LGU Accomplishments for May 2020

LGU Accomplishments for May 2020

GOOD GOVERNANCE

MCTQ, Patuloy ang Pagsisilbi sa Bayan

Patuloy si Mayor Cezar T. Quiambao sa pangunguna sa Lokal na Pamahalaan ng Bayambang at sa pagsiguro na natutulungan ang mga Bayambangueño sa ating laban kontra COVID-19. Sa tulong ng video conferencing at online group chat ay minomonitor niya ang mga kaganapan, dumadalo siya sa mga pagpupulong, at regular na na-uupdate ukol sa lahat ng hakbangin ng LGU. Ito ay matapos niyang i-anunsyo sa publiko na siya ay nagpositibo sa COVID-19, ngunit sa kabila ng kanyang karamdaman ay nananaig ang pagtupad niya sa katungkulan at pagmamahal sa bayan.


LIVELIHOOD

*

FINANCIAL ADMINISTRATION

*

HEALTH

Markers Inilagay Para sa Physical Distancing

Noong May 1 ay naglagay ang Special Economic Enterprise ng mga markers o tanda sa pamilihang bayan upang masiguro na sinusunod ng mga mamimili ang inirekomendang physical distancing.

Isa ito sa mga mapapansing pagbabago bilang paghahanda ng lokal na pamahalaan alinsunod sa tinatawag na “new normal.”


30 Katao sa Pugo EC, Tapos na sa Quarantine

Makakasama na ng 30 Bayambangueño na nasa Brgy. Pugo Evacuation Center ang kanilang mga pamilya matapos nilang makumpleto ang 14 na araw ng mandatory quarantine noong May 6.

Ayon kay Dr. Paz Vallo, nagkaroon ng isang simpleng 'graduation ceremony' sa lugar kung saan nakatanggap ang mga 'graduates' ng certificate.


RHU Personnel, Patuloy sa Thermal Scanning at Disinfection Activities

Magsimula noong nagkaroon ng enhanced community quarantine ay hindi na tumigil ang mga kawani ng Rural Health Unit I sa pagbantay sa entrance patungo sa pamilihang bayan upang masigurong lahat ng mamalengke doon ay ligtas sa nakahahawang sakit.

Katuwang ng RHU I staff sa trabahong ito ang mga kawani ng Philippine National Police, Public Order and Safety Office, at Special Economic Enterprise.


Rapid Testing ng mga LSIs

Tuluy-tuloy ang Rural Health Unit sa ilalim ni Municipal Health Officer, Dra. Paz Vallo, sa pag-conduct ng rapid testing sa mga locally stranded individuals gamit ang test kits na donasyon ni Mayor Cezar T. Quiambao.

Ang testing ay ginaganap sa Bayambang National High School Gymnasium sa tulong ni BNHS Principal Virgil Gomez.


Mga Establisimyento, Ininspeksyon Ukol sa Health Protocols

Noong May 19, nag-spot checking inspection ang Rural Health Unit, kasama ang kapulisan, sa mga grocery store at iba pang establisimyento kung ang mga ito ay sumusunod pa rin sa mga patakaran gaya ng social distancing, pagsusuot ng face mask, at paglalagay ng alcohol o sanitizer rub at foot o shoe bath sa entrance.
Ayon kay Municipal Health Officer Dra. Paz Vallo, Kinakailangan sundin ang minimum health standards upang ang ating mga sakripisyo sa 2-month quarantine ay hindi masayang.


BNHS, Itinalaga Bilang Quarantine Facility Para sa mga LSIs

Noong May 15, nag-umpisang italaga ng lokal na pamahalaan ang Bayambang National High School bilang pansamantalang quarantine facility para sa mga locally stranded individuals o LSIs na umuwi ng walang kaukulang dokumento.

Ito ay mga paraan upang masigurong nananatiling ligtas sa nakahahawang sakit ang mga Bayambangueño sa panahon ng general community quarantine.


EDUCATION

Municipal Library, Subscriber sa World Book Online

Salamat suporta ni Mayor Cezar T. Quiambao, ang Bayambang Municipal Library ay ang unang municipal library sa bansa na naging subscriber sa World Book Online.

Ang mga lokal na guro at mag-aaral, pati na mga kawani ng LGU, ay mayroon nang free access sa libo-libong reference books na di madaling mahanap. Mag-rpivate message lamang sa Bayambang Municipal Library.


Tech4Ed Services, Tuluy-Tuloy sa Municipal Library

Tuluy-tuloy ang serbisyo ng Bayambang Municipal Library para sa free online application for birth certificate, marriage certificate, death certificate, CENOMAR application, at appointment for NBI clearance application.
Magprivate message lamang sa Facebook page ng Bayambang Municipal Library upang maiproseso ang inyong transaksiyon. Hindi muna kailangang magsadya sa ating Municipal Library para sa mga naturang serbisyo.


OTHER SOCIAL SERVICES

Ayuda Mula sa SAP ng DSWD, Pinamahagi para sa mga Bayambangueño

Noong April 22 nagsimulang mamahagi ang Municipal Social Welfare and Development Office sa pamumuno ni Kimberly Basco ng cash assistance mula sa Emergency Subsidy Program na nakapaloob sa Social Amelioration Program (SAP) ng DSWD. May 16,000 na mga kwalipikadong residente ang inilaan ng DSWD para sa Bayambang, at ang bawat benepisyaryo ay nakatanggap ng cash na nagkakahalagang 5,500 pesos. Naging kaagapay ng MSWDO staff ang mga Municipal Links ng DSWD-Region I, PNP-Bayambang, barangay officials, at ilang piling empleyado ng LGU.


