MONDAY REPORT – OCTOBER 28, 2024

 

MONDAY REPORT – OCTOBER 28, 2024

 

[INTRO]

 

NEWSCASTER 1: Magandang Monday morning, Bayambang! Ako po si _____.

 

NEWSCASTER 2: At ako naman po si __________, at kami po ay mula sa Barangay Kagawad Association of Bayambang.

 

NEWSCASTER 1: Narito na ang buong puwersa ng LGU-Bayambang...

 

NEWSCASTER 2: Maghahatid sa inyo ng mga maiinit at napapanahong balita...

 

SABAY KAYO: Ito ang….BayambangueNews!

 

***

 

[SALITAN NA KAYO RITO]

 

Sa ulo ng nagbabagang balita:

 

 

1. MAC, Nagrelease ng Burial at Medical Assistance

 

Ang Mayor's Action Center (MAC), sa ilalim ng bagong pinuno nito na si Josie Estrada Niverba, ay nagpamahagi ng financial assistance sa 223 residente na nagrequest ng tulong mula sa LGU. Ang MAC, sa tulong ng Treasury, ay nakapagpamahagi ng kabuuang P241,000.00 na financial assistance mula sa kabuuang budget na P500,000 na nakalaan para sa nasabing layunin.

 

 

2. ESWMO, Lumahok sa Bureau of Soils Seminar

 

Ang ESWMO ay lumahok sa seminar ng Bureau of Soils and Water Management na pinamagatang "Enhancing Capabilities of Composting Facilities for Biodegradable Wastes Beneficiaries" noong October 15-17 sa Calasiao. Layunin ng training na mapabuti ang pagproseso ng ating mga biodegradable waste sa pamamagitan ng composting facility na isang grant ng ahensya sa LGU mga anim na taon na ang nakalilipas. Ang departamento ay nag-uwi ng mga soil test kits na bigay ng ahensya.

 

 

3. Cough Caravan, May 115 Clients Served

 

Isang Cough Caravan ang muling isinagawa sa harap ng Munipall Hall ng Philippine Business for Social Progress kasama ang District TB Coordinator ng Bayambang District Hospital at RHU Bayambang. May 115 total clients served sa nasabing aktibidad na naglalayong ma-screen ang mga pinaghihinalaang kaso ng TB o tuberculosis.

 

 

4. Farmers' Presidents, Pinulong ukol sa NFA Palay Procurement Program

 

Noong October 16, pinulong ng National Food Authority ang mga farmers' association presidents ng Bayambang upang iparating sa kanila ang tungkol sa Palay Procurement Program ng ahensya. Kabilang sa mga tinalakay ang palay procurement procedures ng NFA, palay quality specifications, payment schemes/procedures, at mode of delivery.

 

 

5. United Nations Month, Ipinagdiwang

 

Noong October 21, masayang ipinagdiwang ng LGU ang United Nations Month sa pamamagitan ng isang magarbong costume contest. Iniuwi ni MTICAO department head, Dr. Rafael Saygo, ang grand prize na P50,000 cash. Most dramatic entrance naman si Sammy Lomboy na nag-uwi ng P30,000 sa 2nd place, at third place si Lemuel Tamayo ng MTICAO na nakatanggap ng P20,000. Ang lahat ng premyo at consolation prize ay mula sa sariling bulsa ni Mayor Niña Jose-Quiambao.

 

 

6. Blood Drive sa Manambong Sur, May 24 Donors

 

Isang mobile blood donation ang isinagawa ng RHU II sa Manambong Sur Evacuation Center noong October 21, sa pakikipagtulungan ng Region I Medical Center. Ang aktibidad ay may 24 successful donors.

 

 

7. MDRRMC, Naghanda bunsod ng Bagyong “Kristine”

 

A.     Ang MDRRM Council, sa pangunguna ni Mayor Niña, ay kaagad nagsagawa ng Pre-Disaster Risk Assessment noong October 21 at 23 bunsod ng banta ng Bagyong "Kristine." Tinalakay dito ang trajectory at intensity forecast ng bagyo at nagpaalaala sa mga bagay na dapat gawin ng lahat upang maging ligtas at makaiwas sa sakuna.

 

B.     Kasabay nito, inihanda ng MDRRMC ang mga rescue vehicle at equipment, at nagmonitor sa tropical cyclone bulletin na inilalabas ng PAG-ASA at nagsagawa ng komunikasyon at koordinasyon sa mga barangay.

 

C.      Pinaalalahanan naman ng MTICAO sa social media ang lahat na maging handa sa posibleng maging epekto ng bagyo.

 

D.     Agad ding naka-antabay ang Quick Response Team sa mga nabahang residente sa iba't ibang barangay.

 

 

8. Mga Observations, Tinalakay sa IQA Meeting

 

Isang closing meeting ang idinaos para sa Internal Quality Audit ng LGU noong October 21 sa Events Center. Tinalakay dito sa lahat ng departamento ang mga internal audit findings ng Internal Quality Audit Team, upang ang mga suggestions, observations, at non-conformities ay ma-address ng bawat departamento ayon sa ISO quality objectives ng LGU.

