EDUCATION
FOR ALL - (LSB,
Library, DepEd) LSB,
Tinalakay ang mga Plano sa 2025 Sa
pulong ng Local School Board noong October 30, tinalakay ang paghahanda ng
budget para sa 2025 Special Education Fund o SEF. Kabilang sa mga plano ang
paglaan ng isang milyong piso para sa pagpapatayo ng isang bagong
silid-aralan sa Don Teofilo Mataban Memorial School sa Brgy. Ligue. Buklat Aklat Project, Inilunsad Noong
November 6, inilunsad ng Local Youth Development Office ang Buklat Aklat
project sa Alinggan-Banaban Elementary School, bilang parte ng pagdiriwang ng
National Children's Month. Ito ay isang programang naglalayong mapabuti ang
reading comprehension ng mga mag-aaral at mapataas ang literacy rate sa bayan
ng Bayambang. Kabilang sa mga magtuturo sa mga piling kabataan sa sampung
elementary schools ay mga Sangguniang Kabataan members at iba pang
boluntaryo. Ang proyekto ay magtatagal hanggang December 4. Bayambangueño,
Nagwagi sa Global IT Challenge for Youth with Disabilities Si
Dallin Jeff E. Moreno ng Bayambang National High School ay nagwagi ng
dalawang medalya sa ginanap na IT Challenge for Youth with Disabilities sa
Manila Hotel mula November 4 hanggang 8. Si Moreno ay pinarangalan ng isang
gold medal sa e-Tool Presentation/Hearing category at silver medal sa e-Tool
Spreadsheet/Hearing category. Siya ay kabilang sa Philippine team na
nakipagtagisan sa nasabing international competition kung saan may
labing-anim na bansa ang nakilahok. "Buklat
Aklat," Nagpatuloy sa Amancolising ES Noong
November 20, ang Local Youth Development Office ay nagtungo sa Amancosiling Elementary
School upang ipagpatuloy ang proyektong Buklat Aklat, na naglalayong mapabuti
ang reading comprehension ng mga struggling students sa lahat ng public
elementary schools. Naroon bilang volunteer ang SK Bayambang, MTICAO,
Binibining Bayambang, at iba pang volunteers gaya nina Councilor Benjie de
Vera at kabiyak na si Atty. Charina Cherizze de Vera, na naging special guest
reader. Buklat
Aklat Team, Nagpatuloy sa San Gabriel-Iton ES Ang
‘Buklat Aklat’ project ng Local Youth Development Office ay nagtungo sa San
Gabriel-Iton Elementary School noong November 27. Naging special guest sina
Councilor Benjie de Vera, Pangasinan LGBTQI Federation President Samuel
Lomboy Jr., Municipal Librarian Atty. Melinda Fernandez, at Hero Group CEO,
Ms. Lormie Garay. Nakiisa rin ang mga lokal na opisyal, SK Chairpersons, at
guro upang suportahan ang proyekto at National Book Week celebration. HEALTH
FOR ALL -
Health (RHUs) Mga
Serbisyo ng Munisipyo, Dinala sa Bacnono Noong
November 7, ang team ng Komprehensibong Serbisyo sa Bayan ay nagtungo sa
Bacnono Elementary School upang direktang magbigay ng mga serbisyo ng
Munisipyo sa mga taga-Brgy. Bacnono, Ataynan, at Buenlag 1st. Ayon sa ulat ni
KSB chairperson, Vice-Mayor IC Sabangan, may daan-daang katao na naman ang
nabigyan ng KSB team ng iba't ibat uri ng serbisyo, gaya ng libreng medical
checkup at dental services, bakuna sa hayop, legal advice, at pagproseso ng
iba't ibang dokumento. LGU,
May Bagong Ambulansya Isang
bagong ambulansya ang binili ng LGU para mas lalong mapalakas ang emergency
response sa bayan ng Bayambang. Ito ay nagkakahalaga ng P1,840,000, gamit ang
DRRM Fund for Disaster and Emergency Preparedness. Big
Catch-Up Immunization, Isinagawa Noong
November 28, isinagawa ang Big Catch-Up Immunization sa Bayambang, sa
pangunguna ni DOH Usec. Gloria J. Balboa. Ito ay bahagi ng ika-limampung taon
ng Expanded Program on Immunization ng ahensya. Sa pagtutulungan ng ating mga
Rural Health Units kasama ang World Health Organization at DOH, nagkaroon ng
mass vaccination laban sa human papillomavirus, tetanus, pneumonia, at
influenza. Mayor
Niña at Buong Red Cross San Carlos Council, Nanumpa! Matapos
maluklok sa ikalawang pagkakataon bilang Presidente ng Philippine Red Cross
San Carlos Branch Council si Mayor Niña, ang kaniyang kinatawan na si Bb.