Relief Packs, Pinamigay ng MSWDO sa PWDs

Noong April 22 ay nagsimula ring magpamahagi ng mga relief packs ang Municipal Social Welfare and Development Office sa mga persons with disability (PWDs) sa iba't-ibang barangay ng Bayambang. Ito ay bilang tugon sa pangangailangan ng naturang sektor na isa sa mga pinakalubhang naapektuhan ng community quarantine. May 1,870 PWDs ang naabutan ng mga relief pack.


Distribusyon ng Social Pension ng Indigent Seniors

Noong May 28, sinimulan ng Municipal Social Welfare and Development Office ang distribusyon ng DSWD social pension para sa mga indigent senior  citizen.

Sa unang batch ay nakatanggap ang 932 na benepisyaryo ng P3,000 cash kada senior citizen. Ang halagang ito ay katumbas ng anim na buwan na monthly social pension (P500/month).


2nd Wave ng Relief Operations, Isinagawa

Noong May 5, nag-umpisa nang mamahagi ang Municipal Social Welfare and Development Office at Municipal Disaster Risk Reduction and Management Office ng second wave ng relief goods para sa mahigit na 11,000 na pamilyang hindi nakasama sa Social Amelioration Program ng Department of Social Welfare and Development.

Ayon kay MSWD Officer Kimberly Basco, kada relief pack ay may lamang walong kilong bigas, isang kilong munggo, isang buong manok, at mga gulay. Ang munggo, manok at gulay ay donasyon ng Kasama Kita sa Barangay Foundation.


PEACE AND ORDER

KKSBFI Nag-donate ng 4 Motorbikes sa PNP

Ang Kasama Kita Sa Barangay Foundation Inc. sa pangunguna ni President and CEO Romyl Junio at sa ilalim ng patnubay ni Mayor Cezar Quiambao ay namigay ng apat na motorsiklo sa PNP Bayambang sa pamumuno ni PLtCol. Norman Florentino.

Ito ay bilang pagsuporta sa natatanging pagganap sa kanilang tungkulin upang tulungang masugpo ang COVID 19.


AGRICULTURAL MODERNIZATION

Mga Magsasaka, Tumanggap ng Cash Cards mula sa DA

Noong April 28 ay nag-umpisa na ang Agriculture Office sa distribusyon ng cash cards para sa mga magsasaka sa ilalim ng Rice Farmers' Financial Assistance Program ng Department of Agriculture. Mayroong 1,556 na benepisyaryo mula sa mga lokal na farmers' association ang tumanggap ng cash card. Ito ay makakatulong sa kanila ngayong lubos na apektado ng krisis ang kanilang kabhayan.


ECONOMIC DEVELOPMENT

Price Freeze, Pinaalala sa Market Vendors

Patuloy sa pag-aanunsiyo ang tanggapan ng Special Economic Enterprise ukol sa umiiral na price freeze sa mga basic commodities ngayong panahon ng pandemya.

Upang maiwasan ang overpricing, kanilang inoobliga ang mga tindero at tindera na maglagay ng price tag sa kanilang mga paninda.

Kasama naman ang DTI, naglibot din ang SEE sa lahat ng mga parmasya sa bayan upang mamonitor din ang presyo ng kanilang mga gamot at iba pang produkto.


INFRASTRUCTURE DEVELOPMENT

Bagong Daan Diretso sa Evacuation Centers

Gumawa ng daan ang Engineering Office mula Brgy. Wawa hanggang sa San Gabriel 1st Evacuation Center at Pugo Evacuation Center upang masiguro na wala nang bahay ang madadaanan sa pagdala sa mga Bayambangueño na PUM o PUI at mas mapadali sa mga frontliner ang pagpunta sa mga pasilidad. Sa mga nasabing Evacuation Center dinadala ang mga Bayambangueñong nagmula sa ibang probinsya o bayan upang doon nila makumpleto ang 14-day quarantine para sa kaligtasan ng lahat.

Si Coun. Benjamin de Vera, Engr. Joe Rivera, at former Coun. Gerardo De Vera ang nanguna sa pakikipag-usap sa mga may-ari ng lupa na siyang apektado ng daanang ito.


Declogging ng Drainage sa Poblacion Area

Sa panahon ng tag-ulan ay nag-declogging ang Engineering Office sa mga kanal sa Poblacion area. Ang lokal na pamahalaan ay nakiusap sa lahat na huwag magtapon ng basura kung saan-saan sapagkat nagiging sanhi ito ng pagbara ng mga kanal at estero at nauuwi sa perwisyong dulot ng pagbaha.


Construction ng Cross Drainage sa Poblacion Sur

Nagsagawa ng construction ng isang cross drainage system sa Poblacion Sur. Ito ay isang hakbang upang tulungang maiwasan ang malimit na pagbaha sa lugar.


ENVIRONMENTAL PROTECTION

Sila ay Frontliners Din

Ang mga kawani ng Ecological Solid Waste Management Office (ESWMO) ay maituturing ding frontliners sa panahong ito ng pandemya. Sa kanilang araw-araw na tungkulin bilang garbage collectors, sorters, at organic soil enhancers, sila ay humaharap din sa panganib sa nakahahawang sakit. Nagpapasalamat ang ESWMO kay Mayor Cezar Quiambao at Mayora Niña Jose-Quiambao sa pamimigay ng personal protective equipment (PPE) sa mga frontliners ng ESWMO.


DISASTER RESILIENCY

MDRRMO, Rumisponde sa Insidente ng Buhawi

Rumisponde ang Municipal Disaster Risk Reduction and Management Office sa isang insidente ng buhawi sa Brgy. Manambong Parte na nanalasa sa kabahayan at kabukiran doon noong gabi ng April 27. Ayon by MDRRM Officer Genevieve U. Benebe, ang 17 na kabahayan na apektado ng buhawi ay binigyan ng relief packs ng MDRRMO sa tulong ng Municipal Social Welfare and Development Office. Nakatakda ring bumisita ang lokal na Agriculture Office doon upang gumawa ng damage assessment sa mga pananim.


Donasyon Mula sa Bayambang Association of Southern California

Maraming salamat sa Bayambang Association of Southern California sa kanilang donasyon na iba’t-ibang klase ng gulay na nagkakahalaga ng $2,500!

Ang mga gulay ay ipapamahagi sa 77 barangays bilang parte ng 2nd wave ng relief distribution para sa mga Bayambangueño.


Donasyon Mula sa BNHS Batch '80

Noong May 22, tinanggap ni Vice-Mayor Raul Sabangan sa pangalan ng LGU-Bayambang ang
donasyon ng Bayambang National High School Class of 1980 na parte ng kanilang fund drive
bilang suporta sa COVID-19 Balik Probinsya Program ng pamahalaan.

Kabilang sa kanilang donasyon ay saku-sakong bigas, itlog, at mga de lata.

Ang LGU-Bayambang ay nagpapasalamat sa BNHS Batch '80 na pinamumunuan ni Class
President Aurora Glenda Ramos.


Donasyon sa  SK Federation Mula kina Vice Mayor at Councilors

Nagpapasalamat ang Sangguniang Kabataan Federation kay Vice Mayor Raul  Sabangan sa donasyon nitong isang trak ng manok at kina Councilor Benjie de Vera at Levinson Uy sa donasyon nilang saku-sakong bigas para sa bayanihan drive ng Sangguniang Kabataan ng iba’t-ibang barangay. 

Editorial (May 2020): Handa Ka na ba sa 'New Normal'?

Sa pagputok ng pandemya, marami ang nawalan ng kabuhayan sa isang iglap at di mawari kung saan kukunin ang susunod na kakanin sa hapag. Dahil napakalaki at biglaan ang mga naging suliraning dulot nito, matinding pangamba at kalituhan sa paghanap ng solusyon ang pinagdaanan ng lahat.

Akma ang obserbasyon na ang COVID-19 pandemic ay parang isang giyera na kung saan ay di nakikita ang kaaway. Ngunit sa kabila ng pagkasadlak sa kawalan ay pinilit ng lahat na bumangong muli at bumawi. May mga barbero na naghome-service, tricycle driver na nagkargador sa palengke, at mga empleyado na nag-online selling at reselling. Nakita nila na sa likod ng krisis ay mga bagong oportunidad.

Para sa huli, lalo na, ay naging malaki ang papel ng teknolohiya, lalo na ng information technology. Mapalad tayo at nangyari ito sa panahon na may cell phone at internet, dahil kahit paano ay naibsan ang ating mga agam-agam at pagkabagot. Marami ang nakahingi ng saklolo dahil sa social media, kahit may ilan din namang nakuha pang magpakalat ng fake news. Gaya ng kahit anong pagbabago, may kaakibat itong panganib.

Maraming kawani ang nakapagpatuloy ng kanilang trabaho, salamat sa work-from-home arrangement option ng mga kumpanya. May ilang tindahan na nag-alok ng online shopping at door-to-door delivery. Ilang kainan din ang nagpa-online ordering at delivery na rin. Pati ang ating Rural Health Units ay nag-offer din ng teleconsultation. Ang buong LGU naman ay nagkaroon ng isang virtual flag ceremony kada Lunes. Ngayon ay buhay na buhay ang mga chat groups, video conference/webinar, at Zoom meetings.

Ang mga kabahayan naman na may backyard gardening ay nabuhay sa pagpitas ng mga prutas at gulay. Matatandaang  isinulong ni Mayor Cezar T. Quiambao sa ilalim ng Bayambang Poverty Reduction Action Team ang backyard at communal gardening project bilang isang malaking proyekto para sa food productivity at sustainability.  Salamat sa Internet, direktang nabenta naman ng ilang magsasaka ang kanilang ani sa mga mamimili. Naging mahalaga rin ang mobile stores gaya ng Bayambang Mobile Palengke. Matatandaang isinulong din ng administrasyon ang pagkakaroon ng talipapa sa lahat ng distrito upang makatulong maiiwas sa siksikan ang sentro ng bayan.

Salamat sa mga mabubuting-loob, nausong muli sa mga barangay ang bayanihan, na noong araw sa Bayambang ay tinawag na "tagnawa."


Hangga't walang nakikitang gamot laban sa COVID-19 ay kailangan nating makibagay sa tinatawag na 'new normal,' kabilang na ang pagsusuot ng mask sa pampublikong lugar, pag-oobserba ng social distancing, at lahat ng naunang nabanggit ng mga solusyong unti-unting nadiskubre ng lahat.

Masama ang magkaroon ng malubhang takot at pangamba, ngunit sa harap ng di nakikitang kaaway, nakabubuti ang matakot tayo ng bahagya upang mapagtagumpayan natin ito.

Nawa'y ang lahat ay makasabay sa bagong ihip ng hangin, upang sama-sama tayong makatawid sa napakalaking pagsubok na dulot ng pagkaliit-liit na mikrobyong gumambala sa ating mundo.

LGU Accomplishments During COVID-19 Pandemic (March 16-April 2020)

- As early as February 10 ay bumuo na tayo ng COVID Task Force kasama ang mga Barangay Health Emergency Response Team (BHERT) base sa guidelines ng DILG. Ang Task Force na ito ang nangunguna sa ating mga effort para labanan ang pandemic na ating kinakaharap.

- Kinansela natin ang mga malalaking event katulad ng Love Concert at Fiesta 2020. Ang mga event naman katulad ng Mass Wedding na hindi na maaaring i-kansela ay istrikto nating sinunod ang protocols at preventative measures para masiguro ang kaligtasan ng lahat.

- Simula ng i-implementa ni Pangulong Duterte ang Enhanced Community Quarantine sa buong Luzon ay tuloy-tuloy ang mga ahensya ng munisipyo sa pangunguna ng Rural Health Unit (RHU) at Municipal Disaster Risk Reduction Management Office (MDRRMO), at sa tulong ng Bureau of Fire Protection (BFP) at Motorpool, sa pag-disinfect sa buong bayan. Nagpamigay rin ng disinfectant solutions at alcohol sa munisipyo at sa mga barangay, at mga PPEs at thermal scanners para sa mga frontliners.

- Katuwang ang PNP-Bayambang ay nagpapatupad tayo ng mga batas upang mapigilan ang pagkalat ng virus katulad ng mga sumusunod:

          - curfew

          - checkpoint sa lahat ng borders sa tulong ng Agriculture Office

          - pagsasara ng ilang establishments

          - pagkakaroon ng skeletal workforce

          - pagsuspinde sa mass transport

- Noong March 20 ay pumanaw ang unang Bayambangueño na may kumpirmadong kaso ng COVID sa ating bayan. Nang nalaman natin ang kanyang resulta ay agad tayong nagpatupad ng lockdown sa buong Bayambang at sa 43 na barangay. Nagsagawa na rin ang RHU ng contact tracing simula noong March 13 pa lamang ng napag-alaman na ang ating “doktor ng bayan” ay dinala sa ospital matapos makitaan ng mga sintomas nito.

- Noon namang March 28 ay naitala natin ang pangalawang COVID-related case kung saan ang asawa ng unang biktima, na considered as Person Under Investigation (PUI), ay pumanaw rin.

- Tuloy-tuloy ang pag-decontaminate natin sa buong Bayambang, lalo sa mga apektadong barangay at sa mga ma-taong lugar, para masiguro na malinis ang ating bayan.

- Nag-iimplementa rin tayo ng Market Schedule at nagpapalibot ng Mobile Market para mapigilan ang pagtitipon ng maraming tao sa ating Pamilihang Bayan.

- Sa pangunguna ng ating MSWDO at sa pagtutulungan ng lahat ng LGU departments at volunteer LGU employees, nakapagbigay na tayo ng relief packs sa lahat ng 35,000 na households sa buong Bayambang. Nakatanggap rin tayo ng tulong mula sa Provincial Government at sa DSWD Region 1.

- Sinisimulan na natin ang 2nd wave ng ating relief operations para makapag-bigay na muli ng tulong sa mga Bayambangueño.

- Naglunsad naman ng Supplementary Feeding Program sa pangunguna ng ating Nutrition Office para matutukan ang isang libong malnourished children. 4000 food packs ang ipinamahagi sa kanila para mabigyan sila ng nutrisyon ngayong mayroong community quarantine.

- Nagpapasalamat po tayo sa Kusina ng Balon Bayambang para sa araw-araw na pagluluto nila ng pagkain para sa ating front liners. Maraming salamat din sa lahat ng mga Bayambangueño na maganda ang loob na nagbibigay rin ng pagkain sa ating mga front liners. Syempre, maraming maraming salamat sa lahat ng ating mga health workers at front liners na isinusugal ang kanilang mga buhay upang mapaglingkuran ang ating mga kababayan. Saludo po kaming lahat sa inyo.

- Para sa inyong proteksyon ay namahagi tayo ng mga vitamins at gamot na nagkakahalagang P400,000. Ang mga ito ay ipinamahagi sa mga punong barangay at sa mga kababayan nating nasa frontlines.

