BAYAMBANGUENEWS – MONDAY REPORT – JANUARY 12, 2026

 

BAYAMBANGUENEWS – MONDAY REPORT – JANUARY 12, 2026

 

[SMILE, VOLUME, ENERGY!]

INTRO:

1: Magandang araw, mga Kabaleyan! Ako po si _____________ mula sa Rural Health Unit II.

2: At ako naman po si _____________ mula rin sa Rural Health Unit II.

1: Hatid namin ang mga balita ukol sa mga makabuluhang programa, proyekto, at aktibidad ng lokal na pamahalaan at ang pakikiisa ng ating komunidad.

2: Sama-sama nating tunghayan ang mga kaganapang patunay ng malasakit, disiplina, at pagkakaisa sa bayan ng Bayambang.

1&2: Ito ang... BayambangueNews

=====================

HEADLINES

1. Mayor Niña, Namahagi ng Pamaskong Handog sa Iba't Ibang Sektor

Bukod sa pamaskong handog sa bawat sambahayan at pamilya, namahagi rin si Mayor Niña, mula sa sariling bulsa, ng handog na pamasko sa iba't ibang sektor ng bawat barangay gaya ng mga senior citizen, teacher, PTA member, OFW, TODA, at SK at barangay officials, kabilang ang mga tanod.

 

2. Simpleng Composting Method, Ibinahagi ng ESWMO

Ibinahagi ng ESWMO-Bayambang ang isang simple at praktikal na composting method gamit ang kitchen at food waste na sinubukan mismo ng isang staff sa kanyang tahanan. Layunin nitong hikayatin ang mga household, lalo na sa urban barangays, na mag-divert ng biodegradable waste kahit may limitadong espasyo, alinsunod sa RA 9003.

 

3. Switch Cafe, Muling Naghatid ng Tulong sa Indigent Families

Muling nagsagawa ng outreach program ang Switch Cafe para sa may 100 na indigent na benepisyaryo noong December 27, katuwang ang MNAO at iba pang sponsors. Saklaw ng programa ang mga pamilya mula sa siyam na barangay na nangangailangan ng tulong sa nutrisyon at kalusugan.

 

4. Sibol MPC, Nagbigay-Saya sa mga Graduate ng STAC

Nagsponsor ang Sibol Multi-Purpose Cooperative ng isang outreach activity para sa mga dating estudyante ng STAC-Bayambang noong December 29. Sa tulong ng mga sponsors mula sa LGU-Bayambang Employees' Association, naipahatid ang saya at alaala ng Kapaskuhan sa mga benepisyaryo.

 

5. Kampanya Kontra Ilegal na Paputok, Pinaigting

Sa bisperas ng bagong taon, as pinahigpit ng PNP-Bayambang ang kanilang operasyon laban sa ilegal na paputok. Sila ay mahigpit na nag-inspeksyon sa itinalagang firecracker zone at mahigpit na nagbantay laban sa ilegal na paputok aat ipinagbabawal at improvised firecrackers.

 

6. Mayor Niña, May Raffle Surprise sa Mga Kawani ng Munisipyo

Noong January 6, si Mayor Niña ay naghatid ng tuwa at saya sa mga empleyado ng Munisipyo sa pamamagitan ng isang raffle matapos ang unang flag-raising ceremony ngayong taon. Ipinamahagi ang iba’t ibang kapaki-pakinabang na gamit sa bahay, kabilang ang mga grand prize na washing machine at smart TV sa halos isang libong kawani. Ang surpresang handog ay nagbigay ng napakasiglang simula ng panibagong taon ng pagbibigay ng serbisyo publiko.

 

7. Mga Aktibidad sa Pistay Baley 2026, Inilatag sa Pulong

Sa isang pulong, pinangunahan ni Mayor Niña ang mga paghahanda para sa gaganaping Pista’y Baley 2026, kung saan binalangkas ang mga aktibidad na bubuo sa selebrasyon na nakatakdang ganapin sa March 28 hanggang April 1, at sa April 5. Isasagawa ang pista sa napagkasunduang tema na, “Bayambang: Ang Bayang Pinapangarap.”

 

8. EEC Officers ng LGU, Muling Pinulong ukol sa Pagtitipid sa Kuryente

Muling pinulong ng Munisipyo ang mga Energy Efficiency and Conservation Officers nito upang talakayin ang energy conservation measures at recalibration strategies bilang bahagi ng pagtitipid sa konsumo ng kuryente sa mga tanggapan. Dito ay sinuri ang mga nakagawian at mga praktikal na hakbang para mas mapababa pa ang paggamit ng enerhiya.

 

9. TFD, Inilatag ang mga Susunod na Hakbang

Sa pulong ng Task Force Disiplina noong January 8, tinalakay ang mga susunod na direksyon sa pagpapatupad ng disiplina at kaayusan sa pagsisimula ng taong 2026. Ibinahagi sa pulong ang mga update sa traffic management kabilang ang planong pagkabit ng traffic signal lights sa mga pangunahing interseksiyon, progreso ng field operations, at mga rekomendasyon ng traffic consultant.