Sheina Mae Gravidez ng MTICAO ay nanumpa kasama ang iba pang miyembro ng
konseho, sa 2024 PRC Pangasinan Chapter Assembly na ginanap sa Gia's Farm and
Events Place, Urdaneta City, Pangasinan. Bukod pa rito, ginanap din sa
naturang pagtitipon ang eleksyon ng mga bagong Board of Directors ng
organisasyon kung saan ilan sa mga napabilang sa listahan ng sampung newly
elected BODs sina 3rd District Board Member Sheila Baniqued, 5th District Board
Member Nicholi Jan Louie Sison, Vice-Governor Mark Ronald Lambino, at
Pangasinan First Lady Maan Guico. -
Nutrition (MNAO) Sancagulis
BNC, Most Outstanding Barangay Nutrition Committee Ang
Brgy. Sancagulis ay nagwaging champion sa Search for Most Outstanding
Barangay Nutrition Committee 2024 na isinagawa ng Bayambang Municipal
Nutrition Committee (MNC). Ang naturang barangay ay nakatanggap ng P20,000.
First runner-up naman ang Brgy. Bacnono, 2nd runner-up ang Brgy. Caturay, 3rd
runner-up ang Brgy. Magsaysay, at 4th runner-up ang Brgy. Hermoza. "Idol
Ko si Nanay" Training, Tumutok sa First 1,000 Days Isa na
namang "Idol Ko si Nanay" Training ang inorganisa ng Municipal
Nutrition Action Office para sa 44 Barangay Nutrition Scholars at Nutrition
Office staff upang sila ay matuto mula sa mga eksperto. Kabilang sa mga
tinalakay na paksa sa tatlong araw na training ang "Breastfeeding,"
"Complementary Feeding," "Nutrition During Pregnancy and
Lactation," at "Danger Signs During Pregnancy." School
Nutrition Programs, Patuloy na Binabantayan Ang
Municipal Nutrition Committee ay patuloy sa pagmomonitor sa implementasyon ng
nutrition programs ng ating mga paaralan. Nitong November 14, kanilang
binisita ang San Gabriel-Iton, Amancosiling, at Telbang Elementary Schools,
at Buayaen Central School. Bayambang,
Pinakaunang Munisipyo na may NSG sa Region I Noong
November 21, isang pulong ang inorganisa ng DOH at MNAO ukol na pagkakabuo ng
Nutrition Support Groups (NSG) sa lahat ng barangay ng Bayambang. Ang NSG ay
binubuo ng 539 members mula sa iba’t ibang sektor at kanilang bibigyang-diin
ang kahalagahan ng tamang nutrisyon bilang pundasyon ng mas malusog na
pamumuhay. Ayon sa DOH, ang Bayambang ang kauna-unahang munisipalidad sa
rehiyon na nakapagtatag ng ganitong inisyatibo. -
Sports and Physical Fitness (MPFSDC) -
Veterinary Services (Mun. Vet.) –
Slaughterhouse PROTECTION OF WOMEN AND CHILDREN -
Social Services (MSWDO, MAC) Kick-off
Activity para sa National Children's Month, Idinaos Bilang
kick-off activity para sa National Children's Month 2024 celebration,
nagsilbing host ang mga lokal na kabataan sa ginanap na flag ceremony noong
November 4 sa Events Center. Sila ay nagpamalas ng kani-kanilang talento sa
pagiging emcee, newscaster, at group dance performer, sa pangunguna ng mga
winners ng Little Mr. and Ms. Bayambang 2023 at 2024. Sa programa ay sabayang
binigkas ng lahat ang Panatang Makabata bilang pakikiisa sa pagtaguyod ng mga
karapatang pambata. Bayambang
Pre-K Learners, Tinuruan ng Backyard Gardening Ang mga
pre-kindergarten learners ng 77 Child Development Centers ng Bayambang ay
