EVENTS COVERED
1. Municipal Treasury at Assessor’s Office,
Dumalo sa REGATA Conference
2.
Mga Punong Barangay, Pinulong ukol sa ASF
3. Buklat Aklat, Nagpatuloy sa Malimpec
4. Cooperative Month, Ipinagdiwang sa Isang
Tiangge Sale
5. 9,078 Bata, Nakinabang sa School Dental
Drive
6. OSCA, Nakilahok sa Elderly Filipino Week
7. 30 Katao, Tumanggap ng Sewing Machine
8. Cybersecurity Awareness Seminar,
Isinagawa
9. 36 Work Immersion Students, Mainit na
Tinanggap
10. BPSO at TFD, Nakipagpulong sa Royal Mall
at CSI
11. Managos
FAC, Tumanggap ng Pondo para sa Fertilizer Facility
12. School Security, Pinaigting; Vendors,
Nabigyan ng Alternatibong Puwesto
13. Nutrisyon
ng mga Mag-aaral, Tinutukan sa Pulong
14. Tatlong Wheelchair, Hatid-Ginhawa sa mga
Bayambangueño
15. Karapatan ng Kabataan, Itinampok sa
Legal Education Program
16. DILG-Pangasinan, Nagmonitor ng mga
Proyekto sa Bayambang
17. Urban Barangays, Pinagtibay ang
Koordinasyon sa Solid Waste Management
18. Kabataan at Senior Citizens, Nag-bonding
sa Board Games Battle
19. Elderly Filipino Week, Ipinagdiwang
20. Feeding at Gift-Giving, Inihatid ng
Camacho Family and Friends sa San Gabriel 2nd
21. Limang Proyektong Pinondohan ng
LandBank, Sumailalim sa Assessment
22. Teachers’ Day, Ipinagdiwang sa Isang
Engrandeng Selebrasyon
23. Organic Agriculture, Isinusulong
24. Student Achievers, Sinurpresa ni Mayor
Niña
25. Mayor Niña, Pinangunahan ang Pledge of
Commitment ng mga Kawani
26. Camacho Family and Friends, May Feeding
at Gift-Giving Activity Muli
27. Food Handlers Seminar, Dinaluhan ng 121
Kalahok
28. Scholarship Allocation Bawat Barangay,
Ipinamahagi
29. Dalawang
Kooperatiba, Pinarangalan sa P.A.C.E. 2026
30. Ikalawang
Bugso ng UPLIFT, Naghatid ng Tulong sa mga Benepisyaryo
31.
₱20 Kada Kilo ng Bigas, Pormal nang Inilunsad sa
Bayambang
32. Sectoral Meeting ukol sa BPRP, Tinukoy
ang mga Prayoridad na Hakbang
33. PhilRice,
Narito para sa Bagong Proyekto ukol sa Pigmented Rice
34. LSB,
Tinalakay ang mga Proyekto at Kagamitan para sa mga Paaralan sa Bayambang
35. KSB Year 9, Nagpatuloy sa Alinggan
36. MDRRMC, Nagpulong ukol sa Super El Niño
at Undas
37. GAD Training at Leadership Seminar,
Tampok sa Youth Summit 2026
38. Exotic Pet Bird, Boluntaryong Isinuko
39. Financial Literacy at Cooperative
Education, Isinagawa
40. Libreng Chest X-Ray, Ipinagkaloob sa 200
Katao
41. The Tent Sports Hub, Binuksan sa BYB
Metro!
42. Bayambang, Most Business-Friendly
Municipality Level 1 ng Bansa!
43. Senior Citizens, Nakatanggap ng Rice
Assistance
44. DRRM Course para sa Public Servants,
Muling Nagpatuloy
45. Feeding Angels, Muling Namahagi ng Food
at Gift Packs
46. Metrobank Foundation, Mental Health
Youth Hub PH, Bumisita
47. LGU Heads, Sumabak sa Adaptive at
Resilient Leadership Seminar
48. Joint LCPC, LCAT-VAWC, at MAC Meeting,
Idinaos
49.
LGU, Suportado ang Inisyatibang Ideklara ang
PSU-Bayambang bilang Heritage Zone
50. Mga RHU, Accredited Ulit bilang
Adolescent-Friendly Health Facilities!
51. LGU,
Kumikilos sa Pagtugon sa Pagbaha
52. Programa kontra Overweight at Obesity,
Idinaos sa 2 Paaralan
53. Sectoral Meeting para sa BPRP,
Nagpatuloy
54. Health Promotion Series, Isinagawa
55. Oral Health Monitoring ng mga Buntis,
Isinagawa
56. Bayambang, May 100% Barangay
Participation sa KALINISAN Program
57. Budget at Treasury Office, Binigyan ng
Komendasyon!
58. Update sa Konstruksyon ng BPC Academic
Building
SUMMARY OF LGU ACCOMPLISHMENTS IN
S.O.M.A. FORMAT
EDUCATION FOR ALL
- (LSB, Library, DepEd)
Buklat Aklat, Nagpatuloy sa Malimpec
Ang Buklat Aklat Project ni Mayor Niña ay nagpatuloy sa Brgy. Malimpec,
upang maghatid ng mga aklat at reading exercises para sa mga mag-aaral doon, sa
tulong ng BPRAT, SK Federation, LYDO at mga volunteer. Sa pamamagitan ng nasabing
literacy project, nahikayat ang mga mag-aaral na paigtingin ang kanilang
interes sa pagbabasa at palawakin ang kanilang kaalaman. Tuwang-tuwa ang mga
mag-aaral sa kanilang mga bagong natutunan.
