MONDAY REPORT – OCTOBER 14, 2024

 MONDAY REPORT – OCTOBER 14, 2024

 

[INTRO]

 

NEWSCASTER 1: Magandang Monday morning, Bayambang! Ako po si Iluminada Mabanglo.

 

NEWSCASTER 2: At ako naman po si Dita Pulhin, at kami po ay mula sa Office of Senior Citizen's Affairs.

 

NEWSCASTER 1: Narito na ang buong puwersa ng LGU-Bayambang...

 

NEWSCASTER 2: Maghahatid sa inyo ng mga maiinit at napapanahong balita...

 

SABAY KAYO: Ito ang….BayambangueNews!

 

***

 

[SALITAN NA KAYO RITO]

 

1. 100 BPC Students, Bagong Batch ng TUPAD Beneficiaries

Noong October 4, nagmonitor ang DOLE, katuwang ang PESO-Bayambang, sa 100 TUPAD beneficiaries na mga estudyante ng Bayambang Polytechnic College. Ang nasabing batch ay pinondohan ng Office of the Vice-President. Sa ilalim ng programa, ang mga estudyante ay naglinis ng sampung araw at tumanggap ng P4,350 bawat isa kapag nakumpleto ang kanilang trabaho.

 

2. NNC, Minonitor ang Tutok Kainan Program

Noong October 3, dumating ang National Nutrition Council (NNC) Region 1 upang imonitor ang implementasyon ng Tutok Kainan Program ng ahensya. Kasama ng Nutrition Office, sila ay nagtungo sa Brgy. Sanlibo Covered Court upang ipakilala at talakayin ang tungkol sa programa na naglalayong tutukan ang nutrisyon ng 44 na mga buntis sa distrito na itinuturing na nasa at-risk group.

  

3. Feeding Angels, Namigay ng Food Packs sa Kabataan

 Ang grupong Feeding Angels, sa pakikipagtulungan sa Nutrition Office, ay nagsagawa ng panibagong feeding activity para sa 143 na indigent at undernourished children noong October 5. Sila ay nag-ikot sa Ambayat 1st at 2nd, Warding, Managos, Telbang, at Paragos. Namigay din sila sa mga kabataan ng mga damit at laruan galing sa kanilang mga sponsors.

 

4. Agriculture Office at Iba Pa, Naglakbay-Aral sa UP Los Baños

Ang Agriculture Office, selected farmers' presidents, at mga faculty at estudyante ng Bayambang Polytechnic College ay nagbenchmarking sa Los Baños, Laguna noong October 3 hanggang 5, upang aralin kung paano mas mapapalakas pa ang ating sektor ng agrikultura gamit ang scientific research at makabagong mga pamamaraan. Sila ay nakipagpulong kay UP Los Baños Chancellor Jose V. Camacho at bumisita sa iba’t ibang pasilidad at institusyon, kabilang ang International Rice Research Institute, Dairy Farm, Makiling Botanical Garden, at iba pa.

 

5. 2 Centenarians, Pinarangalan sa Senior Citizen's Week

Sa pagdiriwang ng Senior Citizen's Week noong October 7, kinilala ang dalawang bagong Bayambangueñong centenarian na sina Adriano Herrera ng Brgy. Pangdel at Magdalena Rico ng Brgy. Warding. Sila ay hinandugan ng cash gift mula sa LGU. Bukod pa ito sa mandatory P100,000 cash grant na nakatakda nilang matanggap mula sa national government. Tinalakay din ng mga naimbitahang resource speakers ang mga paksang "Pointers on Settlement and Partitions of Estates," "PhilHealth Konsulta Package Provider," at "Oral Health."

 

6. Winners sa Tourism Poem at Song Writing Contests, Kinilala

Ang pagdiriwang ng Buwan ng Turismo ay nagtapos sa isang awarding ceremony sa nakabibighaning talento sa pagsulat ng iba’t-ibang klase ng tula at awit, sa Anlong o Poem Writing contest at Cancionan o Song Writing contest na inorganisa ng MTICAO noong October 7. Sa Cancionan, nagwagi bilang grand winner ang energetic na pop song na "Gala Dya" ng grupong JL. Sa Anlong naman ay tatlo ang nagwagi sa English, Filipino, at Pangasinan category. Ang dalawang patimpalak ay nakatulong sa pagsulong ng sining at kultura ng Bayambang at nagpatunay sa walang kupas na talento ng mga Bayambangueño.

 

7. Monkeypox Seminar, Isinagawa ng MTICAO at RHU

Isang seminar ukol sa sakit na monkeypox ang inorganisa ng MTICAO sa tulong ng RHU I sa RHU Conferenece Room noong October 7, bilang parte ng culminating activity para sa Tourism Month 2024. May pitong establisimyento ang naging kalahok, kabilang ang Pook ni Urduja at El Siesta Hotel. Sa seminar, natuto ang mga lokal na tourism establishments kung paano maiiwasan, matutuklasan, at malalabanan ang sakit na monkeypox.

