MONDAY REPORT – NOVEMBER 23, 2026
[INTRO]
[Please
observe proper volume, speed/pacing, attire, posture… and don’t forget to
smile.]
NEWSCASTER
1: Isang masaya at produktibong umaga, Bayambang! Ako po si ______ ng
_______.
NEWSCASTER
2: At ako naman po si ______, at kami ay mula sa __________. Handog
namin ang mga balitang sumasalamin sa bayang progresibo.
NEWSCASTER
1: Sama-sama nating sulyapan ang mga kwentong nagpapakita ng malasakit at
aksyon.
NEWSCASTER
2: Ito ang inyong lingguhang ka-partner sa impormasyon…
SABAY:
Ang… BayambangueNews!
***
[SALITAN NA
KAYO RITO]
1.
Kabataan ng Bayambang, Bumisita sa Senado
Limang piling
kabataan mula sa Bayambang ang nabigyan ng pagkakataong bumisita sa Senado ng
Pilipinas noong November 11 upang masaksihan at higit na maunawaan ang proseso
ng pamamahala, paggawa ng batas, at paglilingkod-bayan. Sa pangunguna ng
Talindeg Kalangueran Youth Organization, LYDO, at SK Federation, naipakita sa
kanila na mayroong mahalagang papel ang kabataaan sa paghubog ng kinabukasan ng
bansa.
2.
Mga Bagong Kawani ng LGU, Dumalo sa
Orientation Activity
Ang HRMO ay
nagbigay ng isang Employee Orientation program para sa mga bagong tanggap na
kawani noong November 12, upang sila ay magkaroon ng tamang kaalaman hinggil sa
mga patakaran, tungkulin, responsibilidad, at mga inaasahan sa kanila bilang
mga lingkod-bayan. Tinalakay rito ang vision at mission ng LGU, employment
status, mga uri ng appointment, expectations, administrative offenses, at ang
tungkol sa BIR at SSS contributions.
3.
Recruitment Activity, Isinagawa ng Pangasinan
Solid North Transit
Isinagawa noong
November 12 sa PESO-Bayambang ang isang local recruitment activity katuwang ang
kumpanyang Pangasinan Solid North Transit Inc. Kabilang sa mga inalok na bakanteng
posisyon ang Bus Driver, Conductor, Auto Painter, CCTV Technician, Plumber,
Foreman, Service Driver, Carpenter, at Accounting Head.
4.
MNC, Nag-benchmarking sa Bacnotan
Ang Bayambang
Municipal Nutrition Committee ay nag-benchmarking activity noong November 11 sa
Nutrition Center ng LGU ng Bacnotan, La Union, upang matuto ng best practices
ng Bacnotan pagdating sa nutrition program management. Sila ay winelcome ni
Mayor Divina Fontanilla. Partikular na kanilang inalam ang tungkol sa isang learning
hub, na isang capacity‑building platform para sa mga nag-iimplementa ng local nutrition
projects.
5.
Senior Citizen, Nakatanggap ng Cash Gift
Namahagi ang National
Commission of Senior Citizens Region 1, katuwang ang MSWDO at OSCA, ng cash
gift sa mga kuwalipikadong senior citizen sa Bayambang noong November 16.
Alinsunod sa Expanded Centenarians Act, maaaring makatanggap ng ₱10,000 ang mga
senior citizen na umabot sa edad na 80, 85, 90, at 95, habang ₱100,000 naman
ang para sa mga centenarian. Sa paunang payout, isang centenarian at 13 senior
citizens ang nakatanggap ng kaukulang cash assistance.
6.
Dr. CTQ at Mayor Niña, May Birthday at
Anniversary Treat!
Gaya ng
nakagawian, muling nagbahagi ng blessings si SATOM, Dr. Cezar Quiambao, sa
kanyang kaarawan at sa wedding anniversary nila ni Mayor Niña noong
November 17. Sa kabila ng pag-ulan ng pagbati ng iba’t ibang sektor na mula sa
LGU, TODA members, public market vendors, at iba’t ibang kumpanya ay ang lubos
na pasasalamat sa kanilang mabuting pamamahala at pagiging bukas-palad, at ang
panalangin ng ibayong pagpapala sa kanilang buong pamilya.