sabay-sabay na tinuruang magtanim ng mga gulay noong November 11, bilang
bahagi pa rin ng Children's Month. Mismong ang mga bata ang nagtanim ng mga
gulay sa mga paso o katabing bakuran, matapos silang turuan ng kanilang mga
Child Development Workers ng mga wastong hakbang sa backyard gardening. Ito
ay bahagi ng pagsulong ng kanilang "survival rights." GAD
Monitoring and Evaluation Training, Isinagawa Noong
November 5 to 7, muling nagsagawa ang MSWDO ng isang Gender and Development
Training para sa mga miyembro ng GAD Focal Point System, upang matuto sa
tamang monitoring and evaluation ng mga gender-sensitive programs, projects
and activities ng bayan ng Bayambang. Naging lecturer ang isang independent
GAD specialist, at naging facilitator naman ang mga taga-Municipal Planning
and Development Office. P15,000 Start-up Capital, Ibinigay ng DSWD
sa 129 Katao Noong
November 5, nagpamahagi ang Department of Social Welfare and Development ng
panibagong ayuda sa ilalim ng Sustainable Livelihood Program nito para sa 129
na Bayambangueño na nakitang kwalipikado at may kapasidad na magtayo ng
maliit na negosyo. Ang mga benepisyaryo ay nagmula sa iba’t ibang barangay at
nakatanggap ng P15,000 start-up capital kada isa at samakatwid ay tumanggap
ng may kabuuang 1,935,000 pesos. Ang payout activity ay ginanap sa St.
Vincent Ferrer Prayer Park. 700
Katao, Tumanggap ng Ayuda Isang
profiling at payout activity ang isinagawa ng DSWD at MSWDO para sa AKAP o
Ayuda sa Kapos ang Kita Program (AKAP), gamit ang pondo mula sa ABONO
Party-List at kina Congressman Robert Raymund Estrella at Board Member, Dr.
Sheila Baniqued. Ang aktibidad ay ginanap sa St. Vincent Ferrer Prayer Park
noong November 13. May 700 na benepisyaryo ang nakatanggap ng nasabing ayuda.
Bayambang, Naging Host ng Regional SLP
Congress A. Mula
November 12 hanggang 15, ang Bayambang ay nagsilbing host ng 5th Regional SLP
Congress ng Department of Social Welfare and Development, kung saan
sari-saring aktibidad ang ginanap sa unang pagkakataon. Nagbukas ang Congress
sa isang trade fair sa Bayambang Central School grounds, tampok ang mga de
kalidad na produkto ng iba’t ibang SLP associations sa Rehiyon. B.
Sinundan ito ng isang fashion show noong gabi ng November 12, kung saan
inirampa ng mga Bb. Bayambang ang mga produktong gawa ng mga 4Ps SLP
Associations sa Rehiyon Uno habang suot ang mga gown na gawa ng mga sikat na
fashion designers sa bansa. C. Ito
ay sinundan noong November 13 ng isang live selling activity upang itampok
online ang naturang items at iba't iba pang produkto ng mga SLP Associations.
D.
Kasabay nito ay ang SLP Usbong Dunong Forum Series sa Events Center, kung
saan ang mga tinaguriang SLP Champions ay nag-share ng kanilang mga sikreto
sa tagumpay sa mga estudyanteng may kursong konektado sa pagninegosyo. E.
Noong November 14 naman, idinaos ang Punla: The Future of MSMEs, isang forum
ukol sa pagtatayo ng maliliit na Negosyo at ang Yabong, na isang
business-matching activity kung saan dumalo si Gov. Ramon V. Guico III. F.
Kinagabihan ay nagkaroon naman ng Hiraya Creative Awards para sa samu’t
saring contests na sinalihan ng mga partisipante sa mga serye ng forum. Isang
Himigsikan Singing Contest din ang ginanap sa gabing iyun. G. At
sa ikahuling araw, November 15, isinagawa naman ang Tuupan, kung saan
inimbitahan nina Mayor Niña Jose-Quiambao at Dr. Cezar T. Quiambao ang mga
business enterprises sa Bayambang at Pangasinan na subukang mag-invest sa
Bayambang dahil ang business sector at investors ay malaking susi sa tagumpay
ng Rebolusyon Laban sa Kahirapan. MSWDO,
Nag-organisa ng Orientation for Child Protection Nagsagawa
ng orientation ang MSWDO tungkol sa Sexual Abuse and Exploitation of Children
(OSAEC) at Child Sexual Abuse or Exploitation Materials (CSAEM) noong
November 19 sa Balon Bayambang Events Center. Dito ay tinatalakay ni Atty.
Sherwin Flores, pangunahing tagapagsalita, ang mga batas na nagpoprotekta
laban sa pang-aabuso sa mga kabataan. 4Ps
Stakeholders Orientation, Mas Pinaigting Ang
MSWDO ay nagdaos ng orientation activity para sa mga partner stakeholders ng
programang 4Ps, upang mas mapabuti pa ang serbisyo ng gobyerno sa mga
benepisyaryo. Tinalakay ng mga resource speakers ang ukol sa tatlong sistema
ng programa: ang Beneficiary Data Management System, Compliance Verification
System, at Grievance Redress System. Mayor
NJQ at Sir CTQ, Nagtreat ng Lunch Noong
November 19, nagpamahagi ng libreng lunch sina Mayor Niña Jose-Quiambao at
dating Mayor Dr. Cezar Quiambao, bilang bahagi ng kanilang pagdiriwang ng
kaarawan at wedding anniversary. Kabilang sa mga nakatanggap ang mga LGU
employees, BDH staff at patients, TODA members, market vendors, at private
companies. Laro ng
Lahi, Tampok sa Children's Month Bilang
bahagi ng pagdiriwang ng Children's Month 2024, isang makulay at masayang
Laro ng Lahi ang idinaos ng MSWDO at Child Development Workers Federation
noong November 20. Dito ay nagpaligsahan ang mga child development learners
sa mga larong gaya ng sack race, Maria went to town, calamansi relay, paper
plate relay, cup pyramid, at straw relay. 1,000
na Katao, Beneficiaries ng Ayudang AKAP Noong
November 21, mahigit isang libong Bayambangueño ang nakatanggap ng financial
grant sa ilalim ng AKAP o Ayuda sa Kapos ang Kita Program (AKAP) ni Cong.
Rachel “Baby” Arenas. Sila ay mga Sangguniang Kabataan members, Barangay
Secretaries, at Barangay Treasurers. 868 4Ps
Members, Graduate Na! Noong
November 22, may 868 na benepisyaryo ng 4Ps ang nagsipagtapos sa programa, at
37 sa mga ito ang nagkusang mag-waive ng kanilang membership. Ayon sa DSWD,
ang Bayambang muli ang may pinakamataas na bilang ng nagsipagtapos sa Rehiyon
Uno. Street
Dance Festival at Mr. & Ms. Pre-K, Ginanap Noong
November 22, ginanap ang makulay na Street Dance Festival at ang Coronation
ng Mr. & Ms. Pre-Kindergarten 2024, bilang bahagi ng Children’s Month
celebration. Nagkampeon ang Cluster 6, na nag-perform ng street dance na may
temang Mango at Bamboo Festival. Kinahapunan, itinanghal namang Mr. at Ms.