36 Work Immersion Students, Mainit na
Tinanggap
Mainit na tinanggap ng LGU ang 36 na
mag-aaral mula sa Tococ National High School para sa sampung araw na Work
Immersion Program na nagsimula noong October 5. Personal silang binati ni Mayor
Niña, at hinikayat na sulitin ang pagkakataong matuto mula sa aktuwal na work
environment, sa gabay ng PESO-Bayambang.
Teachers’ Day, Ipinagdiwang sa Isang
Engrandeng Selebrasyon
Isang engrandeng pagkilala sa mga guro ng
Bayambang ang idinaos ni Mayor Niña noong October 9 sa The Tent Sports Hub sa
BYB Metro, Brgy. Bani, isang makabagong sports facility.
Napuno ng mga sorpresa ang aktibidad,
kabilang ang raffle draw, mga regalo, at live performances, bilang pagpupugay
sa lahat ng sakripisyo at dedikasyon ng mga guro sa kanilang tungkulin.
Naging espesyal na panauhin naman ang
trending content creator na si “Unfiltered Karla” o Ms. Karla Ong-Bagtas, isang
public school teacher.
Student
Achievers, Sinurpresa ni Mayor Niña
A.
Noong Lunes, sinurpresa ni Mayor Niña ang mga estudyanteng nagwagi
saa magkakaibang larangan. Kabilang dito
ang basketball team ng Saint Vincent Catholic School na kampeon sa Danny
Ildefonso G-League Western Pangasinan Interschool Division Under-17 Category
at Bayambang Central School na
nagkampeon at nagwagi sa iba’t ibang kategorya ng Division Schools Press
Conference (DSPC) 2026. Sila ay binigyan ₱1,000 cash bawat isa, lunch pack mula
sa Jollibee, merienda mula Clark’s Brookside Burger, at ride-all-you-can sa
Blue Sky Theme Park.
B.
Samantala, tumanggap naman ang Bayambang National High School
(BNHS) ng ₱50,000 personal na donasyon, bilang suporta sa proyektong K.H.A.N.
Academy.
Scholarship
Allocation Bawat Barangay, Ipinamahagi
Pinangunahan
nina Mayor Niña at iba pang lokal na opisyal ang ceremonial awarding noong
Oktubre 12 para sa Barangay Presidential Scholars Program ng Pangulong Marcos.
Ang programang ito ay naglaan ng ₱100,000 scholarship assistance para sa bawat
isa sa 77 barangays ng Bayambang, kung saan nagkakaloob ng tig-₱20,000 para sa
limang kwalipikadong incoming fourth-year college students mula sa bawat
barangay. Malaking tulong ito sa mga gastusin ng mga naturang estudyante upang
makapagtapos ng kolehiyo.
LSB,
Tinalakay ang mga Proyekto at Kagamitan para sa mga Paaralan sa Bayambang
Tinalakay ng
Local School Board (LSB) sa pulong ang mga panukalang proyekto, kabilang ang
mga update sa Tampog Elementary School at ang pagkukumpuni ng mga pasilidad sa
DepEd Bayambang I at Don Teofilo C. Mataban Memorial School, ang mapagkukunan
ng pondo para sa 2026 Division Meet, gayundin ang paghahanap ng additional 20
applicants para sa ARAL Program. Ginawaran naman ng Certificate of Commendation
si dating MFPTA President Gilbert Galsimbilang pagkilala sa kanyang ambag at
paglilingkod sa sektor ng edukasyon.
HEALTH FOR ALL
- Health (RHUs)
9,078 Bata, Nakinabang sa School Dental Drive
Umabot na sa 9,078 elementary pupils mula sa 26 na paaralan sa
Bayambang ang nabigyan ng preventive oral health services ngayong taon sa
tulong ng DepEd at DOH dentists. Kabilang sa kanilang serbisyo ang oral health
education, dental check-up at examination, at fluoride application, habang
nagdagdag naman ang Municipal Health Office ng fluoride varnishes at oral
health packages. Sa tuluy-tuloy na school-based dental activities, mas
inilalapit sa mga batang Bayambangueño ang pangangalaga para sa mas malusog na
ngiti.
Food Handlers
Seminar, Dinaluhan ng 121 Kalahok
May 121
kalahok mula sa mga lokal na food business ang dumalo sa isang Food Handlers
Seminar na isinagawa ng Rural Health Unit noong October 12. Tinalakay rito ang
mga pamantayan sa waste management, business permits, gusali, sanitasyon, at
pagpaplano upang matiyak ang kalinisan at kaligtasan ng mga mamimili.
Mga RHU, Accredited Ulit bilang Adolescent-Friendly
Health Facilities!
Ang ating mga RHU ay ginawaran ng Provincial Health
Office ng Compliance Certificate bilang isang Adolescent-Friendly Health
Facility Level II noong October 20, matapos nilang makumpleto ang mga
requirement ng Department of Health. Ang sertipiko ay isang katibayan sa abilidad
ng RHU na makapagbigay ng medical at health services na akma sa mga adolescent,
kabilang na ang counseling services.
