BAYAMBANG, DAPAT ALAM MO! – August 3, 2026 - Labag sa Batas ang Bombs Jokes

 

BAYAMBANG, DAPAT ALAM MO! – August 3, 2026

(Estimated runtime: 2 minutes and 45 seconds)

 

(Kuya Ngen Intro)

 

Bayambang, dapat alam mo!

 

May mga biro na nakakatawa. May mga biro na corny. At meron ding mga biro na… pwede kang makasuhan. Oo, hindi ako nagbibiro.

 

Laganap ngayon ang mga linyang,

 

“May bomba riyan!”

“May iniwan akong bomba sa bag!”

“Bombahin ko ’yan!”

 

Tapos sasabihin, “Joke lang!” Engkkk! Maliii! Kasi hindi lahat ng joke ay harmless. At lalong hindi nakakatawa ang bomb joke.

 

Bayambang, dapat alam mo na may batas laban dito. Ito ang Presidential Decree No. 1727 o mas kilala bilang Anti-Bomb Joke Law, kung saan ipinagbabawal nito ang pagpapakalat ng maling impormasyon o pagbibiro tungkol sa bomba o anumang eksplosibo na maaaring magdulot ng takot, alarma, o kaguluhan sa publiko.

 

Kahit sabihin mo pang: “Prank lang naman,” o “Content lang,” o “Trip lang,”

 

Kapag naparesponde ang mga awtoridad o nagdulot ng takot sa publiko, maaari kang managot sa batas.

 

Isipin mo ito. Isang biro lang ang sinabi mo, pero maaaring mapatigil ang biyahe ng toda, maantala ang kita ng mga karinderya, ma-evacuate ang mga estudyante, o mapakilos ang mga pulis, bumbero, at rescue personnel. Hindi lang oras ang nasasayang—pati pondo ng gobyerno at lakas ng ating mga first responders.

 

At habang abala sila sa isang pekeng alarma, paano kung may totoong sunog? May aksidente? May taong nangangailangan ng agarang tulong?

 

Kaya tandaan, ang bomb joke ay hindi simpleng biro. Maaari itong maglagay sa panganib ng buhay ng ibang tao.

 

Pero don’t worry, Bayambang kasi dito sa ating bayan, walang puwang ang ganitong mga biro. Mahigpit ang pagpapatupad ng batas at patuloy ang pagbabantay ng ating Bayambang Municipal Police Station, BPSO, TFD kasama ang iba pang law enforcement at emergency response agencies, upang mapanatili ang kaayusan at kaligtasan ng bawat Bayambangueno.

 

Bahagi ito ng patuloy na pagsisikap at pagtitiyak ni Mayor Niña na ang bawat Bayambangueño ay ligtas. Sa paaralan, lansangan, o sa anumang pampublikong lugar.

 

At ngayong uso na ang social media, mas lalo tayong dapat maging maingat. Isang post, isang comment, isang chat, o isang voice message lang, puwedeng makarating agad sa mga awtoridad. Tandaan, ang digital footprint ay hindi basta-basta nabubura.

 

Kaya Bayambang, bago ka magbiro, mag-post, o gumawa ng content, itanong mo muna sa sarili mo: Nakakatawa ba talaga ito, o makakaperwisyo lang sa iba? Dahil ang tunay na joke ay hindi dapat nagdudulot ng takot.

 

Bayambang, ang lahat ng ito ay Dapat Alam Mo!

 

Muli ako si Kuya Ngen na nagsasabing: