LGU ACCOMPLISHMENTS for July 2021

GOOD GOVERNANCE

 

4-in-1 Celebration

 

Isang kickoff ceremony ang ginanap para sa apat na selebrasyon sa buwan ng Hulyo: ang 47th National Nutrition Month, 2021 Disaster Resilience Month, 43rd Disability Prevention and Rehabilitation Week, at 26th Police Community Relations Month.  Ito ay sinimulan ng isang motorcade, at matapos ay nagkaroon ng isang maikling programa sa Balon Bayambang Events Center na dinaluhan ng mga buntis at mga may kapansanan. Naging panauhin si Vice-Mayor Raul Sabangan, kasama ang mga municipal councilors sa aktibidad na tulung-tulong na inorganisa ng Nutrition Office, MDRRMO, MSWDO, POSO, at PNP. 

 

DILG at LGU, Inilunsad ang Safety Seal sa Bayambang

 

Pinasinayaan ng Lokal na Pamahalaan ng Bayambang, sa patnubay ng Department of the Interior and Local Government, ang nakatakdang issuance ng Safety Seal noong ika-5 ng Hulyo sa Balon Bayambang Events Center. Ang launching ng naturang certification program ng national government ay dinaluhan ng mga matataas na opisyal ng LGU at mga may-ari ng iba’t ibang establisimyento sa Bayambang. Layunin ng programa na mahikayat ang lahat ng establisimyento, mapa-gobyerno man ito o pribado, na magsecure ng Safety Seal bilang katibayan na ang mga ito ay sumusunod sa minimum public health standards.

 

Safety Seal, Iginawad na sa Ilang Compliant Government Offices

 

Noong July 6, ang opisina ng Municipal Disaster Risk Reduction Management ang kauna-unahang Local Government Unit Office na nagawaran ng Safety Seal sa bayan ng Bayambang. Ang inspection team ay binubuo nina Municipal Local Government Operations Officer Royolita Rosario, Acting Municipal Fire Marshall SFO3 Randy Fabro, at PNP representative na si PSSg Rhyan Malanum. Ginawaran rin kamakailan ng Safety Seal ang RHU II, RHU III, Municipal Local Government Operations Office, PNP, at BFP. Ang Safety Seal certification program ay isa sa pinakahuling hakbang ng national government upang paigtingin ang laban kontra sa COVID-19.

 

UPLB Chancellor Camacho, Bumisita

 

Bumisita noong July 7 si University of the Philippines Los Baños Chancellor Jose Camacho Jr. para sa isang exploratory meeting kay Mayor Quiambao. Siya ay sinalubong nina Vice-Mayor Raul Sabangan, Councilor Mylvin Junio, SB Secretary Joel Camacho, at BPRAT Chairman Rafael Saygo. Sa pulong ay iprinesenta ni G. Saygo ang Poverty Reduction Action Plan ng Bayambang, at pinag-usapan ang mga maaaring maging proyekto sa pagitan ng LGU at UP Los Baños. Si Chancellor Camacho ay isang Bayambangueño.

 

Bagong LGU-BEA Officers Inihalal; Sabangan, Bagong Presidente

 

Noong July 12, nagsagawa ng isang eleksiyon para sa bagong set of officers ang 277 na permanent employees na miyembro ng LGU-Bayambang Employees Association (BEA) sa kanilang general assembly na inorganisa ng dating LGU-BEA President na si G. Romeo Quinto sa Events Center. Inihalal na bagong Presidente ng BEA si Princesita Sabangan, Vice-President si Venus Bueno, at Secretary si Vicky Malagotnot. Nilalayon ng BEA na isulong ang pagkakaisa sa pagitan ng mga kawani ng gobyernong lokal at isulong ang kanilang kapakanan upang maging mas epektibo sa pagbibigay serbisyo-publiko.

 

BBKAPI General Assembly, Ginanap

 

Noong July 12, ginanap ang General Assembly ng Barangay Kagawad Association of the Philippines Inc. (BBKAPI) sa Events Center. Naroon siyempre ang mga kagawad mula sa lahat ng 77 na barangay ng Bayambang na pinamumunuan ni BBKAPI President Bernardo Decoro. DIto ay tinalakay ang mga issues at concerns ng mga kagawad sa pagbibigay ng serbisyo publiko sa kanilang mga barangay.

 

Cadre Site, Pinakaunang Barangay na Ginawaran ng Safety Seal

 

Noong July 15, ginawaran ang Brgy. Cadre Site ng kauna-unahang Safety Seal para sa isang barangay sa bayan ng Bayambang. Ang Inspection Team ay binubuo nina Municipal Local Government Operations Officer Royolita Rosario, Acting Municipal Fire Marshall, SFO3 Randy Fabro, at Bayambang Municipal Police Station OIC Chief, PLtCol Andres Calaowa Jr. Kanilang binusisi kung sumusunod ang naturang barangay LGU sa mga minimum public health protocol bilang pagpapaigting ng laban kontra COVID-19.

 

RHU 4, Jollibee, May Safety Seal na Rin

 

Noon ding araw ay ginawaran ang Rural Health Unit 4 sa Brgy. Macayocayo ng Safety Seal.  Pagkatapos nito ay ang sariling inspection team naman ng LGU ang nag-inspect sa branch ng Jollibee sa Royal na pumasa rin upang magkaroon ng sariling Safety Seal. Ito ang unang commercial establishment sa Bayambang na pumasa sa Safety Seal. Bukod sa MLGOO, PNP, at BFP, ang LGU Inspection Team ay binubuo nina Licensing Office Renato Veloria Jr., RHU 1 Sanitary Inspector Danilo Rebamontan, MRDDM Officer Genevieve Benebe, at Engineering Office representative.

 

Councilor Amory Junio, 1st Lieutenant (Philippine Army Reservist)

 

Pormal nang iginawad kay Councilor Amory Junio ang titulong 1st Lieutenant bilang isang Philippine Army Reservist noong July 19 sa Balon Bayambang Events Center. Ang seremonya ay dinaluhan ng ilan sa mga matataas na opisyal ng Philippine Army sa pangunguna ni Deputy BGen. Angel Madarang. Nanguna sa pagbati kay Councilor Junio sina Mayor Cezar Quiambao, Coun. Rodelito Bautista at Coun. Levinson Uy, Col. Leonardo Solomon, at Atty. Raymundo Bautista Jr.  Buong suporta siyempre ang maybahay ng konsehal na si Gng. Medina Junio kasama ang kanilang tatlong anak.

 

Mayor Quiambao, Ininduct ang mga Bagong LGU-BEA Officers

 

Ang mga bagong halal na officers ng LGU-Bayambang Employees Association ay ininduct ni Mayor Cezar Quiambao noong July 12 sa Balon Bayambang Events Center pagkatapos ng Monday flag-raising ceremony. Sa pagkakaluklok bilang presidente ay hinikayat ni LGU-BEA President Princesita Sabangan ang 277 na miyembro ng naturang asosasyon na magkaisa para sa ikabubuti ng bawa’t kawani. Bago maupo si Mayor Quiambao ay wala pang isang daan na permanenteng empleyado ang LGU-Bayambang.

 

Sa nasabing oath-taking, pinaalala ni Mayor Quiambao na pahalagahan ang lahat ng kawani na ang integridad ng institusyon. Ang BEA ang siyang magsisilbing boses ng mga kawani sa administrasyong Quiambao-Sabangan.

 

LGU-BEA Officers, Nagpulong

 

Ginanap ang unang pagpupulong ng mga bagong-talagang opisyal ng LGU-Bayambang Employees Association (LGU-BEA) noong July 23 sa Mayor’s Conference Room. Dito ay isinaayos ng mga opisyal ang constitution at by-Laws ng asosasyon, upang magkaroon ng kalinawan sa lahat ng myembro kung ano ang tungkulin ng BEA. Doon din nagtalaga ng mga myembro ng iba’t ibang komite para sa mas maayos na pamamalakad ng asosasyon. Noong Hulyo 27 naman ay inaprubahan ang bagong mission-vision statement ng BEA. Samantala, ang mga dokumento na hawak ng mga dating Secretary at Treasurer ay opisyal nang itinurn over sa mga bagong halal na opisyal noong July 30.

 

FINANCIAL ADMINISTRATION & TAXATION

 

Assessor's Office Conducts Verification Survey

 

Noong July 6, nagconduct ang Assessor's Office ng isang verification survey kasama ang Municipal Engineering Office para sa panukalang Wawa-Pugo Highway.

 

Ocular Inspection & Reassessment of Properties in Cadre Site, M.H. Del Pilar

 

Noong July 19, nag-conduct ang Assessor's Office ng ocular inspection at reassessment para sa mga newly constructed commercial buildings at para sa mga bagong makinarya sa Brgy. Cadre Site at Brgy. M.H. Del Pilar. Bahagi ito ng malawakang kampanya ng opisina upang makalikom ng sapat na buwis na siyang magpopondo ng mga development projects ng lokcal na pamahalaan.

Idle Lands, Ininspekyon para sa Reclassification

 

Noong July 27, nagconduct ang Assessor’s Office, kasama ang MPDC at Agriculture Office, upang magconduct ng ocular inspection sa iba’t ibang barangay patungkol sa reclassification ng mga dati nang nakalista na idle lands. Ang magiging reclassification ay batay sa aktuwal na gamit ng mga current occupant’s ng mga naturang real property.

 

LEGISLATIVE WORK

 

-

 

HEALTH

 

Mga Transaksyon sa Munisipyo, Direktang Natamasa sa Brgy. Hermoza

 

Noong July 2, nagpatuloy naman sa Barangay Hermoza Covered Court ang Komprehensibong Serbisyo sa Bayan upang pagsilbihan ang magkakaratig-barangay sa District 4, ang Hermoza, Caturay, at Malioer. Gaya ng inaasahan, daan-daang residente ang naging benepisyaryo ng mga serbisyo, hindi lang medikal, kundi pati na mga serbisyong mula sa lahat ng departamento ng LGU.

 

Free Prenatal Check-up at Immunization Drive ng RHU, Patuloy

 

Patuloy ang RHU sa libreng prenatal check-up para sa mga buntis at pagbabakuna sa mga batang 0 to 12 months sa iba't ibang barangay ng Bayambang. Ito ay upang maprotektahan ang mga sanggol mula sa immune-preventable diseases gaya ng TB, polio, diphtheria, pertussis, tetanus, mumps, measles at rubella o German measles.

 

 

 

Komprehensibong Serbisyo sa Bayan Year 4: Sa Sapang Naman

 

Muling naghatid ng Komprehensibong Serbisyo sa Bayan ang LGU Bayambang noong  July 9. Sa pagkakataong ito, ang mga serbisyo ng Munisipyo ay dinala sa  Sapang Covered Court, Brgy. Sapang. Kasama sa mga benepisyaryo ang mga residente ng Sapang at karatig-barangay na Banaban at Duera. Daang-daang katao ang nahatiran ng mga libreng serbisyo mula sa health, social services, finance, agriculture, at ibang departamento ng Munisipyo.

 

Dr. Vallo: “Be a Responsible Pet Owner”

 

Muling pinapaalalahanan ni Municipal Health Officer, Dra. Paz Vallo, ang lahat na maging responsbile pet owner at mag-ingat sa stray animals. Ito ay dahil sa pagdami ng kaso ng mga nakakagat ng aso at pusa sa Animal Bite Treatment Center ng RHU 1 sa unang bahagi pa lang ng taon. Inanabisuhan niya rin ang lahat na pabakunahan din ang mga alagang hayop sa ating municipal veterinary team.

 

Mga Serbisyo ng Munisipyo, Bumugso sa Brgy. Sanlibo

 

Patuloy ang pagtanggap ng mga Bayambangueño ng iba’t ibang serbisyo ng lokal na pamahalaan sa paglalapit sa kanila ng mga ito sa pamamagitan ng Komprehensibong Serbisyo sa Bayan (KSB) Year IV. Sa pangunguna ni KSB Chairperson  RHU II Rural Health Physician, Dr. Adrienne Estrada, ang panglabing-dalawang edisyon na ito ng KSB ay ginanap sa Sanlibo Covered Court noong July 16, at pinaglingkuran ang mga karatig-barangay ng Idong, Inanlorenza at Sanlibo. Labis naman ang tuwa ng mga mamamayan ng Sanlibo, Idong, Inanlorenza, sapagkat si Mayora Niña Quiambao ay nagpaabot ng surpresa sa pamamagitan ng grocery package at bigas para sa mga nagpuntang residente.

 

Mga Patok na Patimpalak sa Nutrition Month

 

Bilang parte ng pagdiriwang ng ika-47th na selebrasyon ng National Nutrition Month, matagumpay na nagsagawa ang Nutrition Action Office ng iba’t ibang patimpalak upang ipromote ang wastong nutrisyon sa lahat.

 

 

Nutri Online Photo Contest

 

Sila ay nagdaos ng Nutri Online Photo Contest para sa mga nanay upang mai-highlight ang kanilang mga ginagawang hakbang para isulong ang wastong nutrisyon sa first 1,000 days ng kanilang anak, simula sa araw ng kanilang pagbubuntis.

 

 

 

Search for Idol Nanay Year 2

 

Sa ikalawang pagkakataon ay idinaos ang Search for Idol ko si Nanay para sa lahat ng nanay na naiwasto ang timbang ng kanilang mga alagang supling ayon sa assessment ng Nutrition Office.

 

Poster-Making Contest

 

Nagkaroon naman ng Poster Making Contest sa Aguinaldo Hall ng Events Center patungkol sa tema ng Nutrition Month ngayong taon, ang “ Malnutrisyon Patuloy na Labanan, First 1000 Days Tutukan!”

 

Search for A1 Child

 

Sa tradisyunal na Search for A1 Child sa Events Center, ibinida ng mga munting kabataan ang kanilang angking talento sa pagsasayaw.

