LGU ACCOMPLISHMENTS - November 2025

 

EVENTS COVERED   1. Kabataang Bayambangueña, Wagi sa Global IT Challenge! 2. Mga Panibagong Tulong Pang-Edukasyon, Tinalakay 3. Barangay Officials sa QC, Nag-benchmarking sa MRF 4. Undas 2025, Naging Maayos at Ligtas 5. Mayor Niña, Naghandog ng Portable Canopies 6. Mayor Niña, Nagpamigay ng Libreng Lugaw 7. Unang Batch ng BNHS WIP Students, Tinanggap ng LGU 8. Search for Outstanding Barangay Nutrition Committee, Ikinasa 9. Mayor Niña, Binuksan ang 33rd National Children’s Month 10. Mayor Niña, Nagkaloob ng Motorsiklo sa BFP 11. LGU at GCash, Lumagda sa MOA para sa Community Service Card 12. Eight Care Medical Supplies, Nagkaloob ng Assistive Devices 13. Clearing Operations, Tinalakay ng TFD 14. Supplemental AIP, Inaprubahan sa MDC Meeting 15. Safe and Conducive Workplace Seminar, Isinagawa 16. ONGOING: School-Based Immunization 17. Feeding Angels, May Anniversary Feeding Activity 18. Malawakang Clearing Operation, Isinagawa 19. Aktibidad para sa mga “Ausome Kids,” Isinagawa 20. Bayambang, Nakiisa sa 4th Quarter NSED 21.  Buklat Aklat, Nagtungo sa Nalsian ES 22. Bagong Uniporme ng TODA Members, Muling Ipinamahagi 23. Mga Proyektong Magpapayabong sa Wikang Pangasinan at Filipino, Ikinasa 24. Orientation on Adoption and Alternative Child Care, Isinagawa 25. 2024 CBMS Data mula PSA, Pormal na Tinanggap ng LGU 26. FPJ Panday Bayanihan Party List, Nagbigay ng Tulong Pinansyal 27. Bayambang, Contender sa 1st Year CROWN Maintenance Award 28. Mayor Niña, Nanguna sa PDRA para sa Bagyong "Uwan" 29. Dr. Quiambao, Most Notable Stakeholder ng DepEd-R1 SDO I Pangasinan! 30. Mayor Niña, Namahagi ng Hot Meals at Food Packs sa Evacuees 31. Libreng Charging Stations, Agad Inihanda! 32. Clearing Operations, Naging Puspusan 33. Mga Kawani at Kagamitan ng Munisipyo, Ipinahiram sa CENPELCO 34. Breastfeeding at Complementary Feeding, Tampok sa Forum 35. Supplementary Feeding Program, Matagumpay na Naipatupad 36. Pinoy Workers Partylist, Nagbigay ng Food Assistance sa Transport Sector 37. BPC, Sumabak sa Capacity Development Training 38. QR Payments, Tricycle Schemes, at Business Permit Reforms, Tinalakay sa Public Hearing 39. Mayor NJQ at Sir CTQ, May Birthday at Anniversary Treat! 40. Search for Outstanding School in Nutrition Program Management, Isinagawa 41. Calibration Activity sa Bagsakan, Isinagawa 42. BPSO Enforcer, Nagsauli ng Napulot na Cell Phone 43. LCRO, Dinala ang Info Drive sa Telbang 44. Job Fair, May 21 Hired on the Spot 45. PWD Federation, Nagseminar ukol sa Kooperatiba 46. Sanitasyon at Iba pang Isyu, Tinalakay ng Local Health Board 47. TODA Members, Nagseminar sa Road Safety Act 48. Financial Literacy Orientation, Isinagawa 49. Pagsasanay sa Katarungang Pambarangay Documentation, Pinaigting 50. "Bright Smiles, Bright Futures" Project, Dinala sa ANCOP Ville 51. BPRAT Cluster Meetings, Tinalakay ang 4th Quarter Accomplishments 52. Training laban sa Acute Child Malnutrition, Isinagawa 53. Bayambang Christmas Bazaar 2025, Nagbukas Na! 54. National Children’s Festival, Naging Makulay! 55. Diskusyong Legal, Inihatid ng Legal Office sa mga Bayambangueño 56. Project NIÑA, Inilunsad para sa ALS Learners 57. Mayor Nina, Pinulong ang mga Kapitan 58. Mga Farmers’ President, Pinulong 59. Buklat Aklat, Dinala sa Bongato East 60. KSB Year 8, Dinala sa Sapang 61. Bayambang, Nagliwanag sa Ceremonial Christmas Lighting 62. Bayambang, Ginawaran ng Seal of Protection Award 63.  State of the Children’s Address, Matagumpay na Inilahad 64. Earthquake PPEs, Ipinamahagi sa mga Mag-aaral 65. DMW Desk, Binuksan para sa OFWs 66. Potential Investors, Dumalo sa Tuupan Business Forum 67. Obra ng Local Designer, Tampok sa Magana Fashion Show 68. Local Singers, Nagtunggali sa HimigSikan 69. Nutrition Office, May Bagong Tanggapan 70. Task Force Disiplina, Nagpulong 71. Mga Kapitan, Pinulong ukol sa Waste Management 72. Mga Fisherfolk, Nagtraining sa Hito Production 73. Iba pang BPRAT Clusters, Tinalakay ang 4Q Accomplishments 74. LCR, Nagbigay ng Seminar sa mga Medical Personnel 75. 14. Illegal Wiring sa Public Market, Binaklas! 76. Local Youth Development Council, Nagpulong 77. School Focal Persons sa Kalusugan at Nutrisyon, Nag-training 78. Blue Sky, Pinasinayaan ng Pamilya Quiambao-Jose 79. SATOM CTQ, Top 1 Stakeholder Awardee ng DepEd Pangasinan I 80. DSWD Municipal Operations Office, Umani ng Sari-saring Award 81. Bayambang, Z.O.D.-Certified Municipality 82. LGU-Bayambang, Pinarangalan ng PhilRice 83. LGU-Bayambang, 3rd Best Performing LGU in Region I in Fiscal Management 84. House Bill 127, Aprobado na sa Committee Hearing 85. Rotary Club of Bayambang at RC Quezon City, Tinalakay ang Planong Partnership sa LGU           SUMMARY OF LGU ACCOMPLISHMENTS IN S.O.M.A. FORMAT   EDUCATION FOR ALL   - (LSB, Library, DepEd)   Kabataang Bayambangueña, Wagi sa Global IT Challenge!   Isang kabataang Bayambangueña, na si Lina A. Junio ng Bayambang National High School, ang kabilang sa mga nagwagi sa Global IT Challenge for Youth with Disability 2025 sa Ulsan, South Korea, kasama ang ibang delegado ng Pilipinas. Sinagot ng LGU-Bayambang ang gastusin ng koponan sa pamamagitan ng PDAO fund.     Mga Panibagong Tulong Pang-Edukasyon, Tinalakay   Sa isinagawang Local School Board Meeting, tinalakay ang P1.37M savings na gagamitin bilang supplemental budget para sa 60 printers para sa lahat ng paaralan at limang laptop, dalawang 75-inch smart TV, coupon bond para sa lahat ng teachers, SPED comfort room sa Bayambang Central School, at konstruksyon sa Malioer Elementary School.   