- Nagsimula na rin ang ating mga Punong Barangay, sa tulong ng ating Social Welfare Office, Municipal Agriculture Office, at Public Employment Services Office, sa pagdetermina ng mga makakatanggap ng cash assistance mula sa Social Amelioration Program ng gobyerno. Ang bayan ng Bayambang ay may 16,000 beneficiaries na approved ng DSWD. Ito ay hinati-hati natin sa 77 barangays ng bayan, at base sa ibinabang guidelines ng national government, tayo ay tinutulungan ng mga punong barangay na mailista ang mga kwalipikadong mga pamilya na maaring makatanggap ng P5,500. Ito ay para masiguro na may pambili ng mga pangangailangan ang lahat habang pinapatupad pa ang community quarantine sa buong Luzon.

- Pinaigting din natin ang komunikasyon gamit ang cellphone at social media:

          - mayroon nang teleconsultation ang ating Rural Health Unit

          - naglunsad din tayo ng Bayambang COVID Hotline kung saan pwedeng tumawag ang mga may katanungan ukol sa coronavirus

          - patuloy rin ang pag-update sa ating Facebook page ukol sa mga latest updates tungkol sa COVID. Hinihiling ko sa ating mga kababayan na maging matalino at mapanuri sa social media. Huwag tayong maniwala sa mga FAKE NEWS upang maiwasan ang mga kalituhan at pag-papanic.

- Inayos din natin ang San Gabriel 1st Evacuation Center para maging temporary shelter ng mga Bayambangueño na nanggaling sa ibang lugar dahil sila ay considered as Persons Under Monitoring (PUM). Ang 22 na namalagi doon sa loob ng 14 na araw ay araw-araw minomonitor ng ating RHU at lahat ng pangangailangan nila katulad ng tubig, pagkain, at seguridad ay provided ng LGU, BFP, at PNP.

- Nakikipag-tulungan din tayo sa mga private establishments para gawing temporary shelter ng mga umuwing OFW ang kanilang lugar para sa kanilang 14-day quarantine. Ito ay upang masiguro na wala silang maiuuwing sakit sa kanilang mga pamilya. Nananawagan po kami sa mga Bayambangueño na kasalukuyang nakatira sa ibang lugar na manatili po muna kayo kung nasaan man kayo. Huwag muna tayong magpumilit na makapasok dito sa Bayambang para hindi na madagdagan ang mga PUM at para maiwasan na ang posibleng pagkalat ng coronavirus dito.

- Isang magandang balita ang ating natanggap noong April 7 dahil ang isang Bayambangueño na may kumpirmadong kaso ng COVID ay dineklara bilang recovered.

- Ang apat na PUI din dito sa Bayambang ay bumalik na ang resulta at napag-alaman natin na sila ay negative sa COVID.

- Maliban dito ay sa loob ng sampung araw ay hindi na tayo nakapagtala ng karagdagang biktima ng COVID-19 sa ating bayan.

- Ito ay nangangahulugang nasa tama tayong direksyon sa pagsugpo sa epidemyang ito. Hinihiling naman po namin ng aking asawa na si Niña ang patuloy ninyong pagdarasal para sa aming full recovery at para malampasan na ng ating bayan at ating bansa ang pagsubok na ito.



- Pinaghahandaan na rin ng ating LGU, sa pangunguna ng Bayambang Poverty Reduction Action Team, ang mga programa para sa ating muling pagbangon mula sa COVID-19 para pagkatapos ng lahat ng ito ay muli tayong makabangon at patuloy tayong lalaban para sa mas komportableng buhay para sa lahat.

-Ang Finance Committee kasama ang iba pang mga miyembro ng LGU ay naghahanda at pinag-aralang maigi kung papaano maaayos at epektibong magastoas ang ating matatanggap na Bayanihan Grant to Cities and Municipalities (BGMC) na nagkakahalaga ng 23M.

-Ang BPRAT naman ay naghahanda na ng isang Recovery Plan para sa krisis na ating kinakaharap. Isa sa mga ginagawa rin ng grupo ay ang pakikipag-ugnayan sa iba’t-ibang ahensya ng pamahalaan sa maaaring program o ayuda na maaaring maibigay sa ating mga kababayan.

Bayanihan sa Panahon ng Pandemya

Isang malaking pagsubok ang kinaharap ng buong mundo nitong mga nakaraang buwan dahil sa COVID-19 pandemic, at kasama na rito ang bayan ng Bayambang.

Pebrero pa lang ay nauna nang magkansela ng mga aktibidad sa pagdiriwang ng piyesta ang ating ayan, at kapalit nito ay ang pinaigting na information campaign ukol sa kumakalat na nakakahawang sakit na wala pang lunas.

Subalit sa kalagitnaan ng Marso ay nanguna ang Bayambang na magkaroon ng kaso sa probinsya ng Pangasinan, at sa kasawiang-palad ay agad na nagbuwis ng buhay ang isang duktor ng bayan at ang maybahay nito.

Dahil sa umiral na lockdown at extreme enhanced community quarantine, sari-saring krisis ang sabay-sabay na nagsisulputan: pagtigil at pagkawala ng hanapbuhay, pagsarado ng karamihan sa mga establisimyento, paglimita ng galaw ng tao, at pagka-antala ng dating ng iba't-ibang supply, na siyang nagdulot ng samut-saring abala. Ito ay nagdulot ng masidhing kakulangan sa lahat ng pangangailangan ng mga pamilya, una na ng pagkain sa araw-araw.

