MONDAY REPORT – OCTOBER 21, 2024

 

MONDAY REPORT – OCTOBER 21, 2024

 

[INTRO]

 

NEWSCASTER 1: Magandang Monday morning, Bayambang! Ako po si Mayor Niña Jose-Quiambao mula sa Mayor's Office.

 

NEWSCASTER 2: At ako naman po si Atty. Rodelynn Rajini S. Vidad mula sa Administrator's Office.

 

NEWSCASTER 1: Narito na ang buong puwersa ng LGU-Bayambang...

 

NEWSCASTER 2: Maghahatid sa inyo ng mga maiinit at napapanahong balita...

 

SABAY KAYO: Ito ang….BayambangueNews!

 

***

 

[SALITAN NA KAYO RITO]

 

Sa ulo ng nagbabagang balita:

 

1. Bagong PNP Provincial Director, Nag-courtesy Call

 

Pormal na ipinakilala ni PNP-Bayambang Chief kina Mayor Niña at Dr. Cezar Quiambao ang bagong Pangasinan Provincial Director ng pulisya na si Police Colonel Rollyfer J. Capoquian noong October 10. Ang pagbisita ay nagbukas ng daan sa ibayong pagpapatibay ng ugnayan sa pagitan ng bagong itinalagang Provincial Director at ng pamunuan ng bayan ng Bayambang.

 

 

2. ONGOING: Validation ng Nutrition Status ng mga Mag-aaral

 

Ang Nutrition Office ay nag-umpisa ng isang serye ng validation activity ukol sa nutritional status ng mga lokal na mag-aaral. Ito ay upang masigurong tama ang naitatalang timbang ng mga mag-aaral at walang nakakalusot na mga kaso ng wasting at stunting sa ating mga kabataan. Ang validation team ay nag-umpisang magvalidate noong October 11 sa Bayambang Central School katuwang ang dalawang DepEd Bayambang District Nurses.

 

 

3. M.C.D.O., Nakiisa sa Tree-Planting Activity

 

Ang Municipal Cooperative Development Office ay sumali sa isinagawang tree-planting activity sa Brgy. Managos ng Managos Farmers Agriculture Cooperative kasama ang Managos Elementary School Parents-Teachers Association at mga mag-aaral ng Managos ES. Ito ay bilang parte ng pagdiriwang ng Cooperative Month. Kabilang sa mga itinanim na punla ay mga puno ng lawaan, narra, at wild cherry.

 

 

4. Bayambang, Nakiisa sa Breast Cancer Awareness Month

 

Ang bayan ng Bayambang, kabilang ang LGU, Julius K. Quiambao Medical and Wellness Center, St. Vincent Ferrer Prayer Park, at Rotary Club of Bayambang, ay nakiisa sa isang nationwide Pink Lighting Activity ng Philippine College of Surgeons at Inner Wheel Clubs of the Philippines upang paigtingin ang kamalayaan ng lahat ukol sa breast cancer. Sa ika-anim ng gabi, sabay-sabay na sinindihan ng ICT at MTICAO ng pink na ilaw ang JKQ hospital, Prayer Park statue, at Municipal Hall.

 

 

5. SK, Nag-clean-up Drive sa BNHS

 

Noong October 11, pinangunahan ng Sangguniang Kabataan Federation ang isang clean-up drive sa Bayambang National High School, katuwang ang tatlong youth organizations na Yes-O Camp, BKD o Barkada Kontra Droga, at BNHS Supreme Secondary Learner Government. Sa sama-samang pagkilos, hindi lamang napaganda  ang paaralan, kundi napalakas din ang kamalayan ng mga estudyante sa kanilang tungkulin sa komunidad at pangangalaga sa kalikasan.

 

 

6. Mayor Niña, May Additional Cash Grant sa 2 Centenarians

 

Noong October 14, ang dalawang bagong centenarian mula sa Bayambang ay pinagkalooban ng P100,000 cash gift bawat isa mula sa sariling bulsa ni Mayor Niña. Ang cash gift ay tinanggap ng mga apo nina lolo Adriano Herrera ng Brgy. Pangdel at lola Magdalena Rico ng Brgy. Warding.

 

 

7. Mayor Niña, Namigay ng Grocery Packs sa Seniors

 

Sa araw ding iyon, naghandog si Mayor Niña ng mga grocery packages para sa lahat ng 77 Senior Citizens Federation presidents ng barangay. Ang dalawang aktibidad na nabanggit ay bahagi pa rin ng pagdiriwang ng Elderly Filipino Week.

 

 

8. Seminar ukol sa Katarungang Pambarangay, Isinagawa

 

Noong October 14, isang seminar tungkol sa Katarungang Pambarangay Law, DAR Land Use Conversion, at DA Certification for Reclassification of Agricultural Lands ang isinagawa ng Municipal Legal Office para sa mga barangay officials. Kabilang sa tinalakay ang responsibilidad ng mga barangay officials sa pagresolba ng mga alitan sa kanilang nasasakupan. Tinalakay din ang ukol sa DAR Land Use Conversion at DA Certification for Reclassification, na mga pangunahing requirement bago gamitin ang isang agricultural land para sa non-agricultural purposes.