Pre-Kindergarten 2024 sina Jovanne Ian
Bombiza at Caruella Antheia Buquir. Mayor
Niña, Nagdeliver ng Kanyang State of the Children’s Address Noong
November 24, matagumpay na inihatid ni Mayor Niña Jose Quiambao ang kanyang
taunang State of the Children’s Address (SOCA) sa Bayambang Events Center sa
pagtatapos ng pagdiriwang ng 32nd National Children’s Month. Tampok dito ang
pakikipagdayalogo sa mga kabataan. Kinahapunan, nagkaroon naman ng isang
Komprehensibong Serbisyo para sa Bata, na nagbigay ng libreng health, dental,
at wellness services sa mga kabataan at child development workers. Namigay
din ng libreng ice cream at tsinelas bilang bahagi ng selebrasyon. Pamaskong
Handog 2024, Nag-umpisa nang Ipamahagi sa 42,000 Pamilya Noong
November 25, nag-umpisang ipamahagi ng pamilya Jose-Quiambao at Team
Quiambao-Sabangan ang mga Noche Buena package sa may 42,000 pamilyang
Bayambangueño upang ang lahat ng kabahayan ay siguradong mayroong handa sa
araw ng Kapaskuhan. Pinangunahan nina Mayor Niña Jose Quiambao, Dr. Cezar
Quiambao, SB members, at Team Quiambao-Sabangan ang naturang pamamahagi. Orientation
on Sexual Abuse and Exploitation of Children, Nagpatuloy Noong
November 25, nagpatuloy ang MSWDO sa pagbibigay ng Orientation on Sexual
Abuse and Exploitation of Children para sa mga miyembro ng Local Council for
the Protection of Children at Barangay Council for the Protection of
Children. Ipinaliwanag ni Atty. Jet Mark Ortiz ng Public Attorney's Office
ang mga batas na nagpoprotekta sa mga kabataan laban sa anumang uri ng
pang-aabuso, partikular na sa digital platforms. OVP,
Namigay ng Gift Packs sa 1,000 Indigent Solo Parents Noong
November 26, ang Office of the Vice-President ay namigay ng gift packs sa
1,000 na indigent solo parents sa Events Center, sa pakikipagtulungan sa
Municipal Social Welfare and Development Office. Sen.
Bong Go, Namigay din ng Ayuda Noong
November 28, namigay naman ang opisina ni Senator Bong Go ng Local Government
Support Fund sa LGU na nagkakahalaga ng P2,500 kada benepisyaryo na
kinabilangan ng 1,000 na 4Ps graduates at farmers na apektado ng bagyo. Ang
distribusyon ay ginanap sa tulong MSWDO. Pagkatapos nito ay binisita ni Sen.
Go ng itinayong Training Center sa Brgy. Magsaysay kasama ng mga local
officials. 1,000
Katao, Bagong Benepisyaryo ng AICS May
isang libong benepisyaryo ang nakatanggap ng ayuda sa ilalim ng Assistance to
Individuals in Crisis Situation (AICS) program ng DSWD, sa tulong ng MSWDO at
gamit ang pondo mula sa tanggapan ni Sen. Ramon 'Bong' Revilla Jr. Ang ayuda
ay nagkakahalaga ng P1,000,000 sa kabuuan, at ipinamahagi ito sa mga
nangangailangang estudyante ng Bayambang Polytechnic College at mga job order
employees ng munisipyo. Ginanap ang payout sa Pavilion 1 ng St. Vincent
Ferrer Prayer Park ngayong araw, ika-30 ng Nobyembre 2024. - Civil
Registry Services (LCR) LCRO,
Naglunsad ng Info Drive Tungkol sa Civil Registration Noong
November 19, nagdaos ang Local Civil Registry ng information drive sa
Bayambang Central School upang ipalaganap ang tamang proseso ng civil
registration at mga bagong memorandum circulars mula sa Philippine Statistics
Authority. Ang infor drive ay dinaluhan ng mga kaguruan at mga magulang. -
Environmental Protection (MENRO, ESWMO) - Youth
Development (LYDO, SK) - Peace
and Order (BPSO, PNP, DILG) Pagdiriwang
ng Undas 2024, Naging Maayos at Ligtas Naging
maayos at ligtas ang pagdalaw ng mga Bayambangueño sa kani-kanilang
namayapang mahal sa buhay sa tatlong sementeryo sa bayan, salamat sa
matagumpay na operasyon ng Task Force Kaluluwa 2024. Sa pamumuno ng Bayambang
Public Safety Office, tanging minor incidents lamang ang naitala, bukod pa sa
inasahang pagsikip ng trapiko dahil sa pagdagsa ng mga 25,000 na katao sa mga
sementeryo. Brgy.