Programa kontra Overweight at Obesity,
Idinaos sa 2 Paaralan
Noong October 21 at 22, nagdaos ang
Nutrition Office ng Overweight and Obesity Prevention Program sa Inirangan
Elementary School at Sanlibo Elementary School upang itaguyod ang wastong
nutrisyon, malusog na pamumuhay, at regular na pisikal na aktibidad. Tinalakay
rin ang mental health, obesity management gamit ang Pinggang Pinoy bilang guide,
at pag-iwas sa bullying, habang isinagawa ang mga larong Pinoy upang hikayatin
ang aktibong pamumuhay.
Health Promotion Series, Isinagawa
Nagsagawa ang Municipal Health Office ng
mga health promotion activity sa Bayambang National High School at Tococ
National High School. Sa pamamagitan ng tinaguriang Project P.A.S.Y.A.K. o Proteksyon
sa Aming Sarili, Yaman ng Aming Kinabukasan, tinalakay rito ang ukol sa
reproductive health, mental health, anti-bullying, substance abuse prevention,
at pag-iwas sa teenage pregnancy. Nagbigay rin ang programa ng counseling at
psychosocial support, kabilang ang rapid assessment, upang gabayan ang mga
kabataan sa pagharap sa mga hamon ng pagdadalaga at pagbibinata at sa paggawa
ng responsableng mga desisyon.
Oral Health Monitoring ng mga Buntis,
Isinagawa
Nagsagawa ang Philippine Dental
Association-Pangasinan at RHU ng oral health monitoring para sa Batch 1 at 2 ng
mga benepisyaryo ng Project Buntis: First 1,000 Days Oral Health Program noong
October 21 sa RHU 1, 2, at 3. Kabilang sa mga naging aktibidad ang fluoride
application para sa mga sanggol at pamamahagi ng oral health kits para sa mga
ina at anak, gayundin ng bath towels at sippy cups. Sa programang ito, napalawak ang kaalaman ng mga ina sa wastong
pangangalaga ng ngipin at bibig at naitaguyod ang kalusugan ng mga ina at
sanggol sa unang 1,000 araw ng buhay.
- Nutrition (MNAO)
Nutrisyon ng mga Mag-aaral, Tinutukan sa
Pulong
Tinalakay sa 3rd Quarter Meeting ng
Municipal Nutrition Committee o MNC noong October 6 ang pagpapalakas ng
nutrition programs para sa mga mag-aaral, kabilang ang feeding program, libreng
gatas, at pamimigay ng multivitamins.
Dumalo si Mayor Niña sa pulong, kung saan
iniulat din ang pagbabalik ng Bayambang bilang contender sa CROWN Award ng
National Nutrition Council.
Inilatag din ang mga
estratehiya para sa mas tumpak na school-based nutrition data mula sa DepEd.
Feeding Angels, Muling Namahagi ng Food at
Gift Packs
Muling mamahagi ang Feeding Angels of
Bayambang, katuwang ang Nutrition Office, ng food packs at mga regalo sa 64 na
benepisyaryo sa ECCD Centers ng Barangay Zone 6 at Macayocayo at sa Sapang
Elementary School noong October 20. Nakatanggap ang 52 na mag-aaral ng pagkain,
tig-isang kilong bigas, school bags, at payong, habang anim na indigent
learners at anim na indigent families ang nakatanggap ng family food packs.
- Sports and Physical Fitness (MPFSDC)
The Tent
Sports Hub, Binuksan sa BYB Metro!
Pormal na
binuksan noong October 15 ang The Tent Sports Hub sa BYB Metro, Brgy. Bani,
upang magbigay ng karagdagang espasyo para sa iba't ibang sports at
recreational activities. Sinimulan ang programa sa dedication at blessing, mga
mensahe mula kina Mr. Philip Jose ng AILC, Mayor Nina at Dr. Cezar Quiambao,
ribbon-cutting ceremony, at inaugural open play ng pickleball game.
- Veterinary Services (Mun. Vet.)
– Slaughterhouse
PROTECTION
OF WOMEN AND CHILDREN
Joint LCPC, LCAT-VAWC, at MAC Meeting, Idinaos
Sa pinagsanib na pagpupulong ng LCPC,
LCAT-VAWC, at Municipal Advisory Council noong October 19, muling pinalakas ang
mga programa at serbisyong nagtataguyod sa kapakanan ng mga bata at pamilyang
nangangailangan. Tinalakay rito ang mga aktibidad para sa 34th National
Children’s Month, mga accomplishment report ng PNP kaugnay ng violence against
women and children, at mga update sa 4Ps at Sustainable Livelihood Program.
- Social Services (MSWDO, MAC)
Municipal Treasury
at Assessor’s Office, Dumalo sa REGATA Conference
Dumalo ang Acting
Municipal Treasurer, OIC Municipal Assessor, at piling kawani sa 3rd Quarter
Regional Conference of Provincial, City, and Municipal Treasurers and Assessors
of Region I na ginanap noong Setyembre 29 hanggang Oktubre 2 sa Subic Bay Freeport
Zone. Ang kumperensya ay isinagawa ng Department of Finance - Bureau of Local
Government Finance Regional Office I (DOF-BLGF RO I) sa pakikipagtulungan ng
Regional Association of Treasurers and Assessors of Region I (REGATA) upang
mapalawak ang kaalaman at kakayahan ng mga local treasurers at assessors sa
pananalapi, pamamahala ng ari-arian, at pangongolekta ng lokal na kita,
alinsunod sa temang “Strengthening Transparency and Accountability in Local
Treasury and Assessment Operations.”