 

Nutri Vlog Cooking Contest

 

Nagpasiklaban naman ang mga Barangay Nutrition Scholars sa pagluluto ng mga masusustansiyang ulam sa Nutri-Vlog Cooking Contest na ginanap sa Municipal Library.

 

Healthy Food Treats in Pantol

 

Kinabukasan, ang mga nanalong putahe sa cooking vlog contest ay inulit na lutuin ng mga Nutrition Office staff at ipinatikim sa mga buntis at lactating mothers sa Brgy. Pantol bilang mga healthy food treats.

 

"Mayor Quiambao, Isa sa mga Nutrition Champion sa Rehiyon; Bayambang MNAO, Top Performer sa Pangasinan"

 

Inihayag ni National Nutrition Council OIC Regional Coordinator Kendall Pilgrim Gatan na si Mayor Cezar Quiambao ay isa sa mga napipisil na “Regional Nutrition Champion” ng NNC ukol sa mabuting pamamahala sa pagpapatupad ng mga programa ng ahensya.  Inihayag din ni Gatan na ang Municipal Nutrition Action Officer ng Bayambang na si Venus Bueno ay ang top performer na MNAO sa buong probinsya ng Pangasinan. Dagdag pa ni Gatan, nais nitong magbenchmark ang NNC sa Bayambang upang makita kung paano iniangat ang bayan mula sa pagiging isa sa mga most malnourished towns sa probinsiya hanggang sa tuluyan itong mabura sa listahan.

 

POSO Chief, Nag-ikot sa para sa Vaccination Info Campaign

 

Pinangunahan ni POSO Chief at Task Force Bakuna Chairperson Col. Leonardo Solomon ang pag-iikot sa mga barangay upang hikayatin ang lahat ng nasa priority list na magpabakuna na. Ayon sa kanya, kinakailangan lamang magpa-profile sa mga Barangay Health Worker ang sinumang nais makatanggap ng Johnson & Johnson (Janssen) vaccine para maisama sa schedule. Ang slot para sa 4,000 doses na available sa ngayon para sa mga residente ay unang ipamamahagi sa mga senior citizen at mga mayroong comorbidities katulad ng diabetes, hypertension, cancer, atbp. Hindi iaaccommodate ang mga wala sa schedule sa mismong araw ng pagbabakuna.

 

Resbakuna sa Bayambang, Patuloy sa Pag-arangkada

 

Lalong pinaigting ang pagbabakuna ng Lokal na Pamahalaan upang masiguro ang kaligtasan ng bawat Bayambangueño kontra COVID-19. Salamat sa pagtutulungan ng mga miyembro ng Task Force Bakuna, humigit-kumulang na 4,000 katao ang agad na nabakunahan sa Pugo Vaccination Site simula July 27, gamit ang 4,000 vials ng one-shot na bakunang Janssen na gawa ng Johnson & Johnson.

 

EDUCATION

 

Municipal Library Donates Educational Materials to Hermosa NHS

 

Noong July 5, nagdonate ang Municipal Library ng mga libro, DVD, at magazines sa Hermosa National High School sa Brgy. Hermoza. Kabilang sa donasyon ang 62 na aklat, 40 na educational DVD, at 33 na magazines.

 

Rotary Club, Magpapatayo ng 3 Classrooms sa Bascos ES

 

Noong July 8, nagsagawa ng isang groundbreaking ceremony ang Rotary Club of Bayambang, sa ilalim ni President Gloria Valenzuela, para sa ipapatayong tatlong silid-aralan sa Bascos Elementary School sa Brgy. Manambong Parte. Kasama sa mga donors ang Chairman ng Kasama Kita sa Barangay Foundation, Mrs. Niña Jose Quiambao, Mayor Cezar Quiambao, Rotary International, Rotary District 3790, at Rotary Club of Korea Tamjin District 3610. Naroon sa groundbreaking ceremony sina Vice-Mayor Raul Sabangan, Board Member Vici Ventanilla, Incoming Rotary President Benjamin Francisco de Vera, Councilor Philip Dumalanta, Bascos Elementary School Principal Lily Luz Corpuz, Local School Board Executive Director Rolando Gloria, PSDS Dr. Mary Joy Agsalon, Manambong Parte Punong Barangay Romeo Macaraeg at iba pang opisyal.

 

136 Learners, Nagtapos sa Distant Learning Enhancement Program

 

Noong July 27, nagsipagtapos ang 136 learners na kabilang sa mga sumali sa eksperimental na proyektong Bayambang Community-Based Distant Learning Enhancement Program ni Mayor Quiambao upang ipakita na posible ang limited face-to-face learning sa panahon ng pandemya hangga't inoobserbahan ang minimum health standards. Ang pagtatapos na inorganisa ng BPRAT ay ginanap sa Inanlorenza Covered Court at Hermoza Covered Court sa presensiya ni Vice-Mayor Raul Sabangan at ng mga Municipal Councilors kasama sina Inanlorenza Punong Barangay Rolando Yome  at Hermoza PB Frankie Catalan) sampu ng kanilang buong council. Nagkaisa ang lahat ng mga bumating opisyal na ang edukasyon ang mabisang panangga laban sa kahirapan, kaya't ang mga kabataan ay dapat magpursige sa pag-aaral, anuman ang panahon.

 

LIVELIHOOD & EMPLOYMENT

 

ANCOP Ville Residents, Bagong Beneficiaries ng Project ITLOG ng KKSBFI

 

May bagong beneficiaries na ang Project ITLOG ng Kasama Kita sa Barangay Foundation. Sila ay ang napiling 10 households na taga-ANCOP Ville sa Brgy. Sancagulis. Sila ay nakatanggap ng housing materials at nakatakdang makatanggap ng mga layer chicken at stocks ng first cycle feeds. Ang mga benepisyaryo ang siyang magtatayo ng sariling housing ng mga alagang manok. Kasangga ng KKSBFI sa implementasyon at monitoring ng proyekto ang Agriculture Office, DSWD, MSWDO, at BPRAT.

 

Post-Harvest Training on Buro-Making, Gourmet Tuyo-Making, and Bangus Deboning, Isinagawa

 

Noong July 1 at 2, nagsagawa ng 2-day Post-Harvest Training on Buro-Making, Gourmet Tuyo-Making, at Bangus Deboning sa Brgy. Tampog RiceBIS Cooperative Office. Ang mga participants’ ay mga members’ ng RiceBIS Cooperative at Tampog Fisherfolk Association.

 

Mga Inactive na Co-op, Pinulong ni Mayor Quiambao

 

Noong July 5, pinulong ni Mayor Cezar Quiambao sa Events Center ang mga Board of Directors pati na rin ang mga miyembro ng mga inactive na kooperatiba upang pag-usapan ang kanilang mga nagiging suliranin sa organisasyon. Kasama ang Municipal Cooperative Development Office, nangako si Mayor Quiambao na tutulong na muling buhayin, maiangat, at pasiglahin

 

Digital Marketing Strategy, Inihatid ng DTI-Negosyo Center

 

Noong July 9, nagconduct ang DTI at Negosyo Center Bayambang ng isang seminar ukol sa Digital Marketing sa Aguinaldo Hall ng Events Center. Dito ay inimbitahan ang mga may-ari ng maliliit na negosyo at binigyan ng tips ukol sa mga istratehiya sa pag-market ng kanilang serbisyo at produkto gamit ang social media. Naroon sa seminar sina Councilor Levinson Uy bilang Sangguniang Bayan Committee Chairman on Market Trade and Industry, at nagsilbi namang lecturer si Bb. Jeanica Joson ng University of Luzon.