Tampog, Binigyan ng Service Patrol Vehicle Isang
bagong patrol service vehicle ang idinonate ni Mayor Niña Jose-Quiambao sa
Brgy. Tampog sa pamamagitan ng Niña Cares Foundation at Agricultural
Infrastructure Leasing Corporation (AILC), sa seremonyang ginanap noong
November 11. Ang patrol service vehicle ay magsisilbing kagamitan ng barangay
upang masiguro ang kaligtasan ng mga residente at maiwasan ang anumang krimen
o kaguluhan. Traffic Management and Safe Spaces Act
Seminar, Isinagawa Ang
Bayambang Public Safety Office ay nagsagawa ng isang Traffic Management and
Safe Spaces Act Seminar noong November 8 para sa lahat ng BPSO traffic
enforcers at official drivers ng LGU. Kabilang sa mga naging lecturer ang
Highway Patrol Group, Land Transportation Office, at ang PNP. AGRICULTURAL
MODERNIZATION - (MAO) Local
Farmers, Nakilahok sa Bamboo Product Technology Demo at Research May 80
local farmers ang nakilahok sa isang bamboo product technology demo at
research ng Department of Science and Technology - Forest Products Research
and Development Institute noong November 7. Kabilang sa mga iprinisenta ng
FPRDI ang kanilang naimbentong bamboo soap, bamboo liquor, bamboo deodorizer,
at bamboo leaf fertilizer. Pagkatapos ng technology demo ay nagsagawa naman
ng isang survey at product acceptability test sensory evaluation. Technical
Briefing for Corn Model Farm, Isinagawa sa Bani Isang
technical briefing ang isinagawa ng Department of Agriculture-Regional Field
Office I noong November 7 para sa gagawing Corn Model Farm sa Brgy. Bani.
Layunin ng aktibidad na ihanda ang mga magmamais para sa isasagawang
50-hectare model farm, isang proyekto ng DA-RFO 1 Corn Program upang mapataas
ang produksyon ng mais bilang isa sa mga importanteng pananim sa bansa. Corn Seeds at Inorganic Fertilizer,
Ipinamahagi ng PAO Ang
Provincial Agriculture Office ay nagpamahagi ng corn seeds at inorganic
fertilizer sa farmer-cooperators sa ilalim ng Corporate Farming Program ng
probinsya noong November 7. Layunin ng korporasyong pagsasaka na mapabuti ang
produktibidad sa agrikultura at pagpapataas ng kita. 4
Farmers’ Associations, Tumanggap ng Composting Machine Apat na
farmers’ associations sa Bayambang ang nakatanggap ng tig-iisang composting
facility for biodegradable waste (CFBW) mula sa Bureau of Soils and Water Management
noong November 14. Ang mga ito ay ang Balon Sapang Farmers Association, Gabay
sa Bagong Pag-asa Pangasinan Cluster Association, Pangdel Farmers
Association, at Manambong Norte Farmers Association. Bawat composting unit ay
nagkakahalaga ng isang milyong piso at kayang makalikha ng isang toneladang
organikong pataba kada buwan. RiceBIS
Team ng PhilRice, Nagpulong Dito Idinaos
dito ng Rice Business Innovation System (RiceBIS) ng PhilRice ang kanilang
Quarterly Meeting noong Nobyembre 14. Dumalo ang mga partner agencies,
kabilang ang DA Region I, DOST, DTI, BPI, E-Agro, at iba pa. Layunin ng
meeting na palakasin ang suporta sa mga kooperatiba at rice farmers ng
Bayambang sa naturang programa. SB,
Nakipagpulong sa RiceBIS Team Nakipagpulong
ang mga konsehal ng Bayambang sa RiceBIS team ng DA-PhilRice upang talakayin
ang progreso ng implementasyon ng RiceBIS 2.0 sa bayan. Tinalakay ang mga
issues and concerns ng mga magsasaka at mga hakbang na maaaring gawin ng
Sangguniang Bayan upang matulungang maresolba ang mga ito at nang mapataas
ang kita at produktibidad ng mga local farmers. JOBS
AND LIVELIHOOD FOR ALL - Livelihood
and Employment (PESO, BPRAT) Basic
Occupational Safety and Health Training, Idinaos Noong
November 15, nagdaos ang DOLE, sa tulong ng PESO-Bayambang, ng isang training
ukol sa Basic Occupational Safety and Health para sa mga safety officers ng
mga local micro-enterprises. Dito ay tinalakay ang health and safety
principles, hazard identification, at emergency preparedness sa lahat ng
workplaces. DOLE
TUPAD Monitoring, Nagpatuloy Patuloy
ang monitoring ng DOLE at PESO-Bayambang sa work output ng TUPAD
beneficiaries sa 77 barangays. Noong November 19, kanilang binisita ang M.H.