Higit pa sa unos, ang pangyayari ay mistulang isang malaking bangungot na siyang sumubok sa tibay ng dibdib at tatag ng pananampalataya ng lahat. Sa likod ng mga agam-agam, patuloy ang LGU Bayambang na gumawa ng paraan sa lubos ng makakaya nito upang tulungang ibsan ang biglaang pangangailangan ng mga kababayan. Mula sa mga frontliners nito, hanggang sa mga namamahala sa pagkalap at distribusyon ng relief goods, pamamahala sa Pamilihang Bayan, at pangongolekta ng mga basura, piniling magpakabayani ng mga opisyal at empleyado magampanan lamang ang sinumpaang tungkulin. Kahit may matinding pangamba ay pinilit nilang manilbihan na ang tanging baon lamang ay ang pananampalataya sa Diyos at pamumuno ng administrasyong Quiambao-Sabangan.

Di naman nagpahuli ang pribadong sektor sa pagkakawanggawa, sa pamamagitan ng pag-aabot ng tulong sa mga nangangailangan, lalo na sa mga magigiting na frontliners. Sa huli ay naghari pa rin ang bayanihan dahil sa kabutihang loob ng maraming Bayambangueño.

Mahirap mang bumangon sa bangungot na dulot ng COVID-19, hindi naman makakalimutan ang pag-iral ng kabayanihan at pagkamakabayan ng lahat ng pumiling maglingkod sa kapwa sa kabila ng banta ng pagkahawa sa mabagsik na bagong coronavirus.

March 2020 Editorial - "Babae Ka, Hindi Babae Lang"

Babae Ka, Hindi Babae Lang

Kay gandang pakinggan ng mga katagang, "Babae ka, hindi babae lang," na aming nabasa online kamakailan sa kasagsagan ng pagdiriwang ng Women's Month 2020, sapagkat binibigyan nito ng karapat-dapat na pagpupugay ang dati ay tinagurian nating "weaker sex."

Mapalad tayo dahil sa panahon ngayon ay mayroong pagsulong sa mga karapatan ng kababaihan sa ating batas matapos bigyang-pansin ang hindi pantay na pagtingin ng ating lipunan sa mga kababaihan. Ang mga maybahay, halimbawa, ay itinuturing na hindi produktibo sa ekonomiya subalit kung tutuusin ay napakalaki ng kanilang ambag, at hindi ito madaling tumbasan ng salapi. Kapag sila ay tumigil sa pamamalengke, pagluluto, paglilinis, paglalaba, at pag-aalaga ng mga anak, tiyak na madadamay ang lahat ng kasapi ng tahanan kabilang na ang mga kalalakihan.

Di natin nais sabihin na kung ano ang kaya ng mga lalaki ay kaya ring gawin ng mga babae, bagamat sa panahon ngayon ay namamayagpag ang maraming kababaihan sa mundo na dati ay sakop lamang ng kalalakihan. Ang nais lang nating tumbukin ay ito: may obvious na pagkakaiba man si Adan at si Eba, pantay naman ang kanilang halaga o dignidad, lalo na sa pagsulong ng kanilang karapatang pantao.

Malimit ay sinisisi ng iba ang saknong sa Bibliya na nag-uutos sa mga ilaw ng tahanan na "pasakop" sa kanilang mga
asawang lalaki, ngunit ang utos na ito ay may karugtong na katumbas na utos din sa mga haligi ng tahanan na "mahalin ang kanilang asawa gaya ng pagmamahal ng Diyos sa kaniyang simbahan," kaya't hindi ito nararapat gamitin upang di bigyang-pansin ang boses ng kababaihan lalo na sa loob ng tahanan.

Masasabi nating malayo na ang narating ng mga kababaihang Pilipina. Mula sa pagiging maybahay "lamang," sila ngayon ay presidente, abogado, duktor, pulis, piloto, at maging heneral, atbp. Hindi natin sinasabi na ang mga babae ay dapat maging kakumpitensya sa mga kalalakihan o banta man sa kanila; ang karapatang pantao ay dapat pantay-pantay sa lahat anuman ang kasarian. Ngunit huwag nating kalimutang nagkaroon ng women's movement sa kasaysayan nang dahil na rin sa mga maling pagtrato ng mga lalaki sa kanila sa loob ng napakahabang panahon, kaya naman ngayon ay mayroon tayong Magna Carta for Women at iba pang batas para sa kanilang kapakanan.

Di tayo dapat magpakakampante hangga't may kaso pa rin ng pang-aabuso sa mga kaabaihan, kabilang na ang diskriminasyon at karahasan. Ang pagidiriwang ng Buwan ng Kababaihan ay magkakaroon lamang ng kabuluhan kapag nagapi na ang mga ito nang tuluyan at maghari ang pagtrato sa kanila ng may paggalang at pagtangi.

Isinusulong ng LGU-Bayambang ang women empowerment sa pamamagitan ng Local Council of Women na pinamumunuan ni First Lady Niña Jose-Quiambao, na siyang laging naka-antabay upang ang kapakanan ng bawat Bayambangueña ay maisulong sa iba't-ibang pamamaraan.

Ang women’s issue ay isyu ng buong sambayanan. Naniniwala tayo sa women empowerment dahil kapag ang mga kababaihan ay masaya at may panatag na kalooban, ang mga kalalakihan at ang buong lipunan ay sasaya at papanatag din tulad nila.