 

 

9. Committee Hearing, Isinagawa para sa Application for Accreditation

 

Noong October 14, isang Committee Hearing ang isinagawa ng SB Committee on Transportation at Committee on People's Participation, para sa application for accreditation ng United TODA Federation of Bayambang, Inc. upang ang pederasyon ay makasali sa mga local special bodies ng LGU. Ang pagdinig ay pinangunahan ni Councilor Amory Junio.

 

 

10. Job Fair, May 157 Applicants

 

Isa sa namang job fair ang isinagawa ng PESO sa St. Vincent Ferrer Prayer Park noong October 15. Sila ay napag-attract ng 157 job applicants, kung saan 7 sa mga ito ang hired on the spot.  Mayroon namang sampung dumating na job recruiters, kabilang ang SM Hypermarket, One Document Corporation, at ulius K. Quiambao Medical and Wellness Center.

 

 

11. Mga Paghahanda sa UNDAS, Pinagpulungan

 

Noong October 16, pinagpulungan ng lahat ng departamento at ahensya ang mga gagawing paghahanda sa darating na Undas o All Saints’ Day celebrations na siguradong uuwian ng mga Bayambangueño mula sa iba’t ibang dako. Ito ay upang matiyak ang kaayusan at seguridad ng lahat sa nasabing okasyon.

 

 

12. Team-Building para sa OFW Children, Isinagawa ng OWWA

 

Ang Overseas Workers Welfare Administration ay nagsagawa ng isang team-building activity para sa mga anak ng OFW sa Bayambang. Dito ay matapang na hinarap ng mga kabataan ang mga hamon ng kanilang pagkawalay sa mga magulang na piniling makipagsapalaran sa ibang bansa. Ang mga aktibidad ay nakatulong sa mga kabataan sa pagharap sa iba't-ibang pagsubok habang malayo sa piling ng kanilang magulang.

 

 

13. School-based Immunization, Inumpisahan ng mga RHU

 

Noong mga nakaraang linggo, ang ating mga Rural Health Units ay nag-umpisa nang magsagawa ng school-based immunization (SBI) sa lahat ng mga paaralan. Kanilang naging target ang mga Grade 1 at Grade 7 students para sa booster dose ng measles, rubella, tetanus, at diphtheria, at Grade 4 o mga kababaihang edad 9 hanggang 14 para sa human papilloma virus (HPV) vaccine.

 

 

14. Julius K. Quiambao Medical & Wellness Center, Opisyal nang Binuksan

 

Ang Julius K. Quiambao Medical & Wellness Center ay opisyal nang binuksan noong Oktubre 18 sa Brgy. Ligue, sa pangunguna nina Dr. Cezar Quiambao at Mayor Niña at ng pamilya Quiambao. Naging panauhing pandangal si First Lady Liza Araneta-Marcos bilang kinatawan ni Presidente Ferdinand Marcos Jr. Ang nasabing ospital ay isang 112-bed-capacity tertiary hospital na may pitong palapag. Ito ay imamamage ng The Medical City Group at mayroong mga makabagong equipment gaya ng MRI, CT scan, at iba pa.

 

 

 

***

 

It's Trivia Time!

 

Happy United Nations Month! Ano nga ba ang United Nations o UN?

Ang United Nations ay isang pandaigdigang organisasyon na itinatag noong 1945 matapos ang World War II, upang magkaroon ng pandaigdigang kapayapaan at seguridad at kooperasyon sa pagitan ng mga bansa sa pagresolba sa mga economic, social, at humanitarian problems.  

 

Ang UN ay may orihinal na 51 member states, kung saan isa ang Pilipinas sa mga founding members. Sa kasalukuyan, ito ay binubuo ng 193 na kasaping bansa.

 

Alam niyo ba na isang Pilipino ang minsan ay naging Presidente ng United Nations General Assembly? Siya ay walang iba kundi si General Carlos P. Romulo. Yan ang OG na lodi!

 

Bakit nga ba ipinagdiriwang natin ang United Nations Day, lalo na sa mga paaralan? Ito ay dahil nais nating gunitain ang pagkakaisa ng lahat ng bansa sa pagtatapos ng World War II, at bilang pagdiriwang sa kapayapaang natamo ng mundo dahil sa pagkakatatag nito.

 

Sama-sama tayong manalangin upang, sa tulong ng UN, ay maresolba ang mga umiiral na alitan at giyera at ang lahat ng mga bansa ay laging nagkakaisa para mapanatili ang kapayapaan sa buong daigdig.

 

 

***

 

[OUTRO]

 

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

 

NEWSCASTER 2: Mga balitang may tatak Total Quality Service.

 

NEWSCASTER 1: Muli, ako po ang inyong lingkod, Mayor Niña Jose-Quiambao ng Mayor's Office.

 

NEWSCASTER 2: At Atty. Rodelynn Rajini S. Vidad mula sa Administrator's Office.

 

[SABAYANG BIGKAS]: At ito ang... Bayambangueñews!

 

***

 

Samantala, 68 days na lang… Pasko na!