Buklat Aklat, Nagtungo sa Nalsian ES   Ang literacy project ni Mayor Niña na "Buklat Aklat” ay nagpatuloy sa Nalsian Elementary School noong November 7, kung saan ang mga mag-aaral ay nakilahok sa isang book reading session upang mahasa ang kanilang reading skills at hindi mapag-iwanan sa edukasyon. Naging guest storyteller si Councilor Rhyan de Vera kasama ang LYDO, SK Federation, MNAO, BPRAT, at Task Force Disiplina.     Mga Proyektong Magpapayabong sa Wikang Pangasinan at Filipino, Ikinasa   Ang mga guro mula sa Departamento ng mga Wika ng PSU-Bayambang ay nakipagpulong kay Dr. Rafael Saygo ng MTICAO upang talakayin ang mga proyektong magpapalakas sa paggamit at pag-aaral ng wikang Pangasinan at Filipino. Tinalakay sa pulong ang kahalagahan ng ortograpiya bilang susi sa pagpapanatili ng kultura at pagkakakilanlan, at pinag-usapan din ang planong mga seminar, pagsasanay, at extension activities na naaangkop para rito.   BPC, Sumabak sa Capacity Development Training Ang Bayambang Polytechnic College (BPC) ay matagumpay na sumailalim sa isang 4-Day Institutional Capacity Building and Development Training noong November 11–14, sa layuning palakasin ang kakayahan ng mga kawani at guro tungo sa pagkamit ng recognition mula sa CHED at sa pagsulong ng makabagong inobasyon sa agrikultura. Tampok sa aktibidad ang presentasyon ng BPC Roadmap ni BPC President, Dr. Rafael Saygo, at ang talumpati ng founder nito na si Dr. Cezar Quiambao. Pinangunahan naman ni Mayor Nina ang Pledge of Commitment bilang simbolo ng kolektibong pangako ng institusyon sa patuloy na pagpapaunlad at kahusayan. Project NIÑA, Inilunsad para sa ALS Learners Inilunsad ng LGU Bayambang katuwang ang DepEd Bureau of Alternative Education ang Project NIÑA, isang tatlong-araw na livelihood skills training para sa mga ALS learners mula November 19 to 21. Ito ay upang palakasin ang kaalaman at kasanayan ng mga mag-aaral sa paggawa ng mga produktong maaaring pagkakitaan, bilang suporta sa adbokasiya ni Mayor Niña na palawakin ang edukasyon sa labas ng tradisyunal na paaralan. Iinaasahang maghahatid ang Project NIÑA ng mas magandang oportunidad sa kabuhayan para sa ALS learners ng Bayambang. Buklat Aklat, Dinala sa Bongato East Ang literacy project na "Buklat Aklat” ni Mayor Niña ay nagpatuloy sa Bongato East Elementary School noong November 20 upang bigyan ng pagkakataon ang mga mag-aaral doon na makaranas ng book reading at reading tutorial sessions at mahasa ang kanilang reading skills at hindi mapag-iwanan sa edukasyon. Mismong si Mayor Niña ang naging guest storyteller kasama ang LYDO, SK Federation, MNAO, BPRAT, at Task Force Disiplina.     HEALTH FOR ALL   - Health (RHUs)   ONGOING: School-Based Immunization   Kasalukuyang isinasagawa ng RHU ang isang school-based immunization activity sa lahat ng paaralan upang maprotektahan ang mga mag-aaral laban sa tigdas, tetanus, diphtheria, at cervical cancer. Binabakunahan ang mga Grade 1, Grade 7, at mga babaeng edad 9 to 11, at kabilang dito ang pagbibigay ng measles booster dose. Ang immunization ay mabisang proteksyon ng mga mag-aaral laban sa mga mapanganib na karamdaman.   Sanitasyon at Iba pang Isyu, Tinalakay ng Local Health Board Ang Local Health Board ay nagpulong noong November 17 upang pagtuunan ang mas mahigpit na sanitation measures at pagpapahusay ng serbisyong pangkalusugan sa pagpasok ng taong 2026. Tinalakay sa pagpupulong ang pagpapatuloy ng sanitation inspections, pagpapatibay ng Sanitation Standard Rating Sticker para sa mga negosyo, at pag-update ng mga requirements para sa sanitary permit. "Bright Smiles, Bright Futures" Project, Dinala sa ANCOP Ville Naghatid ang RHU Bayambang at MSWDO ng oral health services sa 55 na batang residente ng ANCOP Ville bilang bahagi ng National Children’s Month. Kasama sa mga serbisyo ang dental lectures, toothbrushing drill, sealant at fluoride application, at dagdag kaalaman mula sa Yakult Philippines. Nagbigay rin ng laruan at damit ang PDA-Pangasinan na nagpasaya sa mga bata sa naturang okasyon. Training laban sa Acute Child Malnutrition, Isinagawa Sumailalim ang health at nutrition workers ng Bayambang sa Philippine Integrated Management of Acute Malnutrition (PIMAM) training upang mapalakas ang kanilang kakayahan sa pagtukoy at paggamot ng severe acute malnutrition. Bahagi rin ng layunin ang pag-avail ng LGU sa PhilHealth package para sa severely malnourished children. Pinangunahan ng iba’t ibang eksperto mula sa LGU-Alaminos, PhilHealth, at iba pang medical field ang serye ng talakayan. KSB Year 8, Dinala sa Sapang Ang Komprehensibong Serbisyo sa Bayan Year 8 ay dinala noong November 20 sa Sapang Covered Court upang pagsilbihan naman ang mga residente sa magkakalapit na barangay sa lugar. Sa pangangasiwa ni Dr. Roland Agbuya, daan-daang muli ang nag-avail ng mga libreng serbisyong medical at non-medical services mula sa Munisipyo, kaya’t siguradong malaking ginhawa at katipiran ito sa mga residente roon.   - Nutrition (MNAO)   Search for Outstanding Barangay Nutrition Committee, Ikinasa   Idinaos ng Municipal Nutrition Committee ang Search for Outstanding Barangay Nutrition Committee noong Novembre 3 at 4 para sa pitong piling barangay. Sinuri ang mga kalahok base sa kanilang implementasyon ng nutrition programs at best practices sa pangangalaga sa kalusugan ng mamamayan. Ang tatanghaling kampeon ay tatanggap ng mga cash prize, plake, at sertipiko.     