 

8. School Children, Sumali sa Larong Pinoy at Nakinig sa Healthy Lifestyle Lecture

Naghatid-saya sa mga mag-aaral sa elementarya ang aktibidad ng Municipal Nutrition Committee na "Larong Pinoy at Healthy Lifestyle Lecture," na ginanap noong October 8 sa Bayambang Central School at October 11 sa Buayaen Central School. Ang mga mag-aaral ay maglaro, nag-ehersisyo, at nalaman na rin ang ukol sa wastong nutrisyon sa pamamagitan ng masusustansiyang pagkain upang makaiwas sa mga sakit dulot ng improper nutrition at sedentary lifestyle.

 

9. Pangasinan League of Municipal Assessors Conference, Idinaos Dito

Noong September 6, ang buwanang kumperensiya ng Pangasinan League of Municipal Assessors ay ginanap sa Niña’s Cafe. Ang mga bisita ay mainit na winelcome ni OIC Municipal Assessor, Atty. Bayani Brillante Jr., at kanyang staff, kasama sina Mayor Niña Jose-Quiambao at SATOM, Dr. Cezar Quiambao.

 

10. Loteng Pagtatayuan ng BPC, Sinurvey ng Assessor

 Noong September 11, ang Assessor's Office ay nagsagawa ng mga site validation o verification survey ng land area, pati na mga topographic survey, para sa panukalang lote na pagpapatayuan ng Bayambang Polytechnic College sa Brgy. Bical Norte.

 

 11. 30 Grads ng Dressmaking NC II, Inirampa ang Sariling Tahing Kasuotan!

 Nagsipagtapos noong October 8 ang 30 trainees sa "Basic Skills Training on Dressmaking NC II" na handog ng TESDA at PESO. Game na game na inirampa ng mga course completers ang mga sariling tahing kasuotan katulad ng blusa at Filipiniana sa kanilang graduation ceremony na ginanap sa Pavilion I ng St. Vincent Ferrer Prayer Park.

 

12. Mga Bagong Pinuno, Nagtraining sa ICS at DRRM

Isang executive course sa Incident Command System at training sa Disaster Risk Reduction and Management ang isinagawa ng MDRRMO para sa mga bagong department head ng LGU at bagong barangay federation at SK officials. Dito, ang mga bagong pinuno ay binigyan ng mas malalim na kaalaman sa DRRM response sa tulong ng Office of Civil Defense Region I.

 

13. Lumang Central School, Nilinis para sa SLP Congress

 Ang lahat ng departmento ng LGU, CSOs, at KALIPI Bayambang ay nakilahok sa isang clean-up drive sa lumang Bayambang Central School, bilang preparasyon sa gaganaping Congress ukol sa Sustainable Livelihood Program ng DSWD. Ang parte ng bakanteng lote ng Central ay pansamantalang patatayuan ng mga booth upang magbenta ng kani-kanilang produkto ang iba't ibang SLP associations mula sa Rehiyon Uno.

 

14. Lactation Management Education Training, Ginanap

Isang capacity-building training tungkol sa Lactation Management Education ang isinagawa ng Nutrition Office para sa mga Nutrition Support Group at iba pang mga tagapagtaguyod ng nutrisyon as Bayambang. Ito ay ginanap para sa iba't ibang batch simula October 9. Dito ay tinalakay ang mahahalagang kaalaman tungkol sa lactation management at mga intervention na may kinalaman sa nutrisyon upang mapabuti ang kalusugan ng mga sanggol, bata, buntis, at nagpapasusong ina.

 

15. Paghahanda sa UNDAS, Pinagpulungan

 Noong October 9, pinagpulungan ng lahat ng departamento at ahensya ang mga gagawing paghahanda sa darating na Undas o All Saints’ Day celebrations na siguradong uuwian ng mga Bayambangueño mula sa iba’t ibang dako. Ito ay upang matiyak ang kaayusan at seguridad ng lahat sa nasabing okasyon.

 

16. 600 Katao, Benepisyaryo ng DSWD Assistance

Matapos ang isang profiling activity noong October 9, nagsagawa ang MSWDO ng isang payout activity nang sumunod na araw para sa 600 na benepisyaryo ng Assistance to Individuals in Crisis Situation sa Events Center. Ito ay naging posible dahil sa suporta ni Senator Francis Tolentino.

 

17. Komprehensibong Serbisyo Project, Dumako sa Sapang

 Ang buong team ng Komprehensibong Serbisyo sa Bayan ay dumako sa Brgy. Sapang noong October 10 upang pagsilbihan ang mga residente ng Brgy. Sapang, Duera, at Banaban. May kabuuang ___ na benepisyaryo sa lugar na nag-avail ng iba’t ibang medical services at iba pang serbisyo mula sa lahat ng departamento.

 

***

 

It's Trivia Time!

 

Alam ba ninyo na ang Office of Senior Citizen Affairs ay ang opisinang nakatutok sa mga concerns ng ating mga senior citizens?

 

Dalawang klase po ang uri ng membership sa OSCA, kung ikaw ay 60 years old na o higit pa.

 

Una ay ang membership para sa Senior Citizen ID para maka-avail ng 20% discount sa mga establisimyento.