Del Pilar, Magsaysay, Bacnono, Ataynan, Buenlag 2nd, Sapang, at Tamaro. Special
Recruitment Activity Ang
PESO-Bayambang ay nag-organisa ng isang special recruitment activity, kung
saan naging recruiter ang JAC International Manpower Services Inc. Ang
aktibidad ay isinagawa mula November 28 hanggang November 29, 2024, sa harap
ng PESO-Bayambang. (RSO; PESO) - Economic
Development (SEE) LGU-Villasis,
Nagpa-calibrate ng mga Timbangan sa SEE Ang
LGU-Villasis ay nagtungo sa Bayambang noong November 26, upang magpacalibrate
ng mga timbangan sa kanilang public market sa tulong ng mga DOST-trained
weighing scale calibrators ng Special Economic Enterprise. - Cooperative
Development (MCDO) - Tourism,
Culture, and Arts (MTICAO) Singkapital
2024, Muling naging Makasaysayan Isang makasaysayang araw sa bayan ng
Bayambang ang muling naganap noong November 13 sa selebrasyon ng Singkapital
2024. Dahil kasabay ng paggunita sa digmaang Pilipino-Americano noong taong
1899, naging highlight din ng programa ang unveiling ng isang bago at updated
na commemorative marker na inihanda ng National Historical Commission of the
Philippines. Nagkaroon
din ng painting contest sa lumang Bayambang Central School, kung saan
nagtagisan ng galing sa pagpinta ang mga talentadong manlilikha, sa temang
“Flights of Freedom." Digital
Projection Mapping sa Paskuhan 2024, Kauna-unahan sa Hilagang Luzon Noong
November 23, muling dinumog ng libu-libong bisita ang pagbubukas ng Paskuhan
sa Bayambang. Ito ay dahil sa kakaiba na namang atraksyon, ang kauna-unahang
digital projection mapping sa Northern Luzon. Muling dinagsa ang municipal
plaza dahil sa mga nakamamanghang visual effects at mechatronic characters
hango sa pelikulang Star Wars. Bukod dito ay nagkaroon din ng isang
mini-concert ang sikat na bandang Lola Amour. - Infrastructure
Development (Engineering: Infra, Housing, Transport, Utilities, etc.) DISASTER
RESILIENCE - (MDRRMO) Mahigit
20 thousand Katao, Lumahok sa 4th Quarter NSED Isa na
namang Nationwide Simultaneous Earthquake Drill (NSED) ang isinagawa noong
November 14 kung saan may 25,652 participants ang lumahok, kabilang ang mga
LGU staff at mga barangay. Kabilang din sa lumahok ang mga participant ng
DSWD SLP Congress. MDRRMO
at BDRRMC, Nag-monitor sa Kailugan Noong
Nobyembre 15-18, nag-monitor ang MDRRMO at Barangay DRRMC sa ating mga
kailugan upang bantayan ang pagtaas ng tubig dulot ng Bagyong Pepito at ang
pagrelease ng tubig mula sa San Roque Dam. Kanila ring tinanggal ng mga
hazard tulad ng mga tarpaulin signages at mga bumagsak na sanga. Sa
kabutihang palad ay walang naitalang casualty. HONEST
& EFFICIENT PUBLIC SERVANTS Monthly
Meeting ng Pangasinan Budget Officers, Idinaos Dito Noong
November 7, ang buwanang pagpupulong ng na Pangasinan League of Local Budget
Administrators ay ginanap sa Niña’s Café. Ito ay pinangunahan ng kanilang
presidente na si Atty. Jessa Joy Royupa. Ang mga bisita ay mainit na
winelcome ni OIC Municipal Budget Officer Christine Bautista at kanyang
staff. - Planning
and Development (MPDO) Ms.