 

 

9. 192 PWDs, Ini-screen para sa TUPAD Program

 

Ang PESO-Bayambang, kasama ng Department of Labor and Employment (DOLE), ay nagsagawa ng isa na namang profiling activity para sa may 192 na PWDs na bagong batch na target beneficiaries ng TUPAD o Tulong Panghanapbuhay para sa Ating Distressed/Disadvantaged Workers ng DOLE. Ang profiling activity ay ginanap noong October 22 sa Events Center.

 

 

10. Local Health Board, Tinalakay ang Iba't Ibang Health Programs

 

Sa latest meeting ng Local Health Board ng Bayambang, noong October 22, tinalakay ang iba't ibang health concerns gaya ng HIV at Animal Bite Treament Center updates, hazardous waste temporary holding area, ang Oral Health Month celebration para sa taong 2025, health budget para sa taong 2025, at ang E-Konsulta at G-Konsulta ng DOH.

 

 

11. RHU ng LGU-Rizal, Laguna, Bumisita

 

Ang Rural Health Unit ng Rizal, Laguna ay nag-Lakbay Aral sa Rural Health Unit I October 23. Ang 30-katao na mga bisita ay pinangunahan ni LGU-Rizal Municipal Health Officer, Dr. Sam Cirillo. Sila ay winelcome ni Municipal Health Officer, Dr. Paz Vallo.

 

 

12. RHU Staff, Nag-refresher Course sa Basic Life Support

 

Ang mga staff ng RHU II at RHU III ay nag-renew ng kanilang training sa Basic Life Support sa Red Cross noong October 23-25, 2024 sa Bayambang Polytechnic College. (RSO; RHU 2)

 

 

13. LGU, Kinilala sa 4Ps Summit

 

Ang LGU-Bayambang ay dumalo sa 2024 4Ps Partnership Summit noong October 16 sa Dagupan City upang tanggapin ang pagkilala ng DSWD sa mga kontribusyon ng mga LGU at CSOs sa implementasyon ng 4Ps sa Rehiyon Uno. Kabilang sa mga kinilala ng DSWD ang pag-allocate ng LGU ng budget sa 2024 Annual Investment Plan nito para sa implementasyon ng 4Ps, ang inisyatibong 4Ps members' graduation, at ang suporta at commitment nito sa programa.

 

 

***

 

It's Trivia Time!

 

Alam niyo ba na may kabuuang 539 na kagawad ng barangay sa bayan ng Bayambang?

 

At bawat barangay ay may tinatawag na purok kagawad na kung saan ang bawat isa ay may hinahawakang committee: • ang Committee on Appropriation; • Education; • Health; • Children, Women, and Family; • Barangay Affairs; • Peace and Order; • Agriculture; • Infrastructure; at • Environmental Protection.

 

Maaari nilang isagawa ang gawaing lehislatibo tulad ng:

 

• Magmungkahi at magpatibay ng mga ordinansa at resolusyon para sa kaunlaran, kaayusan, at kagalingan ng barangay at ng mga naninirahan dito

• Makilahok sa mga talakayan sa oras ng sesyon

• Magsagawa ng mga pamamaraan para siguruhin ang paghahatid ng mga pangunahing serbisyo (basic services)

• Bumoto para sa pagsang-ayon o 'di pagsang-ayon sa mga panukalang ordinansa at resolusyon

• Tumulong sa Punong Barangay sa pagsasagawa ng kanyang mga tungkulin

• Gumanap bilang tagapamayapa sa pagpapanatili ng kaayusan at kaligtasang pampubliko

• Ganapan ang iba pang tungkuling maaaring itakda ng Punong Barangay alinsunod sa batas

 

At alam ba ninyo na ang Bayambang Barangay Kagawad Association of Pangasinan Inc., o mas kilala bilang BBKAPI, ay mayroon nang bagong pangalan. Mula sa BBKAPI, ito ay opisyal nang nakarehistro bilang Samahan ng Barangay Kagawad sa Balon Bayambang Pangasinan Inc. sa Securities and Exchange Commission (SEC).

 

Ang pagbabagong ito ay bahagi ng ating pagsusumikap na maging mas pormal at organisado ang samahan para sa ikabubuti ng bayan.

 

 

***

 

[OUTRO]

 

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

 

NEWSCASTER 2: Mga balitang may tatak Total Quality Service.

 

NEWSCASTER 1: Muli, ako po ang inyong lingkod, ______.

 

NEWSCASTER 2: At _________, mula sa Barangay Kagawad Association of Bayambang.

 

[SABAYANG BIGKAS]: At ito ang... Bayambangueñews!

 

***

 

Samantala, 58 days na lang… Pasko na!