7.
Basic BNS Training, Isinagawa para sa MNC
Members
Isang basic
training course para sa mga Barangay Nutrition Scholar ang ibinigay ng
Nutrition Office para sa mga bagong aapoint na BNS at para sa lahat ng miyembro
ng Municipal Nutrition Committee noong November 17. Layunin ng pagsasanay na
mapalawak ang kaalaman at kasanayan ng mga miyembro tungkol sa nutrisyon,
kalusugan ng ina at bata, pagsubaybay sa paglaki, pag-iwas sa malnutrisyon, at
pagpapatupad ng mga programang pangnutrisyon sa barangay.
8.
GAD Governance, Pinaigting sa Training
Mas pinahusay
ang kakayahan ng mga kawani sa pagsubaybay at pagsusuri ng mga programa ng
Gender and Development sa pamamagitan ng isinagawang GAD Monitoring and
Evaluation Framework Training noong November 18. Dinaluhan ito ng mga miyembro
ng GAD Focal Point System Executive Committee at GAD Technical Working Group,
upang matalakay ang mga pamamaraan sa pagsukat ng epekto ng mga programa,
pagtukoy sa mga kakulangan sa implementasyon, at pagpapabuti ng paghahatid ng
serbisyo.
9.
S.E.E., Naglakbay Aral sa Nueva Ecija
Nagsagawa ng
benchmarking visit ang Special Economic Enterprise (SEE) Office ng Bayambang sa
Bantug Agricultural Multipurpose Cooperative sa Talavera, Nueva Ecija, upang
matutuhan ang epektibong operasyon ng isang kooperatiba. Sa aktibidad, natuto ang
S.E.E. ng mga bagong kaalaman na maaaring iangkop upang higit pang mapahusay
ang pagpapatakbo nito ng ating pamilihang bayan.
10. Tatlong
Wildlife Animals, Inilagak sa CENRO
Tatlong
wildlife animals na kinabibilangan ng cockatiel, iguana, at scops owl ang
boluntaryong isinuko o iniulat ng mga residente ng Bayambang at pormal na
itinurn-over sa DENR-CENRO Dagupan noong November 17. Ang iguana ay native species sa Central at
South America at Carribbean, at ang cockatiel ay native sa Australia,
samantalang ang scops owl ay native sa Pilipinas. Sa pagreport ng publiko sa
mga ito, natitiyak ang kanilang kaligtasan at pati na rin ng mga residente.
11. Farmers
Association, Natuto sa Nursery Management
Ang Municipal
Agriculture Office ay nagdaos ng isang orientation program para sa mga miyembro
ng Corn-Onion-Rice Farmers Association sa San Gabriel 2nd tungkol sa wastong
pagpapatakbo ng isang community vegetable nursery. Gamit ang GAD Fund ng LGU,
layunin ng proyekto na makapagbigay ng pangmatagalang oportunidad sa kabuhayan
ng mga miyembro sa pamamagitan ng produksyon at pagbebenta ng de-kalidad na mga
punla ng gulay.
12. Mayor
Niña, Panauhin sa Pagbubukas ng Travel Agency
Si Mayor Niña ay
guest of honor sa grand opening at blessing ng bagong tatag na Rhaphil Travel
and Tours Services sa Poblacion Sur noong November 18. Siya ay nirepresenta ni
Municipal Administrator, Atty. Rodelynn Rajini Sagarino-Vidad, na hatid ang
pasasalamat at pagbati ng alkalde. Ang Rhaphil Travel and Tours Services ay maghahatid
ng mga serbisyong kailangan sa paglalakbay at pangturismo ng mga
Bayambangueño.