Feeding Angels, May Anniversary Feeding Activity   Noong November 5, nagsagawa ng espesyal na feeding activity ang Feeding Angels of Bayambang bilang bahagi ng pagdiriwang ng kanilang unang anibersaryo. Pitong undernourished na bata, 43 na indigent na benepisyaryo, at isang buntis mula sa Brgy. Cadre Site ang nabigyan ng tulong sa aktibidad na isinagawa sa pakikipag-ugnayan sa Nutrition Office. Ito ay pagpapakita ng grupo ng kanilang patuloy na malasakit sa kalusugan at nutrisyon ng mga kapwa Bayambangueño.   Breastfeeding at Complementary Feeding, Tampok sa Forum Noong November 5, isinagawa ng Nutrition Office ang isang forum ukol sa kahalagahan ng tamang pagpapasuso at complementary feeding. Tinalakay ng mga tagapagsalita mula sa RHU III ang nutrisyon sa unang isanglibong araw ng sanggol at nagbigay ng praktikal na kaalaman sa maayos na proseso ng pagpapakain ng bagong panganak na supling. Dinaluhan ito ng mga magulang, health workers, at lactating mothers.   Search for Outstanding School in Nutrition Program Management, Isinagawa Sinuri ng Municipal Nutrition Committee ang anim na piling pampublikong paaralan upang hanapin ang natatanging implementer ng nutrition program management sa bayan ng Bayambang. Sinuri ng team ang iba’t ibang aspeto tulad ng canteen management, Gulayan sa Paaralan, water sanitation, feeding program, nutritional status, at innovations. Nakatakdang ianunsyo ang nanalong paaralan matapos ang validation.   Nutrition Office, May Bagong Tanggapan Noong November 25, binuksan ang bagong Nutrition Office sa ground floor ng MSWDO Building sa Magsaysay Street. Ito ay magsisilbing mas maayos at accessible na tanggapan para sa nutrition programs ng ating bayan. Ang kanilang lumang opisina ay magsisilbing extension office ng Bids and Awards Committee.   School Focal Persons sa Kalusugan at Nutrisyon, Nag-training Sumailalim sa isang reinforcement training ang 50 School Focal Persons sa Kalusugan at Nutrisyon mula sa mga pampublikong elementarya sa Bayambang sa programang pinangunahan ng Nutrition Office noong November 27 sa MSWDO Building. Tinalakay sa pagsasanay ang mga paksang pangkalusugan, annual school monitoring, water hygience guidelines, at hydroponics/school gulayan standards. Dahil dito, higit na napalakas ang implementasyon ng mga programang pangkalusugan at pangnutrisyon sa mga paaralan para sa kapakanan ng mga mag-aaral.     - Veterinary Services (Mun. Vet.)   – Slaughterhouse      PROTECTION OF WOMEN AND CHILDREN   - Social Services (MSWDO, MAC)   Mayor Niña, Nagpamigay ng Libreng Lugaw   Namahagi rin si Mayor Niña ng libreng lugaw sa mga bumibisita sa mga sementeryo upang magbigay-ginhawa at iparamdam ang malasakit sa mga pamilyang nag-alay ng oras sa naturang okasyon. Nagpasalamat ang mga residente sa naturang handog na pamatid-gutom sa gitna ng abalang paggunita sa mga namayapa.   Mayor Niña, Binuksan ang 33rd National Children’s Month   Pormal na binuksan ni Mayor Niña ang pagdiriwang ng 33rd National Children’s Month noong Nobyembre 3. Tampok sa programa ang pag-emcee at pagiging news anchor ng mga Little Mr. and Ms. Bayambang, sabayang pagsayaw, at sabayang pagbigkas ng Panatang Makabata.   Eight Care Medical Supplies, Nagkaloob ng Assistive Devices   Malugod na tinanggap ng LGU ang ilang assistive devices o mobility aids na donasyon ng isang kaanak ni former LGBTQI Federation President Sammy Lomboy sa mga PWD at senior citizens. Kabilang sa mga donasyon ni G. Morris F. Camorongan ng Eight Care Medical Supplies Manila ang wheelchair, quad cane, at crutch. Mayroon ding kasamang 40 boxes ng face mask.   Aktibidad para sa mga “Ausome Kids,” Isinagawa   Bilang parte ng 22nd ADHD Awareness Week, ang Rural Health Unit (RHU) ay nagbigay ng mga lecture sa mga tagapangalaga ng mga batang may autism o ADHD at ASD sa Buayaen SPED upang palawakin ang kaalaman ng mga carers hinggil sa tamang pangangalaga, nutrisyon, at oral health ng mga naturang bata. Nagbigay-saya naman ang Yakult Company sa pamamagitan ng libreng inumin at mascot interaction sa 45 na kalahok sa aktibidad.   Orientation on Adoption and Alternative Child Care, Isinagawa   Isang “Orientation on Adoption and Alternative Child Care Programs” ang isinagawa ng MSWDO noong November 7, sa layuning ipaliwanag ang mga batas at proseso ng pag-aampon at alternatibong child care upang mabigyan ng bagong pag-asa ang mga batang walang magulang o tagapag-alaga. Ito ay bilang bahagi ng adbokasiya ng MSWDO sa pagtataguyod ng mga karapatang pambata.   FPJ Panday Bayanihan Party List, Nagbigay ng Tulong Pinansyal   Noong November 7, ang FPJ Panday Bayanihan Party List ay nagbigay ng tulong pinansyal sa mga CVO ng Bayambang at mga karatig-bayan para suportahan ang mga pamilyang may mababang kita. Ginanap ang pamamahagi ng cash grant sa Brgy. Nalsian Norte Covered Court sa tulong ng tanggapan ni Mayor Niña.   Supplementary Feeding Program, Matagumpay na Naipatupad   Noong November 6, matagumpay na naisakatuparan ang huling siklo ng 120-Day Supplementary Feeding Program ng DSWD sa 78 Child Development Centers ng Bayambang. Sa ilalim ng programang ito, may 2,530 Pre-Kindergarten learners ang nabigyan ng masustansyang pagkain upang labanan ang malnutrisyon at mapabuti ang kanilang kalusugan. Pinoy Workers Partylist, Nagbigay ng Food Assistance sa Transport Sector Ang Pinoy Workers Partylist, sa pamamagitan ni Board Member Raul Sabangan, ay nagpamahagi ng food assistance sa mga jeepney at mini-bus drivers nitong November 11. Umabot sa 325 na benepisyaryo ang nakatanggap ng P10,000 bawat isa, na eksklusibong inilaan para sa mga miyembro ng mga kooperatiba.   