Ikalawa ay ang membership sa Federation of Senior Citizen Associations of Bayambang o FSCAB para maka-avail ng benefits kung maayos na maghuhulog taun-taon.

 

Sa kasalukuyan, mayroong humigit-kumulang na 11,000 na senior citizens sa buong Bayambang.

 

***

 

[OUTRO]

 

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

 

NEWSCASTER 2: Mga balitang may tatak Total Quality Service.

 

NEWSCASTER 1: Muli, ako po ang inyong lingkod, Iluminada Mabanglo.

 

NEWSCASTER 2: At Dita Pulhin mula sa Office of Senior Citizens Affairs.

 

[SABAYANG BIGKAS]: At ito ang... Bayambangueñews!

 

 ***

 

Samantala, 72 days na lang… Pasko na!

MNAO 2022 ACCOMPLISHMENT REPORT

MNAO 2022 ACCOMPLISHMENT REPORT | "Tamang Nutrisyon Mula sa Sinapupunan Tungo sa Magandang Kinabukasan"

 

“Isa sa pinakamalaking sanhi ng kahirapan sa bayan ay ang pagkakaroon nito ng sakiting mamamayan.” Ang katotohanang ito ang isa sa pumukaw sa atensyon ng dating alkalde ng bayan na si Dr. Cezar T. Quiambao nang kanyang inilunsad ang Rebolusyon Laban sa Kahirapan.

 

Ang pagfocus na ito sa kalusugan at nutrisyon ng mga Bayambangueño ay ipinagpapatuloy magpasa-hanggang ngayon ng bagong pamunuan nina Mayor Niña Jose-Quiambao at Vice Mayor Ian Camille Sabangan, na pawang mga kabiyak ng dating Mayor at Vice-Mayor. Bilang mga kauna-unahang babaeng lider ng Bayambang, lalo pa itong pinagtibay at pinagyaman dahil sa maka-inang istilo ng kanilang pinagsamang pamamahala.

 

 

• Creation of MNAO

 

Ang pagbuo ng pamunuan sa Municipal Nutrition Action Office (MNAO) noong taong 2016 ay isang napakalaking hakbang, dahil ito ang unang naging daan para masolusyunan ang naging mataas na antas ng malnutrisyon na minsang naging talamak sa Bayambang.

 

• Increase in Nutrition Budget

 

Matapos mabuo ang MNAO, agad namang tinaasan ang alokasyon ng pondo para sa mga programang pangnutrisyon. Mula P500,000 noong 2016, ang pondo – na hindi kasama ang personnel services – ay naging P2,947,704 noong 2017, P3M noong 2018, P3.8M noong 2019, 4.5 noong 2020, P4,847,600 noong 2021, at 7,674,600 noong 2022.

 

• Passage of Municipal Ordinance # 2 series of 2020: “Comprehensive Nutrition Program Ordinance”

 

Dahil sa buong suporta ng Sangguniang Bayan, natutukan ang pagpasa ng Municipal Ordinance No. 2 series of 2020 o ang “Comprehensive Nutrition Program Ordinance” ng Bayambang kung saan nakasaad na ang pondo ng mga nutrition program ay dapat i-allot ng lahat ng barangay, kaya naman ngayon, ang lahat ng barangay ay may kanya-kanya nang pondo at programang pangnutrisyon taun-taon.

 

• Quarterly MNC Meetings

 

Regular din na nagpupulong ang Municipal Nutrition Committee ng LGU upang maagap na pag-usapan ang iba’t-ibang usaping pangnutrisyon sa bawat quarter, at dito na rin naipipresenta ang lahat ng accomplishment ng bawat MNC member ukol sa mga plano, proyekto, at aktibidad na may kinalaman sa nutrisyon.

 

 

• Hiring of 9 District Nutrition Program Coordinators

 

Ang pag-hire ng siyam ng District Nutrition Program Coordinators (DNPC) noong 2019 ay nagsilbing daan ngayon upang mas lalo pang matutukan ang lahat ng distrito pagdating sa mga serbisyong pangnutrisyon. Ang Bayambang ay may siyam na distrito. Bawat distrito ay binubuo ng humigit-kumulang na 8 barangay, kaya’t ang paghire ng 9 na DNPC ay magandang estratehiya upang mas matutukan ang implementasyon ng nutrition program ng 77 barangay ng Bayambang.

 

• Nutrition Office Service Vehicle

 

Katulad ng iba pang mga opisina sa LGU, binigyan din ang MNAO ng sarili nitong service vehicle at binigyan pa ng additional staff na driver para mas madaling maikot at mamonitor ang mga barangay.

