Monday Report - August 10, 2026

Monday Report - August 10, 2026

 

[Observe proper volume, speed, and diction, and don't forget to smile.]

 

[INTRO]

 

NEWSCASTER 1: Isang masaya at produktibong umaga, Bayambang! Ako po si ___, mula sa ________ Office.

 

NEWSCASTER 2: At ako naman po si ____, mula rin sa _____ Office. Handog namin ang mga balitang sumasalamin sa bayang progresibo.

 

NEWSCASTER 1: Sama-sama nating sulyapan ang mga kwentong nagpapakita ng malasakit at aksyon.

 

NEWSCASTER 2: Ito ang inyong lingguhang ka-partner sa impormasyon.

 

SABAY: Ito ang... BayambangueNews!

 

***

 

[SALITAN NA KAYO RITO]

 

 

1. SPES Beneficiaries, Tumanggap ng Sahod

 

Tumanggap na ng kanilang sahod ang dalawang batch ng mga benepisyaryo ng Special Program for the Employment of Students (SPES). May 25 na kwalipikadong estudyante ang nakatanggap ng kabayarang nagkakahalaga ng P287,615 mula sa DOLE at LGU. Sa programang ito, ang mga kapus-palad na mag-aaral ay natutulungang ituloy ang pag-aaral habang nagbibigay ng karanasan sa trabaho.

 

(Verna: There are 2 sets of photos for this.)

 

 

2. Local Recruitment Activity, Nagbunga ng 12 HOTS

 

Noong July 21, ang PESO at Staff Search Asia Service Cooperative ay nagsagawa ng isang Local Recruitment Activity. Sa 42 na dumating na aplikante, 12 ang agad natanggap o “Hired-on-the-Spot.”  Ang aktibidad ay matagumpay na nakapag-lapit ng oportunidad sa trabaho sa komunidad at nakakatipid sa oras at gastusin ng mga aplikante sa tiyak na ligtas na paraan.

 

 

3. Mga Napulot na Gamit, Kaagad Naibalik sa mga May-ari

 

Naibalik sa nararapat na mga may-ari ang mga cell phone, cash, at pitakang naglalaman ng mahahalagang bagay matapos ang mga ito ay mapulot ng mga kawani ng BPSO, TFD, at SEE sa magkakaibang lugar sa kanilang nasasakupan. Ang mga napulot na gamit at cash ay agad isinuko sa kani-kanilang tanggapan upang mabilis ding makontak ang mga may-ari nito. Kaya naman mabilis ding na-claim ang mga ito sa maagap na aksyon ng mga kawani at opisyal.

 

(Verna: There are 4 sets of photos for this.)

 

 

4. Price Monitoring sa Public Market, Isinasagawa!

 

Ang Office of the Special Economic Enterprise ay nagsasagawa ng isang serye ng monitoring sa presyo ng mga pangunahing bilihin sa ating pampublikong merkado, kabilang ang Bagsakan area, upang mabigyang gabay ang ating mga mamimili. Kabilang sa mga namonitor ay gulay, karne, isda, at iba pang pang-araw-araw na pangangailangan, at ang mga presyo ay nakapost sa kanilang Facebook page. Ang aktibidad ay makakatulong sa mas maayos na pagpaplano ng pamimili at paggastos ng bawat mamimili.

 

 

5. Weighing Scale Calibration, Muling Isinagawa

 

Isang mandatory calibration activity para sa mga timbangan sa palengke ang muling isinagawa ng SEE bilang bahagi ng patuloy na pagsisikap ng LGU na matiyak ang tamang sukat at patas na kalakalan sa ating pampublikong pamilihan. Salamat sa lahat ng vendors na nakiisa upang pangalagaan ang kapakanan ng mga mamimili at pagsulong ng matapat na kalakalan.