 

Arenas, Dumating para sa TUPAD Profiling

 

Noong July 14, dumating si former Congresswoman Rachel ‘Baby’ Arenas para sa profiling ng potential beneficiaries per district para sa TUPAD program ng Department of Labor and Employment o Tulong Pangkabuhayan Para sa Ating Displaced Workers. Ang profiling ay inorganisa ng Public Employment Services Office katulong ang BPRAT, POSO, at MDRRMO. May 1,000 na potensiyal na benepisyaryo ng TUPAD ang nag-apply, at ang mga ito ay pawang mga repatriated OFWs o pamilya ng isang OFW.

 

Sa temporary employment program na ito ng DOLE, popondohan ng opisina ni Congresswoman Rose Marie Arenas ang bayad na P3,400 na salary para sa kada isang temporary worker na matatanggap sa TUPAD.

 

Bagong Livelihood Project , Ikinasa para sa mga Dating DSWD-SLP Beneficiaries

 

 Noong July 13, dumating ang director ng Philippine Carabao Center na si Vilma Gagni upang bilhin ang mga pinalaking gatasang kalabaw ng mga benepisyaryo ng Sustainable Livelihood Program ng DSWD na miyembro ng Tilapia Growers Association sa Brgy. Manambong Sur at gamitin ang bayad upang gawing pambili ng panibagong livelihood project. May pitong benepisyaryo ang tumanggap ng naturang bayad sa MSWDO. Naroon din ang BPRAT, ang Project Development Officer ng DSWD Regional Field Office 1 na si Roger Jimenez, at mga kasamahan na Municipal Links na siyang unang nangasiwa sa naturang milking carabao project.

 

Basic Accounting & Bookkeeping Training, Isinagawa para sa mga Magsasaka Atbp.

 

Sumailalim sa Basic Accounting & Bookkeeping Training ang mga opisyal ng agricultural cooperatives, small livelihood project beneficiaries, at ilang kabataan noong July 28 at 29 sa Royal Mall upang ang mga ito ay mahasa sa pagpapatakbo ng kanilang organisasyon o negosyong tatahakin, partikular na ang aspetong pampinansyal. Ito ay isinagawa sa pagtutulungan ng Agriculture Office, Kasama Kita sa Barangay Foundation, at Bayambang Poverty Reduction Action Team.

 

Bani Delicious Ice Cream SLPA, Tumanggap ng Financial Assistance mula sa DOST

 

Noong July 28, inaward ng DOST Provincial Science and Technology Center (PSTC)-Pangasinan ang isang financial assistance sa Bani Delicious Ice Cream Sustainable Livelihood Program Association (SLPA). Ang grant na ito ay nagkakahalaga ng P180,000, at ito ay ipambibili ng ice cream mixer na siyang nirequest ng naturang SLPA noong nakaraang taon. Ito ay makatutulong upang ang dating mano-mano na paggawa ng ice cream ay mas mapapabilis at mapataas ang produksyon ng kanilang maliit na pagawaan sa Brgy. Bani.

 

OTHER SOCIAL SERVICES

 

DSWD RO1 Director, Dumating para sa Ikalawang Bugso ng SAP-LAG Payout

 

Dumating si DSWD Regional Director Marie Angela Gopalan para sa ikalawang bugso ng pamamahagi ng Social Amelioration Program - Livelihood Assistance Grant (SAP-LAG) ng Department of Social Welfare and Development (DSWD) noong July 6 sa Events Center. Sa naturang grant, may 600 na benepisyaryong rehistradong tricycle drivers at vendors ang tumanggap ng P5,000 cash bawat isa. Ito ay bilang munting ayuda sa pagkawala ng kanilang kabuhayan noong magkaroon ng mga mahigpit na restriksyon sa pagputok ng pandemya.

MCTQ, Nakipagpulong sa DSWD-RO1 Regional Director

Pagkatapos ng SAP LAG payout, nakipagpulong si Mayor Quiambao kay Director Gopalan sa Niña’s Café kasama ang Bayambang Poverty Reduction Action Team at Municipal Social Welfare and Development Office. Kanilang tinalakay ang mga proyekto ng LGU sa ilalim ng Socio-Cultural Development at Social Protection sector ng Bayambang Poverty Reduction Plan at ang mga posibleng maaaring ibigay na tulong ng DSWD Regional Office para sa ating mga kababayan.

 

Dalagitang may Intra-Nasal Mass, Sinaklolohan ng MAC

 

Noong June 18, naging daan ang Mayor's Action Center (MAC) upang matulungan na magpa-opera ang isang dalagita na mayroong bukol sa loob ng ilong na si Darlene Bless Perez na taga-Brgy. Telbang. Naging matagumpay ang operasyon nito sa East Avenue Medical Center, kaya’t taos-pusong nagpapasalamat ang dalagita at ang kanyang magulang sapagkat wala silang binayaran sa ospital. Ito ay dahil sa pinagsama-samang tulong nina Congresswoman Rose Marie ‘Baby’ Arenas, Mayor Cezar Quiambao, Kasama Kita sa Barangay Foundation Inc. COO Romyl Junio, ang Heart Center na gumawa ng referral sa pasyente, at ang MAC sa pamumuno G. Jocelyn Espejo.

 

Social Pension para sa mga Indigent Senior Citizens, Ipinamahagi

 

Ipinamahagi ang social pension sa mga indigent senior citizens sa iba’t ibang barangay simula Hulyo 13 hanggang 16. Sa panguguna ng Department of Social Welfare and Development Office Field Office 1 (DSWD -  FO1), kasama ang Municipal Social Welfare and Development Office (MSWDO), nabigyan ang 3,391 indigent senior citizens ng social pension para sa unang semestre na nagkakahalaga ng P3,000. Nagtungo ang mga kawani at kinatawan ng mga nasabing opisina sa bawat barangay upang ipamahagi ang pensiyon. Ito ay inaasahan na makatutulong sa kanila sa panggastos sa araw-araw.

 

6,532 Seniors, Drivers, Vendors, Tumanggap ng Ayuda mula sa Office of the President

 

Noong July 22 to 23, ginanap ang pamamahagi ng ayuda sa Events Center para sa mga 6,532 senior citizens, tricycle drivers, vendors, at indigent solo parents na pinaka-naapektuhan ng pandemya. Ito ay matapos magrequest si Mayor Cezar Quiambao sa Office of the President sa pamamagitan ni Senator Bong Go. Nauna nang nagkaroon ng profiling ng mga beneficiaries’ bago ang araw ng pamamahagi ng ayuda. Ang aktibidad na ito ay inorganisa ng MSWDO at BPRAT, sa tulong ng POSO, PNP, GSO, at Engineering Office.