 

 

• Nutrition Month Celebration

 

Tuwing buwan ng Hulyo, ipinagdiriwang ang Nutrition Month kung saan ay mas nalilinawan at nabibigyang-kaalaman ang publiko sa kahalagahan ng opisinang ito at ng mga aktibidad, proyekto at programang isinasagawa nito. Bilang parte ng selebrasyon noong 2022, nagkaroon ng Family Cooking Show Kick Off Activity, Tree Planting Activity, Online Photo Contest, BNS Singing Contest, kasabay ng mga regular o taunang Nutrition Month activities katulad ng Search for A1 Child in Nutrition featuring CDC Learners, Search for Idol Nanay, Healthy Food Treats, at Culminating Activity. Sa taong 2023 naman, ilan pa sa mga unique Nutrition Month activity ay ang Amazing Race Kick Off, Regional Dairy Caravan, at Fundraising Activity for Malnourished Children. Ang MNAO ang nangunguna upang bumuo ng Technical Working Group na kinabibilangan ng mga miyembro ng Municipal Nutrition Committee upang matiyak ang partisipasyon ng mga stakeholder at mas maging maayos ang pagpaplano at pagpapatupad ng mga Nutrition Month activity.

 

• 90-Day Dietary Supplementation Program for Pregnant Women

 

Mayroon namang programa at aksyon na ginagawa ang MNAO mula sinapupunan pa lamang hanggang sa paglaki ng bata upang masiguro ang hangarin nitong “healthy mommy at healthy baby.” Ilan dito ay ang 90-Day Dietary Supplementation Program for Pregnant Women at Infant and Young Child Feeding Program na pawang nakapaloob sa Early Childhood Care and Development - First 1000 Days Program ng National Nutrition Council.

 

Ayon sa pag-aaral, natuklasan na isa sa pinaka-epektibong paraan upang malabanan ang malnutrisyon ay ang pagsasagawa ng mga intervention programs sa first 1000 days pa lamang ng bata o simula sa pagbubuntis ng isang ina hanggang sa ikalawang taon ni baby. Isa ang 90-Day Dietary Supplementation Program for Pregnant Women sa mga in-adopt na ng LGU na pondohan taun-taon simula noong taong 2021. Sa naturang programa, mga masusustansyang pagkain gaya ng fresh milk, gulay, prutas, itlog at iba pa ang ipinamimigay sa mga buntis na nutritionally at risk sa loob ng tatlong buwan. At base sa follow-up monitoring ng lahat ng pregnant beneficiaries noong sila ay nanganak, 100% ng mga batang naipanganak ay may healthy birthweight.

 

• Infant & Young Child Feeding (IYCF) Program

 

Mga Buntis Forum at Mother’s Class naman ang madalas na isinasagawa rin ng MNAO katuwang ang RHU at iba pang miyembro ng Municipal Nutrition Committee upang masigurong malusog at nutritionally sound ang mga infant. Minomonitor din ng MNAO ang lahat ng mga Idol Ko Si Nanay Class na isinagasagawa sa mga barangay.

 

• Operation Timbang Plus

 

Upang mamonitor kung sinu-sino, ilan at nasaan ang mga bata na mas nangangailangan ng agarang suportang pangkalusugan, nakikipagtulungan sa RHU ang opisina para sa Operation Timbang Plus upang ma-assess ang nutritional status ng bawat bata. Mayroon ding Checklist for Child Developmental Milestone Assessment na pinagbabatayan upang makita kung may delay ba sa kanilang development.

 

• Routine Dietary Supplementation Program for 6-59 Month-Old Children

 

Lahat ng naassess sa OPT Plus na mga malnourished, partikular ang mga moderately wasted, severely underweight, at stunted, ay inienrol sa Routine Dietary Supplementation Program for preschool children sa loob ng tatlong buwan, upang maisailalim sila sa rehabilitasyon para masiguro ang kanilang recovery.

 

• Regular Calibration of Weighing Scales

 

Sa inisyatibo ng Nutrition Office, taunan ding naisasagawa ang calibration, sa tulong ng Department of Science and Technology, ng mga timbangan na ginagamit sa 77 na barangay ng Bayambang upang masiguro na maayos at wasto ang timbangan at maiwasan ang false positive result sa malnutrisyon. Nakapagbigay na rin ang Nutrition Office ng mga Salter scales at beam balances sa mga nakaraang taon sa mga barangay na walang mga timbangan. Dito ay mapapansin na full support din sa mga barangay ang opisina upang maimprove ang kanilang kagamitan sa pagmomonitor ng kalusugan ng mga bata.

 

• BNS Capacity-Building

 

Iba’t ibang training ang ibinibigay para sa mga Barangay Nutrition Scholars (BNS) – na sa ngayon ay 77 na mula sa dating 20 lamang noong 2016. Ang mga BNS ang nagiging focal person ng bawat barangay, at nagiging daan rin sila upang maaprubahan at maipatupad ang Nutrition Plan ng kada barangay. Kabilang sa mga training na inorganisa na ng MNAO katuwang ang Provincial Nutrition Office at National Nutrition Council ay ang Basic BNS Course, E-OPT Plus Workshops, at ECCD F1K Phase 1 to Phase 3. Hindi rin nakakaligtaan ng MNAO na magsagawa ng mga team-building activity para sa kanila taun-taon. (Flash team building pictures esp in 2022)

 

• Distribution of Multivitamins

 

Mayroon ding branded na mga multivitamin na ibinibigay sa mga target malnourished children bukod pa sa ibinibigay ng RHU para naman sa lahat ng bata.

