Three Pangasinan Folk Songs about Birds

OALAY MANOK KO TARAS

Walay manoc con taras 

bagsit ya melamelag

Taras cuan con taras 

antoy babarongan mod siac

Ag ta ca met binacbac, 

dinucsan pinairap 

Tan ta marunong ac 

mangalmusal kay gatas 

mangogto kay prutas, 

tan man pandem kay intortias. 

Nantanem Ak na Katuray 

Nantanem ak na katuray, 

rosas toy mugaygay, 

kabangon kod kabuasan,

colasisin amayamay.

Maya kan colasisi 

ta patitan taka naani. 

No naerel ta kad sali, 

boses moy pakaskasi.

version 2 from Quinto et al:

NANTANEM AK NA KATURAY

Nantanem ak na katuray,

Rosas day mugay mugay

Kabangon koy kabuasan,

Kulalasi ya mamangan

(Note from Jayson Ibañez: colasisi - Philippine hanging parakeet, an endemic Philippine parrot, and one of the smallest parrots in the world)

Paloman Batekan 

Paloman batekan, 

palekpek ya conde, 

mareen, mabinta; 

gaway kakikiwi; 

Si Loro’y artista, 

caballeron berde, 

prinsesa’s duyaw, 

dama toy kulasisi.

version 2 from Quinto et al:

PALOMAN DATEKAN

Paloman datekan, 

palekpek ya conde, 

mareen, mabinta, 

walmay kakikiwi,

loron marquesa, 

cabalyeron berde; 

prinsesay duyaw, 

damay kulasisi. 

antolay dakep na uliran day manoc, 

heneral dan kalaw, conde saray pios, 

pari ra si kuling, piskal manaroktok, 

prinsipe ka langoy; mutsasoy batyokyok

(Note from Jayson Ibañez: paloman batekan - spotted dove; palekpek - zebra dove; loro - possibly Luzon racket-tailed parrot; cabaleron berde - possibly guayabero; duyaw - black-naped oriole; colasisi - Philippine hanging parakeet/parrot)