Tatlong Wheelchair,
Hatid-Ginhawa sa mga Bayambangueño
Tatlong Bayambangueño na may mobility
limitation mula sa Brgy. San Vicente, Tamaro, at Buenlag 2nd ang tumanggap ng
libreng wheelchair mula kay Mayor Niña upang makatulong sa kanilang
pang-araw-araw na pamumuhay.
Dahil dito, mas ligtas at madali nilang
nagagawa ang paglabas ng bahay at pakikibahagi sa mga simpleng gawain kasama
ang kanilang pamilya. Nagpaabot
naman ng pasasalamat ang mga residente at kanilang mga pamilya.
Camacho Family and Friends, May Feeding
at Gift-Giving Activity Muli
Muling nagsagawa ng feeding program
at gift-giving activity sina Mr. and Mrs. Oscar Camacho at kanilang mga
kamag-anak at kaibigan noong October 12, para sa mga mag-aaral ng Bical
Elementary School at San Gabriel-Iton Elementary School. Gamit ang pondong
nalilikom sa America, sila ay nagbahagi ng mga pagkain, school supplies, bigas,
at groceries sa mga kababayan, katuwang si Councilor Raymond Camacho.
KSB Year 9,
Nagpatuloy sa Alinggan
Ang
Komprehensibong Serbisyo sa Bayan Year 9 ay nagpatuloy sa Alinggan-Banaban
Elementary School upang hatiran ng serbisyo ang mga barangay ng Alinggan at
Banaban. Ang mga residente ay nag-avail ng iba't ibang libreng medical at
dental services, bakuna sa hayop, seeds at seedlings, at marami pang iba. Sila
rin ay nakapag-uwi ng iba’t ibang handog na surpresa mula kay Mayor Niña
kabilang ang spaghetti packs, fresh, milk at pa-raffle na bigas.
Ikalawang
Bugso ng UPLIFT, Naghatid ng Tulong sa mga Benepisyaryo
Mula October
13 to 15, isinagawa ang isang payout para sa Unified Package for Livelihoods,
Industry, Food, and Transport (UPLIFT) program, na naglalayong makatulong sa
3,387 kwalipikadong benepisyaryo. Batay sa DSWD, ang mga benepisyaryo ay
tinukoy mula sa opisyal na listahan ng pambansang tanggapan gamit ang datos ng
2024 Community-Based Monitoring System upang matukoy ang mga pamilyang
mahihirap at malapit sa poverty threshold.
OSCA, Nakilahok sa Elderly Filipino Week
Nakilahok ang Office of Senior Citizen Affairs ng Bayambang sa
pagbubukas ng Elderly Filipino Week Celebration 2026 sa Stadia, Dagupan City,
kasama ang mga lider at kinatawan ng mga senior citizens’ organizations mula sa
bayan. Pinangunahan ni OSCA Chairman Benigno de Vera ang delegasyon, kasama ang
mga lider ng FSCAB at mga pangulo at kinatawan ng iba’t ibang Barangay Senior
Citizens Associations. Tampok sa pagdiriwang ang mga mensahe hinggil sa
pagkilala, karapatan, dignidad at kapakanan ng mga nakatatanda.
Kabataan at Senior Citizens, Nag-bonding
sa Board Games Battle
Naging masaya at makabuluhan ang Board
Games Battle ng mga kabataan at senior citizens bilang bahagi ng pagdiriwang ng
Elderly Filipino Week 2026 at Linggo ng Kabataan 2026. Sa chess at Scrabble,
nagtagisan sila sa talino at diskarte, na naging daan din sa bonding,
kuwentuhan, at palitan ng kaalaman at karanasan ng dalawang henerasyon. Nagwagi
sina Jesus Gangano at Kim Canilang sa Scrabble, at Marcelo Ambat at Agapito
Saulon sa chess.
Tumanggap ang mga nagwagi ng tig-isang
chess set at Scrabble set bilang gantimpala.
Elderly Filipino Week, Ipinagdiwang
“Mayroong halaga at karapatan, boses, at
ambag sa bayan ang mga nakatatandang Bayambangueño.”
Ito ang naging diwa ng pagdiriwang ng
Elderly Filipino Week noong October 8, na inorganisa ng OSCA at Federation of
Senior Citizens-Bayambang Chapter. Masayang nag-bonding ang mga senior citizen
sa iba’t ibang aktibidad, kabilang ang health talks, free check-up, sayawan,
fun and games, at paggawad kina Gng. Iluminada Mabanglo at G. Casemero Peralta
ng Distinguished Service Award.
Nagkaroon din ng awarding of cash grants
para sa mga centenarian.
Feeding at Gift-Giving, Inihatid ng
Camacho Family and Friends sa San Gabriel 2nd
Nagsagawa ang pamilya at mga kaibigan ni G.
Oscar Camacho ng taunang feeding program at gift-giving outreach activity para
sa mga batang Bayambangueño. Isinagawa ito sa Bical, Manambong Sur, at San
Gabriel 2nd Elementary School, gayundin sa Sitio Botut, Lagare, at Nalseban ng
Brgy. San Gabriel 2nd. Hatid nito ang pagkain, regalo, at saya sa mga
komunidad. Taun-taon itong isinasagawa ng pamilya bilang paraan ng pagbabahagi
sa mga bata at komunidad, lalo na sa mga nangangailangan.