 

• Food Fortification Monitoring

 

Minomonitor at hinihikayat din ng MNAO katuwang ang mga BNS ang lahat ng mga bakery at retail store na gumamit at magbenta ng mga fortified product gaya ng vitamin A-fortified flour, iodized salt, at vitamin A-fortified cooking oil. Ito ay para mapanatiling masustansya ang pagkain na kinukonsumo ng mga Bayambangueño sa araw-araw alinsunod sa Food Fortification Act o RA 8976.

 

• Healthy Options at School Canteens

 

Sumasama rin ang opisina sa taunang monitoring ng LGU sa mga eskwelahan, ang Brigada Eskwela, bago mag-umpisa ang pasukan, at chinecheck kung may mga healthy option sa school canteen at upang maiwasan din ang pagbebenta ng mga junk food na makakasama sa kalusugan ng mga mag-aaral. Natigil lamang ito dahil sa pagpostpone ng pasok sa mga paaralan noong pandemya hanggang 2022.

 

• Komprehensibong Serbisyo sa Bayan Feeding Activities

 

Kada Komprehensibong Serbisyo sa Bayan, kung saan nagkakaroon ng outreach program ang Munisipyo sa mga malalayong barangay, naroon lagi ang Nutrition Office upang mamigay ng veggie ice cream, fresh fruits, at itlog sa mga benepisyaryo sa lugar.

 

 

• Monitoring of Backyard Gardens

 

Ang opisina ay involved din sa monitoring ng mga backyard garden sa mga kabahayan lalo na ng mga target beneficiary, sa tulong ng Municipal Agriculture Office. Ang MNAO ay nagpapamigay din ng gardening inputs sa pamamagitan ng First 1000 Days Program nito at minomonitor ang impact sa kanila ng proyekto.

 

 

• Provision of Fresh Veggies and fruits to Beneficiaries from ECCD F1K Greenhouse

 

Ang mga sariwang ani at mga vegetable seedlings mula sa ECCD F1K Greenhouse ay ipinamamahagi sa mga benepisyaryo. Ipinapaalam din sa kanila na pansamantala lamang ang feeding program, at mas mainam pa rin ang pagkaroon ng sariling sustainable food sources lalung-lalo na sa panahon ng pandemya.

 

• Provision of Additional Honorarium to BNSs

 

Namimigay din ang LGU ng P500 kada buwan o P6,000 kada taon bilang karagdagang honorarium para sa lahat ng mga BNS. Ito ay isang pagpapahalaga sa kanila bilang nutrition frontliners o focal persons sa mga barangay pagdating sa delivery ng nutrition services ng Munisipyo.

 

• Monitoring ng Barangay Nutrition Action Plans

 

Nakatutok din ang MNAO sa lahat ng mga Barangay Nutrition Action Plan upang makita kung ang mga ito ay naipapatupad ng maayos ng bawat barangay.

 

• Coordinator of Researches and Conduct of Nutrition Surveys in Barangays

 

Ang MNAO ang coordinator sa mga survey at research, gaya ng mga nagdaang mga pananaliksik ng FNRI-DOST at ng mga Nutrition Early Warning System survey kung saan sinusukat ang lawak ng kagutuman at malnutrisyon sa kabataan sa isang partikular na quarter ng taon para sa maayos na pagpaplano.

 

• Coordinator of Privately Sponsored Projects

 

Ang MNAO din ang coordinator ng mga private sponsorship ng mga proyekto tulad ng mga feeding activity at donasyon para sa mga malnourished na bata sa mga barangay, dahil hawak nila ang nutrition data ng mga kabataan sa lahat ng barangay. Mula 2022 ay may humigit kumulang na 10 private sponsors na aktibong nakikibahagi sa mga mga nutrition activities ng LGU.  (Flash the list sa video). Upang maipakita naman ang pasasalamat ng MNAO at buong MNC sa mga donors and sponsors para sa nutrisyon, kinikilala at pinaparangalan sila tuwing Nutrition Month Culminating Activity.

 

 

 

 

 

 

 

 

• Capacity Development for MNAO Staff

 

Upang mas mahasa ang kakayahan ng mga Staff ng MNAO ay nagsasagawa rin ang opisina ng mga Capacity-Building Activity katulad ng Team-Building Activities, Refresher Courses at Leadership Training.

 

• Wellness Program for Employees

 

Isa rin sa mga pangunahing programa ng MNAO sa larangan ng Overweight and Obesity Management ay ang pagconduct ng Weight Loss at Physical Fitness Challenge para sa mga LGU employees na nagsimula noong taong 2022. Kaakibat ng programa ay ang pagsiguro na mayroong mga physical activities ang mga empleyado gaya ng Pilates, sportsfest, Zumba, at gym sessions. Sinisiguro rin ng MNAO at LGU na fully functional ang Municipal Gym para sa programa.

