, La Union ay naglakbay aral sa Bayambang noong October 2. Ang mga bisita ay pinangunahan ni Bauang MDRRM Officer Joel Vincent Caniezo. Sila ay winelcome ng MDRRMO at ipinasyal sa MDRRM Operation Center, Wawa Evacuation Center, at MDRRMO Satellite Office, kung saan nagpresenta ang MDRRMO ng ating mga best practices. Sa Mayor’s Conference Room naman, nakipagpulong ang mga bisita kina Mayor

MDRRMC, Naghanda bunsod ng Bagyong “Kristine”

A.         Ang MDRRM Council, sa pangunguna ni Mayor Niña, ay kaagad nagsagawa ng Pre-Disaster Risk Assessment noong October 21 at 23 bunsod ng banta ng Bagyong "Kristine." Tinalakay dito ang trajectory at intensity forecast ng bagyo at nagpaalaala sa mga bagay na dapat gawin ng lahat upang maging ligtas at makaiwas sa sakuna.

B.         Kasabay nito, inihanda ng MDRRMC ang mga rescue vehicle at equipment, at nagmonitor sa tropical cyclone bulletin na inilalabas ng PAG-ASA at nagsagawa ng komunikasyon at koordinasyon sa mga barangay.

C.        Pinaalalahanan naman ng MTICAO sa social media ang lahat na maging handa sa posibleng maging epekto ng bagyo.

D.        Agad ding naka-antabay ang Quick Response Team sa mga nabahang residente sa iba't ibang barangay.

LGU, Bumili ng Bagong Firetruck

Isang bagong firetruck ang dumating noong October 30. Ito ay binili ng LGU gamit ang sariling pondo, at nakatakdang i-turn over sa Bureau of Fire Protection bilang adisyunal na firetruck sa ating bayan.

Mga Bagong Pinuno, Nagtraining sa ICS at DRRM

Isang executive course sa Incident Command System at training sa Disaster Risk Reduction and Management ang isinagawa ng MDRRMO para sa mga bagong department head ng LGU at bagong barangay federation at SK officials. Dito, ang mga bagong pinuno ay binigyan ng mas malalim na kaalaman sa DRRM response sa tulong ng Office of Civil Defense Region I.

HONEST & EFFICIENT PUBLIC SERVANTS 

United Nations Month, Ipinagdiwang

Noong October 21, masayang ipinagdiwang ng LGU ang United Nations Month sa pamamagitan ng isang magarbong costume contest. Iniuwi ni MTICAO department head, Dr. Rafael Saygo, ang grand prize na P50,000 cash. Most dramatic entrance naman si Sammy Lomboy na nag-uwi ng P30,000 sa 2nd place, at third place si Lemuel Tamayo ng MTICAO na nakatanggap ng P20,000. Ang lahat ng premyo at consolation prize ay mula sa sariling bulsa ni Mayor Niña Jose-Quiambao.

Pangasinan League of Municipal Assessors Conference, Idinaos Dito

Noong September 6, ang buwanang kumperensiya ng Pangasinan League of Municipal Assessors ay ginanap sa Niña’s Cafe. Ang mga bisita ay mainit na winelcome ni OIC Municipal Assessor, Atty. Bayani Brillante Jr., at kanyang staff, kasama sina Mayor Niña Jose-Quiambao at SATOM, Dr. Cezar Quiambao.

Loteng Pagtatayuan ng BPC, Sinurvey ng Assessor

Noong September 11, ang Assessor's Office ay nagsagawa ng mga site validation o verification survey ng land area, pati na mga topographic survey, para sa panukalang lote na pagpapatayuan ng Bayambang Polytechnic College sa Brgy. Bical Norte.

- Planning and Development (MPDO)

- Legal Services (MLO)

Seminar ukol sa Katarungang Pambarangay, Isinagawa

Noong October 14, isang seminar tungkol sa Katarungang Pambarangay Law, DAR Land Use Conversion, at DA Certification for Reclassification of Agricultural Lands ang isinagawa ng Municipal Legal Office para sa mga barangay officials. Kabilang sa tinalakay ang responsibilidad ng mga barangay officials sa pagresolba ng mga alitan sa kanilang nasasakupan. Tinalakay din ang ukol sa DAR Land Use Conversion at DA Certification for Reclassification, na mga pangunahing requirement bago gamitin ang isang agricultural land para sa non-agricultural purposes. 