Mayor NJQ at Sir CTQ, May Birthday at Anniversary Treat! A. Noong November 17, naghandog ng libreng tanghalian sina Dr. Cezar T. Quiambao at Mayor Niña, bilang bahagi ng kanilang kaarawan at wedding anniversary celebration. Iba’t ibang sektor ang nabigyan, kabilang ang LGU heads, mga kawani ng Munisipyo, BDH, TODA, vendors, at mga pribadong kumpanya. Nagpahatid ng pasasalamat ang pamayanan kalakip ang panalangin para sa patuloy na biyaya at tagumpay ng first couple. B. Sila ay nagpamigay din sa 77 na barangay ng sorbetes na gawa ng Bani Delicious Ice Cream, na nagsilbing pagsuporta na rin sa lokal na kabuhayan.   National Children’s Festival, Naging Makulay! Naging makulay ang Children’s Festival 2025, kung saan naging tampok ang magkakasunod na Hawaiian group dance presentation, Draw and Tell, at singing contest sa mga daycare learners. Kinahapunan ay kinoronahan ang mga nanalong Mr. and Ms. Pre-K 2025 na sina Alpheus Andrew Asher Q. Gavino ng Inirangan CDC at Arianne Samantha G. de Vera ng Wawa CDC. State of the Children’s Address, Matagumpay na Inilahad “Nitong November 24, inilahad ni Mayor Niña Jose-Quiambao ang kanyang State of the Children’s Address para sa taong 2025. Tampok dito ang mga nagawang programa para sa kalusugan, edukasyon, at proteksyon ng kabataan, kasama ang panibagong mga inisyatibang magtitiyak na tuluy-tuloy ang pag-angat ng bawat batang Bayambangueño.”       -Local Civil Registry (LCRO)   LCRO, Dinala ang Info Drive sa Telbang Noong November 7, ngpatuloy sa kanilang information drive ang Local Civil Registry Office sa Telbang Covered Court tungkol sa tamang pagrerehistro at ukol sa mga PSA update. Dinaluhan ito ng mga guro, magulang, at barangay officials na nalinawan sa mga proseso upang maiwasan ang errors sa civil registry records   LCR, Nagbigay ng Seminar sa mga Medical Personnel Noong November 25, ang Local Civil Registrar ay nagbigay ng seminar para sa mga personnel na in-charge sa mga ospital, lying-in clinic, at mga Rural Health Unit ukol sa tama at maayos na civil registration at ukol sa mga latest PSA memorandum circular. Ito ay upang maiwasan ang anumang pagkakamali sa papeles para sa registration of birth at makaiwas sa anumang aberya sa hinaharap.   - Environmental Protection (MENRO, ESWMO)   Barangay Officials sa QC, Nag-benchmarking sa MRF   Ilang barangay officials mula sa Quezon City ang nag-benchmarking activity sa Materials Recovery Facility sa Brgy. Telbang upang matutunan ang best practices ng ESWMO sa waste management. Pinangunahan ang pagtanggap sa mga bisita ni MENRO Ma-Lene Torio at ng kanyang staff.   Mga Kapitan, Pinulong ukol sa Waste Management Noong November 19, pinulong ng ESWMO ang mga opisyal ng 11 urban barangays upang talakayin ang kanilang compliance sa Solid Waste Management Program, kasama ang mahahalagang alituntunin sa ilalim ng RA 9003. Binigyang-diin sa pulong ang kahalagahan ng maayos na koleksyon ng basura, pagpapatakbo ng MRFs, waste diversion initiatives, at aktibong koordinasyon ng mga barangay para sa mas episyenteng pagpapatupad ng programa.   - Youth Development (LYDO, SK)   Local Youth Development Council, Nagpulong Noong November 25, sa 4th quarter na pulong ng Local Youth Development Council, tinalakay ang mahahalagang isyu at programa para sa kapakanan ng kabataan, at iprinisenta ang Local Youth Development Plan para sa 2026. Nagbigay din ng ulat at mga rekomendasyon ang mga SSG at SSC officers mula sa iba’t ibang public high schools upang maisama sa mga programa, proyekto, at aktibidad ng LYD Plan.   - Peace and Order (BPSO, PNP, DILG)   Mayor Niña, Nagkaloob ng Motorsiklo sa BFP   Personal na naghandog si Mayor Niña ng isang motorsiklo sa Bureau of Fire Protection–Bayambang mula sa sariling pondo bilang tulong sa mas mabilis na pagresponde sa sunog at iba pang sakuna. Ang donasyon ay magagamit ng BFP sa agarang paghatid ng tulong at pati na rin sa kanilang mga information drive sa mga barangay.     Clearing Operations, Tinalakay ng TFD   Pinangunahan ni Dr. Cezar Quiambao ang isang pulong ng Task Force Disiplina (TFD) noong November 4 upang talakayin ang mga clearing operations bilang paghahanda sa nalalapit na Christmas Bazaar at pagkabit ng Christmas lights sa Poblacion area. Kabilang sa mga napag-usapan ang pagtanggal ng mga lumang tarpaulin, road clearing sa mga pangunahing lansangan, at ang panukalang pagbuo ng TFD sa bawat barangay. Iprinesenta rin ng traffic consultant ang kanyang ginawang pag-aaral sa daloy ng trapiko.   Malawakang Clearing Operation, Isinagawa   Isang malawakang clearing operation ang isinagawa ng iba’t ibang departamento ng LGU sa kahabaan ng Rizal Avenue, kabilang ang harap ng Bayambang Central School, upang alisin ang mga sirang karatula, illegal signages, at overgrowth ng mga punongkahoy. Pinangunahan ang operasyon ng MDRRMO, BPSO, Engineering, BPLO, Task Force Disiplina, at ESWMO sa iba’t ibang barangay na binabagtas ang pangunahing kalsada ng bayan. Tatlong truck ng sirang karatula ang nakolekta at agand na itinurn-over sa ESWMO.   Bagong Uniporme ng TODA Members, Muling Ipinamahagi   Muling nagpamahagi ng mga bagong uniporme para sa mga miyembro ng TODA ang LGU at mga donor partners nito noong Nobyembre 6 sa Pinoy Workers Satellite Office. Kabilang sa mga donors sina Mayor Niña at Dr. Cezar Quiambao, Vice Mayor IC Sabangan at BM Raul Sabangan, at Konsehal Zerex Terrado. Ang inisyatibong ito ay bahagi ng TODA Modernization Roadmap na layong makumpleto bago ang 2026.   