 

• ISO Certification

 

Dahil sa masidhing adhikain ng LGU na mas mapataas pa ang pamantayan ng serbisyo publiko, inumpisahan noong 2022 ang opisyal na pagsasaayos ng mga dokumento para sa ISO 9001:2015 certification. Isa ang opisina ng MNAO sa 34 departments at units na sumailalim sa matinding validation process at nakamit ang ISO 9001:2015 certification sa taong 2023.

 

 

• Awards

 

Ang mga nabanggit ang iba’t ibang pamamaraan ng MNAO at ng LGU upang maitaguyod ang wastong nutrisyon sa ating bayan para ang lahat ng kabataan ay lumaking malusog at produktibong miyembro ng pamayanan.

 

Kaya naman hindi nakapagtataka na makatanggap ang LGU ng mga parangal dahil sa opisina ng MNAO, tulad ng mga sumusunod:

 

CY 2018

3rd Most Outstanding Municipal Nutrition Committee in Pangasinan

 

CY 2019

a. Most Outstanding Municipal Nutrition Action Officer in the Province of Pangasinan

b. Barangay Nutrition Scholar Marcelina Macaraeg of Brgy. Bacnono, Bayambang as 2019 Provincial Outstanding Barangay Nutrition Scholar

 

CY 2021

a. Green Banner Seal of Compliance (1^st Year)

b. Bayambang MNAO Venus M. Bueno as 2021 Regional Municipal Nutrition Action Officer of the Year (1^st Runner Up)

c. Barangay Nutrition Scholar Analiza M. Natividad of Brgy. Sancagulis as 2021 Provincial Outstanding Barangay Nutrition Scholar

 

2022

a. Heathy Pilipinas Award - Nutrition Category for the entry, ECCD F1K Dietary Supplementation Program for Pregnant Women

b. Green Banner Seal of Compliance (2^nd Year Maintenance)

c. Bayambang MNAO Venus M. Bueno as 2022 Regional Municipal Nutrition Action Officer of the Year

 

 

Ang lahat ng ito ay naisakatuparan dahil sa magandang pamamalakad ni Mayor Niña-Jose Quiambao at ng buong Team Quiambao-Sabangan, at hindi tayo titigil magbigay-serbisyo kahit ano pa mang pagsubok ang dumating, dahil buo ang ating pangarap na magkroon ng isang malusog na pamayanan para sa bayan ng Bayambang!

 

About Kulibangbang (Bauhinia/Piliostigma malabarica)

About Kulibangbang (Bauhinia/Piliostigma malabarica)

Old residents and reference materials routinely claim that the name of the Bayambang town in the province of Pangasinan came from the colibangbang o culibangbang tree which used to thrive in the area.

Research has shown that this name refers to a certain species of Bauhinia, B. acuminata or B. malabarica, or what is called alibangbang parang in Tagalog. What causes some confusion is that there are other species of Bauhinia that are referred to as alibangbang in Tagalog and other languages and are also called culibangbang in Pangasinan: for instance, B. purpurea and B. variegata, both introduced species that have been favored as garden plant. (Note that Bauhinia species have been renamed as Piliostigma.)

For purposes of clarity and precision, B. acuminata or B. malabarica is the one being referred to as culibangbang or kulibangbang by Bayambangueños, as it is the one being traditionally used as panselar or pangsigang (souring agent), specifically its flowers and shoots, which taste sour. What distinguishes it from the other culibangbang species is its simple white little flower, red leaf stalks, and a leaf shape that is rounder and less butterfly-shaped than that of B. purpurea.

In contrast, the other variety has a pink, orchid-like flower and reportedly inedible shoots, and is of foreign origin and believed to have been planted in the '70s or earlier for ornamental purposes then later spread throughout the town.

It must be noted that culibangbang is an Ilocano word meaning butterfly, and butterfly in the Pangasinan language is not culibangbang but kumpapey. The Ilocano people were not in Pangasinan until they came migrating en masse during the Spanish regime.

Another claim is that there are awarans (ancient narratives) that mention balangabang as the precursor to the name Bayambang, balangabang being the true indigenous term for the native species of culibangbang or alibangbang. This hunch, of course, is not far-fetched at all, as it is more commonsensical and thus far more plausible.

The official website of the Pangasinan provincial government has a slightly different version, though: "The name of the town, according to the legend, came from the name of a plant called balangbang. " To locals, however, balangbang is the native term for "hip," although it could also be a variant of balangabang.

Today, the kulibangbang is a rare sight in the town of Bayambang where it previously thrived in abundance. It must be noted, however, that kulibangbang trees have been planted as a little reminder in the heart of the town plaza upon the initiative of then Councilor Gerry de Vera during his term, so locals will not forget where the name of the town came from based on the oral tale passed on from one generation to the next.

 

MONDAY REPORT – OCTOBER 7, 2024

 

MONDAY REPORT – OCTOBER 7, 2024

[INTRO]

NEWSCASTER 1: Magandang Monday morning, Bayambang! Ako po si _______.

NEWSCASTER 2: At ako naman po si ___________, at kami po ay mula sa Municipal Tourism, Information, and Cultural Affairs Office.

NEWSCASTER 1: Narito na ang buong puwersa ng LGU-Bayambang...