Senior Citizens, Nakatanggap ng Rice
Assistance
A. Namahagi ang LGU ng tig-sampung kilong
bigas para sa mga kwalipikadong senior citizen noong October 19, sa ilalim ng limang-milyong
pisong programa na Local Government Support Fund – Financial Assistance to
Local Government Units ng pangulo. May kabuuang 100,000 kilo ng bigas ang
ipinamahagi para sa mga benepisyaryo sa 77 barangays. Alinsunod sa Sagip Saka
Act, direktang binili ang bigas mula sa mga accredited na kooperatiba at
asosasyon ng mga lokal na magsasaka.
B. Sinagot naman ng LGU ang gastos sa
paghahakot at distribusyon upang matiyak ang maayos na paghahatid ng nasabing
tulong.
- Civil Registry Services (LCR)
- Environmental Protection (MENRO, ESWMO)
Urban Barangays, Pinagtibay ang
Koordinasyon sa Solid Waste Management
Pinangunahan ng ESWMO ang isang
consultative meeting kasama ang mga pinuno at kinatawan ng 11 urban barangays
upang palakasin ang koordinasyon sa wastong pamamahala ng basura, kabilang ang
segregation at waste management information campaigns.
Tinalakay rin ang mga mungkahi ng mga
barangay. Inanunsyo naman ng ESWMO ang planong pagkilala at paggawad sa mga
best practices sa Solid Waste Management Summit sa susunod na taon.
Exotic Pet
Bird, Boluntaryong Isinuko
Boluntaryong
isinuko ang isang pares ng budgerigar o budgie sa mga Wildlife Enforcement
Officer ng ESWMO noong October 13 sa Brgy. Nalsian Sur, at pormal na
itinurn-over ang mga ito sa CENRO Dagupan kinabukasan. Ipinaalala ng MENRO na
saklaw ng Republic Act No. 9147 ang pangangalaga at pagmamay-ari ng exotic at
native na wildlife, kabilang ang mga kinakailangang permit at dokumento bago
mag-alaga ng mga ito.
- Youth Development (LYDO, SK)
GAD Training
at Leadership Seminar, Tampok sa Youth Summit 2026
Itinampok sa
Youth Summit 2026 na inorganisa ng LYDO at SK ang isang Gender and Development
(GAD) Training at Leadership Seminar noong October 16 sa Pook ni Urduja, upang
mapaunlad ang kaalaman sa GAD at kakayahan sa pamumuno ng mga kabataan.
Pinangunahan ng PPCLDO ang naturang Training, at ng National Youth
Commission-Baguio ang Leadership Seminar. Matagumpay na isinulong sa aktibidad
ang diwa na "Hindi kailangang maging lider para makilahok sa mga
programang pangkabataan."
Karapatan ng Kabataan, Itinampok sa
Legal Education Program
Isinagawa sa Bayambang ang kauna-unahang
Legal Education and Awareness Program on Juvenile Justice System noong October
7, sa pangunguna ng Municipal Legal Office. Tampok dito ang talakayan ni Deputy
Provincial Prosecutor Emmanuel Laforteza hinggil sa R.A. 10630 at Juvenile
Justice and Welfare Act. Dumalo rito ang mga Punong Barangay, SK Chairpersons,
school heads, at PTA presidents upang higit na maunawaan ang mga karapatan at
pangangailangan ng kabataan at mapalakas ang paggabay at proteksyon sa kanila.
Metrobank Foundation, Mental Health
Youth Hub PH, Bumisita
Nag-courtesy call kay Mayor Niña ang Metrobank Foundation Bayambang Branch at Mental Health Youth
Hub PH noong October 20. Dala
nila ang mungkahi na libreng mental health seminar para sa ating mga kabataan
sa darating na Nobyembre. Tinalakay rin ang mga
posibleng partnership at taunang aktibidad para sa mga susunod na taon.
- Peace and Order (BPSO, PNP, DILG)
BPSO at TFD, Nakipagpulong sa Royal Mall
at CSI
Nakipagpulong ang BPSO at Task Force
Disiplina sa pamunuan ng Royal Mall, Royal Supermarket, at CSI Bayambang upang
mapabuti ang pamamahala ng parking at daloy ng trapiko sa paligid ng kanilang
mga establisimyento.
Tinalakay ang parking discipline, pag-iwas
sa obstruction, at mga praktikal na hakbang para sa mas ligtas at maayos na
paggalaw ng mga sasakyan at pedestrian.
School Security, Pinaigting; Vendors,
Nabigyan ng Alternatibong Puwesto
Nakipagpulong kay Mayor Niña ang mga vendor
na malapit sa Bayambang Central School at sa pangatlong gate ng Bayambang
National High School upang talakayin ang epekto sa kanilang kabuhayan ng
pagsasara ng naturang gate bilang bahagi ng pinaigting na school security.
Bilang tugon, pinag-usapan ang pagbibigay
sa kanila ng alternatibong puwesto sa gilid ng lumang Bayambang Central School
upang maipagpatuloy ang kanilang paghahanapbuhay habang napapanatili ang
seguridad ng mga mag-aaral at school personnel.