10. MDRRMO, Nag-Inspeksyon sa Pantol

Noong January 6, sinuri ng MDRRMO ang imbakan ng emergency disaster preparedness kits sa Obillo Elementary School sa Brgy. Pantol at ang kondisyon ng Pantol Evacuation Center. Sila rin ay nagsukat sa mga lugar na malubhang binaha noong nakaraang Hulyo upang magkaroon ng kongkretong datos sa naging epekto ng mga kalamidad, para sa mas epektibong disaster preparedness at risk reduction.

11. Congratulations, Bar Passers!

Ang LGU-Bayambang ay mainit na bumabati sa lahat ng mga Bayambangueño na pumasa sa pinakahuling Bar Exam, partikular na ang dating opisyal at dalawang kawani nito!

=====================

 [FLASH]

Atty. Charlemagne Perez Papio - Municipal Legal Staff

Atty. Mary Grace Caguioa Agas - Business Permits and Licensing Office Head

Atty. Gabriel Tristan P. Fernandez - former Sangguniang Kabataan Federation President

=====================

Bayambang, Dapat Alam Mo: RHU II Medical Services:

(host: ____________ )

 

Bayambang, dapat alam mo na maaari kang mag-avail ng mga sumusunod na medical services mula sa RHU II at III lalo na kung ikaw ay nakatira sa kanilang catchment area.

 

- Animal Bite Treatment

Nagbibigay ang RHU II at III ng agarang lunas at bakuna laban sa rabies para sa mga nakagat ng aso o pusa upang maiwasan ang malubhang komplikasyon.

 

==============================================

[FLASH ONLY]

Schedule:

RHU II: kada Martes at Biyernes

==============================================

 

- Implementation of YaKap o Yaman sa Kalusagan Program

Aktibong ipinatutupad ang YaKap o Yaman sa Kalusagan Program upang makapagbigay ng libreng konsultasyon, laboratory services, at piling gamot para sa mga rehistradong miyembro ng PhilHealth.

 

- Mobile Blood Donation Drives

Regular na nagsasagawa ng mobile blood donation activities upang matiyak ang sapat na suplay ng dugo para sa mga pasyenteng nangangailangan.

 

- Spearheading of Komprehensibong Serbisyo sa Bayan o KSB

Nangunguna ang RHU II at III sa pagpapatupad ng KSB, isang one-stop-shop na nagdadala ng iba’t ibang serbisyong pangkalusugan diretso sa mga barangay.

 

- Health Promotion Activities (IEC)

Patuloy ang kanilang information at education campaigns o IEC hinggil sa maternal at child care, communicable at non-communicable diseases, kalusugan ng kabataan, mental health, environmental sanitation, at oral health.

 

- Provision of Prescribed Medicines to Consulted Patients

Nagbibigay ang mga RHU ng mga available na iniresetang gamot upang matiyak ang tuluy-tuloy na gamutan ng mga pasyenteng kumukunsulta.

 

- Provision of Maintenance Medications for Hypertensive and Diabetic Patients

Tinutulungan ang mga pasyenteng may altapresyon at diabetes sa pamamagitan ng pamamahagi ng available na maintenance medicines para sa mas maayos na pangangasiwa ng kanilang kondisyon.

 

- Mental Health Assessment and Counselling

Nagbibigay din ang RHU II at III ng mental health assessment at counselling upang suportahan ang emosyonal na kalusugan at kapakanan ng mga Bayambangueño.

 

- TB DOTS Center

May TB DOTS Center ang din sila para sa libreng pagsusuri, gamutan, at masusing pagmo-monitor ng mga pasyenteng may tuberculosis.

 

- STI/HIV Counselling

Nagkakaloob naman ng kumpidensyal na counselling, impormasyon, at gabay ang mga naturang RHU kaugnay ng sexually transmitted infections at HIV para sa maagang pag-iwas at tamang pangangalaga.

 

- Birthing Facility

May ligtas at kumpletong serbisyo sa panganganak ang birthing facility ng RHU II upang matiyak ang maayos na pangangalaga sa mga buntis at bagong silang na sanggol.

 

- Dental Services

Maaari ring magpacheck-up at magpabunot ng ngipin sa RHU II araw-araw mula Lunes hanggang Biyernes.

 

Kaya't kung ikaw ay taga-Bayambang, lalo na kung taga-Barangay Wawa at mga kalapit na mga barangay, kabilang ka sa catchment area ng RHU II at maaaring mag-avail ng mga serbisyo nito.

 

Ang lahat ng ito, Bayambang, ay dapat alam mo!                

==============================================

OUTRO:

1: At iyan po ang mga balitang nagbibigay-inspirasyon at pag-asa sa ating bayan. Muli, ako po si _____________ ng Rural Health Unit II. ?

2: At ako naman po si ____________ ng Rural Health Unit II. ?

1: Sa patuloy na pagtutulungan ng pamahalaan at mamamayan,

2: ...Mas nagiging maliwanag ang kinabukasan ng Bayambang.

1: Hanggang sa muli...

1&2: Ito ang... BayambangueNews!