BPSO Enforcer, Nagsauli ng Napulot na Cell Phone Noong November 10, isinauli ni BPSO Traffic Enforcer Team Leader Ronaldo delos Santos ang napulot niyang cell phone sa may HI-PAD. Agad niya itong isinurrender sa kanilang opisina at mabilis ding narekober ng may-ari na si Daniel Ver Perez ng Brgy. Tamaro. Pinuri ang matapat na aksyon ng enforcer bilang magandang ehemplo sa publiko.   TODA Members, Nagseminar sa Road Safety Act Dinaluhan ng may 120 na LGU drivers at TODA members ang isang seminar ukol sa Road Safety and Safe Spaces Act noong November 18 na inorganisa ng BPSO. Ang aktibidad ay tumutok sa tamang asal sa kalsada, pagsunod sa batas-trapiko, pagrespeto sa karapatan ng bawat indibidwal, at pag-iwas sa aksidente. Layunin ng programa na makatulong sa pagtatatag ng mas ligtas at mas responsableng daloy ng trapiko sa Bayambang. Task Force Disiplina, Nagpulong   Noong November 20, muling nagpulong ang Task Force Disiplina upang talakayin ang mga pangunahing isyu sa kaayusan, kabilang ang pagsasaayos ng parking area sa dating Yellow Building at pagpapatupad ng merit system para sa mga vendors. Tinalakay din ang pagpapalawig ng operasyon ng Task Force sa mga barangay, lalo na sa mga rural areas, at ang paglilinaw sa violation fees upang maiwasan ang kalituhan sa pagpapatupad ng mga multa.   AGRICULTURAL MODERNIZATION – (MAO)   Mga Farmers’ President, Pinulong Kasunod nito ay ginanap naman ang pulong ng mga presidente ng farmers’ association upang talakayin ang Philippine Coconut Authority programs orientation, Syngenta at E-Agro corn seed production, fertilizer at palay seed allocation mula DA, at iba pang paksa. Mga Fisherfolk, Nagtraining sa Hito Production Sampung fisherfolk ang dumalo sa isang Demonstration and Training on Hito Production sa Brgy. Langiran upang bigyan ang mga nakilahok ng dagdag-kaalaman sa pag-aalaga at pagpaparami ng hito bilang alternatibong kabuhayan.  Ito ay isinagawa noong Nobyembre 25 ng Municipal Agriculture Office sa Covered Court ng Barangay Langiran, kung saan matatagpuan ang Langiran Lake.       JOBS AND LIVELIHOOD FOR ALL   - Livelihood and Employment (PESO, BPRAT)   Unang Batch ng BNHS WIP Students, Tinanggap ng LGU   Mainit na tinanggap ng LGU ang unang batch ng Work Immersion Program students mula sa Bayambang National High School sa pangunguna ng Administrator's Office at PESO. Dumaan sa orientation ang mga mag-aaral bago ma-deploy sa iba’t ibang tanggapan ng munisipyo upang mahasa ang kanilang kasanayan. Layunin ng programa na ihanda ang mga kabataan bilang mga responsableng manggagawa sa hinaharap.     Job Fair, May 21 Hired on the Spot Ang Public Employment Service Office (PESO) ay nagsagawa ng isa na namang job fair na dinaluhan ng 7 local at 2 overseas employers noong November 17. Sa 82 na pumuntang aplikante, 21 ang naging hired on the spot.   PWD Federation, Nagseminar ukol sa Kooperatiba Sumailalim ang PWD Federation of Bayambang sa isang Orientation on How to Organize a Cooperative and Pre-Registration Seminar na pinangunahan ng PDAO at MCDO, katuwang ang CDA. Tinalakay sa pagsasanay ang mahahalagang hakbang at legal requirements sa pagtatatag at tamang pamamalakad ng kooperatiba.   Financial Literacy Orientation, Isinagawa Nagsagawa ng Financial Literacy Orientation activity ang PPCLDO at MCDO sa Sanlibo National High School upang turuan ang senior high students sa wastong paghawak ng pera, pag-iimpok, at financial planning. Tinalakay din ang mga konsepto ng kooperatibismo bilang oportunidad sa kabuhayan. DMW Desk, Binuksan para sa OFWs “Sa parehong araw, opisyal na binuksan ang Department of Migrant Workers Desk sa PESO-Bayambang pagkatapos ng isang paglagda sa isang Memorandum of Agreement. Ang DMW Desk ay magsisilbing tulay para mas mabilis at mas episyenteng matugunan ang pangangailangan ng ating mga OFW at kanilang pamilya.”   - Economic Development (SEE)   Calibration Activity sa Bagsakan, Isinagawa Isang calibration activity ang isinagawa ng Office of the Special Economic Enterprises upang masiguro ang tamang pagtimbang ng mga paninda at patas na kalakalan sa pamilihang bayan. Nakumpiska ang limang depektibong timbangan alinsunod sa regulasyon para sa kaligtasan ng mamimili. Nagpasalamat ang ng SEE sa suporta ng mga nagpa-calibrate at nakibahagi sa aktibidad.   Bayambang Christmas Bazaar 2025, Nagbukas Na! Noong November 17, binuksan ng SEE ang Bayambang Christmas Bazaar 2025, at ito ay dinagsa ng mga mamimili at bisita mula sa iba’t ibang lugar. Tampok dito ang lokal na produkto, food stalls, at live music mula sa Vien Band na nagbigay-sigla sa opening day. Nagdala rin ito ng malaking suporta para sa lokal na negosyo habang pinalalakas ang diwa ng Kapaskuhan sa bayan. Potential Investors, Dumalo sa Tuupan Business Forum   Kinahapunan, idinaos din ang Tuupan Business Forum—isang espesyal na araw kasama ang mga potential investors. Dito ipinakita ang pagyabong ng ekonomiya ng Bayambang at iba’t ibang oportunidad na naghihintay para sa mga gustong mamuhunan sa ating bayan. Ito ay dinaluhan ng kinataan ng iba’t ibang kumpanya mula sa iba’t ibang industriya.   