AGRICULTURAL MODERNIZATION - (MAO)
Mga Punong Barangay, Pinulong ukol sa ASF
Noong October 1, ang lahat ng 77 na Punong Barangay ay dumalo sa isang
pulong upang talakayin ang mahalagang isyung kinakaharap ng mga kabarangay
kaugnay ng African swine fever (ASF) at mga naiulat na ilang kaso ng ASF na
nakumpirma kamakailan. Pinag-usapan dito ang kasalukuyang sitwasyon, mga
kinakailangang hakbang, at mga paraan upang makatulong at maprotektahan ang
ating mga kabarangay at kanilang kabuhayan.
Cooperative Month, Ipinagdiwang sa Isang Tiangge
Sale
Itinayo sa LGU grounds noong October 1 ang isang Agricultural Cooperatives
Tiangge bilang bahagi ng Cooperative Month Celebration 2026, na nagtatampok sa
ambag ng mga kooperatiba sa kabuhayan at kaunlaran ng Bayambang. Tampok sa
tiangge ang mga produktong gawa ng mga kooperatiba at farmers’ associations
gaya ng pigmented rice, rice coffee, itlog, fish cracker, lettuce chips, at
bagong pitas na gulay, na tinangkilik naman ng mga empleyado ng lokal na
pamahalaan bilang suporta sa kanilang mga produkto at pagsisikap.
Managos FAC,
Tumanggap ng Pondo para sa Fertilizer Facility
Pormal na tinanggap ng Managos Farmers
Agriculture Cooperative ang P150,000 funding intervention mula sa Agricultural
Training Institute ng Department of Agriculture para sa pagtatatag ng organic
at biological input production facility sa kanilang Learning Site for
Agriculture.
Gagamitin ang pasilidad sa paggawa ng
organic concoctions at pataba, gayundin bilang karagdagang learning facility
para sa mga magsasakang nais matuto ng organic farming technologies.
Organic Agriculture, Isinusulong
Muling isinusulong ng Agriculture Office
ang sustainable at organic farming sa bayan ng Bayambang sa pamamagitan ng
training sa paggawa ng organic foliar fertilizers noong October 8. Tinuruan
dito ang mga magsasaka na gumawa ng sariling organic farm inputs gamit ang mga
lokal at madaling makuhang materyales. Layunin nitong mabawasan ang gastusin sa
pagsasaka at maisulong ang mas ligtas at makakalikasang produksyon.
PhilRice,
Narito para sa Bagong Proyekto ukol sa Pigmented Rice
Nakipag-ugnayan
ang Philippine Rice Research Institute (PhilRice), kasama ang RiceBIS Bayambang
Agriculture Cooperative (RBAC), sa LGU para sa isang bagong proyektong
magpapalawak sa produksyon ng pigmented rice sa bayan. Layunin nitong mahikayat
ang mas maraming magsasaka na magtanim ng masustansiyang uri ng palay sa
pamamagitan ng teknikal na suporta, pagsasanay, at pagpapalaganap ng makabagong
pamamaraan ng pagsasaka.
₱20 Kada Kilo ng Bigas, Pormal nang Inilunsad sa Bayambang
Pormal na inilunsad sa Bayambang noong Oktubre 13 ang ₱20 Rice Program o
Benteng Bigas ng Pangulong Marcos, na tatagal hanggang Oktubre 15 upang
makapagbigay ng mas murang bigas sa mga kwalipikadong benepisyaryo. Kabilang sa
mga maaaring makinabang ang senior citizens, solo parents, PWDs, mahihirap na
pamilya, magsasaka, mangingisda, transport workers, minimum dwage earners, at
mga kawani ng DepEd, alinsunod sa itinakdang limitasyon ng alokasyon.
JOBS AND LIVELIHOOD FOR ALL
- Livelihood and Employment (PESO, BPRAT)
30 Katao, Tumanggap ng Sewing Machine
Tatlumpung benepisyaryo mula sa
marginalized sector ang tumanggap ng sewing machines sa ilalim ng
PESO-Bayambang Livelihood Program, upang magkaroon ng dagdag na oportunidad sa
kabuhayan.
Mga graduate sila ng 45-araw na TESDA
training sa rag-making at basic sewing machine repair. Ang livelihood
assistance at mga natutuhang kasanayan ay inaasahang makatutulong sa kanilang
sariling pagkakakitaan.
- Economic Development (SEE)
Bayambang,
Most Business-Friendly Municipality Level 1 ng Bansa!
Isang
makasaysayang pagkapanalo ang natamo ng Bayambang, matapos itong kilalanin sa
kauna-unahang pagkakataon bilang kampeon sa 2026 Most Business-Friendly LGU
Awards – Municipality Level 1 Category ng Philippine Chamber of Commerce and
Industry (PCCI). Ang prestihiyosong pagkilala ay tinanggap nina Mayor Niña at
SATOM, Dr. Cezar Quiambao sa Manila Hotel. Nanaig ang bayan sa apat na iba pang
finalist mula sa La Union, Rizal, at Bulacan dahil sa pagsusulong ng mahusay na
serbisyo publiko, modernisasyon, at pagpapadali ng pagnenegosyo.
- Cooperative Development (MCDO)
Financial
Literacy at Cooperative Education, Isinagawa
Nagsagawa ang
Municipal Cooperative Development Office ng information-education campaign
tungkol sa financial literacy at ang mga pangunahing prinsipyo ng pagiging ng
isang kooperatiba sa Moises B. Rebamontan National High School sa Brgy.