 NEWSCASTER 2: Maghahatid sa inyo ng mga maiinit at napapanahong balita...

SABAY KAYO: Ito ang….BayambangueNews!

***

[SALITAN NA KAYO RITO]

 

1.    District 7 Corn Farmers, Tumanggap ng Combine Harvester mula DA

 Ang Bayambang District 7 Corn Cluster Organization, Inc.  ay tumanggap ng isang combine harvester mula sa Department of Agriculture Region I  sa ilalim ng Corn Banner Program ng ahensya noong September 25, 2024.

 

2.    PDA-Pangasinan, Nagbigay ng Oral Health Seminar sa CDWs

Ang Philippine Dental Association (PDA)-Pangasinan Chapter ay nagbigay ng isang seminar at workshop sa lahat ng 80 Child Development Workers ng Bayambang noong September 27 sa SB Hall. Layunin ng proyektong ito na ihanda ang mga CDW na isama ang oral health sa kanilang kurikulum, upang makatulong maiwasan ang maagang pagkasira ng ngipin sa ating mga Child Development Learners.

 

3.    Weighing Scales, Muling Ipinamahagi sa Elementary Schools

Ang Municipal Nutrition Committee ay namahagi ng bagong batch ng mga weighing scale sa lahat ng public elementary schools sa bayan noong September 26, sa hangaring masiguro ang tamang nutrisyon at kalusugan ng mga batang Bayambangueño. Magkakaroon din ang naturang kumite ng quarterly monitoring ng mga school nutrition programs simula sa buwan ng Oktubre.

 

4.    30 Bayambangueñas, Nag-avail ng Libreng Family Planning Service

May 30 na mga kababaihan ang nag-avail ng libreng family planning procedure na PSI (progestin subdermal implant) insertion na hatid ng mga RHU at Department of Health noong September 27. Ito ay parte ng pagdiriwang ng Family Planning sa buwan ng Agosto.

 

5.    SK Federation, Nag-team Building

Ang lahat ng miyembro ng Sangguniang Kabataan Federation ng Bayambang at Local Youth Development Office ay nakilahok sa isang Youth Leadership Camp sa Pueblo del Amore Mountain Resort, Lipa City, Batangas mula September 25 hanggang 28. Sila ay nakisali sa team-building activities ng group facilitator na Hero Strategies. Dito ay natuto ang mga SK members kung paano maging epektibong leader sa kanilang mga kapwa kabataan sa kani-kanilang barangay.

 

6.    Municipal Budget at AIP for 2025, Aprubado ng SB

Inaprubahan ng Sangguniang Bayan ang municipal budget para sa taong 2025 na nagkakahalaga ng P651,673,168.26 at Annual Investment Program na P5,070,726,937.60, sa isinagawang Committee Hearing ng Sangguniang Bayan (SB) noong October 1 sa SB Session Hall. Sa pagdinig ay isa-isang dinipensahan ng mga LGU department heads ng executive branch, sa pangunguna ni Mayor Niña Jose-Quiambao, ang kani-kanilang naihandang 2025 budget. At base sa pagsusuri ng SB Committee on Finance, Budget, and Appropriations, ang mga budget na ito ay nakitang naaayon sa itinakda ng batas at sa nakabalangkas na budget sa Annual Investment Plan ng LGU.

 

7.    DOH, Nagbigay ng Orientation para sa Nutrition Support Group ng Bayambang

Ang Department of Health ay nagbigay ng isang Nutrition Support Group Orientation noong October 1 sa pakikipag-ugnayan sa Municipal Nutrition Office. Ang aktibidad ay isang funding grant mula sa Department of Health (DOH) na kailangang gamitin para sa mga meeting, training, o capacity-building, at pati health and nutrition-related commodities para sa Nutrition Support Group ng LGU. Ito ay dinaluhan ng mga kapitan, Barangay Kagawad on health, Barangay Health Workers' (BHW) President, at Barangay Nutrition Scholar (BNS) sa Bayambang.

 

8.    1-Day Training sa Bread and Pastry-Making, Handog ng TESDA at PSAT

Isang libreng 1-day training sa bread at pastry-making ang inihandog ng TESDA at Pangasinan School of Arts and Trade sa pakikipagtulungan sa PESO-Bayambang mga local na OFWs noong October 10 sa St. Vincent Ferrer Prayer Park. Ito ay isa na namang dagdag-kaalaman at kakayahan para sa mga napiling benepisaryo upang makapag-umpisa sa isang bagong pagkakakitaan.

 

9.    3-Day Nutrition in Emergencies Training, Dinaluhan ng MNC at BNS

Isang training ukol sa Nutrition in Emergencies ang isinagawa ng MNAO para sa mga miyembro ng Municipal Nutrition Council (MNC) at Bayambang Nutrition Scholars (BNS), upang mapaigting ang kaalaman ng bawat miyembro sa tamang paraan ng pag-implementa ng nutrition program sa panahon ng anumang emergency. Ang training ay ginanap mula October 2 hanggang 4 sa St. Vincent Ferrer Prayer Park at Ariel & Fe Garden Resort and Restaurant.