13. KSB
Year 9, Nagtungo sa Manambong
Noong November
19, sumunod namang nagtungo ang team ng Komprehensibong Serbisyo sa Bayan Year
9 sa Bascos Elementary School sa pangunguna ni Mayor Niña upang maghatid ng
lahat ng serbisyo ng Munisipyo sa mga residente ng Brgy. Manambong Norte,
Manambong Sur, at Manambong Parte. Ang mga residente ay nag-avail ng iba't
ibang libreng medical at dental services, late registration of birth, libreng
bakuna sa hayop, libreng buto at punla, employment services, libreng gupit, at
legal advice, at marami pang iba, nang di na kailangan pang mamasahe papuntang
sentro ng bayan.
14. Mga
Usaping Kooperatiba, Tinalakay sa Pulong
Sa ika-apat na
quarterly meeting ng Municipal Cooperative Development Council noong November
18, tinalakay ang mga usaping magpapatibay sa kooperatibismo sa bayan ng
Bayambang: ang compliance ng mga lokal na kooperatiba sa requirements ng Cooperative
Development Authority; pagsusumite ng mga Board Resolution para sa pagtatag ng
Union Cooperative; at ang Year-End Assessment at Evaluation ng Municipal
Cooperative Development Office at MCDC para sa 2026.
15. BPC,
Nagdaos ng 3-Day College Fest
Nagdaos ng
Bayambang Polytechnic College noong November 18 to 20 ng tatlong araw na
College Festival na kinatampukan ng iba’t ibang kumpetisyon upang ipakita ang
iba’t ibang talento ng BPC students. Kabilang dito ang sports tournament, quiz
bee, Mr. & Ms. BPC, folk dance competition, BPC Idol, Mental Health
Seminar, at BPC Drag.
16. Orientation
on Marriage Laws, Isinagawa
Isang
orientation activity ang isinagawa ng Local Civil Registry Office noong
November 19 ukol sa Marriage Laws, Duties and Responsibilities ng Solemnizing
Officers, at Proper Accomplishment of Certificate of Marriage. Tinalakay dito
ang mga mga dapat gawin upang maiwasan ang problema sa civil registry. Sa
ganitong paraan, nasisiguro na, sa bawat kasal, hindi lang maganda ang
seremonya, kundi legal at protektado rin ang karapatan ng magkabilang partido.
17. ICT
Office, Nakilahok sa Communication Workshop
Inanyayahan ng
DILG Pangasinan ang LGU na lumahok sa Phase 2 ng programang “Knowledge, Product
Development, Validation, and Dissemination of LGU Best Practices” na ginanap noong
November 20 sa Lingayen. Aktibong sumali ang ICT Office upang maibahagi,
mapalalim, at maipalaganap ang mga natatanging gawain at pinakamahuhusay na practices
ng lokal na pamahalaan sa pagbibigay ng iba’t ibang serbisyo at implementasyon
ng iba’t ibang programang pangkaunlaran.
18. Children’s
Festival 2026, Matagumpay
Noong November
21, matagumpay na ginanap ang Children’s Festival 2026 bilang bahagi ng
pagdiriwang ng 34th National Children’s Month. Dito ay nagtagisan
ang mga kabataan sa Retro Dance Competition, Draw & Tell, at Oratorical
Contest sa Events Center. Sa aktibidad na ito ng MSWDO at mga Child Development
Center, muling napayabong ang talento ng mga kabataang Bayambangueño.
19. Mr.
& Ms. Little Pre-K 2026, Kinoronahan
Pagkatapos
nito, sumunod namang isinagawa ang coronation ceremony para sa Mr. & Ms.
Little Pre-K 2026, sa pagtutulungan ng MSWDO, Child Development Workers
Association, at mga magulang ng mga Child Development Learner. Itinanghal at
kinoronahan ang mga nanalong Mr. and Ms. Little Pre-K 2026 sa isang makulay at
engrandeng coronation ceremony.
20. Bayambang,
Awardee sa GSIS Seal of Protection
Ginawaran ng
Silver Award ang LGU-Bayambang sa pamamagitan ng General Services Office, sa
ginanap na 2026 Seal of Protection Awarding Ceremony. Ito ay pagkilala sa
patuloy na pagsisikap nitong pangalagaan ang mga ari-arian ng lokal na
pamahalaan at palakasin ang katatagan nito tungo sa isang mas ligtas na
munisipalidad. Iginawad ang parangal noong November 11 sa Lapu-Lapu City, Cebu,
at personal na tinanggap ni GSO head Chinita de Vera at kanyang staff.