Carungay noong October 16. Tinalakay sa mga mag-aaral ang wastong paghawak ng
pera, pag-iimpok, pagbabadyet, at kahalagahan ng pagtutulungan sa pagtatatag ng
isang kooperatiba.
- Tourism, Culture, and Arts (MTICAO)
Pagdiriwang ng Tourism Month, Matagumpay
3. Pagdiriwang ng Tourism Month, Matagumpay
A. Bilang tampok na bahagi ng culminating activity ng Tourism Month 2026 noong September 28, opisyal na inilunsad ang coffee table book na “Million Reasons Why Bayambang Is the Place Where the Best Things Happen,” kung saan tampok ang mga kuwento, tanawin, kultura, tradisyon, pagkain, personalidad, at mga natatanging tagumpay na bumubuo sa pagkakakilanlan ng Bayambang.
B. Kasabay nito, tinanggap ng MTICAO ang Certificate of Compliance mula sa National Commission for Culture and the Arts (NCCA) para sa compliant at acceptable Local Cultural Inventory ng Bayambang para sa taong 2025.
C. Kinilala naman ang mga nagwagi sa iba’t ibang paligsahan bilang bahagi ng nasabing pagdiriwang, kabilang ang Pangasinan Poetry Contest, Quiz Bee Contest, at Painting Contest.
LGU,
Suportado ang Inisyatibang Ideklara ang PSU-Bayambang bilang Heritage Zone
Sinuportahan
ng LGU-Bayambang ang panukalang ideklara ang Pangasinan State University
(PSU)–Bayambang Campus bilang isang heritage zone upang mapangalagaan ang
makasaysayang gusali at mga pamanang pang-edukasyon nito. Sa public hearing
noong October 20, nagkaisa ang mga kinatawan ng LGU, PSU, at Bayambang Retirees
Association na isulong ang pagkilala sa mahalagang ambag ng dating Bayambang
Normal School sa kasaysayan ng edukasyon sa Pilipinas.
- Infrastructure Development (Engineering: Infra,
Housing, Transport, Utilities, etc.)
Limang Proyektong Pinondohan ng
LandBank, Sumailalim sa Assessment
Limang proyektong pinondohan ng LandBank sa
Bayambang ang sumailalim sa Environmental and Social Assessment o ESA, kabilang
ang walong warehouses, Central Terminal, RHU, Public Market Extension, at Cold
Storage Facility. Isinagawa ang assessment noong October 8 sa pakikipagtulungan
ng mga kaukulang tanggapan ng LGU upang masuri ang mga aspetong pangkapaligiran
at panlipunan ng mga proyekto.
Matagumpay na natapos ang assessment, at
lahat ng designated Pollution Control Officers ng LGU ay naiulat na accredited
na ng DENR-EMB.
LGU, Kumikilos
sa Pagtugon sa Pagbaha
Noong October 21,
nagsagawa ang LGU ng pagpupulong kasama ang Asyana Construction Consultancy and
Trading upang talakayin ang mga paunang natuklasan sa isinagawang Flood Study
of Bayambang, kabilang ang kondisyon ng mga kanal, irigasyon, at iba pang daluyan
ng tubig sa ilang bahagi ng bayan. Gagamitin ang mga ito sa hydrological
analysis at flood modeling upang matukoy ang mga angkop na rekomendasyon at
posibleng proyektong makatutulong sa pagresolba sa suliranin sa pagbaha.
Update sa Konstruksyon ng BPC Academic
Building
Samantala, patuloy ang pagsasakatuparan ng
pangarap na magkaroon ng moderno at sariling kampus ang Bayambang Polytechnic
College sa Barangay Bical Norte sa pamamagitan ng pagtatayo ng 4-storey
Academic Building na may 32 na silid-aralan. Ang proyektong ito ay isang
kongkretong patunay ng walang-sawang dedikasyon at matibay na commitment ni Mayor
Niña sa kanyang adbokasiyang “Edukasyon para
sa Lahat.”
DILG-Pangasinan, Nagmonitor ng mga
Proyekto sa Bayambang
Nagsagawa ang DILG-Pangasinan ng project
monitoring sa LGU noong October 7, bilang bahagi ng pagsusuri sa mga proyektong
pinondohan ng ahensya sa ilalim ng Local Government Support Fund–Financial
Assistance to LGUs at Seal of Good Local Governance Incentive Fund.
Kabilang sa mga sinuri ang konstruksyon ng
Teen Hub, pagbili ng ambulansya, at Assistance to Indigent Individuals or
Families, gayundin ang mga kinakailangang dokumento at iba pang bagay na
kailangang subaybayan ng ahensya.
DISASTER RESILIENCE - (MDRRMO)
MDRRMC,
Nagpulong ukol sa Super El Niño at Undas
Noong October
17, ginanap ang pulong ng Municipal Disaster Risk Reduction and Management
Council para sa ikaapat na quarter. Kabilang sa mga tinalakay ang ating
kahandaan sa paparating na Super El Niño, mga preparasyon para sa paggunita ng
Undas 2026, proyektong urban gardening, at massive clearing, pruning, trimming,
at declogging project sa lahat ng barangay.