Illegal Wiring sa Public Market, Binaklas! Ang S.E.E. ay nag-umpisang magbaklas ng mga ilegal na wiring sa Pamilihang Bayan upang matiyak ang kaligtasan at kaayusan sa paligid ng palengke. Kasama sa operasyon ang pagtanggal ng hindi awtorisadong koneksyon, pag-ayos ng mga nakalantad na kable, at pagkumpiska ng mga natagpuang illegal na wires na maaaring magdulot ng panganib kagaya ng electrocution, overloading, at sunog.         - Tourism, Culture, and Arts (MTICAO)   Bayambang, Nagliwanag sa Ceremonial Christmas Lighting Naging simple ngunit makabuluhan ang idnaos na traditional Christmas ceremonial lighting sa municipal plaza noong November 20 -- salamat sa pailaw na personal na donasyon ni Mayor Niña! Ang payak na seremonya ay nakatutok sa belen bilang tunay na diwa ng Kapaskuhan: ang kagalakan sa pagsilang ng ating panginoong tagapagligtas. SingKapital 2025, Ipinagdiwang   Pagkatapos nito ay ipinagdiwang ang SingKapital 2025. Sa isang pormal na seremonyang inorganisa ng Tourism Office, ginunita ang makasaysayang pagbisita ni Heneral Emilio Aguinaldo sa Bayambang at pagdeklara rito bilang ikalimang kabisera ng bansa noong 1899.   Naging highlight ng SingKapital ang paghahandog ni Mayor Nina ng Singsing ng Serbisyo sa limang konsehal na nakatapos ng kanilang siyam na taong termino, na sina former Councilor Mylvin Junio, Philip Dumalanta, Benjie de Vera, Amory Junio, at Martin Terrado II.     Obra ng Local Designer, Tampok sa Magana Fashion Show Muling umangat ang lokal na sining sa Magana Fashion Show! Tampok dito ang mga obra ng fashion designer na tubong Bayambang na si Glenn Gonzales. Isa-isang inirampa ng mga naggagandahang dilag ng Binibining Bayambang 2025 ang kanyang mga gawa, nagpatunay ng pagkamalikhain at angking galing ng Bayambangueño.   Local Singers, Nagtunggali sa HimigSikan Muling idinaos ng Tourism Office ang singing contest na HimigSikan bilang pagtatapos ng Tourism Month, kung saan nagpaligsahan sa galing sa pag-awit ang mga local singers. Itinanghal na kampeon si Gracia Reigne Rojas, na nag-uwi ng ₱5,000. Nasungkit naman ni Liz Natalie Cabanilla ang 1st runner-up na may premyong ₱3,000, habang si Jaylord Zed Gangano ang nagkamit ng 2nd runner-up na may ₱1,000 na gantimpala.   Blue Sky, Pinasinayaan ng Pamilya Quiambao-Jose   Noong November 29, nag-soft opening ang Blue Sky Theme Park and Events Center sa BYB Metro, Brgy. Bani, sa pangunguna ng Pamilya Quiambao-Jose at A.I.L.C. at LGU officials at iba pang invited guests. Ang Blue Sky ay isang pribadong enterprise at ang kauna-unahang amusement park of its kind sa buong probinsya ng Pangasinan at buong Region I.       - Infrastructure Development (Engineering: Infra, Housing, Transport, Utilities, etc.)     DISASTER RESILIENCE - (MDRRMO)   Undas 2025, Naging Maayos at Ligtas   Sa direktiba ni Mayor Niña, naging maayos at ligtas ang paggunita ng Undas ng mga Bayambangueño, salamat sa walang-patid na serbisyo ng mga kawani mula sa MDRRMO, PNP, BFP, BPSO, Task Force Disiplina, mga RHU, SEE, ESWMO, Engineering, at MSWDO sa pakikipag-koordinasyon sa mga barangay officials. Pinuri ng publiko ang pagtutulungan ng mga ahensya bilang patunay ng dedikadong paglilingkod ng LGU kahit sa mga araw ng bakasyon.   Mayor Niña, Naghandog ng Portable Canopies   Sa mga araw ding iyon, naghandog si Mayor Niña ng mga libreng portable shades o canopies sa public cemetery upang maprotektahan ang mga bumisita laban sa init at ulan habang inaalala ang kanilang mga yumaong mahal sa buhay. Laking pasalamat ng mga residente rito, na anila ay isang patunay ng taos-pusong pangangalaga ng LGU sa mga mamamayan sa panahon ng Undas.     Bayambang, Nakiisa sa 4th Quarter NSED   Noong Nobyembre 6, nakiisa ang Bayambang sa idinaos na Nationwide Simultaneous Earthquake Drill (NSED) para sa huling quarter ng taon. Sa pangunguna ng MDRRMO at MDRRMC members, lumahok ang mga kawani ng munisipyo, iba't ibang sangay ng gobyerno, at mga pampublikong paaralan sa bayan. Muling pinalakas sa nasabing drill ang kahandaan ng komunidad sa mga pagyanig.   Mayor Niña, Nanguna sa PDRA para sa Bagyong "Uwan"   Bilang paghahanda sa pagdating ng bagyong “Uwan,” pinangunahan ni Mayor Niña ang isang Pre-Disaster Risk Assessment o PDRA kasama ang MDRRMC at mga Barangay DRRM Committee upang talakayin ang mga posibleng epekto ng bagyo at ang mga kinakailangang hakbang. Ibinahagi ng MDRRMO na posibleng direktang daraan ang bagyo sa rehiyon kaya posible rin ang malakas na ulan, hangin, at pagbaha. Ipinabatid din ng mga ahensya at barangay ang kanilang mga ginawang paghahanda upang matiyak ang kaligtasan ng mga residente.    Mayor Niña, Namahagi ng Hot Meals at Food Packs sa Evacuees A. Matapos ang pananalasa ng bagyong ‘Uwan’ noong November 10, namigay ng mga hot meal si Mayor Niña Jose-Quiambao sa mga evacuee na pansamantalang nanuluyan sa mga evacuation center. Sa tulong ng MDRRMO, MSWDO, at iba pang miyembro ng MDRRM Council, tiniyak na may sapat na pagkain at tulong para sa lahat ng namalagi roon. Naroon din ang mga RHU upang magbigay ng tulong medikal. B. Agad ding nagpaabot ng mga food pack si Mayor Niña sa mga evacuees, at naging mabilis ang distribusyon sa tulong ng mga barangay captain at volunteer. C. Kasabay nito, nagkaroon ng damage assessment at mga paghahanda para sa rehabilitasyon ng mga apektadong lugar.  