 

Mayora Niña, Nanguna sa Oath-Taking ng mga Bagong Women's Organization Officers

 

Noong July 19, pinangunahan ni Local Council of Women Chairperson, Mayora Niña Jose-Quiambao, ang oath-taking sa Events Center ng mga officers ng mga bagong tatag na women's organizations mula sa iba't ibang barangay, bilang parte ng 3rd Quarterly Meeting ng mga grupo ng kababaihan ng Bayambang.  Sa meeting na ito ay nagpresenta ang kada distrito ng kani-kanilang accomplishments para sa third quarter ng taon.

MANGOs, Nag-Feeding sa Brgy. Asin Kasama ng KALIPI

 

Patuloy ang Municipal Association of NGOs (MANGOs) sa kanilang feeding activity sa pakikipag-ugnayan sa Civil Society Organizations Desk ng LGU. Noong July 25 ay kasama nila ang Presidente ng Kalipunan ng Lahing Pilipina (KALIPI) ng Barangay Asin na si Nancy Bautista at kanyang Vice President na si Elisa Taguiang, asawa ng Punong Barangay ng Asin. Tumulong din ang mga miyembro ng Barangay Asin Women's Agriculture Cooperative at barangay officials. Kasama rin sa aktibidad ang PNP-Bayambang.

 

Seminar on Women and Children's Rights, Isinigawa sa Darawey at Wawa

 

Idinaos ng MSWDO ang pinakaunang Orientation and Seminar on the Rights of Women and Children noong July 22 sa Barangay Darawey at Wawa. Ang aktibidad na ito na nilahukan ng mga opisyales ng mga naturang barangay, at naglalayong magtatag ng ligtas na komunidad, bigyan ng karagdagang impormasyon ang mga kalahok ukol sa pagtataguyod ng ligtas na komunidad, at isulong ang mga karapatan ng kababaihan at kabataan. Dito ay tinalakay naman ni Atty. Glee-ce Macaranas-Basco ng Public Attorney’s Office, San Carlos, ang RA 11313 o Safe Spaces Act of 2019, karahasang pangsekswal at mga kaparusahan laban dito, at child custody issues.

 

PEACE AND ORDER & PUBLIC SAFETY

 

Bagong Uniporme ng POSO, Ipinagkaloob ni Mayor Quiambao

 

Ang buong pwersa ng Public Order and Safety Office sa pamumuno ni POSO Chief, Col. Leonardo Solomon, ay taos-pusong nagpapasalamat sa ating butihing Mayor, sa ipinagkaloob na uniporme para sa mga tauhan ng POSO. Ang bagong uniporme ay malaking tulong sa mga tauhan ng departamento sa pagpapatupad ng kanilang tungkulin bilang tagapangalaga ng katahimikan at kaayusan ng ating bayan.

 

Donation Drive ng MANGOs, Nakalikon ng Bota para sa POSO Enforcers

Noong July 16, naging matagumpay ang inisyatibo ng Bayambang Municipal Association of NGOs o MANGOs na mangalap ng mga sponsors para magdonate ng mga bagong bota para sa ating mga POSO enforcers. Ang MANGOs ay nakapag-ipon ng 30 na bota para sa mga naturang empleyado, at ang naging major sponsor nila ay ang Sorority Girls Inc. of New York, USA. Ang LGU ay nagpapasalamat sa MANGOs at sa lahat ng donors sa naturang proyekto.

 

SPORTS

-

 

TOURISM, CULTURE & ARTS

 

AGRICULTURAL MODERNIZATION

 

PhilRice, Namahagi ng 590 Fertilizer Bags

 

Ang Rice Business Innovation System Bayambang Agriculture Cooperative ay tumanggap ng 590 bags ng fertilizer mula sa PhilRice Nueva Ecija. Ito ay parte ng RiceBIS community project na gagamitin sa agroenterprise na farm input supplies bilang isa sa mga business ventures na papasukin ng naturang kooperatiba.

 

Hand Tractors, Binigay ng OPAG

 

Noong July 16, nakatanggap ng hand tractor ang iba't-ibang farmers' associations mula sa 2017 Tobacco Excise Tax sa Provincial Rice Processing Complex sa  Sta. Barbara, Pangasinan.

 

8 Agri Warehouses Project

 

Narito naman ang update ukol sa proyekto ni Mayor Quiambao na Agricultural Warehouses sa 8 Farming Districts kung saan kasalukuyang nagtatayo ang Engineering Office ng warehouse kada distrito. Itinatayo ang mga nasabing warehouse sa Manambong Sur, Pantol, Telbang, Carungay, Idong, Langiran, Amanperez, at Nalsian Sur. Ang pagkakaroon ng warehouse ay inaasahang magbibigay-daan sa mga farmers na makapagdikta ng mas mataas na presyo sa merkado para sa kanilang mga produkto.

 

 VM Sabangan, Dininig ang Issues at Concerns ng MAFC

 

Noong June 29, dumalo Vice-Mayor Raul Sabangan sa pulong ng Municipal Agriculture and Fishery Council sa Royal Mall upang makinig sa iba't-ibang issues at concerns ng ating mga magsasaka at mangingisda. Kabilang sa mga paksang napag-usapan sa pangunguna ni MAFC-Bayambang President Marlon E. Vismanos ay ang LGU-SEE loan program, RiceBIS updates, atbp.

 

ECONOMIC DEVELOPMENT

-

 

INFRASTRUCTURE DEVELOPMENT

 

Ongoing: Construction of Covered Court in Brgy. Tococ West

On-going: Construction of Drainage System in Brgy. Magsaysay

Ongoing: Construction of Multi-purpose Hall in Brgy. Tanolong

Ongoing: Construction of Multi-purpose Hall in Barangay Ataynan

Ongoing: Construction of multi-purpose Covered Court at Brgy. Buenlag 1st

Ongoing: Multi-purpose Hall in Brgy. Buenlag 2nd

Ongoing: Multi-purpose Hall in Brgy. Duera

Ongoing: Expansion of Public Market

Ongoing: Reinforced Concrete Box Culvert, 2 Barrel with Approach

Completed: Municipal Conference Room in 2nd Floor of Municipal Hall

 

ENVIRONMENTAL PROTECTION

 

Market Staff, Nag-Clean-Up Drive

 

Noong July 2, nagsagawa ng isang malawakang clean-up drive ang Office of the Special Economic Enterprise sa pamumuno ni Ms. Gernalyn Santos. Kanilang nilinis ang loob ng municipal plaza, public market, bus terminal, at iba pang nasasakupang lugar.