LGU Accomplishments for March 2020

GOOD GOVERNANCE

Dagdag Asset ng LGU: 3 Bagong Avanza

Dumating noong February 28 ang tatlong Toyota Avanza na nagkakahalaga ng P998,000 bawat isa. Ang mga ito ay karagdagang asset ng munisipyo sa pagbibigay ng mabilisang serbisyo publiko.

Tricycle Task Force, Binuo

Noong March 11, nagpulong sa Municipal Conference Room ang isang bagong-buong Task Force upang pag-aralan ang implementasyon ng 'No Tricycle' policy ng gobyerno sa tatlong national roads sa Bayambang upang mabawasan ang insidente ng mga sakuna dulot ng slow-moving vehicles sa mga highway. Ang Task Force ay binubuo nina Mayor Cezar Quiambao na nirepresenta ni Municipal Administrator Atty. Raymundo Bautista Jr., Councilor Martin Terrado II bilang SB Chairman on Public Transportation, Liga ng mga Barangay President, MPDC, Legal Officer, MLGOO, POSO Chief, at Bayambang PNP Chief. Kabilang sa mga napagkasunduan ay ang mas pinaigting na clearing ng mga natitirang road obstructions upang magbigay daan sa tricycle lane sa magkabilaang outer lanes ng mga naturang daan.

LIVELIHOOD

MOA Signing para sa DSWD Sustainable Livelihood Program

Sa pangunguna ni Mayor Quiambao ay lumagda sa isang Memorandum of Agreement ang LGU Bayambang para sa implementasyon ng mga Sustainable Livelihood Program ng DSWD. Sa MOA signing na ito na ginanap sa Municipal Conference Room noong March 4 ay nasiguro ang P3.8M budget para sa mga livelihood project na mismong mga benepisyaryo ang pipili. Nakatakdang makuha ang pondo sa buwan ng Hunyo at maiimplementa ang mga proyekto sa sampung barangay mula Agosto hanggang Septyembre 2020.

FINANCIAL ADMINISTRATION  

 BPLO in Action

Sa nakaraang linggo ay nagsagawa ang Business Processing and Licensing Office ng inspeksyon at issuance ng demand letter para sa iba't-ibang negosyo na itinayo sa Brgy. Magsaysay, Telbang, Buayaen, Poblacion Sur, at Tambac. Ito ay upang paalalahanan ang bawat negosyante sa kanilang tungkuling magbayad ng business tax na siyang nagdadagdag sa revenue ng munisipyo.

HEALTH 

RHU I, Animal Bite Treatment Center Na!

Naging certified Animal Bite Treatment Center na ng Department of Health ang Rural Health Unit 1. Ibig sabihin ay maaari nang magpabakuna ng libre kada Martes at Biyernes ang mga taga-Bayambang doon kapag sila ay nakagat ng aso at pusa.

Opening Soon: RHU IV sa Brgy. Macayocayo

Malapit nang magbukas ang ating Rural Health Unit IV sa Barangay Macayocayo upang pagsilbihan ang pangangailangang pangkalusugan ng ating mga kababayan sa 6^th District.

Info Campaign ukol sa COVID-19 Atbp, Pinaigting

Patuloy si Municipal Health Officer Dr. Paz Vallo kasama ang buong puwersa ng RHU 1, 2 and 3 at ng Department of Health sa pagbibigay ng tamang kaalaman ukol sa COVID-19 at iba pang sakit upang maging handa ang bawat barangay sa pagresponde ayon sa protocol ng DOH.

Inaabisuhan ang lahat na laging panatilihing malinis ang paligid at pangangatawan, hugasang mabuti ang mga kamay, kumain ng wasto, at iwasan munang makihalubilo sa matataong lugar, at kaagad na magpacheck-up kung may nararamdamang mga sintomas. Iwasan din po natin ang magpanic-buying para sa kapanatagan ng lahat.

“IEC on Responsible Parenthood and Maternal Health Care with Free Lab Check-Ups,” Inilunsad ng RHU II

Ang Rural Health Unit II sa Brgy. Wawa, sa pamamahala ni Dra. Adrienne A. Estrada, ay nagsagawa ng “Buntis Party” noong March 6 sa Wawa Barangay Hall at March 10 sa Telbang Barangay Hall.

Ang mga ito ay dinaluhan ng may 66 na buntis na nagmula sa catchment area ng RHU II. Ang programa ay nagbigay-impormasyon ukol sa kahalagahan ng pagkakaroon ng malusog na pagbubuntis, tamang paraan ng pagpapasuso ng ina (breastfeeding), at pagpaplano ng pamilya. Nagsagawa din sila ng libreng laboratory tests gaya ng CBC, urinalysis at syphilis screening.

Pep Talk para sa Boluntaryong Pagbibigay ng Dugo

Ang Rural Health Unit III, sa pamamahala ni Dra. Adrienne Estrada, ay naglunsad ng isang "Pep Talk" noong ika-10 at 11 ng Marso 2020 sa Moises Rebamontan National High School at Hermoza National High School. Ito ay dinaluhan ng  241 estudyante mula Grade 11 at 12 sa nasabing mga high school. Ang programang ito ay naglalayon na mabigyan ng impormasyon ang mga estudyante tungkol sa kahalagahan at benepisyo ng pagdo-donate ng dugo, at dagdag impormasyon din tungkol sa paksang COVID-19 at TB-DOTS.