DRRM Course para sa Public Servants,
Muling Nagpatuloy
Muling nagsagawa ang MDRRMO ng tatlong araw
na Disaster Risk Reduction and Management Course for Public Sector mula October
19 to 21 sa Wawa Evacuation Center. Dinaluhan ito ng mga kawani ng munisipyo,
opisyal ng barangay, at punong-guro upang palakasin ang kanilang kakayahan sa
paghahanda, pagtugon, at pagbangon mula sa mga sakuna. Naging resource speaker ang
mga opisyal ng OCD, PAG-ASA, DENR, BFP, at Philippine Red Cross.
HONEST & EFFICIENT PUBLIC SERVANTS
Mayor Niña, Pinangunahan ang Pledge
of Commitment ng mga Kawani
Pinangunahan ni Mayor Niña ang pledge
of commitment ng mga kawani ng LGU noong October 12, sa pamamagitan ng paglagda
sa Lingkod Bayani Commitment Wall bilang bahagi ng pagdiriwang ng 126th
Philippine Civil Service Anniversary. Alinsunod sa CSC Memorandum Circular No.
8, series of 2026, muling pinagtibay dito ang pangako ng mga kawani sa tapat,
mahusay, at responsableng serbisyo publiko.
Sectoral
Meeting ukol sa BPRP, Tinukoy ang mga Prayoridad na Hakbang
Muling
nagsagawa noong Oktubre 12 to 14 ang Bayambang Poverty Reduction Action Team ng
isang serye ng sectoral meeting upang repasuhin ang progreso ng mga programa,
proyekto, at aktibidad sa ilalim ng Bayambang Poverty Reduction Plan (BPRP)
para sa ikatlong kwarter. Tinalakay ng iba’t ibang sektor ang mga nagawa,
hamon, at rekomendasyon para higit pang mapahusay ang pagpapatupad ng mga
naturang PPAs. Bahagi ito ng patuloy na pagsusulong ng Rebolusyon Laban sa
Kahirapan tungo sa mas epektibong serbisyo at mas maayos na kalagayan ng mga
Bayambangueño.
Sectoral Meeting para sa BPRP,
Nagpatuloy
Nagsagawa ng ikatlong quarterly meeting ang
Environmental Protection, Disaster Resiliency, at Agricultural Modernization
Sectors upang suriin ang mga accomplishment at antas ng implementasyon ng mga
programa sa ilalim ng Bayambang Poverty Reduction Plan o BPRP para sa ikatlong
quarter ng taon. Binigyang-diin ang napapanahong pagsasakatuparan ng mga
nakaplanong aktibidad at pagtutulungan ng mga sektor upang makamit ang mga
itinakdang target.
- Planning and Development (MPDO)
- Legal Services (MLO)
- ICT Services (ICTO)
Cybersecurity Awareness Seminar,
Isinagawa
Isinagawa noong October 5 ang isang
Cybersecurity Awareness Seminar para sa mga personnel ng LGU sa pangunguna ng
ICT Office.
Dito ay pinalakas ang kaalaman ng mga
kawani tungkol sa cybersecurity at itinaguyod ang wastong pangangalaga sa
government information at digital resources.
- Human Resource Management (HRMO)
LGU Heads, Sumabak sa Adaptive at
Resilient Leadership Seminar
Nagsagawa ang HRMO ng seminar na “Adaptive
and Resilient Leadership in Public Service” noong October 20, upang palakasin
ang kakayahan ng mga pinuno sa pagharap sa mga pagbabago sa pamahalaan.
Tinalakay ni CSC Field Office Western Pangasinan Director Rainier Repollo ang
mga praktikal na estratehiya sa pamumuno, pamamahala sa pagbabago, at
pagpapanatili ng mahusay na pagganap sa trabaho.
- Transparency/Public Information (PIO)
- Property Custodial Services (GSO, Motorpool)
AWARDS AND RECOGNITIONS
Dalawang Kooperatiba, Pinarangalan sa
P.A.C.E. 2026
Kinilala ang
BAMACADA Transport Cooperative at Managos Farmers Agricultural Cooperative
(MFAC) sa kauna-unahang Pangasinan Awards for Cooperative Excellence (PACE)
2026 na ginanap sa Lingayen noong Oktubre 13. Tumanggap ang BAMACADA ng
Outstanding Service Cooperative Award para sa maaasahang serbisyong
pangtransportasyon, habang pinagkalooban naman ang MFAC ng Certificate of
Commendation bilang pagkilala sa dedikasyon at pakikilahok nito sa programa.
Bayambang, May 100% Barangay
Participation sa KALINISAN Program
Sa ulat ng DILG, naitala ng Bayambang ang
100% barangay participation sa KALINISAN Program o Kalinga at Inisyatiba para
sa Malinis na Bayan noong September 6 hanggang October 3, kaya kabilang ito sa
18 LGUs sa Pangasinan na nakakamit ng naturang resulta. Layunin ng programa na
palakasin ang pakikilahok ng mga komunidad sa pagpapanatili ng kalinisan at
kaayusan sa mga barangay.
Budget at Treasury Office, Binigyan ng Komendasyon!
Ang Bureau of Local Government Finance
(BLGF) ay nagbigay ng commendation sa Municipal Budget Office at Treasury
Office matapos makitang compliant ang mga ito sa pagsumite ng Statement of
Receipts and Expenditure Reports para sa 3rd quarter ng Financial
Year 2026.