- ICT Services (ICTO)

Mga Observations, Tinalakay sa IQA Meeting

Isang closing meeting ang idinaos para sa Internal Quality Audit ng LGU noong October 21 sa Events Center. Tinalakay dito sa lahat ng departamento ang mga internal audit findings ng Internal Quality Audit Team, upang ang mga suggestions, observations, at non-conformities ay ma-address ng bawat departamento ayon sa ISO quality objectives ng LGU.

- Human Resource Management (HRMO)

- Transparency/Public Information (PIO)

- Property Custodial Services (GSO, Motorpool)

AWARDS AND RECOGNITIONS

RHU I, 2023 Highest Performing PhilHealth Konsulta Package Provider sa Pangasinan

Ang Rural Health Unit I ay pinarangalan ng Philippine Health Insurance Corp. o PhilHealth bilang “Highest Performing PhilHealth Konsulta Package Provider in Pangasinan for 2023,” sa Monarch Hotel, Calasiao, Pangasinan noong September 30. Nakamit ng RHU I ang naturang parangal dahil sa aktibong pagbibigay nito ng de-kalidad at abot-kayang health care goods at services sa mga outpatient gamit ang PhilHealth Konsultasyong Sulit Tama (Konsulta) package na mandato sa ilalim ng Universal Health Care Law. Ang parangal na ito ay personal na iginawad nina Governor Ramon Guico III at PhilHealth Regional Vice-President Dennis Adre, kasama ang iba pang PHIC Central officers.

LGU, Kinilala sa 4Ps Summit

Ang LGU-Bayambang ay dumalo sa 2024 4Ps Partnership Summit noong October 16 sa Dagupan City upang tanggapin ang pagkilala ng DSWD sa mga kontribusyon ng mga LGU at CSOs sa implementasyon ng 4Ps sa Rehiyon Uno. Kabilang sa mga kinilala ng DSWD ang pag-allocate ng LGU ng budget sa 2024 Annual Investment Plan nito para sa implementasyon ng 4Ps, ang inisyatibong 4Ps members' graduation, at ang suporta at commitment nito sa programa.

MNC, 2023 Green Banner Awardee Muli at CROWN Winner din!

Ang Bayambang Municipal Nutrition Committee ay muling naging Green Banner Awardee sa ikatlong magkakasunod na taon ng ebalwasyon, kaya ito ay naging contender sa unang pagkakataon sa CROWN Award o Consistent Regional Outstanding Winner in Nutrition ng National Nutrition Council Region I, at ito ay nanalo bilang CROWN winner ayon sa ebalwasyon ng Pangasinan Provincial Nutrition Team at NNC Region I.

LEGISLATIVE ENACTMENTS - (SB)

Municipal Budget at AIP for 2025, Aprubado ng SB

Inaprubahan ng Sangguniang Bayan ang municipal budget para sa taong 2025 na nagkakahalaga ng P651,673,168.26 at Annual Investment Program na P5,070,726,937.60, sa isinagawang Committee Hearing ng Sangguniang Bayan (SB) noong October 1 sa SB Session Hall. Sa pagdinig ay isa-isang dinipensahan ng mga LGU department heads ng executive branch, sa pangunguna ni Mayor Niña Jose-Quiambao, ang kani-kanilang naihandang 2025 budget. At base sa pagsusuri ng SB Committee on Finance, Budget, and Appropriations, ang mga budget na ito ay nakitang naaayon sa itinakda ng batas at sa nakabalangkas na budget sa Annual Investment Plan ng LGU.

Committee Hearing, Isinagawa para sa Application for Accreditation

Noong October 14, isang Committee Hearing ang isinagawa ng SB Committee on Transportation at Committee on People's Participation, para sa application for accreditation ng United TODA Federation of Bayambang, Inc. upang ang pederasyon ay makasali sa mga local special bodies ng LGU. Ang pagdinig ay pinangunahan ni Councilor Amory Junio.