Libreng Charging Stations, Agad Inihanda! Matapos naman ang malawakang power outage dulot ng naturang bagyo, agad na naglatag si Mayor Niña ng mga libreng charging station sa Munisipyo at sa lahat ng 77 barangay halls. Ginamit dito ang mga generator set na dating ipinamahagi ng lokal na pamahalaan bilang bahagi ng disaster preparedness program upang makapag-charge ng libre ang mga residente ng cell phone, flashlight, radyo, at medical device. Clearing Operations, Naging Puspusan Nagsanib-puwersa naman ang BFP, PNP, MDRRMO, ESWMO, at Engineering Office sa clearing operations para sa mga natumbang puno at debris sa 77 na barangay matapos ang pananalasa ng bagyo. Agad na rumisponde ang LGU sa mga ulat ng road blockage dahil sa mga natumbang puno sa pamamagitan ng pagputol, paghakot, at pag-dispose sa mga ito. Mga Kawani at Kagamitan ng Munisipyo, Ipinahiram sa CENPELCO Agad namang nagkusa ang LGU na ipahiram ang mga kawani at kagamitan nito sa CENPELCO, upang maibalik agad ang kuryente sa mga barangay kung saan may mga natumbang poste ng kuryente. Katuwang ng Munisipyo ang BFP para sa clearing at safety operations sa pagtiyak sa kaligtasan ng ating mga rescuers.   Earthquake PPEs, Ipinamahagi sa mga Mag-aaral Kasabay nito, ipinamahagi ni Mayor Niña ang may 25,000 na hard hats, na may kasamang whistle at flashlight, sa mga mag-aaral bilang pananggalang sa panahon ng di inaasahang pagyanig at iba pang  emerhensiya. Ito ay bilang tugon para sa kahandaan, matapos ang sunud-sunod na pagyanig na nangyari sa iba’t ibang panig ng bansa kamakailan.         HONEST & EFFICIENT PUBLIC SERVANTS     - Planning and Development (MPDO)   Supplemental AIP, Inaprubahan sa MDC Meeting   Inaprubahan ng Municipal Development Council (MDC) ang Supplemental Annual Investment Program No. 2 for CY 2025 sa pulong na ginanap noong November 4. Ito ay dinaluhan ng mga Punong Barangay, CSOs, Local Finance Committee, at ni Councilor Jose Ramos at representante ni Cong. Rachel Arenas.   2024 CBMS Data mula PSA, Pormal na Tinanggap ng LGU   Pormal na tinanggap ni Mayor Niña ang mga datos sa 2024 Community-Based Monitoring System mula sa Philippine Statistics Authority, sa isang turnover ceremony noong November 7. Ang nasabing datos ay magsisilbing gabay sa paggawa ng mga polisiya at programang nakabatay sa aktuwal na kalagayan ng mga Bayambangueño. Dumalo at naging saksi sa aktibidad ang mga kinatawan ng PSA, DILG, at DICT na nagpahayag ng suporta sa mas epektibong paggamit ng CBMS data para sa mas epektibong paggamit ng resources ng pamahalaan.     - Legal Services (MLO) Pagsasanay sa Katarungang Pambarangay Documentation, Pinaigting Isang training sa pagbalangkas ng legal forms ang ibinigay ng Municipal Legal Office para sa mga Punong Barangay, Barangay Kagawad, at Barangay Secretary. Layunin nitong palakasin ang implementasyon ng Katarungang Pambarangay sa pamamagitan ng tamang dokumentasyon at mas epektibong pagresolba ng anumang usaping legal. Nagtapos ang programa sa isang open forum. Diskusyong Legal, Inihatid ng Legal Office sa mga Bayambangueño Noong November 19, nagsagawa ang Legal Office ng diskusyong legal para sa mga Bayambangueno ukol sa Registration of Lands Used as School Sites. Dito ay nilinaw partikular na ang legal bases, requirements, at proseso ng naturang land registration. Ito ay dinaluhan ng mga kaguruan ng Bayambang.     - ICT Services (ICTO)   LGU at GCash, Lumagda sa MOA para sa Community Service Card   Noong November 3, pumirma ng kasunduan ang LGU at GCash para sa pagpapahusay ng Bayambang Community Service Card. Layunin nitong mapabilis at mapadali ang mga transaksyon sa tulong ng digital at financial innovation. Ang proyekto ay isang hakbang patungo sa pagiging “smart town” ng Bayambang at sa mas inklusibong serbisyo publiko.   - Human Resource Management (HRMO)   Safe and Conducive Workplace Seminar, Isinagawa   Noong November 5, nagsagawa ang HRMO ng Safe and Conducive Workplace Seminar upang palakasin ang kamalayan ng mga kawani sa kahalagahan ng kaligtasan, kalusugan, at kaayusan sa lugar na kanilang pinagtatrabahuhan. Si Dr. Madlyn D. Tiangco, Campus Executive Director ng PSU–Bayambang Campus, ang naging pangunahing tagapagsalita, at siyang nagbahagi ng praktikal na gabay para sa pagpapanatili ng isang positibo at kaaya-ayang workplace environment para sa mas epektibong serbisyo.         - Transparency/Public Information (PIO)     - BPRAT   BPRAT Cluster Meetings, Tinalakay ang 4th Quarter Accomplishments Idinaos ng BPRAT ang isa na namang serye ng cluster meetings upang repasuhin ang 4th quarter accomplishments ng mga sektor at tiyaking nasa tamang direksyon ang mga programa ng Rebolusyon Laban sa Kahirapan bago matapos ang taon. Pinangunahan ito ng mga sectoral head ng Good Governance at Economic and Infrastructure na si Mr. Ricky Bulalakaw kasama ang iba’t ibang departamento. Mayor Nina, Pinulong ang mga Kapitan Noong November 19, pinulong ni Mayor Nina ang mga kapitan upang kumustahin at linawin ang iba’t ibang maiinit na isyu sa mga barangay, kabilang ang batas-trapiko, paghahanda sa kalamidad, at iba pang suliraning nangangailangan ng masinsinang koordinasyon. Iba pang BPRAT Clusters, Tinalakay ang 4Q Accomplishments   Idinaos ng BPRAT ang isa na namang serye ng cluster meetings upang repasuhin ang 4th quarter accomplishments ng mga sektor at tiyaking nasa tamang direksyon ang mga programa ng Rebolusyon Laban sa Kahirapan bago matapos ang taon. Pinangunahan ito ng mga sectoral head ng Agriculture, Environment, at Sociocultural sectors kasama ang iba’t ibang departamento.   