21. Bayambang,
Ginawaran ng ISO 9001:2015 Re-certification
Muling
ginawaran ang LGU-Bayambang sa pamumuno ni Mayor Niña Jose-Quiambao ng ISO
9001:2015 Recertification noong November 16. Patunay ang recertification ito ng
patuloy na pangako ng pamahalaang bayan na maghatid ng mahusay at de-kalidad na
serbisyo publiko, at kahusayan sa paglilingkod na nararamdaman ng bawat
mamamayan.
Bayambang,
Nakiisa sa Train LOKAL Initiative ng TESDA
Kinatawan ni
Mayor Niña si Councilor Zerex Terrado sa pambansang pagtitipon ng TESDA para sa
Train LOKAL Initiative sa Tarlac City noong November, upang palakasin ang
pagpapaunlad ng kasanayan sa lokalidad. Layunin ng inisyatiba na patatagin ang
ugnayan ng mga LGU, TESDA, at mga industriya upang makapaghatid ng de-kalidad
at angkop na training para sa pangangailangan ng merkado. Magbubukas ito ng mas
maraming oportunidad sa trabaho at kabuhayan para sa mga manggagawang may sapat
na kasanayan.
Former Tourism
Officer, Nagturn-over ng Kanyang Museum Collection
Ipinagkaloob ni
Ms. Emma Mula, dating Tourism Officer ng Bayambang at Supervising Curator ng
National Historical Institute, ang malaking bahagi ng kaniyang koleksiyong
pangkasaysayan sa Municipal Museum. Kabilang sa mga donasyon ang mga
pambihirang publikasyon noong dekada 1970, mga lumang litrato, at kopya ng mga
mahahalagang opisyal na dokumento. Papanatilihin at ilalaan ang koleksiyon sa
Municipal Museum para sa mga mananaliksik, mag-aaral, at mga susunod na
henerasyon ng Bayambangueño.
MCDC, Sinuri
ang mga Nagawa sa 2026
Idinaos ng
Municipal Cooperative Development Council (MCDC) ang ikaapat na quarterly
meeting nito noong Nobember 18. Kanilang tinalakay ang pagsunod ng mga
kooperatiba sa mga rekisito ng Cooperative Development Authority, paghahanda sa
pagtatatag ng Union Cooperative, at pagrepaso sa mga nagawa sa taong 2026.
Binigyang-diin din ng mga miyembro ang paghahanda ng komprehensibong
accomplishment report upang maidokumento ang mga tagumpay, masuri ang mga
programa, at matukoy ang mga dapat pang ayusin.
Bayambang, Top
8 sa Pangasinan sa SubayBAYANI Awards
Napabilang ang
Bayambang sa pamumuno ni Mayor Nina sa Top 8 na mga bayan sa Pangasinan sa 2026
SubayBAYANI Awards ng DILG Region I na ginanap noong November 19. Ito ay bilang
pagkilala sa mahusay nitong pagganap sa lokal na pamamahala. Kinilala rin si MLGOO
Arianne Peralta sa kaniyang mga ambag sa pagsusulong ng transparency at
accountability sa mga proyektong pinopondohan ng pamahalaan.
***
[OUTRO]
NEWSCASTER
1: Dito sa Bayambang, bawat proyekto ay may layuning makapaglingkod nang
tapat at may puso.
NEWSCASTER
2: At bawat kuwento, tagumpay nating lahat bilang isang komunidad.
NEWSCASTER
1: Ako pong muli si ____________ ng _________, kasama sa paglalahad ng mga
kaganapan sa bayan.
NEWSCASTER
2: At ako si ___________, mula sa ___________. Magsama-sama tayong muli
para sa susunod na ulat!
SABAY:
Ito ang… BayambangueNews!
No comments:
Post a Comment