 

MANGOs, Volunteer Groups, Nag-Clean-Up Drive at Tree-Planting sa Hermoza

 

Noong July 18, nagsagawa ng clean-up drive at tree planting ang iba’t ibang private volunteer groups sa pangunguna ng Bayambang Municipal Association of NGOs o MANGOs sa Brgy. Hermoza. Kasama rin dito ang PNP-Bayambang Station sa ilalim ni OIC Chief, PLtCol Andes Calaowa Jr. Ito ay kanilang handog sa kaarawan ni Vice-Mayor Raul R. Sabangan na miyembro rin ng isang kasaping NGO. Pagkatapos ng dalawang aktibidad at nagkaroon ng munting salo-salo at pa-raffle sa Brgy. Hermoza Covered Court.

 

PSU Bio Majors, SK, Nag-Tree Planting sa Amancosiling Norte

 

Ang PSU Biological Science Majors 2019 ay nagsagawa ng isang tree-planting activity ngayong araw, July 20, sa Amancosiling Norte, sa pakikipag-ugnayan kay Johnson Abalos ng Local Youth Development Office at Amancosiling Norte Punong Barangay Almario Ventura. Kasama rin sa aktibidad ang mga Amancosiling Norte Sangguniang Kabataan (SK) members sa pangunguna ni SK Chairman Dominic Terrado at mga SK Kagawad.

 

Isa Pang Tree-Planting Activity

 

Noong July 29, muling nagsagawa ng isang tree-planting activity ang mga NGOs, at sila ay nagtungo sa Brgy. Pantol. Ito ay pinangunahan ng Kasama Kita sa Barangay Foundation, Bayambang Lions Club, at ang kanilang mother club, ang Bayambang Municipal Association of NGOs. Nakiisa rin sa aktibidad ang PNP-Bayambang.

 

DISASTER RESILIENCY

Massive IEC & BDRRMC Inspection

 

Bilang parte ng pagdiriwang ng 2021 National Disaster Resilience Month, nag-umpisa magsagawa ang MDRRMO ng isang massive information campaign sa pamamagitan ng pagbisita sa bawat barangay Emergency Operation Center. Kanilang chineck ang bawat rescue vehicle, rescue equipment, early warning devices, policies,  organizational structure, evacuation centers, barangay base map, Barangay DRRM Plan, at iba pa, upang masiguro na ang lahat ng ito ay nasa ayos, at tiyakin na handa ang mga first responders ng bawat komunidad sa panahon ng sakuna.

 

 DRRM Engineering Update

 

Patuloy ang Engineering Team ng MDRRM sa pagsasaayos ng ating mga evacuation centers at isolation facilities. Ito ay bilang parte ng pag-obserba ng opisina ng Disaster Resiliency Prevention Month. Sinemento rin ang daan sa harap ng Pugo Evacuation Center/Vaccination Site at mga comfort rooms nito.

 

 MDRRMO Virtual Quiz Bee, Idinaos

 

Bilang parte ng pagdiriwang ng National Disaster Resilience Month, nagdaos ang MDRRMO ng isang virtual quiz bee para sa lahat ng residente ng Bayambang. Ito ay upang maitaas ang kamalayan ng ating mga kababayan ukol sa kahandaan sa panahon ng sakuna. Ang mga nagwagi ay nag-uwi ng iba’t-ibang premyo, at ang lahat ng lumahok ay maraming natutunan sa nasabing patimpalak.

 

 E-Balde Plus Video-Making Contest

 

Noong July 24, ang Municipal Disaster Risk Reduction and Management Office ay nagsagawa ng isang video-making contest tungkol sa paggamit ng E-Balde Plus, isang emergency kit, upang ipromote ang disaster resilience sa mga Bayambangueño. Ito ay parte ng pagdiriwang ng National Disaster Resilience Month 2021. Pitong contestants ang sumali sa contest na ito, at ang winning video ay isang animation na gawa ni Michael Louis Iglesias ng Brgy. Nalsian Norte.

 

Agno River Rehabilitation Project, Dinala sa Brgy. Carungay

 

Umulan man o umaraw, tuluy-tuloy pa rin ang climate change mitigation activities ng LGU-Bayambang sa pangunguna ng MDRRMO kasama ang CS First Green at sa tulong ng PNP-Bayambang at Carungay BDRRMC. Sama-samang nagbungkal at nagtanim ng kawayan ang apat na grupo sa tabing-ilog na nasasakupan ng Brgy. Carungay. Umabot sa 190 na piraso bamboo seedlings ang kanilang naitanim sa lugar. Nananawagan ang MDRRMO na suportahan ng lahat ang pagsawata sa climate change sa pamamagitan ng pagtatanim ng mga punungkahoy tulad ng kawayan.

 

AWARDS & RECOGNITION

 

Mayor Quiambao, Isa sa mga Nutrition Champion sa Rehiyon

Bayambang MNAO, Top Performer sa Pangasinan

Heard Here and There: New Old (and Rediscovered) Pangasinan Words

New Old Words, Part 2

[This is just for fun and no longer a part of the mapping project.]

This is a new list of old Pangasinan words heard here and there that are deemed interesting because of the nuance in their meaning, thus making them untranslatable word-for-word in other languages, sometimes not even in Tagalog.

alenleneg - kaisa-isa; one and only: Alenleneg ko tan ya anak. (That's my one and only or sole child.)

panmarmaran - pagkakatandaan; a thing that someone will look back on so as not to repeat a bad mistake or behavior: Aga tan untunda'd kaiinom anggad angapo'y panmarmaran to. (He won't quit drinking unless something memorably bad happens to him.)

ipatnubang - ihatid pauwi o paalis ng bahay; Ipatnubang ta ka la sirin? (Shall I bring you home?); syn. itutdad, itugdar, itutdang - ibaan o ituro ed nepeg ton laen

palawpaw - pasa-pasa'y trabaho to; careless in one's work

alaw-aw - loud, maingal a klasey tuo; maknol; ulangab; loud mouth; someone who cries o talks too loud

alsab, abigot, bakag, singa nalalagaan - synonyms of masiba (ravenous) to the point of patay-gutom; refers to a shameful display of hunger: that of someone totally deprived and thus totally famished 

ampatot - lift an object then place it on one's head, head of shoulder; syn.: agto, agtoen - to lift an object and place it on ones head; ampatot - hold something by one's two hands; ampupo - hold something by two arms; ampuyong - hold something by two arms but very close to the chest

inkuyabo - to wear like a sack, starting from the hem of one's clothes

masiglat - mabenta; fast-selling or selling like hotcakes; also means maples, mabilis, fast

asiblew - eras; patay-gutom

alega - minanaet, mimitirol, misasalaok, labalabay to'y umpapel

matoor - tapat; faithful or not reneging on one's promise

matewer - makunat?; refers to someone who won't pay his/her debt despite repeated pleas to pay back; cf. balasubas? 

angapo'y maomli - walang nalugi o na-dehado/natalo; no one is left feeling cheated

arab-arab - kung anu-ano na lang ang sinasabi; careless with one's words, resulting in utter disaster

turtor - to glean: to collect the remnants or leftover, like palay, onion, etc., after harvest; the fishery version is taborog: to gather what is left after fishing a pond, for example

nanpandakan - caused someone to laugh so hard out of great amusement 

synonyms of manakis (general term for to cry): mansibek (sob), manurangal (hagulgol ng malakas; wail), manulangab

nanlatop - wore additional clothes (not necessarily a sweater) on top of one's clothes because it is cold. Example: Nanlatop ak ta ambetel natan. 