 

 

6. Bagsakan at Ambulant Vendors, Ginabayan sa Pagkuha ng Special Permit

 

Ilang makakahiwalay na orientation activities ang isinagawa para sa mga Bagsakan vendor, mga iba't ibang rumurondang street food vendor, at iba pang ambulant vendors upang idetalye ang proseso ng pagkuha ng Special Permit, upang legal na makapagnegosyo sa loob ng Bagsakan at maging sa loob at labas ng Public Market. Ang orientation ay pinangunahan ng BPLO katuwang ang SEE, RHU, at ESWMO, na siyang tumalakay sa mga kinakailangang dokumento at proseso, at pagsunod sa mga umiiral na patakaran.

 

 

7. GCash, Nagdonate ng Tarp Signages, Timbangan ng Bayan, at Tent sa Public Market

 

Ang GCash ay nagkaloob ng tarpaulin signages, Timbangan ng Bayan, at tent para sa Bayambang Public Market. Nagpapasalamat ang SEE sa GCash sa kanilang suporta sa pagpapaunlad ng ating Pamilihang Bayan.

 

 

8. Zumba Sessions, Nagpapalakas ng Samahan sa Public Market

 

Ang ating Public Market ay nagsasagawa ng Zumba activity na dinadaluhan ng mga kawani ng SEE kasama ang ating mga market vendors. Ito ay humihikayat sa lahat na maging aktibo, mapanatili ang mabuting kalusugan, at higit pang mapalakas ang samahan sa loob ng pamilihan bayan.

 

 

9. MAFC, Naghalal ng mga Bagong Pinuno

 

Sa buwanang pulong noong August 5 ng mga Pangulo ng Farmers' Associations ng Bayambang sa pag-oorganisa ng Agriculture Office, tinalakay ang mga mahahalagang programa at mga pinakahuling update sa sektor ng agrikultura, kabilang ang pagtatanim ng palay, pagpaparehistro ng mga organisasyon at makinaryang pang-agrikultura, at iba pang inisyatiba. Kasabay nito ay ang paghalal ng mga bagong pinuno ng MAFC o Municipal Agriculture and Fishery Council, kung saan iniluklok na bagong presidente si G. Manuel Chua.

 

 

10. Pinakabagong Vulnerability and Risk Assessment sa Lahat ng Barangay, Iprinisenta ng DENR

 

Noong August 5, ang Mines and Geosciences Bureau ng DENR ay nagpresenta ng Pinakabagong Vulnerability and Risk Assessment sa Lahat ng Barangay at Updated Susceptibility Maps sa pakikipagtulungan ng MDRRMO, MPDO, at DILG. Inilahad dito ang detalyadong impormasyon tungkol sa mga hazard, exposure levels, at high-risk areas sa bawat barangay. Sa pamamagitan nito, mabibigyan ang mga lokal na opisyal ng mas tumpak na batayan sa pagpaplano, pag-update ng Barangay Disaster Risk Reduction and Management (BDRRM) Plans, at pagpapatupad ng mga programang magpapalakas sa kahandaan ng komunidad laban sa sakuna.

 

11. 634 na 4Ps Members, Nagtapos at Nag-exit sa Programa

 

May 634 na miyembro ng 4Ps ang nagsipagtapos at kusang nag-exit sa programa, sa isang seremonyang ginanap noong August 6, sa pag-oorganisa ng DSWD. Sa okasyong ito, iprinisenta ang 4Ps Sustainability Plan ng MSWDO upang masiguro ang tuluy-tuloy na pag-angat ng mga benepisyaryo. Ang mga bagong batch ng graduates ay mainit na binati ni Mayor Nina at ng mga iba pang opisyal ng LGU.

 

 

 

[OUTRO]

 

NEWSCASTER 1: Dito sa Bayambang, bawat proyekto ay may layuning makapaglingkod nang tapat at may puso.

 

NEWSCASTER 2: At sa likod ng bawat kwento ay ang tagumpay nating lahat bilang isang komunidad.

 

NEWSCASTER 1: Ako pong muli si _____, kasama sa paglalahad ng mga kaganapan sa ating bayan.

 

NEWSCASTER 2: At ako si _____, at kami po ay mula sa ______ Office. Magsama-sama tayong muli sa susunod na ulat!

 

SABAY: Ito ang… BayambangueNews!