Info Campaign ukol sa COVID-19 Atbp, Pinaigting

Patuloy si Municipal Health Officer Dr. Paz Vallo kasama ang buong puwersa ng RHU 1, 2 and 3 at ng Department of Health sa pagbibigay ng tamang kaalaman ukol sa COVID-19 at iba pang sakit upang maging handa ang bawat barangay sa pagresponde ayon sa protocol ng DOH. Inabisuhan ang lahat na laging panatilihing malinis ang paligid at pangangatawan, hugasang mabuti ang mga kamay, kumain ng wasto, at iwasan munang makihalubilo sa matataong lugar, at kaagad na magpacheck-up kung may nararamdamang mga sintomas. Iwasan din po natin ang magpanic-buying para sa kapanatagan ng lahat.

OTHER SOCIAL SERVICES

Tsinelas Ipinamahagi sa Macayocayo ES

Noong March 2 ay namahagi ang Bayambang Poverty Reduction Action Team ng libreng tsinelas sa Macayocayo Elementary School. Ang mga tsinelas na ito ay nalikom ng BPRAT mula sa ginanap na Padyak Laban sa Kahirapan bicycle fun ride noong August 28, 2019 bilang paggunita sa ikalawang anibersaryo ng Rebolusyon Laban sa Kahirapan.

PEACE AND ORDER

MADAC Symposium, Ginanap Muli

Nag-organisa ang Bayambang Municipal Police Station ng isa na namang Municipal Anti-Drug Abuse Council Symposium para sa mga drug reformist sa Events Center noong March 4. Ito ay dinaluhan nina Mayor Cezar Quiambao bilang MADAC Chairman ng LGU, PNP-Bayambang OIC Chief Marceliano Desamito Jr. bilang Vice-Chairman, Municipal Local Government Operations Officer Royolita Rosario, at Municipal Administrator Atty. Raymundo Bautista Jr.

Adhikain ng symposium na maipagpatuloy ang drug-free status ng Bayambang at tuluy-tuloy na suportahan ang War on Drugs ng pamahalaan. Parte ng symposium ang isang mandatory drug test sa tulong ng Pangasinan Crime Laboratory at ng RHU 1.

ECONOMIC DEVELOPMENT

BAMACADA Transport Co-op General Assembly  

Noong March 12, umattend sa Royal Mall ang Municipal Cooperative Development Office sa Second General Assembly Meeting ng BAMACADA Transport Cooperative, isang co-op ng local mini-bus operators, kasama ang Cooperative  Development Authority-Dagupan at Office of Transport Cooperative.

INFRASTRUCTURE DEVELOPMENT

COMPLETED: Ligue-Tococ West-Tanolong Roadline under DILG funding

ONGOING:  Slope Protection for Ligue-Tanolong-Tococ West Roadline

ONGOING: Road asphalting in Brgy. Hermoza, Telbang, and MH Del Pilar

ONGOING: Tococ West-Ligue Roadline under the Local Govt Support Fund of the Department of Budget and Management

ONGOING: Reynado-Inanlorenza Roadline under the DBM fund

ENVIRONMENTAL PROTECTION

ESWMO Project: Bag at Bayong na Gawa sa Plastic Straw

Patuloy ang Ecological Solid Waste Management Office (ESWMO) sa pagpapatupad ng Municipal Ordinance #19 o ang pagbabawal sa paggamit ng mga single-use plastics sa bayan ng Bayambang. Bilang pagpapaigting sa ordinansang ito, ang mga staff ng ESWMO ay gumagawa ng mga bag at bayong gamit ang mga plastic straws bilang alternatibo sa mga sando bag na ginagamit sa pamamalengke. Pinayuhan din ng departamento ang lahat na sumunod sa "Bring Your Own Bag" policy. 

DISASTER RESILIENCY

 Cash Assistance Mula DA-Region I, Pinamahagi na sa mga ASF-Affected Barangays

Nabigyan ng ayuda ang mga apektadong mamamayan ng apat na barangay ng Bayambang na higit na naapektuhan ng African Swine Fever (ASF), kabilang na ang Brgy. Apalen, Tatarac, Inirangan, at Carungay noong March 12. Umabot sa 255 na mamamayan ang nakatanggap ng tseke mula sa DA-Region I.

Sila ay nabigyan ng P5,000 para sa bawat piraso ng alagang baboy na naapektuhan ng culling operations, ngunit 20 piraso lamang ng na-cull na baboy ang maximum na makakatanggap ng karampatang ayuda sa bawat may-ari ng baboy.

Samakatuwid, P100,000 na ang pinakamalaking halaga na natanggap ng ilan sa mga apektadong mamamayan.

List of Evacuation Centers in Bayambang

1. Manambong Parte Evacuation Center (2 buildings)
2. Manambong Sur Evacuation Center
3. Pantol Evacuation Center
4. Paragos Evacuation Center
5. Iton Evacuation Center
6. San Gabriel I Evacuation Center
7. San Gabriel II Evacuation Center (2 buildings)
8. Wawa Evacuation Center
9. Pugo Evacuation Center