manpayegpeg - moving in a flapping way. Example: Manpayegpeg ta'y salim ah. Aburido ka amo?; uncontrollable shaking because of fear or because of too much cold or due to sickness

mauley - having one's hands on things that are not one's own or that one has no right to touch or delve into. Example: Mauley yan masiken. Angano agto anak pibabalian to'y bilay.

 siluluor - an expression of regret that is similar to "alas". Example: Siluluor ya linma ak ed SSS. Angapo lamlamang so nalak. (Sayang lang na pumunta kami sa SSS. Wala rin kaming napala. (It is regretful that we went to SSS, because it was of no use.)

manpapakulang - compensating for all the food or meals one has not taken but should have (as after one got sick). Example: Masiba-siba la ta'y aso natan ta manpapakulang (ed sama'y agto impangan na pigaran agew).

masipal - bulky or occupying too much space that there's not much leeway for other things. Example: Masipa-sipal met ta'y asaliw mon kabinet.

ag makairiir - cannot move properly due to space constraint. Example: Agak la makairiir ed saya'y nairungan ko.

synonyms of mangiras (lazy): butaig (hardly moves even when needed), ilar, mailar, ambelat so laman (when one's body feels too heavy to move to work); mailalo (expecting too much for others to do things for oneself)

synonyms of maningas (breathing): sumikaer (laboring for breath), manpapanabos (gasping for one's last breath)

talin - unapon; to possess one's spirit; linmad arom ya pasen; wayward; liber-liber ya ag amta'y laen to

uyong - sample fight between two animals; nayari met ed iuyong ya lake no unkaraw. Sige pa iuyong mo pa tay anak mo.

makisir - refers to thinning inventory or resources; syn.: daiset, matalag; few

suysuyen - search with great effort. Example: Suysoy mo pa no siopa ra'y kakanayon tayo'd man.

ipaikik - not just to dry but to drip-dry; cf. apiktat - overly sun-dried; ipayangyang - to hang out to dry in the open air; ipamaga or pamagaen is the general term for to dry

apikos - in an uncomfortable and/or awkward position

Nutrition Office - List of Activities

 

MNAO ACCOMPLISHMENT REPORT

 

“Isa sa pinakamalaking sanhi ng kahirapan sa bayan ay ang pagkakaroon nito ng sakiting mamamayan.” Ang katotohanang ito ang isa sa pumukaw sa atensyon ng alkalde ng bayan na si Dr. Cezar T. Quiambao nang kanyang inilunsad ang Rebolusyon Laban sa Kahirapan.

 

·       Creation of MNAO

Parte ng Rebolusyon ang pagbibigay niya ng pokus sa sektor ng pangkalusugan, lalo na sa nutrisyon, kaya’t binuo niya ang Municipal Nutrition Action Office (MNAO) upang maging daan para masolusyunan ang malnutrisyon na minsa’y naging talamak sa Bayambang.

 

·       Increase in Nutrition Budget

Pag-upo pa lamang niya ay tinaasan agad niya ang pondo para sa nutrition. Mula P500,000 noong 2016, ang pondo – na hindi kasama ang personnel services – ay naging P2,947,704 noong 2017, P3M noong 2018, P3.8M noong 2019, 4.5 noong 2020, at P4,847,600 noong 2021.

 

·       Passage of Municipal Ordinance # 2 s. 2020

Dahil sa buong suporta ng Sangguniang Bayan, mas tinitukan pa ng Nutrition Office ang pagpasa ng Municipal Ordinance No. 2 series of 2020 o ang “Comprehensive Nutrition Program Ordinance” ng Bayambang kung saan nakasaad na ang pondo ng mga nutrition programs ay dapat i-allot ng lahat ng barangay, kaya ngayon ang lahat ng barangay ay may kanya-kanya nang pondo at programang pangnutrisyon.

 

·       Nutrition Month Celebration

Tuwing buwan ng Hulyo, ipinagdiriwang ang Nutrition Month kung saan ay mas nalilinawan at nabibigyang-kaalaman ang publiko sa kahalagahan ng opisinang ito at ng mga aktibidad, proyekto at programang isinasagawa nito. Bilang parte ng selebrasyon ay nagsasagawa ng iba’t ibang aktibidad, at sa taong ito, kung saan ang tema ay “Malnutrisyon Patuloy na Labanan, First 1000 Days Tutukan,” nagkaroon ng Search for Idol Nanay Year 2, Nutri Online Photo Contest, Poster-Making Contest, Search for A1 Child, Nutri-Vlog Cooking Contest, at Heathy Food Treats.

 

·       90-Day Dietary Supplementation Program for Pregnant Women/Infant and Young Child Feeding Program

At gaya ng nakasaad sa tema para sa taong 2021 – “Malnutrisyon Patuloy na Labanan, First 1000 Days Tutukan” – mayroon nang programa at aksyon na ginagawa ang MNAO mula sinapupunan pa lamang hanggang sa paglaki ng bata upang masiguro ang hangarin nitong “healthy mommy at healthy baby.”  Ilan dito ay ang 90-Day Dietary Supplementation Program for Pregnant Women at Infant and Young Child Feeding Program na pawang nakapaloob sa Early Childhood Care and Development - First 1000 Days Program ng National Nutrition Council.

Ayon sa pag-aaral ay natuklasan ng mga staff ng MNAO na isa sa pinaka-epektibong paraan upang malabanan ang malnutrisyon ay maisasagawa na sa first 1000 days of life na magsisimula sa pagbubuntis pa lamang. Sa mga naturang programa, mga masusustansyang pagkain gaya ng fresh milk, gulay, prutas, itlog at iba pa ang ipinamimigay sa mga buntis na may mababa, mataas at normal na body mass index o BMI, sa tulong ng National Nutrition Council. Dahil sa pagiging epektibo nito ay ipinagpapatuloy na ng lokal na pamahalaan ang programa gamit ang sariling pondo.

 

·       IECs on Infant & Young Child Feeding (IYCF)

Mga Buntis Forum at Mother’s Classes naman ukol sa tamang paraan ng pagpapasuso ang madalas na isinasagawa rin ng MNAO sa bawat barangay katuwang ang RHU upang masigurong healthy at nutritionally sound ang mga infant. Ang programang ito na naayon sa Milk Code ay mas pinaigting pa dahil na rin sa COVID-19 pandemic na kung saan ay wala pang bakuna na angkop sa edad ng mga bata at tanging breast milk pa lamang ang first line of defense nila laban sa mga sakit.

 

·       Operation Timbang Plus

Upang mamonitor kung sinu-sino, ilan at nasaan ang mga bata na mas nangangailangan ng agarang suportang pangkalusugan ay nakikipagtulungan sa RHU ang opisina para sa Operation Timbang Plus upang ma-assess ang nutritional status ng bawat bata. Mayroon ding Checklist for Child Developmental Milestone Assessment na isinasagawa upang makita kung may delay ba sa kanilang development.