 

Local Teachers, May Libreng Training at Special Treat sa Teachers' Month Celebration

Noong October 3, naghandog si Mayor Niña ng isang In-Service Training for Teaching and Non-Teaching Personnel sa Bayambang bilang parte ng 2024 World Teachers’ Day Celebration. At kasabay nito ay naghandog din siya sa kanila ng mga special treats. Naroon po ang ating special field reporter na si Angel Veloria para sa mga detalye.

 

Angel: 

Narito ako ngayon sa fully air-conditioned na The Tent dito sa likod ng JKQ Medical & Wellness Center para sa In-Service Training for Teaching and Non-Teaching Personnel in Bayambang bilang parte ng 2024 World Teachers’ Day Celebration.

Nagbahagi ng kasanayan at kaalaman sa training na ito ang guest of honor and speaker na si Dr. Nino D. Naldoza, Associate Dean of Philippine Normal University, Faculty of Education and Information Sciences.

Matapos ang training, ay may inihandang treats ang LGU-Bayambang sa pangunguna ni Mayor Niña para sa mga teaching and non-teaching personnel bilang pagkilala sa kanilang dedikasyon at pagmamahal sa kanilang propesyon. Kabilang dito ang libreng concert, free food and drinks, raffle prizes, at P2.1-million worth of cash gifts depende sa length of service!

 

RHU I, 2023 Highest Performing Konsulta Provider sa Pangasinan

Ang Rural Health Unit I ay pinarangalan ng Philippine Health Insurance Corp. o PhilHealth bilang “Highest Performing PhilHealth Konsulta Package Provider in Pangasinan for 2023,” sa Monarch Hotel, Calasiao, Pangasinan noong September 30. Nakamit ng RHU I ang naturang parangal dahil sa aktibong pagbibigay nito ng de-kalidad at abot-kayang health care goods at services sa mga outpatient gamit ang PhilHealth Konsultasyong Sulit Tama (Konsulta) package na mandato sa ilalim ng Universal Health Care Law. Ang parangal na ito ay personal na iginawad nina Governor Ramon Guico III at PhilHealth Regional Vice-President Dennis Adre, kasama ang iba pang PHIC Central officers.

 

Bauang MDRRM Council, Bumisita

 Ang MDRRM Council ng Bauang, La Union ay naglakbay aral sa Bayambang noong October 2. Ang mga bisita ay pinangunahan ni Bauang MDRRM Officer Joel Vincent Caniezo. Sila ay winelcome ng MDRRMO at ipinasyal sa MDRRM Operation Center, Wawa Evacuation Center, at MDRRMO Satellite Office, kung saan nagpresenta ang MDRRMO ng ating mga best practices. Sa Mayor’s Conference Room naman, nakipagpulong ang mga bisita kina Mayor Niña Jose-Quiambao, Vice-Mayor Ian Camille Sabangan, DPA, at Councilor Levinson Nessus Uy.

 

***

It's Trivia Time!

Alam ba ninyo na ang MTICAO o Municipal Tourism, Information, and Cultural Affairs Office ay laging nasa likod ng lahat ng aktibidad ng Munisipyo, maliliit man o malaki?

Ang MTICAO ay may apat na division: ang Public Information, Tourism Site and Infrastructure, Multimedia, at Cultural Affairs and Events.

Noong taong 2023, may average na 1,825 articles ang naireport ng MTICAO sa iba’t ibang platforms: Facebook, Monday video, website, radio, at newsletter.

Ang departamentong ito ay sumasagot sa daan-daang komento at libo-libong private messages buwan-buwan sa Facebook.

Ito ay nakapaglimbag na rin ng mga 20 na libro, kabilang na ang taunang State of the Municipality Address at souvenir programs ng town fiesta.

Maliban pa ito sa Balon Bayambang newsletter at iba’t ibang information materials kada buwan at taun-taon.

Ganyan po kaaktibo ang MTICAO. In fact, kaya nitong maglabas ng mga pitong news articles sa isang araw na punung-puno ng balita.

At alam ba ninyo na ang MTICAO ay isang multi-awarded department? Ito ay ilang beses nang recipient ng Most Outstanding in Tourism Week/Month Celebration at ang prestihiyosong Pearl Award mula sa Department of Tourism dahil naging grand champion nationwide ang Bayambang Culture Mapping Project sa kategoryang Best Practices on Community-Based Responsible Tourism.

Bukod pa ito sa Multimedia Award na iginawad ng DILG noong taong 2023.

Happy Tourism Month!

 

***

[OUTRO]

NEWSCASTER 1: At iyan po ang mga balitang nakatutok sa iba't ibang programa at proyekto ng LGU-Bayambang.

NEWSCASTER 2: Mga balitang may tatak Total Quality Service.

NEWSCASTER 1: Muli, ako po ang inyong lingkod, ___________________.

NEWSCASTER 2: At ___________ mula sa Municipal Tourism, Information, and Cultural Affairs Office.

[SABAYANG BIGKAS]: At ito ang... Bayambangueñews!

 ***

Samantala, 79  days na lang before Christmas!