Rotary Club of Bayambang at RC Quezon City, Tinalakay ang Planong Partnership sa LGU   Nagpulong ang mga pinuno ng Rotary Club of Bayambang at Rotary Club of Quezon City at ang Municipal Administrator, upang talakayin ang planong sisterhood sa pagitan ng Rotary Club of Bayambang at Rotary Club of Quezon City at kanilang partnership sa LGU-Bayambang. Layunin ng ugnayang ito na magbukas ng mas maraming kolaborasyon para sa mga proyekto at programang pangkomunidad. Bilang panimulang aktibidad, napagkasunduan ang pagsasagawa ng “Ukay for a Cause” sa Araw ng Fiesta.     - Property Custodial Services (GSO, Motorpool)       AWARDS AND RECOGNITIONS   Bayambang, Contender sa 1st Year CROWN Maintenance Award   Kinilala ng National Nutrition Council (NNC) Region I ang Bayambang bilang isa sa mga contender para sa 1st Year CROWN Maintenance Award sa ginanap na 2025 Gawad Parangal ng Nutrisyon sa Bauang, La Union. Ang pagkilalang ito ay patunay patuloy na ipinapakita ng Bayambang ang pagiging huwaran sa pagsusulong ng kalusugan at nutrisyon sa Rehiyon I.     Dr. Quiambao, Most Notable Stakeholder ng DepEd-R1 SDO I Pangasinan!   Pinarangalan si SATOM, Dr. Cezar Quiambao, bilang Rank 1 o Most Notable Stakeholder ng DepEd SDO I Pangasinan. Ito ay bilang pagkilala sa kanyang ibinigay na suporta sa pagpapatayo ng Don Teofilo C. Mataban Memorial School sa Brgy. Ligue, kung saan tatlong silid-aralan ang kanyang ipinagawa mula sa pribadong pondo. Tatanggapin niya ang naturang parangal sa 2025 Local Stakeholders’ Convergence sa Nobyembre 21 sa Kapitolyo.   Bayambang, Ginawaran ng Seal of Protection Award Ang bayan ng Bayambang ay ginawaran ng GSIS ng Seal of Protection Award - Gold Category dahil sa consistent na pagpupunyagi nitong maipa-insure ang mga local government property at equipment nito. Ang pagkilalang ito ay tinanggap ng General Services Office sa seremonyang ginanap sa Iloilo City noong November 20. SATOM CTQ, Top 1 Stakeholder Awardee ng DepEd Pangasinan I Pormal na kinilala si former mayor at SATOM, Dr. Cezar Quiambao bilang Top 1 Stakeholder Awardee ng DepEd Pangasinan I—isang malaking patunay ng kanyang patuloy na suporta sa edukasyon at pangarap ng bawat kabataang Bayambangueño. Kabilang sa parangal ang buong LGU-Bayambang, Local School Board, DepEd Bayambang District I, at ang Don Teofilo S. Mataban Memorial School.   DSWD Municipal Operations Office, Umani ng Sari-saring Award Hindi rin nagpahuli ang DSWD Municipal Operations Office na tumanggap ng iba’t ibang parangal mula sa DSWD Region I dahil sa kanilang pagbibigay ng taos-pusong serbisyo sa mga 4Ps beneficiaries. Kabilang sa mga pagkilala ang Most Institutionalized Municipal Advisory Council Meeting, Most Participative Municipal Operations Office, Beneficiary Data Management Champion, Model LGU Implementing 4Ps, Highest Percentage of Self-Sufficient Household Beneficiaries, Case Management Champion, at iba pa.       Bayambang, Z.O.D.-Certified Municipality Ang Bayambang ay kinilala ng Department of Health bilang tanging Zero Open Defecation (ZOD) Certified Municipality ngayong taon, sa awarding ceremony na ginanap noong November 21, sa Candon City, Ilocos Sur. Sa mg nakalipas na taon, tayo ang ika-33 na munisipalidad sa Pangasinan na umabot sa ganitong antas ng kalinisan at sanitasyon, bunga ng mahigpit na pagpapatupad ng mga programa kontra open defecation.   LGU-Bayambang, Pinarangalan ng PhilRice Ang LGU-Bayambang ay pinarangalan ng DA-PhilRice noong November 25, dahil sa matatag nitong suporta sa rice research for development. Tinanggap nina Councilor Jocelyn Espejo at Agricultural Technologist Alfonso de Vera ang parangal sa ngalan ni Mayor Niña sa aktibidad na parte ng 40th anniversary ng PhilRice. Kabilang ang Bayambang sa mga kinilala sa aktibong pakikipag-ugnayan sa mga proyektong pang-agrikultura na nagtataguyod ng modernong inobasyon at mas matatag na produksyon ng bigas sa bansa.   LGU-Bayambang, 3rd Best Performing LGU in Region I in Fiscal Management Umangat ang LGU-Bayambang bilang Top 3 Best Performing LGU in Fiscal Management sa Region 1 matapos makakuha ng dalawang parangal mula sa BLGF: 3rd Place sa Highest Locally Sourced Revenues for 1st Class Municipalities for Fiscal Year 2024 at Unqualified COA Opinion. Kinilala ang bayan dahil sa matatag at mahusay na pagpapatupad ng fiscal processes na nagpakita ng disiplina, tapat na pamamahala, at responsableng paggamit ng pondo sa ilalim ng liderato ni Mayor Niña Jose-Quiambao.       LEGISLATIVE ENACTMENTS - (SB)   QR Payments, Tricycle Schemes, at Business Permit Reforms, Tinalakay sa Public Hearing   Noong November 15, nagkaroon ng pampublikong pagdinig ang Sangguniang Bayan ukol sa mga panukalang ordinansa kaugnay ng QR payments, tricycle schemes, at business permit reforms. Pinangunahan nina Councilor Levinson Nessus Uy at Councilor Zerex Terrado ang pagdinig na may layuning mapabilis ang mga transaksyon sa negosyo, maayos ang daloy ng trapiko, at mapagaan ang proseso ng pagkuha ng mga permit.   House Bill 127, Aprobado na sa Committee Hearing Inaprubahan ng Committee on Natural Resources ng House of Representatives ang House Bill 127, na naglalayong ireklasipika ang Mangabul Reservation sa Bayambang bilang alienable and disposable land upang maipamahagi sa mga lehitimong matagal nang naninirahan at nagsasaka. Dumalo ang mga kinatawan ni Mayor Niña sa pagdinig noong November 26, at nagsumite ng position paper upang suportahan ang masusing deliberasyon ng komite. Pinangunahan ni Committee Chairperson Alfredo D. Marañon III ang pagtalakay sa panukalang inihain ni Congresswoman Maria Rachel J. Arenas, na naglalayong magbigay ng mas patas at makataong proseso sa mga benepisyaryo ng lupa.