 

·       Routine Dietary Supplementation Program for 6-59 Month-Old Children

Lahat ng naassess sa OPT Plus na mga malnourished, underweight, stunted at wasted ay inienrol sa Routine Dietary Supplementation Program for 6-59 Month-Old Children sa loob ng tatlong buwan upang maisailalim sila sa rehabilitasyon para masiguro ang kanilang recovery.

 

·       DOST Free Weight Calibration

Sa inisyatibo ng Nutrition Office ay taunan ding nabibigyan ng free weight calibration sa tulong ng Department of Science and Technology ang mga timbangan na ginagamit sa 77 na barangay ng Bayambang upang masiguro na maayos at wasto ang timbangan at maiwasan ang false positive result sa malnutrisyon. Nakapagbigay na din ang Nutrition Office ng mga salter scales at beam balances sa mga nakaraang taon sa mga barangays na walang mga timbangan. Dito ay mapapansin na full support din sa mga barangay ang opisina upang maimprove ang kanilang kagamitan sa pagmomonitor ng kalusugan ng mga bata.

 

·       BNS Capacity-Building

Sila rin ay nagsasagawa ng iba’t ibang trainings para sa mga Barangay Nutrition Scholars (BNS) – na sa ngayon ay 77 na mula sa dating 20 lamang. Ang mga BNS ang nagiging focal person ng bawat barangay, at nagiging daan rin sila upang maapbrubahan ang Nutrition Plan ng kada barangay.

 

·       Distribution of Food Packs at the Onset of COVID-19 Pandemic

Noong nakaraang taon, isa ang Nutrition Office sa mga unang bumaba sa mga barangay upang magpamahagi ng food packs na naglalaman ng mga gulay at prutas na sariling ani ng ating mga magsasaka sa tulong ng Municipal Agriculture Office at Municipal Disaster Risk Reduction and Management Office. 

 

·       Distribution of Multivitamins

Mayroon ding branded na mga multivitamins na ibinibigay sa lahat ng malnourished children bukod pa sa ibinibigay ng RHU para naman sa lahat ng bata.

 

·       Food Fortification Monitoring

Minomonitor at hinihikayat din ng MNAO ang lahat ng mga bakery, retail store na gumamit at magbenta ng mga fortified product gaya ng vitamin A-fortified flour, iodized salt, at vitamin A-fortified cooking oil. Ito ay para mapanatiling masustansya ang pagkaing nakukunsumo ng mga Bayambangueño sa araw-araw alinsunod sa Food Fortification Act o RA 8976.

 

·       Ensuring School Canteens have Healthy Options for Students

Sumasama rin ang opisina sa taunang monitoring ng LGU sa mga eskwelahan bago mag-umpisa ang pasukan, at chinecheck kung may mga healthy options sa school canteens at upang maiwasan din ang pagbebenta ng mga junk foods na makakasama sa mga estudyante.

 

·       Hiring of 9 DNPCs

 

Noong 2019 ay nag-hire ng siyam na District Nutrition Program Coordinator ang Nutrition Office upang mas lalo pang matutukan ang lahat ng distrito pagdating sa mga serbisyong pangnutrisyon.

 

 

·       Komprehensibong Serbisyo sa Bayan Feeding Activities

 

Kada Komprehensibong Serbisyo sa Bayan, naroon ang Nutrition Office upang mamigay ng veggie ice cream, fresh fruits at itlog sa mga benepisyaryo sa lugar.

 

 

·       Monitoring of Backyard Gardens

 

Ang opisina ay involved din sa monitoring ng mga backyard garden sa mga kabahayan lalo na ng mga target beneficiaries, sa tulong ng Municipal Agriculture Office. Ang MNAO ay nagpapamigay ng gardening inputs sa pamamagitan ng First 1000 Days Program nito at minomonitor ang impact sa kanila ng proyekto.

 

 

·       Provision of Fresh Veggies to Beneficiaries from ECCD F1K Greenhouse

 

Ang mga sariwang ani at mga vegetable seedlings mula sa ECCD F1K Greenhouse ay ipinamamahagi sa mga beneficiaries. Ipinapaalam din sa kanila na pansamantala lamang ang feeding program, at mas mainam pa rin ang pagkaroon ng sariling sustainable food sources lalo ngayong pandemya.

 

 

·       Provision of Additional Honorarium to BNSs

 

Namimigay si Mayor Quiambao ng P400 kada buwan o P4,800 kada taon bilang karagdagang honorarium para sa lahat ng mga BNS. Ito ay isang pagpapahalaga sa kanila bilang focal persons sa mga barangay pagdating sa delivery ng nutrition services ng munisipyo.

 

·       Monitoring ng Barangay Nutrition Action Plans

 

Nakatutok din ang MNAO sa lahat ng Barangay Nutrition Action Plans upang makita kung ang mga ito ay naipapatupad ng maayos ng bawat barangay.

 

·       Provision of Pediasure to Patients with Medical Conditions

 

Ang mga older children na mga pasyente na may medical conditions at walang kapasidad magpagamot ay nirerefer ng MNAO sa Mayor’s Action Center o kaya sa mga duktor. Nagbibigay din ang Nutrition Office ng doctor-prescribed nutritional formula gaya ng Pediasure, muli para lang sa mga indigent na batang may mga special cases o medical conditions.

 

 

·       Coordinator of Researches and Conduct of Nutrition Surveys in Barangays

 

Ang MNAO ang coordinator sa mga survey at researches, gaya ng pananaliksik ng FNRI-DOST ukol sa exclusive breastfeeding sa iba’t ibang barangay at ng Nutrition Early Warning System surveys kung saan sinusukat ang magnitude ng hunger at malnutrition sa isang specific quarter for planning purposes.

Top of Form

 

·       Coordinator of Privately Sponsored Projects

Ang MNAO din ang coordinator ng mga private sponsorship ng mga projects tulad ng pagconduct ng mga feeding activities sa mga barangay, dahil hawak nila ang nutrition data ng mga kabataan sa lahat ng barangay.

 

 

·       Awards

Lingid sa kaalaman ng nakararami, ang mga nabanggit ang iba’t ibang gawain ng MNAO upang maitaguyod ang wastong nutrisyon sa ating bayan para ang lahat ng kabataan ay lumaking malusog at produktibong miyembro ng pamayanan.

 

Kaya naman hindi nakapagtataka na makatanggap ang MNAO ng mga parangal, tulad ng mga sumusunod:

 

2018: 3rd Most Outstanding Municipal Nutrition Council in Pangasinan

2019: Top 3 Most Outstanding MNC/Top 1 Most Outstanding MNAO in the Province

 

Ang lahat ng ito ay naisakaturaparan dahil sa magandang pamamalakad ni Mayor Cezar Quiambao at ng buong Team Quiambao-Sabangan, at hindi tayo titigil magbigay-serbisyo kahit ano pa mang pagsubok ang dumating, dahil buo ang ating pangarap na magkroon ng isang malusog na pamayanan para sa bayan ng Bayambang!