Torio, Naging Speaker sa Int’l Urban Planning Conference Ang
Planning Officer ng LGU na si Ms. Ma-lene Torio ay kabilang sa mga naging
speaker sa Sustainable Development Futures Conference 2024 sa Lungsod ng
Maynila noong November 12 to 13. Kanyang tinalakay ang paggamit ng GeoRiskPH
platform sa disaster risk reduction at climate change initiatives ng LGU. - Legal
Services (MLO) - ICT
Services (ICTO) - Human
Resource Management (HRMO) HRMO,
Nagbigay ng Seminar sa Writing at Public Speaking Isang
seminar sa "Effective Written Communication & Public Speaking"
ang inihandog ng HRMO sa mga kawani ng LGU noong November 11 sa Events
Center. Ito ay para sa lahat ng mga kawani na kailangang matuto sa mga
communication at public speaking skills na magagamit nila sa pang-araw-araw
na transaksyon. Naging lecturer sina Dr. Vincent Capanang at Mrs. Josephine
Loresca ng Bayambang National High School. - Transparency/Public
Information (PIO) -
Property Custodial Services (GSO, Motorpool) AWARDS
AND RECOGNITIONS Bayambang,
3rd Place sa Business Competitiveness - Infrastructure Category sa Region I
CMCI 2024 Ang
LGU-Bayambang ay nagkamit ng 3rd place region-wide sa business
competitiveness sa larangan ng imprastraktura (1st-2nd Class Municipalities
category), sa ginanap na awarding ng 2024 Cities and Municipalities
Competitiveness Index ng Department of Trade and Industry noong November 6 sa
Candon City, Ilocos Sur. Sa ngalan ng LGU, tinanggap ang parangal nina MPDO
Ma-lene Torio bilang CMCI focal person at Engr. Genuel Mabanglo ng
Engineering Office. Bayambang
MADAC, Highly Functional sa Ginanap na 2024 ADAC Audit Ang
Bayambang Municipal Anti-Drug Abuse Council ay nagtamo ng "High
Functional" rating, sa ginanap na 2024 audit ng Anti-Drug Abuse Council
ng Department of the Interior and Local Government. Patunay ito ng commitment
ng LGU at partner agencies na panatiling drug-free ang bayan ng Bayambang. SGLG
2024, Nasungkit ng Bayambang! Ang
LGU-Bayambang ay nabubunyi sa isa na namang karangalang nakamit nito, ang
Seal of Good Local Governance (SGLG) para sa taong 2024. Ang
pinakamataas na pagkilalang ito para sa isang LGU mula sa national government
ay sumasalamin sa masigasig, maayos, tapat, at epektibong panunungkulan ng
mga kawani ng lokal na pamahalaan sa bawat Bayambangueño at sa bayan ng
Bayambang, sa gabay ni Mayor Niña Jose-Quiambao. Congratulations,
LGU-Bayambang! Bayambang,
"Beyond Compliant" Muli sa 24th Gawad KALASAG Muling
nakamit ng LGU-Bayambang ang "Beyond Compliant" rating sa 24th
Gawad KALASAG ng National Disaster Risk Reduction and Management Council -
Office of Civil Defense. Ito ay isa na namang pagkilala para sa kahusayan sa
disaster risk reduction and management at humanitarian assistance ng LGU sa
pamamagitan ng Local DRRM Council at MDRRMO. Nakatakdang tanggapin ng LGU ang
naturang parangal sa December 17 as La Union. LEGISLATIVE
ENACTMENTS - (SB) |
|
Prepared by |
Certified by |
|
RESTY S. ODON PUBLIC
INFORMATION OFFICER |
DR. RAFAEL L. SAYGO MTICAO, HEAD |
No comments:
Post a Comment